Hungry Korean (渣甸中心)

Open Now

Now Closed

6點左右決定食晚飯, 因為早午餐只在家中吃了通心粉~好多醫生都話早食對身體好, 好吧! 對自己好一晚.... XDDD係銅鑼灣一路行一路諗唔到食乜,唔想食太飽. 放題唔會諗唔想食太貴, 所以去渣甸街睇下有咩好食呢間餐廳外表睇落好簡陋, 但因為我曾經試過LUNCH,印象中對它留有不錯的印象,決定帶埋我男人一齊入去食好西~他的牛魔王, 見到牛小排已經決定好怕他不夠飽, 點多個炸雞我問店員有咩好介紹, 他說他平常會點泡菜豬頸肉/泡菜XXXOH... 我唔想食泡菜XXXX點了韓式炸醬麵很久之前在尖沙咀某間韓國餐廳試過, 感覺十分不良好但因為最近經常煲韓劇, 睇到真係好多人食炸醬麵就等同於港人食合味道決定俾多次機會佢.. 兼自己 另外見到有前菜, 一SET 三款, $15見唔係好貴就點埋 (因為我杯野飲都要+$18)牛小排配菜有年糕, 口感非常好不過整體比較乾身前菜魚餅/泡菜/薯仔沙律好好食, 尤其個沙律泡菜唔係特別辣, 好怕得個辣字,所以好好炸醬麵點解個感覺可以咁唔同?我記得上次食個麵, 食咗頭兩啖我就唔食,推咗俾我個EX 食講唔出個味. 帶有少少甜, 但唔係砂糖果D甜,麵身又有咬口, 好食!

一班朋友出外食飯都可以食平野, 一人約一百蚊落樓既選擇唔一定茶記, 如果食韓國菜黎講此店算平價平時經過此店都是大排長龍, 當晚晚飯時間已過, 唔洗排隊就有位.泡菜煎餅, 望落去就見到有好多泡菜, 食落去仲有口感, 少少辣, 不過價格比其他食物偏貴鐵板套餐好大碟, 韓式牛肉配上大量蔬菜一齊煮, 唔會太溜, 味道甜甜地唔辣水冷麵, 有碎冰壁底, 冷麵好幼細但口感好煙靭, 雖然配料不多, 但冰冷既天氣食好過癮, 份量都好足韓國壽司有6款配料可選, 最好食是魷魚,不過美中不足是壽司不是即叫即包辣年糕好多醬汁, 每件年糕都吸晒辣醬汁, 配埋魚餅同雞蛋, 整到菜唔會太單調雞肉石頭鍋飯熱辣辣, 材料好足,配埋韓式辣醬一齊食, 加$15 配三款小食, 泡菜/魚餅/薯仔總括呢個價錢食到韓國菜, 抵

老婆同我黎過好幾次，越食越差，今次差到唔評論呢對唔住自己。我哋叫咗一個牛肉石頭碢飯同韓國辣麵。食物好快上到，牛肉石頭鍋飯有兩條牛肉絲，而對比個Menu過飯個份量一半都冇。我都明白香港係有通貨膨脹，但係呢幾年嘅通貨膨脹邊有100%？如果係好食，份量少都算啦，點知都係失望。到個韓國麵啦，整個麵有一個麵餅同埋幾條椰菜，而個湯雖然都係橙紅色但係冇辣味嘅而且有鹼水味添。重有嗰個麵完全唔係我食開嘅韓國麵。以後喺銅鑼灣要食韓國快餐我寧願去希慎都唔會再黎呢間餐廳。

記得在韓國下著雪，肚又餓，急急走進一家小店來個石頭窩飯，好不滿足。今晚天寒地凍，剛從大陸回來，就跑進這家小店，來過石煱牛肉飯：外表還有點像，但內函完全冇韓feel!熱人参茶: 全無一點人參味，又冇茶味，吾知想點，最後失望而回！

The potato salad went stale ! And it's not even the first time I got stale potat salad.... The quality of the salad didn't improved even after many complaints .... So disappointed....

又趁轉車時間到Hungry Korean買外賣，上次牛肉飯卷和薯仔沙律都賣光了，今次晚了來反而買得到～牛肉飯卷 $34 終於買到，反而沒豬肉那麼好吃，肉汁不夠香，牛肉味不夠濃，幸好有豐富配料包括醃青瓜、蘿蔔和雞蛋等補救；拌了麻油的飯略油但香味四溢。薯仔沙律 加配$6 好久沒吃這裡的薯仔沙律，果然沒令我失望，非常好吃！口感綿滑，薯香十足，唯洋蔥略多。除了食物質素，值得一讚還有外賣自取的效率，在繁忙的晚餐時段不消一分鐘已經拿到。

今日係強國做完野, 冇人陪我食飯, 最後都係要自己一個人去左CWB既hungry korean 度食返個spicy seafood soup, 好肚餓不過冇胃口, 等一個人真係等到好悶。講返個湯, D 海鮮就中規中舉, 勝在夠多同多種類, 唔太spicy, 同白飯一齊食就最夾啦。我都鐘意佢夠熱, 岩岩好唔會太咸, 下次黎食呢個最好同朋友一齊SHARE因為份量都比較大。提一提, CWB分店好岩一個人食飯, 因為佢地有自私食既BAR台, 好乾淨, 坐得都算舒服。

難得男朋友肯同我食韓國野，經過搵食就食呢間喇。叫左3款食物，第一樣石鍋飯。個飯本身冇乜味，落左4次辣醬先有啲韓國味道，不過每個叫石鍋飯既客人都會有支細細支既辣醬住落，唔使怕唔夠味配菜唔多，一個女仔岩岩好。石鍋夠熱，整到飯焦第二樣鐵板辣雞飯。完全冇辣味，得個甜字第三樣squid sushi，估唔到為最好食，3十幾蚊，算抵食，夠哂重口味。hungry korean行平民路線，勝在平民價錢，如果加配飲料/前菜(+$10)平啲就更加好喇

hungry korean係我其中一間最鍾意嘅韓國餐廳,雖然佢嘅模式系似快餐店,但是食物嘅質素非常之高加上價錢都非常親民下午茶嘅時候仲特別平添。雖然今次係食晚飯,但係都非常抵食架今次叫左三樣食物第一樣就係甜雞配飯,依一個人水真係冇得輸，雜菜菜非常之多，但係甜雞嘅份量都有好多其實一個人食完呢一個返到已經好飽但係因為今次係幾個人share食所以都可以試其他款式嘅食物。第二樣點嘅食物就係韓式拌飯bibimbap,真係要讚下一個飯,因為睇落好似好乾身咁,但係食落其實都幾有口感同埋唔會好乾。今次揀咗嘅配菜都係雞,而且份量都幾大所以覺得都好抵食,另外仲叫多咗一個韓式壽司最後要講嘅就係韓式年糕,如果食唔到辣嘅朋友就真係冇叫啦因為以一個年糕醬都真係幾叻嘅但係如果鍾意食辣嘅朋友應該要試下,因為我覺得都幾特別.

平日晚上 兩個人 七時多到不用等位泡菜豆腐湯飯韓式豬肉紫菜飯卷鐵板雞肉定食這間的紫菜飯卷很正宗 用料勁足內有紅蘿蔔 醃蘿蔔 菠菜 蛋卷大愛這間的紫菜飯卷泡菜豆腐湯飯其實內裡有一隻青口和蝦 不算很辣伴飯吃很美味

想食韓國野，又唔想排長龍或者傷荷包，揀Hungry Korean就岩晒餐牌：有壽司、鐵板、湯、小菜、拼盤等等！是日揀左「鐵板甜豬肉配白飯」$50，然後再加杯凍抹茶牛奶（加$10）估唔到快餐店都煮到估鐵板豬咁有鑊氣！好多料好有份量～雞肉好滑但食得出有雪藏味，有好入味嘅椰菜，仲有洋蔥、紅蘿蔔、白芝麻！好惹味送飯一流而飲品都唔錯，味道偏淡，但可減低鐵板豬嘅油膩感，還好～

(沙田分店)早几日食都几好 服務都唔差 今日晏就去食 野食份量又少左 時間又耐 等勁耐都唔出野食 想要一杯熱水又冇 好似逼人買野飲咁 有冇搞錯丫 新開都唔係越黎越差丫？地下又多垃圾 又冇人掃

吸取上次蒸完腳爆肚餓經驗 今次直接買去邊食邊蒸!!!!!!!!是日去了CWB的 Hungry Korean外賣等超耐買左壽司卷:選擇了至愛的芝士 YUMMY半溶的芝士夾在紫菜, 涼涼的飯粒, 甜甜的蛋, 脆脆的瓜中間好味道!!!韓式冷麵：因為是外賣的關係 冷麵汁跟冷麵是分開的 但味道總覺得不及堂食/ 韓國本土的味道！！冷麵麵條也沒有那麼彈牙但整體是OK的

逢星期三晚我都會喺銅鑼灣上興趣班，六點幾上堂，放學差不多十點，上堂前食左少少野，放學緊係要食野填下肚啦！喺銅鑼灣好多舖頭都開到十一點幾十二點，想食韓國野，又想快快趣食餐，食Hungry Korean就最好不過！價錢唔貴，而且食物真係幾好食，CP值都幾高！本身想叫韓國壽司，但十點幾先到已經賣晒嚕，所以叫左其他。韓國餃子💰HKD32有餃子五隻，每一隻都新鮮熱辣脆卜卜！餃子唔會煎得太乾，雖然唔係話皮薄餡靚，個配上小辣嘅辣醬，不失為一個幾好嘅小食。鐵板辣豬肉配飯💰HKD50以HKD50黎講，呢個飯算係物超所值。個汁有少少辣，但唔會辣到食唔到，用黎送飯非常好。椰菜都幾爽脆，而豬肉份量都算幾多，雖然比較油膩，但係配飯食就唔會有呢個問題。加HKD10就有一杯野飲。甜辣雞翼💰HKD34嘩啲雞翼好細隻，而且得4隻，好唔扺。雖然佢話甜辣，但辣味比較重，比鐵板豬肉辣啲，雞翼外層有煎過，有少少脆身，但肉質一般，加上份量太少, size偏細，完全唔值。總結，銅鑼灣食野出名貴，但係呢到50-60蚊就有交易，質素都幾好（除左雞翼），想食快餐呢到都不失為一個好選擇。

參觀完Art Basel及閒逛誠品老久後，又是時候祭五臟廟了。由於不少樓上餐廳已過了last order時間，走著走著便抵達Hungry Korean。Hungry Korean 主打即叫即做（列明製作需時十五分鐘）的韓國快餐，如鐵板燒、石鍋飯及湯飯等。近門口的單向座位稍嫌淺窄。點了穩打穩札的牛肉石頭鍋，加$10要了玉竹茶。雖然是快餐，細節亦見心思。餐具是傳統的不透鋼料。餐紙亦簡單介紹了韓國的飲食文化和有趣事實。辣醬一人配給一支不用爭。 相信愛吃Bibimbap的朋友都跟我一樣，享受把豐富材料混合的一瞬間！白飯很快便被蛋黃、蛋白、薄切牛肉，茄子、青茶、蘿蔔絲、香菇、豆芽、粟米、芝麻及辣醬添上色、香、味！一整鍋熱騰騰的，天氣冷時最適合不過！ 開始時飯未夠熱，幸好石鍋的高溫足以傳給米飯。焦脆的蛋白十分美味。鍋底的飯焦不比煲仔飯的差呢。一口接一囗吃不停，很快便見底。是近年少見吃清光的快餐。玉竹茶是用茶包泡的，香氣獨特，比喝罐裝果汁更自然。在Hungry Korean, 我見識到樸實和美味可以並存。$55竟有如此質素，令第一次接觸此店的我留下好印象