Hungry Korean (渣甸中心)

Open Now

Now Closed

I ordered two things. A spicy chicken which includes stir-fried cabbage,carrots and tender chicken laid on a hot, sizzling plate accompanied by a bowl of warm rice. Another is a tuna roll. Quiet frankly, I ordered this because while deciding what to eat, I eavesdropped from other diners that this and the beef flavors are their best rolls. I have eaten Korean food who came from the source. It was from a couple who came dir ectly from Korea and opened a family restaurant in Canada. Their foods wer

今日來了Hungry Korean 食下午茶餐，2:30後有得食啦。叫了一個甜鷄肉鐵板餐，份量十足，菜和肉的比例很好；一個海鮮豆腐湯，美味鮮甜，豆腐軟滑，很適合送飯，有蝦及青口啊！而另加$7 可配埋飲品添

hungry korean出名都抵又大分啦，平時去都係叫石窩拌飯，今次就左個泡菜豬肉豆腐飯，份量都極大，見到個飯份量就知，滿滿的一碗，泡菜炒豬肉大家應該都食過啦，這間既豬肉會偏甜，配kimchi食剛剛好，豆腐就略嫌它偏油了一點，但整體都食得好滿足

嘢食基本上係平靚正樣樣嘢都有水準! 嘢飲真係貴到嗌唔落! 就算嗌咗, 記得叫佢哋少冰! 上次叫咗杯特飲三四啖之後就成杯都係冰,＄18咁就冇咗! 之後再去叫個侍應少冰, 雖然食咗佢少少面色但係起碼我有返杯正常份量嘅嘢飲下!

一個人行街行到肚餓時見到有間韓國快餐就走入去醫吓肚先! 呢間餐廳人流都算唔錯, 有外國客人亦有本地客! 服務員也不像韓國人, 服務及上菜速度亦算有效率!今餐我就點了個甜雞肉同我最愛嘅凍麥芽發酵米茶雞肉夠滑嫩同夠入味, 但就稍嫌個汁有啲過甜! 啲菜都夠晒爽脆! 配埋個飯食個味道就啱啱好, 只食雞肉或菜就過甜, 連食幾口剩餸會有啲漏嘅感覺! 佢哋嘅白飯唔似係韓國米, 亦欠缺米香, 不過呢個價錢都算係咁!不過好彩我最愛嘅凍麥芽發酵米茶沒有令我失望, 飲落都有濃郁嘅麥芽香味, 總算唔算!

係r小姐返新工前出黎聚一聚r小姐想食韓國菜, search出黎係得一兩間係銅鑼灣, 因為5年前食過尖沙咀分店, 所以今次食銅鑼灣分店應該唔會太差下午茶時間仲有30分鐘, 去附近行下等下就夠鐘lu 餐廳佈置似快餐店, 而今日比較多內地旅客係店內揀左韓國拉麵 辣味 有飲品跟我叫左小辣, 但食落一d都唔辣 係得個紅字麵係唔錯既, 幾彈口, 但配料只有魚片, 而魚片又唔好食, 仲有十分少量既牛肉碎對呢個餐有d失望, 下次試下食其他野先埋單時r小姐發現唔見左八達通, 9成9係店內消失左,我地搵極都搵唔到, 惟有留電話叫店員搵到就打俾佢喇, 而店員十分怕事, 話你地都搵過搵唔到, 唔見左唔關佢地事.... 我明既, 但都想買個希望姐, haha

服務態度差 一入到黎 無人理 剩係見到服務員 掛住傾計 見到都唔會招呼你 歡迎光臨都唔會講服務客人個陣仍然玩電話  離譜！樓面得一個人  又無禮貌 一啲笑容都無 點餐個陣 見到客人有需要個陣都唔理人 等左幾分鐘先行過黎 野飲到左但係唔比飲管 之後叫佢攞飲管 我仲要等佢覆完電話 玩完電話先攞黎 有無搞錯！仲要唔抹檯

由於店鋪比較細，所以店員會要求客人平排坐以方便出入，唔好期望會坐得舒服，真係好逼，坐後小小都會整到後面果個人！不過今次我抱住食味道既心態來，唔食環境住。呢間韓國快餐算係咁！香港地好難搵到好似佢咁又好食價錢又實惠既韓菜。吞拿魚紫菜包飯（$36）第一次食吞拿魚味，估唔到有驚喜，吞拿魚唔會腥，同其他配料味道好夾。一啖一舊岩岩好辣炒雞肉（$52）雞肉炒得好香，菜炒到好爽口，成碟都好野味，份量又岩岩好，送飯一流！

友人突然話想食韓式粉絲, 我心諗: "邊到無啦啦可以搵到韓式粉絲比你食呀??"依家韓式炸雞開到成行成市, 反而韓式粉絲就好少聽....唯有去返學生時代成日去O既"hungry korean".  貪佢夠抵食我就嗌左個石頭飯, 石頭飯外表都幾吸引, 有蛋有菜有石頭, 加埋D 汁, 撈下撈.....食落都係D 汁O既味, 有D 飯蕉咁,,,,,合格!入到韓式小食店必叫O既韓式紫菜卷同埋炸雞炸雞個醬偏甜...幾O岩我口味最後主角出現了, 韓式粉絲!食落....果然又係偏甜..果然想像同現實係有D 距離, 友人由於太耐冇食, EXPECT D 粉絲係咸,食落竟然係甜的.....!!! 最後佢食左一啖就比哂我食2個人食左四樣野,每人都唔使一舊, 幾抵食

今次食咗個牛肉石鍋飯同辣年糕，年糕入面仲有d魚糕，小辣，食完都啱啱好夠飽，而牛肉石鍋飯一定要加醬一齊食，如果唔係會冇咩味，整體黎講，呢個價錢再加呢個質素都算物有所值。

有時去銅鑼灣行街，想快速食個午飯，都會黎呢間連鎖式韓式快餐店補充一下體力。呢間餐廳免收加一都算抵食，又幾好味，出餐都叫做快食過咁多次，整體感覺仍然好好今次叫左牛肉石鍋飯，加埋餐廳提供嘅韓色辣醬，熱辣辣又多餸，四十幾蚊都唔錯通常我都會加個Ban chan嘅set，至鍾意個洋蔥青瓜薯蓉（唔食洋蔥者慎入），魚餅我都好鍾意凍抹茶牛奶係加$10（散叫$15），我每次黎都會點因爲我本身唔鍾意太濃太苦嘅抹茶味，呢個係好香奶味加輕輕嘅抹茶味，好啱我之前同朋友黎，都會點韓式壽司，雖然紫菜係林的，但配料味道唔錯，個人喜歡牛肉或吞拿魚之前亦叫過牛肉漢堡包，雖然$39係貴左少少，但個包好多牛肉又夠熱，牛肉汁亦夠多好好味，加埋少少沙律醬真係好滿足架

番工ot到太夜又想食韓國野但係十點幾大部分既鋪頭已經closed---------牛肉紫菜卷$36開到夜 牛肉唔好食錫紙包住 但入面係凍既上網睇話鍚紙唔放得入微波爐叮 唯有就咁食--魷魚賣晒冬天仲要食凍既個牛肉好乾 個卷又無乜汁整體黎講 好似食緊普通既青瓜蘿蔔紫菜卷建議: 唔好揀牛啦食其他

我唔知道係#韓國快餐 同平時餐廳價錢無分別，定係呢間太唔值，快餐黎講真係又貴又唔好味！個員工無招呼、無禮貌，我都唔介意，聽唔到佢講乜都唔係最大問題，快餐店你想要求啲乜？可能呢道熟客比較多，我哋見佢無諗過幫我哋落單，又有人出左去俾錢坐返係位，出到去另外個同事先話係埋檯落單，都唔緊要。#炒粉絲 個味係ok既，但每人得三啖，個份量少同呢...個#紫菜卷 真係無要求咁飽肚就算，但我建議食便利店既紫菜卷好食好好好多！價錢平一半。啲野食黎曬，食到一半杯野都未黎，吹完唔使一分鐘就黎。坐又坐得迫，我唔會再去！#hungrykorea

因為趕時間要去大球場，所以去到銅鑼灣只好求求其其揾間餐廳去食。銅鑼灣呢條街最多小店，偏偏今日又唔想食喎，最後就揀左食hungry korean啦😬以前去食過尖沙咀個間，覺得冇咩咁特別，今次就試左個泡菜味紫菜包飯。佢係一早包好唔同味道既包飯，所以如果趕時間可以揀佢，好快上到菜。入面已經切開左一舊舊，方便夾，但係份量就唔夠，可能因為太餓，所以我食完成條都未夠飽，不過朋友同我食一樣既野，佢就啱啱好啦😂入面除左泡菜，仲有肉同埋有舊瓜，都幾好食，不過有少少辣😬

行行下街想食韓國水冷面，但搵黎搵去都要去貴價韓國料理餐廳先有得食，正打算放棄之際，行過渣甸街個邊又俾我地見到有水冷面，咁就梗係入去食啦。其實呢間野成日都見到，行過無數咁多次，但次次都唔知點解無入去睇，又唔知有咩食，估唔到今次入去睇完發現唔貴，而且味道同質素都OKAY，性價比又幾高喎。呢間餐廳比較貼地，所以食物睇落都係比較簡單直接，好似之前去首爾旅行個時食個D小店咁，紫菜包飯一早整好，用錫紙包住，餡料就有牛肉、青瓜、醃蘿蔔等，味道都幾地道。左邊係鐵板牛肉豆腐，感覺有少少油膩，有層油係鐵板底，睇落有少少不安，入口都覺得油左少少，不過牛肉味道唔錯，份量多又唔會炒到好老；水冷面都唔錯，有韓國的感覺，湯底夠凍、麵條夠咬口，老公表示大滿意，下次會再黎食。