八哥主題餐廳 (Closed)

八哥主題餐廳聽就聽得多，幾乎每個朋友都已經去過啦、但我仲未去😂知道佢哋有個3D八哥嘅甜品！呢個就今次去餐廳嘅主要目的😝😝😝一入到門口招牌不過就迎接我地啦😂😂😂餐廳嘅外牆都係八哥為主，又係可以影相呃like既時候啦！叫咗半隻燒春雞沙律，份量唔多，男仔食就真係唔飽啦！同埋羊架之後再加$40左右配隻蝦但有少少失望隻蝦好細隻味道OK但係如果份量再多少少就好啦！重點係呢度八哥3D造型既朱古力mousse 配芝士蛋糕好似八哥！真係唔捨得食😂😂

睇過介紹知道有間八哥狗主題餐廳，今次就來潮聖一下，上到店奇怪的是星期六 晚上7點都沒有坐滿客，一路到10點都無坐滿，這樣還好可以影下相。一間以八哥狗做主題裝修的餐廳，店內當然有好可愛的八哥狗圖畫，咕臣，餐碟都印有狗狗，裝修很用心的。食物以西餐，意大利，德國，雜合款式，我哋叫了黑松露炸薯條，意粉，德國腸併盤，燒春雞，大至上食物味道ok, 燒春雞肉鞋左少少，最後當然要叫3D 八哥狗芝士蛋糕影下相，影左好耐隻狗的毛開始出現咖啡色，食落似朱古力糖加雪糕混合，芝士蛋糕整得好味。店內無咩客當然想坐耐啲傾下計，到10點黑衣人走埋來問野食齊晒未，咁當然要自動波識做叫埋單啦，埋單時送上一個印有八哥狗的環保袋，原來消費滿$600會送一個，這點幾有心思。

今日屋企人去咗旅行，所以即興約咗朋友仔食晚餐，想去尖沙咀嘅foot locker行下，所以就揀咗尖沙咀嘅八哥主題餐廳。點知，伏咗！其實八哥餐廳嘅環境都唔錯坐得幾舒服，但係都幾嘈。至於食物質素，真心有待改善😞首先我哋嗌咗個”卡邦尼意粉配溫泉蛋”，不單止唔熱，而且將個蛋同麵條撈均咗，味道都係好普通，係屬於一般餐廳都食到嘅卡邦尼意粉。另外我哋仲嗌咗個”芝士焗椰菜花”，不過真係好失望，個椰菜花味道又淡又冇味。“香草燒春雞全隻”已經算係三道菜之中好少少，不過隻雞都唔係好入到味。雞肉嘅嫰度則一般般，我覺得ok，不過我朋友就覺得唔夠嫰。總括來講，我覺得一間餐廳值唔值得推介，環境只係其中一個因素，食物嘅質素都相當之重要。如果食物質素唔得，環境無論再幾好都無回頭🤦🏽‍♀️

閒日可能比較時間早上去所以店舖尚不算太熱鬧 反而可以靜靜地食餐飯欣賞餐廳用心佈置鍾意八哥嘅朋友不要錯過啊卡邦尼意粉配溫泉蛋 $148溫泉蛋做得非常好一切開蛋汁流出黎果下真係好澎湃意粉煮得啱啱好 口感一流醬汁也是超級香濃 香煎豬鞍扒配忌廉芥末汁 $168豬鞍扒煮到只係僅僅熟超級欣賞呢個忌廉芥末汁味道非常特別 出邊好少可以食到同個豬肉嘅味道真係配合得天衣無縫店員服務有禮周到 又好笑容即使我地冇點飲品都會不停為我們加水

我同朋友都係愛狗之人，知道尖沙咀有一間樓上餐廳主題係關於狗仔，今日我哋專程去食晚飯，感受下嗰度啲氣氛，去到裝潢 全部都是關於狗狗的，入座已經很開心，看看餐牌價目都頗相宜。我俩點了一款田園沙律燒春雞半隻$108香煎帶子龍蝦汁意粉$168 雜果班戟$78燒春雞賣相都不錯油光亮麗，肉質幼嫩，非常原味 沒有一點味精，全是天然雞肉本質味道，配搭多款新鮮沙律菜，整體清新怡人。另一碟意粉，散發著蜜味龍蝦汁幽香，渾圓豐滿鮮帶子，大大隻，鮮甜可口 香煎得恰到好處，意粉煙煙靭靭，製作時間拿捏得 不錯，爽口滑溜，味道不會太濃烈，餐廳走嘅路線 著重原汁原味，不會花巧。跟著上甜品，班戟製作柔軟煙韌，裹滿著新鮮雜果，鮮甜清香，整體都不過不失。

店舖裝修用心 不少大大小小既八哥擺設喜歡八哥既朋友一定鐘意其實講到尾主題餐廳都係一個主題眼見有啲評語挑剔食物同八哥冇關係難度要食狗肉嗎？😂就算sports bar都係一個主題 都唔會食籃球卦？反覺得已經好欣賞店面既八哥擺設同壁畫講番食物先適逢Halloween 當然有特別菜單啦不過價錢都唔平 所以都係點番平時既a la carte碳燒美國安格斯肉眼扒 (10安士) $258五成熟係拿揑得唔錯食落牛肉都幾有肉汁唯表面可以再煎香d就更好了醬汁好濃郁 食到舔舔脷黑松露牛肝菌意大利飯 $148黑松露份量十足！香氣撲鼻牛肝菌冇喧賓奪主 配襯意大利飯味道口感都好有層次

期待以久，終於可以來這間超人氣八哥主題餐廳朝聖一番，本身下定心理準備接受噱頭為主的食店可能得個樣，誰知食物質素頗有驚喜，絕對係好睇又好食。未到門口，地上已有大大個八哥射燈歡迎我們。店內到處都是八哥的裝飾和擺設，別具心思，好像被八哥重重包圍著，好有氣氛，可愛和型格取得平衡，就算男士或不是愛狗人士都不會感到抗拒。餐廳佔地挺大，空間感十足，座位寬闊舒適，環境整潔寧靜，感覺良好。連餐牌和餐具都有不同造型的八哥的蹤影，果真一絲不苟，誠意十足。餐廳的服務亦佳，店員有禮殷勤，會經常主動斟水、收碟和更換餐具。黑松露牛肝菌意大利飯好出色，甫上碟已散發出香噴噴的味道，黑松露味濃郁得很，完全滲入飯中，意大利飯軟硬度剛剛好，黏度夠高，豐富的醬汁令整個飯超creamy又入味，加上夾雜不少牛肝菌，口感一流。焗肉醬千層麵有大量半溶芝士，味道香濃，每層麵結合極多醬汁和肉醬，口感十分豐富，啖啖滋味，但又不會好膩。招牌甜品八哥朱古力慕絲配美國芝士蛋糕簡直是鎮店之寶，單是賣相已攞滿分，立體八哥造型像真度極高，仔細得連皮毛紋理也仿造得似模似樣，逼真得我們都不忍心切開牠。朱古力慕絲呈冰狀，故形態可以維持得久，慢慢影相都不怕。吃

2001年3月某日，我與朋友到電影中心看電影，路過廟街見到有人販賣小狗，紙箱內有三頭可愛的毛小孩，西施及魔天使我很熟悉，另一頭八哥，眼太大臉醜醜的我第一次見，心想，看完電影你仲喺度，我就買了你啦！就從那一天，你就成為了我家中一份子，陪伴了我15年半，兩年前算是無疾而終，自然安詳地離去了！ 你從來都不是一個好東西，頑皮、硬頸、脾氣大、兼為食，令我沒有一分鐘閑着，我話過唔再養八哥，但是對你還是有一種情意結。 知道新開了一間八哥主題餐廳，特意過來玩玩，從樓下入口、樓梯到餐廳，皆佈置了可愛小狗照片、公仔或畫像，而最維肖維妙就是這副粉筆彩畫，三隻為食小狗，眼神十分生動，叮住我們的食物，月底是 Halloween，八哥仔已經裝身準備。 西式餐廳一間，食物不算特別，味道還不錯。 烤焗雞翼 榛子楓葉糖漿 $88 配以榛子楓葉糖漿成功令焗雞翼昇華，炸得香脆不膩，甜甜的味道特別醒胃，醋汁沙律平衡炸物，十分匹配。招牌八哥燒烤豬肋骨 $188 特色之處在醬汁，吃到有點類似在國內吃串燒、孜然粉的味道，混合在燒汁之中，點點辣，增添層次，肉質鬆軟，醃味不俗。卡邦尼意粉配溫泉蛋 $148 卡邦尼

朋友好鐘意八哥，成日都話想黎呢間八哥主題餐廳食。話餐廳有個原隻八哥甜品做得超神似！🐶今日見得閒，就陪佢黎啦 ！😃上樓梯條路已經周圍都係八哥既圖。又幾可愛！餐廳好大間，放滿了關於八哥既不同擺設同裝飾😁朋友表示好興奮！以主題餐廳黎講，都幾多野食選擇，而且質素都唔差！😋😋卡邦尼意粉配溫泉蛋🥚🍝賣相幾好！將半熟既溫泉蛋 撈匀意粉。令到意粉濕濕地有啲汁，味道好ceamy!好濃味既磨菇汁，味道調教得岩岩好。意粉煙韌。不錯！😃澳洲和牛漢堡🍔🍟芝士溶左落和牛肉度🤤漢堡食落好好多肉汁，重牛味，而且肉質唔錯，好厚既一層和牛！將生菜蕃茄加落漢堡度，一啖咬落去，好清爽好滋味，口感豐富。🤗食漢堡當然要配埋熱辣辣既薯條🍟薯條炸到金黃色脆卜卜，點埋茄汁就太完美了。🍅期待以久既 甜品🙊🙊:八哥3D 朱古力慕絲配美國芝士蛋糕 🐶一黎到，“嘩！”左聲！真係太神似了吧！！連啲紋都可以整到咁真！實在太精緻了！！真的唔忍心切開去！🤣感覺好似真係殺緊佢咁 🤣好殘忍呀！！味道又幾好味，朱古力好濃好重既慕絲！口感好冰凍。🤣芝士蛋糕 亦好重既芝士味，口感不會鬆散。甜度適中，不會覺得好膩。

有同事生日，因他好喜歡狗，所以同事們找了位於加連威老道的餐廳為他慶生，名叫八哥主題餐廳，餐廳以狗為主要佈置和擺設。生日的同事見到非常開心，在餐廳裏，無論任何地方都見到有狗的擺設和相片，今晚大家都玩得開心，食得滿意！招牌八哥燒烤豬肋骨：生日同事選了這款，豬肋骨用秘製一醬汁醃製後再烤熟，肉質軟嫩入味，同事邊食邊讚，重話薯蓉和青豆角也好好味。香草燒春雞(全隻)：我選了加有香草的春雞，雞燒得微微金黃色，雞皮薄而香脆，雞肉鮮嫩，全隻雞沒有肥油，伴碟的薯蓉香滑，青口用蒜蓉炒過好爽口。

想同朋友係尖沙咀搵間靜靜地既餐廳食，見到呢間有八哥主題既餐廳，幾得意，就上黎試下唔係太starving ，同朋友點左2份小食，再share一份主菜就夠啦韓式一口牛配泡菜👍🏻👍🏻👍🏻 🤤 煮到岩岩好，超級好食芝士焗耶菜花好多芝士，要襯熱食卡邦尼意粉加溫泉蛋👍🏻👍🏻👍🏻 呢個配搭好正，溫泉蛋既蛋汁mix 埋carbonara ，balance番creamy 既口感Mocha latte 有八哥樣，打卡打卡忌廉梳打用餐環境都花左好多心思👍🏻

《八哥主題餐廳》 #食在尖沙咀 #主題餐廳📍尖沙咀加連威老道29號信基商業中心2樓-召喚各位鐘意八哥嘅朋友 周圍都係八哥擺設 紙巾都係有八哥架🙈 原本想嗌3D八哥造型嘅甜品 但太飽同埋太殘忍無嗌到🔹巴馬火腿焗薯蓉 $68 塊parma ham好似豬肉紙咁😂 好脆 幾好味薯蓉好滑有埋芝士係面👍🏻 食兩份都得呀🔹德國香腸拼盤 $158有成6款腸 係用鐵板上 係你面前再加汁 渣渣聲好吸引每一款都保留左好多肉汁 雖然係同朋友share 但食完都真係有d濟嘅感覺 如果3-4個人share會好d🔹卡邦尼意粉配溫泉蛋 $148好creamy夠多汁完全唔怕會乾 流心蛋亦做得好好仲有好多細煙肉 既可增加口感 又可以提升個香味座位都幾闊 職員又好有禮貌 特別係鐘意八哥嘅朋友更加要試下啦🍴7.5/10

香港好少有以狗仔為主題嘅餐廳，身為愛狗之人嘅我，經過見到一個傻更更嘅八哥頭象，本身以為係賣寵物用品點知原來係cafe嚟㗎！！咁可愛又咁特別唔食點得呀。本menu都印有八哥嘅大嘜頭，真係好得意。煎焦糖鴨肝配砵酒汁，鴨肝煎到有少少脆面 咬落好有油脂香，啲鴨油係口到爆發出嚟，一定要配埋砵酒汁食，個人覺得食落會清爽啲同無咁油膩。碳燒西冷扒，碟邊有隻細pug係到好qq呀，西冷扒要咗五成出嚟熟咗啲啲，肉質都算軟嫩多汁。法式羊架，依隻pug就無咁清楚啦。羊架要咗五成出到嚟岩岩好五成，肉夠嫩夠juicy羊味濃郁，咬落啖啖肉好享受。法式焦糖燉蛋，焦糖脆面燒得唔夠均勻，但佢入面嘅燉蛋好嫩好滑，仲好香雲呢拿味，細細個岩岩好作為完美ending。

香港以狗狗為主題的餐廳不多🐶，而這家位於尖沙咀的小店📍，店如其名🤔，以八哥為主題😊。店內每個角落都不乏八哥的裝飾😲，傻傻笨笨的樣子😳，超級的萌😍~店舖的面積頗大🤔，位置也很充裕😌，以黑白色為主調🖤，配上水泥地面⛏，感覺蠻有工業風格的🔧。吧枱的位置也蠻特別🍹，以貨櫃作設計藍本🚛，酷酷的感覺😎。店內更有2幅八哥的塗鴉牆🎨，不過店員溫馨提示👨，因為是粉筆畫🖍，所以要小心不要弄花喔😊。餐牌方面也很多元化📜，由頭盤🍢、湯🍲、小食🌭，到意粉🍝、扒類🥩、漢堡等🍔，多不勝數😵。香煎韓式一口和牛粒配自家制泡菜🐮：肉質幼嫩😋，煮至5成熟左右🔥，肉汁豐富💧，加上了微辣的泡菜🌶，既解膩又醒胃👍。BBQ汁烤焗雞翼🐣：外皮烤至酥脆💛，與嫩滑的肉質形成強烈對比😉，再點上濃郁的燒烤醬汁🔥，更是滋味😋。卡邦尼意粉配溫泉蛋🍝：先把蛋黃戳破🍳，再輕輕拌勻♻，蛋味十足👍；意粉較粗身😲，很有嚼頭🤩，掛汁一流🔝，配上了幼滑濃郁的醬汁😍，令人回味無窮💞。曲奇忌廉沙冰🍪：味道不算太甜😉，對於人妻🐷再說簡直是完美💞，加入了忌廉🍦，口感更為暢滑綿密😋，而餅乾顆粒比例也頗多🤩，融在一起每一口都能吃到😋。總結：味道及質素也很高👍，加上環境寬

同朋友食飯吹水，去到尖沙咀樓上一間嘅八哥主題餐廳。之前睇食評見到好多美食推介，今次一於試吓啦。入到去好似比八哥包圍咁，佢嘅裝飾佈置都非常有心思。我哋叫咗一個burger，一個卡邦尼意粉同埋一個黑松露薯條。首先個黑松露薯條得來非常好食！第一次唔用茄汁點薯條都覺得正。每條都充滿黑松露嘅香味。令到人食唔停口。歌曲方面用了得好新鮮，而且係和牛都非常juicy!卡邦尼意粉都非常滿意，忌廉汁香濃得來，又唔會太膩。而且意粉非常彈牙，連我朋友平時對食要求比較高都非常滿意。