Hungry Lobster (Closed)

自從上一次去日本食完個龍蝦包, 真係對佢好念念不忘~ 咁岩經過燈籠街見到有間係專食龍蝦包~ 就入左去試下~大家睇下個MENU, 其實佢既選擇唔係好多~ 分左3大類, 龍蝦包/牛扒/ 意粉~ 而去到最後都有D SET可以俾你簡~1行2人就簡左一個SET, 再另叫多左個意粉~最首先黎到既係龍蝦包淨講個SIZE先...佢比我想像中.......細....至少細日本個個1/3.....當我切開一半, 其實每人3-4啖到就食完...係味道方面係唔太差既, 個包係用牛油煎到好香咁出~ 龍蝦似同個包既比例係5:4, 預切開一半, 每人都有4-6舊龍蝦肉~而肉質都算正常~第二樣上既係意粉依個意炒係出奇地好味道~佢既橄欖油份量岩岩好, 食完你唔會見到有pat油係底~ 話明係辣椒意粉, 佢辣味都算控制得幾好~ 唔會太辣~ 因為佢唔係用醬去整, 所以辣味係唔可以太搶~帶子都有好幾粒~ 到最後就係個set另外一個主打: 8oz肉眼扒去到邊到食野, 只要有薯條都必叫既朕~ 都覺得依到既藉條唔太差~但係塊牛就真係有d.....其實唔係難食既~ 可能因為佢有d厚, 雖然朕係叫5成, 佢都有小小over cook左,

自幼愛嚐海鮮尤其愛鮮甜的龍蝦今日經過這間hungry lobster一聽個名就知係食我最愛的龍蝦la!先叫個龍蝦湯賣相不錯，幾有心機一個人食啱啱好鮮甜味濃龍蝦味尤其濃郁最正係湯非常之滑而且夠熱 作為start up都唔錯啊叫多個龍蝦意粉見到半隻龍蝦好興奮不過入面無肉嚇一嚇原來已經拆曬肉落意粉份量夠曬我一個女仔食龍蝦味都濃ga，佢個汁仲加咗d蕃茄龍蝦肉好爽口，食落後鮮甜食個意粉都好唔錯下次一定要帶我最愛食龍蝦ge老豆黎！

以龍蝦包為主打的餐廳，最近火速擴展到各區，風頭可謂一時無兩。在開飯仔的引領下，我們選了位置較方便的Hungry Lobster嘗嘗這個新貴。餐廳位處銅鑼灣登龍街。久未踏足這裡，面貌確是變了不少。整條街開了滿滿的餐廳，甚有特色。與附近的拉麵店相比，擁有落地大玻璃的Hungry Lobster明顯顯得較為時尚。餐廳不大，座位數量不多，設置簡單清新。而由於餐廳的樓底較高，裝飾都設於上方天花的位置。開放式的廚房，有著新淨整齊的環境及默默工作的廚師。【龍蝦包】期待已久的龍蝦包，在點餐後一會兒便送到。光看外表，看不出它的威力所在，但其實麵包裡面包裹著不少彈牙的龍蝦肉。龍蝦肉經醬汁烹煮過後，顯得更為鮮味。而作為另一重點的麵包，表面經過烘烤，帶點微焦而香口，內裡則十分軟熟，也是不錯。【龍蝦意粉】意粉的龍蝦肉也是不少，但卻沒有龍蝦包滿滿的一口龍蝦肉的感覺，有點被比下去了。而意粉以龍蝦汁烹煮而成，味道算是濃郁，但醬汁略嫌不夠濃稠，不太能掛到意粉上。【無骨小牛排配薯條】除了龍蝦以外，牛排是餐廳另一款主打的食物，賣相亦是眾多菜式中最為精美的。【無骨小牛排】無骨小牛排上的燒網紋十分吸引，看得叫人食慾大增。而雖然

Is Lobster night 😍😍💁🏻($158)Lobster roll ,麵包比較軟身，不太香脆，好像吃了一個發水麵包一樣😑，幸好龍蝦肉質鮮嫩，亦爽囗☺️，尚有進步的空間呢😅

雖然好遲,但作為龍蝦粉絲既我冇理由寫反!或說一早約好兩位三八婦女👭食飯,不過一直未定好食咩,上網搵搵下就比我搵到一間又而龍蝦作為主打食材既餐廳,於是立即打電話去訂座,訂位號碼更是手提號碼🤔令我當時有d懷疑自己到底confirm booking??果然到用餐當日,店員一面難色,話miss 左我地既booking,結果呆等左半個鐘係條街💨💨不過佢地都有五好意思,而且見佢係新開餐廳所以都下左道🔥火我地三個人嗌左一個set,入面有個湯,意粉,龍蝦包同龍蝦,另外再散叫多個意粉!先講講個龍蝦意粉,入面既龍蝦膏確實幾多,不過味道較為濃味!之於龍蝦包既肉質就無半邊焗龍蝦既新鮮🤔有可能係急凍龍蝦肉都五奇,不過半邊既龍蝦確實新鮮又大隻!!總括黎講以依個價錢食到咁既質素已經算不錯👍🏻

相信大家都有相同的經驗，遊覽完一個城市，回到香港都會想再回味當地的美食。話說某月某日經過登龍街，得知新開張一間龍蝦餐廳，餐廳採用落地大玻璃，可從外面看到食客吃得不亦樂乎。再細看餐牌，我和胖友人都不約而同想起在london的burger & losbter，很是懷念。新年過後，相約胖友人一聚吃開年飯，二話不說選了hungry & lobster。餐廳的地方不大，開放式廚房，由於樓底夠高，不會有很焗促的感覺，而且裝潢十分時尚。反而檯與檯之間的空間不太多，如果二人食客，某程度上和鄰座食客有搭檯的感覺。當然位於銅鑼灣中心地段，這也無可厚非。值得留意的是，餐廳免加一服務費，這樣即使坐得親密，食客都覺得合理。我和胖友人本來打算點烤龍蝦，湯及意粉。服務員細心告訴我們，我們點的組合與hungry lobster set也只是相差100元左右，所以我們便抱著要打包的心態點了饑餓套餐。🍽法式龍蝦湯十分creamy，龍蝦味中帶出淡淡的海水味，上檯時也有陣陣香氣。🍽龍蝦包日本也有大熱的龍蝦包，但這是我第一次吃這名物。包採用了排包，烘了後外脆內軟。龍蝦味很快便搶去了麵包的牛油味。吃龍蝦包的好處是殻肉已分離，吃下

登龍街除左有拉麵食之外 ，仲有龍蝦包食， 龍蝦湯、龍蝦意粉、仲有原隻龍蝦添...... 龍蝦湯（$58） 用上大圓湯碗盛載，龍蝦味道濃厚美味，夠熱且賣相不俗，兩個人share一碗也可以。 卡邦尼意粉（$98） 卡邦尼意粉味道超好，卡邦尼味道濃郁可口，入口creamy,意粉質感爽滑，掛汁力高，非常yummy. 另外還點了個龍蝦包牛扒組合（$348） 包括了價值$138的龍蝦包、8oz肉眼牛扒、薯條、沙律。 龍蝦包烘得脆脆的，金黃香口，夾著幾大粒鮮嫩美味的龍蝦肉，實在叫人回味。 肉眼牛扒點了7成熟，肉質鮮嫩有濃濃肉香鮮味，碟旁邊還有鹽可輕輕調味。   

很用心的餐廳。我們點了龍蝦包和牛小排套餐。龍蝦包的麵包本身的香味襯托淋上龍蝦汁的龍蝦肉，好吃的停不了口，大推。牛小排第一次有點過熟，不過老闆非常細心地發現了，二話不說替我們一塊，這次烤得外香内多汁，非常好吃。現在這種待客態度很難得呢！期待再去試其他菜式

龍蝦意粉@Hungry Lobster阿女轉工去CWB，應承我逢HAPPY FRIDAY陪我LUNCH~今日係第1個HAPPY FRIDAY，佢一早諗定食乜，近近哋喺佢公司附近，我就一心早啲去搵位等佢。結果佢老闆遲放佢LUNCH，兼請佢食LUNCH，我就唯有一個人食啦。可樂薯條配可樂係常識啦。薯條其實係佢鍾意，本來叫俾佢，諗住佢一到，可以食住先，結果宜家我享用，果然真薯仔做。龍蝦意粉 醬汁好濃龍蝦味，半隻龍蝦，都叫有幾有肉，肉質彈牙，味道鮮甜。做媽媽嘅，只求仔女健健康康，工作順利，老闆錫，開開心心。

夜晚7點幾先book 8:30枱，員工ok冇問題，去到之後，8:40-45先入得，雖然係十零分鐘，不過book左枱都要等我book黎做乜？！重點係食物，叫左個$600幾既set，我地2個人食，有龍蝦湯，龍蝦意粉，龍蝦包同龍蝦一隻配薯條沙律，另外一樽made in Hong Kong orange juice 龍蝦湯ok，夠濃，不過唔係好夠熱🤔龍蝦意粉，唔知以為自己食緊蕃茄意粉有龍蝦肉碎，d蕃茄未完全蓋過龍蝦味！🙄之後我地兩個人係冇自己既碟仔既情況下食意粉，碟野放係中間之後凌空地放入口。而d staff企係後面，又行黎行去但完全冇諗過客人好明顯係share 食意粉時要提供碟比食客。🙄下碟係龍蝦配薯條沙律，上枱係幾靚既，但d沙律菜仲好濕，個碟又濕晒咁龍蝦有d over cook 😪 同冇驚喜又細，staff 送上龍蝦汁，如果冇加以攪拌就點汁，你食到既只會係龍蝦油😐到最後，因為一早講左冇龍蝦包轉龍蝦三文治，而我地食晒d野個三文治都未到吹完一次冇左件事，再吹多次先再篤個機，之後先有個三文治上枱！但又係蕃茄出事，三文治中有蕃茄，但夾埋龍蝦後只食到蕃茄味😐 完全失去左龍蝦味🙄最驚喜可以係佢地個支m

今時今日，和牛漢堡已經未能滿足，龍蝦包興起，半專門店登陸，繼早前在一家樓上店嚐過軟棉棉的新鮮龍蝦包後，在同區再發現一家只做龍蝦及牛扒的地舖店，名叫 Hungry Lobster，位於登龍街，懂得找好易找，否則少會經過。玻璃窗門，樓底高舖面寬，面積不大不小，簡單桌椅，咖啡店形式。裝潢簡約，仿磚牆壁，天花佈置如海底，吊燈被魚網包圍，四圍皆是在游泳的魚，只是不見龍蝦！若坐近窗邊，可欣賞街景，對面同樣是食肆。餐牌兩張，一張是飲品，賣健康的新鮮冷壓果汁，可惜周一中午尚未送到貨，無褔消受！另一張是食品，貴精不貴多，主要以龍蝦作主，例如原隻龍蝦、龍蝦包、龍蝦湯、龍蝦沙律、炸龍蝦餅、龍蝦意粉等，另一主菜是美國牛扒，亦有套餐，估計靈感來自美國的 Surf and Turf，現在平民吃法了，分開吃亦得。一人午餐，就來一個包加一個湯。招牌龍蝦包以木砧板作碟，好看實用，長方形的龍蝦包，其實是兩片厚切麵包組成，兩大件龍蝦鉗肉在頂端，見到已經垂涎！麵包微微烤焦，誘人的焦黃烙印，實質非常軟熟鬆軟，烤焦了的位置添香脆口感。拆開看看，內塗了牛油，內藏更多龍蝦肉粒，早已調味。新鮮龍蝦，肉質有彈性，細膩香甜，調味豐富，無須

從小有個思想:龍蝦。富貴人的象徵。沒有一定的家底龍蝦可說是可遇不可求。龍蝦。只有大時大節才可以吃到的名貴食物。龍蝦。肉只有兩邊身的一點兒，就算有幸點了龍蝦，肉？從來未輪到我。。可能是生於貧窮之家吧，上面的奇想可能引起大家大笑吧。請原諒我這個火柴女。現在的龍蝦並不這麼困難才食到，先不說品種，一百元已經能吃上一隻，大概半斤的吧。比起現在話梅都要30元一両，實在是便宜。這個龍蝦包，一百多元。包內外全都是爽口的龍蝦肉。不用跟它博鬥，你嘅口可以完全擁有拒。包是我最喜愛的包類，軟熟的內裡，鬆脆的外邊。入口有牛油香，味道甜味。喜歡的多點一下旁邊的龍蝦汁，會更惹味。全家店都是以龍蝦為主的，但也有其他西式的食物，而且做得相當不錯。牛柳點了三成熟，切開紅卜卜，但沒有血水滲出，肉汁鎖定了在肉內。放入口的時候，輕嚼，肉汁便跑出來。鮮甜的肉汁，滿足非常。另外還配了沙津和薯條。沙津配了香醋。薯條上灑上了鹽。各為自己粉飾，為求一爭雌雄。門面都以落地破璃做成，空間感十足。再透視出入面個木製餐枱，以及為一天而辛勞的人們。終於可以給他們一剎那的歇息。

Hungry Lobster 開宗名義是吃龍蝦的地方，餐廳座落登龍街 VPOINT 的一角，透過落地大玻璃可清楚望見店內的情況。筆者曾於晚間經過餐廳門外，在紫紅色的燈光映襯下感覺更時尚吸睛。 店內裝潢的最大特色，是掛於天花上的船架擺設，配合旁邊的小魚模型，令人有置身海底的聯想。一場來到，怎樣也要試試這兒的人氣龍蝦包，包子體積不大，注目點固然落在包面的龍蝦鉗身上。味道方面，麵包暖和鬆軟。龍蝦口感結實，蝦香亦見理想。包點配上香口惹味的牛油醬汁本是加分點，但鹹味過重反成負擔。 除龍蝦菜式外，牛扒是 Hungry Lobster 的另一名物。這客美國特級肉眼牛扒，約五六成生熟度，肉色呈酒紅色，放刀切下未見有肉汁溢出。牛扒以炭燒型色烤製，洋溢一份吸引的炭燒香氣。肉眼本身味濃，加上合理的鬆軟度，可以試試。不過，伴隨肉眼而來的薯條，實在要給一個「dislike」，完全走氣凍身欠脆。若這客薯條不是「免費」跟上這個龍蝦包牛扒組合，而是需要額外付費 ($22) 的話，一定退貨！ 二人同行，這個組合份量實未能滿足大家胃納，最後追加了一碟卡邦尼意粉。卡邦尼意粉最講究醬汁，濃郁的芝士味道確實吸引，稠度

來到年尾，又是瘋狂出血、吃大餐的時間。今次是因友人生日，所以就決定要吃龍蝦大餐來慶祝。因為我們也擔心要排隊的關係，所以特意早吃一點，果真不用等在吃主菜之前先嘗了個龍蝦湯，湯有很重的龍蝦味，味道不算太重，當中有一種鮮甜味。但以西式湯來說，我算是喜歡忌廉湯多一點因為這店好像是出名龍蝦，而朋友又想吃牛，所以叫了一個組合，比較便宜。首先以外形來說已經十分吸睛，絕對值得拍照！由配菜講起，薯條剛炸起，香脆不油膩。加上是粗薯條的關係，還可以吃到內裡滿滿、熱熱的薯蓉👍🏻而龍蝦肉質不會霉，仍有新鮮的彈性。而味道來說，蝦膏十分甜。吃海鮮膏是重點，能看得出食材用料新不新鮮！而肉有鹽稍作調味，已經足夠，因為吃出食物的原味能美味而牛排我們點了四成熟，但肉汁能鎖實。肉質都不錯，雖稱不上入口即溶，但都不會硬硬，需要咬很久才能吞掉。味道來說都不錯，唯一有點可惜的就是份量偏少，原本打算二人share一個組合，但不太飽😂我們7點來差不多吃完，看到很多人在排隊，所以就趕快離開，所以如果真想試的朋友建議吃早一點😂

Hungry Lobster以龍蝦為名，有想過是不是打貴價市場，以不同方式烹調龍蝦的餐店 結果來了一家中價，走悠閒風的地舖，餐牌簡單，選擇不多但叫樣樣有啲 選在午飯時間到來，跟晚餐餐牌應該一樣，見著人流不多就闖進來了 龍蝦意粉 $138以佇立的龍蝦頭裝飾點出題旨，可選轉配Penne 驟看表面，條條意粉之間已經夾有不少龍蝦肉，入口亦依然帶彈性及微甜 意粉煮得稍為軟身，嚼勁不足，幸好不至粉爛，且有好好裹上醬汁 一看成色就猜想是蕃茄酸甜汁底，味道平實溫和，若然有少許刺激位就好 炸龍蝦餅 $98略帶油感，勝在琥珀色外層鬆脆香口，惟有用旁附的酸甜醬汁去膩 雖外型似魚餅或蝦餅，內餡也帶甜，但仍為濕潤，非結實韌硬的成品 當中加入少許細碎的龍蝦肉粒，未見鮮明食味，但就添點咬口 看著別桌的餐點，也許我應該一試在這一兩年席捲香港的豐盛龍蝦包吧？ 感覺上味道會比較有層次，乾包濕料的對比下都實在有趣 不過太多如雨後春筍冒起的店家，只嚐過兩三家，在這彈丸之地，食肆間競爭不小啊