Hungry Korean (亞士厘道)

Open Now

Now Closed

上左OPENRICE睇下有咩韓國野好食,一個人去度咩都好想食,決定選擇两樣,見到好多人都話炒年糕好辣,我就好鍾意食辣野.可能我食得辣,所以覺得冇D食評講度咁誇張,果D豆腐皮確實好好味好入味,不過我略嫌年糕太腍.韓式壽司我選擇左牛肉(因為魷魚高胆固醇),呢個真係要比十個讚,好香麻油味,牛肉好有牛肉味,連波菜都好有波菜味,好足料,紫菜又唔會太油膩,因為試過其他韓國餐廳都冇呢度水準咁高,所以我會下次再經過都會再買.

又到尖沙咀見客, 等埋大人收工就響附近食晚飯.呢間韓式店我知出名, 見今晚唔算多人, 所以快D試下先.牛肉湯 ~ 牛肉煮到入晒味, 放埋落湯, 令到D湯都好好味. 下面仲有韓式粉絲做底, 加埋金菇, 無咁濟.韓國牛肉飯 ~ 牛肉炒得唔UN, 鐵板上夠熱, 而且香口.韓式壽司配芝士 ~ 飯卷料好足, D飯唔硬, 芝士淡淡地, 唔會搶左其他配料既味道.整體平平地幾好味, 而且份量夠足, 兩個人食到好飽.

每次到尖沙咀，一定視呢間為午餐或晚餐，別無他選！由一開業一直支持到今天，都係因為辣豬肉飯特別辣醬配上豬肉十分惹味，豬肉份量多之餘，亦有大量椰菜絲加少許切片紅蘿蔔炒作一堆，上面灑上芝麻，可以有助增加香味，椰菜都甜，整碟豬肉以鐵板形式上，一上抬，已經急不及待撈飯食，豬肉不肥，但辣味不弱，好快充斥整個口腔及喉嚨，但還是KO整碗飯呢個時候，飲啖雪碧降火，爽！

今日同個朋友去到尖沙咀，由於時間成晚上九點多鐘，在朋友介紹下，便去了這間店。當我記得上次週末晚上經過而十分長龍時，我正想是否真的咁好食，今次剛好不用等位，終於可一試。看見餐牌，選擇不算太多，而簡單套餐小食為主，我們點菜後好快便上菜了。我點了炒粉絲，加前菜和梅實茶炒粉絲不油膩，炒得爽口，配料有雞蛋，牛肉碎和蔬菜，十分正宗。前菜:泡菜十分好味，而薯蓉配洋蔥出奇地配合，15元有齊三個前菜，個人十分推介梅實茶：個人覺得太甜朋友點了辣豆腐海鮮湯，海鮮也不少，也夠香和辣，不過因為我在夏天太熱而未能點這菜……不過淺嘗後也不錯最緊要價錢合理，每人只需50多元就有好美味的韓食，值得推介。

個日咁岩愛麗絲生日 ，小新梗係幫佢諗好晒果日既行程啦。行程就真係好緊迫，所以午餐就梗係要又快又好食啦。所以，盲決定個日去 hungry korean 啦，心諗實沒死啦，愛麗絲又鍾意食韓國野，又唔貴 (真正原因:really 。不過，點知就真係衰左，愛麗絲話好好食，要慢慢食wor ，所以就食左好耐。去番重點先，我們點了一個石鍋飯和一碟韓式壽司一齊share，等了大約5分鐘，食物便上枱了。好彩個日人唔係好多，如果唔係都真係幾迫。椅同椅之間真係好近架，我地就梗係"無近不歡啦" ，不過其他人就未必啦，所以都係可以改善下既。 首先講下個雞肉石鍋飯先啦。石鍋飯有牛，雞，豬同魷魚四種比大家選擇。個飯就真係熱辣辣，加埋啲辣醬就仲yummy yummy la  。不過，記得要食之前整爆隻蛋先食呀，好食好多架。如果唔係好似愛麗絲咁俾人笑唔識食就唔好啦。 之後，就係個韓式壽司啦。小新就覺得中等啦，冇咩特別。愛麗絲就唔同啦，話好好食，仲差少少一個食晒tim。係咪真係咁好食，就大家自己黎試下啦，不過，啲材料就真係好新鮮既，絕對值得一試。

今日食呢間韓國野 間鋪座位有d少 所以都等左陣 不過d野食黎得好快 點左泡菜湯 韓式壽司 辣抄豬肉 同甜麥茶 泡菜湯辣辣地 好開胃 入面有好多料 洋蔥 紅蘿蔔絲 豆腐等等 呢個湯送飯啱哂 而韓式壽司就揀左魷魚配料 呢個壽司就比較普通 不過勝在魷魚幾爽口 食落有口感 細細舊 一啖一件啱啱好 另外果個辣炒豬肉都算好食 本身以為好辣 點知又唔係wo 其實味道偏甜 如果追求好辣感覺既朋友就應該唔啱食啦 不過我自己就幾中意d醬 調得啱啱好 最後要講既就係呢杯甜麥茶 夠凍 甜度適中 不過始終係甜野 就唔係好解渴啦 總話黎講 呢間野算好抵食 幾十蚊就有一樣野食 係銅鑼灣都算難搵

Hungry Korean這天和朋友到了尖沙咀逛街，聽說這間韓國快餐店的食評依然不錯，其實我在很久之前已經吃過幾次，價錢非常便宜，食物質素不錯，不過店舖座位不多，所以常常都要等很久，次次看到人龍，我都放棄等候。今次朋友說很想再吃，我便陪他一起去了！進入餐廳後，看到所有店員都是外籍人士，不過點餐過程不太繁複，我們點了一個石鍋飯和一碟韓式壽司，等了大約十分鐘，食物便上枱了。雞肉石鍋飯的材料很豐富，配上韓式辣醬一起攪拌，味道又辣又香口，熱辣辣的甚是過癮！雞肉的調味十足，而且肉質很滑，配上辣醬一起吃，很滋味啊！韓式壽司的配料也是十分豐富，我們今次叫了魷魚，魷魚爽口彈牙，而且醃得很入味，裏面的醬汁也十分特別，所以整體來說，這個魷魚壽司的味道也不錯！

好耐無去Hungry Korean勒！今日到達時他們剛開門，唔洗等位。試新嘢先！炸餃子。賣相與鳳城嘅炸粉果相似。。唔！外皮食落都似！QQ地，脆脆地，鹹鹹地。裏面有粉絲，少少蛋，少少葱。隨點附上醬汁(下面紅色嗰碟)，喜歡的話可為餃子潻啲色彩。我。。。倒喜歡它素顔。這個嘛。。。鐵板泡菜炒豬肉豆腐飯+凍檸檬茶+前菜。首先泡菜炒豬肉豆腐飯中最好味是那磚豆腐！那泡菜實在太鹹又油！肉片夠薄味道一般，只能說它不會過熟罷。至於照片中的三前菜包括炸魚片(上)，薯仔沙律(中)和泡菜(下)。。炸魚片味道如兒時吃的零食沙爹魚串般只有大鹹大甜的炸薄切麵筋;薯仔沙律內有洋葱粒，蕃茄粒和蛋。質地近乎薯蓉。坦白，若無偏食的話，這個不錯！最後的泡菜比鐵板上的還要鹹！我的腎呀！！

突然好想去食韓國菜，就跑黎d間試下豬肉石頭飯，有食過石頭飯既人應該知道個盛載既器皿系好熱，而入面就擺滿需要攪拌機材料，而d個既主角就系豬肉，雖然有d辣，但好好味韓式炒年糕，年糕既?度??好，唔會太?，唯一既缺點就系好辣，唔食得既人要注意下牛肉石頭飯，配左個green milk tea， 個牛肉有小小甜，好特別，食落去個味唔會覺得怪，而抹茶同牛奶就飲得多，但抹茶牛奶就第一次飲，小小茶味加牛奶可以話系新配搭，good整體素質：價錢比港式快餐店好d，服務員有幾個都系韓國人，付款方式系食完再比缺點：地方有d逼

女朋友仔之前同好友去過這間韓式小食既快餐店，已經話這快餐店既石鍋飯及炒年糕好好食想再去試於是我同女朋友在當日下午係尖沙咀國際廣場睇完戲後，便等我陪她去再品嚐這快餐店出哂名既石鍋飯及炒年糕先下午3點左右到了目的地，發現店內環境唔算大，坐位也很少 但還好仲有空位。1。炒年糕:食落比較辣辣到我有d受不了但我女朋友話之前同好友來食係無咁辣既，不知是否換了大廚了 還好我和女朋友都叫了杯飲品解辣我食落比我既感覺係。。同食加了辣醬既豬腸粉無咩分別2。雞肉石鍋飯:石鍋飯有牛，雞，豬同魷魚四種比大家選擇我同女朋友選了雞肉石鍋飯一齊食雞肉石鍋飯熱烘烘香噴噴的，面上加上太陽蛋加菜，我女朋友教我點食先正她把太陽蛋篤穿了然後再把蛋黃，菜，雞肉同石鍋飯搞勻搞到均勻就開始食啦食落別有一番風味，超級正。3。凍檸檬茶:同一般茶餐廳既無咩太大分別。

一直都聽聞尖沙咀很多韓國餐廳，這晚和友人去完AIA終於有機會一試。這間Hungry Korean為韓國快餐店，價錢比一般韓國餐廳便宜，十分吸引。由於是假日，所以我和三個友人在門外等了大概15分鐘才有位子。正如快餐店的特色，我們選好菜式後便要自己出去點菜並先付錢。它的餐牌是中英韓對照的，方便點菜。豬肉石窩飯，一上菜香味撲鼻，材料豐富，飯焦香脆。韓國牛肉鐵板燒，有點少失望，因為沒有鐵板的感覺，只是像普通的雜菜炒牛肉。個人十分喜歡這個海鮮湯，因為我本身不是特別吃辣的，然而它的辣味卻能令我吃不停口，但一位喜歡吃辣的友人就稍嫌辣味不足。它的海鮮湯的材料亦很多，想不到會有蟹，可惜的是當晚9時多才去吃，已經沒有魷魚，令愛吃魷魚的我有點失望。與幾位朋友一起去吃的好處就是可以點多款菜餚一起吃，所以吃韓國菜當然不少得炒年糕，正常水準，對我來說都頗辣。另外，我們亦點了韓國粉絲和一款壽司，味道也不錯！我們跟餐加＄9試了麥芽發酵米茶，甜甜的，能中和辣味，頗好喝！與四位友人吃了那麼多款菜，平均每人也只需付七十多元，十分抵食！下次有機會再試！

行到去阿士厘道上少少你就會見到一條長龍，唔知仲以為咩事原來係等呢間韓野野既龍黎嫁，差ｄ嚇死我以為自己已經好早黎到點知已經水蛇春咁長．．．．．等左好耐終於到我同朋友嚕，三款前菜分別是韓式魚蛋, 辣泡菜和薯仔沙律, 單點每款$6, 要齊三款則是$14。朋友最喜歡的是魚蛋, 這種扁身的甜魚蛋很易入口，口感帶點點彈牙如魚片，辣泡菜其實亦不是非常辣, 而且白菜清甜, 個人認為幾對辦。我最喜歡這裡的紫菜卷, 一份約十件, 而且份量是一口一件, 吃得很滋味，飯和餡料的比例做得很好, 不會感到只是齋吃飯，一直覺得韓式紫菜卷是一種簡單的美味, 不如日本壽司, 配上當時得令的生魚片, 但用簡單的材料亦能做出好滋味。這裡的紫菜卷就能帶給人這幸福感, 食味是純粹的麻油香配合爽脆的菜蔬, 唯一不足的是牛肉不是很突出。 

3間分店都食過了   3間食物水準都係差唔多  都係咁抵食咁正  另人食完都想回再黎食   成功佔領平價韓食市場👍黎到呢到  必叫壽司  多款饀料~ 我覺得最好食係配甜雞肉  但今次就試下新口味  配魷魚魷魚爽口  唔太咸亦夠入味   但始終都係覺得雞肉好啲呢😆粉絲亦係我必叫之選   雖然粉絲水準不太穩  有時頗咸   今次不錯味道剛好   配料亦好足~第一次食鐵板炒物  甜雞肉  雞肉好嫩  好入味  熱辣辣仲起曬泡   配白飯一流  加15蚊就有3款前菜小食   挺開胃的  (魚餅  泡菜   薯蓉)

一直都很少光顧韓國食肆，最常吃的也只有韓國年糕不過因為我不太好辣，所以也很少吃韓國菜自從吃過這間後，就喜歡來這間吃了～這間餐廳經常爆人，而且價錢相對來說是較優惠下午茶時段，指定餐號更會優惠十元，所以不定時就會來光顧xd今次介紹友人一起來吃呢！我點了最愛吃的鐵板牛肉飯($51)，雖然今次下午茶時段不是減價項目，但實在太想吃了！出餐也需要一段時間，但一板鐵板已經令我吃得很滿足，總覺得韓國的肉類愛煮得甜，不論吃過的雞和牛的鐵板也是，每次吃也十分開胃，其醬汁必須要拌勻喔！友人點了牛肉石鍋飯($44)，這個我也吃過，賣相不錯，很多配料但其實吃上去除了辣醬味就沒有凸出的味道，牛肉也相對的少很多若搞拌再吃，絕對分不出牛肉味了，不過這個勝在夠抵食，下午茶時段只須$34另外友人點了泡菜豬肉豆腐($50)，因為是下午茶時段的減價餐號不過感覺仍是一般，豆腐很滑但沒啥味道，泡菜對她來說太辣，不過其味覺刺激也很足夠我本人私心推薦鐵板牛肉和鐵板雞肉，可以和朋友分別點來一起吃喔～其他小食則有待我再吃XD

常常很多人等位, 終於夜夜的去一試,但都要等30分鐘呢.鋪面設計是一間快餐廳設計, 應該是行快餐梗式. 去到先點菜, 再有人拎俾你. 價錢同質素成正比. 唔可以話好好味, 但以呢個價錢都叫抵食. 食左個韓式壽司, 真係有D韓國feel, 有醃青瓜,菜,紅蘿蔔條, 有肉,味道適中,鹹甜剛好. 大大份都係$34. 我去韓國時好鍾意食架. 叫左兩杯飲品, 唔記得中文名了, 但$9一杯, 可以啦. 有杯是綠茶, 可以再濃D. 兩杯雖好味但我覺的太甜了.最貴係牛仔骨, 跟飯. 牛就一定係普通牛了. 不過, 肉質不俗,味道剛好,熟度剛好. 不輸其他韓餐廳另外, 叫了些前菜, 味道就普通啦..沒有特別.