八哥主題餐廳 (Closed)

六月的一個星期四晚上為閨蜜慶祝生日～ 上到去冇乜客以為太早， 結果食完 都發現冇乜客， 乜尖沙咀真係咁靜咩 ？ 😆 不過靜有靜好可以講八卦嘢 🤣Raclette 多士～ 黑麥包上配上熱溶 Raclette 芝士～ 讚👍🏻單骨雞翼配三款唔知咩汁 😂～ 兩款黑色汁 食嚟食去都係甜甜地 冇乜分別 😆 雞翼係炸得幾香脆 😍白酒辣肉腸煮青口～ 用辣肉腸跟 青口 白酒 煮在一起 有鹹香 而且肉味滲入青口 很惹味 炒得不錯 😀～ 美中不足 這種青口本身不是太甜 招牌八哥燒烤豬肋骨 ～ BBQ汁帶酸甜～ 豬肋骨肉嫩 😚香辣蕃茄大蝦海鮮意粉 ～ 餐牌上寫 Arrabiata ，它有 「 憤怒醬料 」 之稱～ 應該好辣 但係呢碟唔辣 😆😆  大蝦殼有點黑 😶 未算最新鮮風乾火腿南瓜意大利飯 ～ 南瓜清甜 很入味，呢個好啱食 🤩八哥朱古力慕絲配美國芝士蛋糕 ～ 醬料在八哥身上 好似冚咗張被～ 遮住咗佢曼妙嘅身軀 😂朱古力慕絲味道 蓋過芝士蛋糕～食完 有點 飽濟～ 不過，作為一個生日嘅甜品的確係好開心嘅 🤩 ps 戴頭盔時間 : 冇影低餐牌內容～所以有啲食物唔知叫乜名😂 食物種類 選擇 再多啲就好喇 ～ 上o

本身有養狗所以特別中意有關狗狗既野，今次黎到八哥主題餐廳。入到黎見到八哥公仔、壁畫等裝飾，覺得好開心。八哥個樣好可憐咁，哈哈！店員安排我地坐近窗望到街既位置，番閱餐牌見到都幾多選擇，我對甜品較有興趣。熱抹茶拿鐵 $45睇左其他食評照片見到抺茶哩杯有八哥圖案，所以叫黎影下相打下卡。可愛既八哥拉花好搞笑，飲到奶打得好滑，抹茶味未算好突出，但味道都不錯！ 照燒雞漢堡 $148一上枱聞到超香，係用左足足一大塊雞扒夾喺漢堡包中，啖啖肉配照燒汁，好好味。薯條都炸到好熱好脆，哩個好味！蘋果金寶配雪糕 $68雪糕揀咗雲呢拿味道，個賣相超靚呀，有花花，一定要相機食先啦！粒粒蘋果肉同餅脆，熱食黎，配埋冷冷既雪糕一熱一凍，好味。八哥宇治抹茶朱古力慕絲 $88好靚呀！真係一碟藝術品黎，靚到咁！八哥綠茶慕絲味淡淡的，配底下較味濃既朱古力餅底幾夾，有新鮮生果伴碟，靚得黎係幾好味既。

朋友好鍾意狗仔，呢一日，佢拉咗我去八哥主題餐廳，原來自己係西餐黎。從地下入口行上一層就到，環境非常優美，店員服務都唔錯餐牌價錢合理，我哋叫咗三樣嘢食。第一樣係小食芝士焗椰菜花$58，芝士味非常濃郁，椰菜花的覺得好林，唔會話好硬，味道非常之唔錯。我點了一份黑松露牛肝菌意大利飯$148，未到相對較鹹，但是牛肝菌的味道很重，整體的味道條配得不錯，而且係素食，值得一試。朋友叫咗一份非常豐富的卡邦尼溫泉蛋意粉$148，留心蛋口感滑流流的，非常好食。呢度嘅環境真係唔錯，值得再來，當然唔少得愛狗人士啦！

這家餐廳以八哥為主題的餐廳我想來很久了！萬聖節快到了，聽店員說她們都換了壁畫，是用粉筆畫的呢！那些壁畫上的八哥都好可愛！2個人點的食物不算多。田園沙律加半隻燒春雞 $108沙律菜的份量相對較小呢... 好像燒春雞才是主菜一樣，哈哈！菜是用上黑醋，味道不錯呢！而燒春雞亦燒得很香！香草和燒雞都很夾呢。澳洲和牛漢堡 $158和牛漢堡夠厚身的，肉亦夠嫩，煎得廷香，味道不錯！漏斗蛋糕配雪榚 $78第一次吃漏斗蛋榚，原來是一個炸過了的麵粉!味道有點像油炸鬼呢! 配上士多啤梨雪榚一冷一熱就更好吃了。

因為屋企有隻八哥狗仔 所以之前都一直想到呢間餐廳睇吓 但係成日都就唔到時間 於是趁呢兩日假期終於去到啦呢間八哥主題餐廳就當然係所有野都係關八哥事啦 一入到反已經見到啦 周圍都有八哥既裝飾品大大小小都有 而且仲有幅畫既壁畫係賀一賀呢間餐廳既一週年〰️風乾火腿片南瓜意大利飯〰️$148呢幾塊火腿片好有心思咁放到好似玫瑰花片咁 呢個意大利係有少少淋既 仲有個汁係好杰 所以南瓜汁都包住d飯 雖然飯味唔算好濃郁 不過加埋個ham 食就啱啱好啦〰️德國香腸拼盤〰️$158呢7條唔同既腸都有一個共通點 就係肉汁充足 一咬落去d肉汁好似爆出黎咁 好juicy 而且有d仲有芝士係中間 不過雖然係share食 但係食完之後真係好膩〰️抹茶拿鐵〰️$45其實本身呢個八哥圖案係清晰d 可惜我將佢搬來搬去 所以攪到咁😅呢杯latte淡左少少 如果返少少就更好啦 不過淨係見到呢隻八哥仔都唔係好捨得飲 我見到其他人飲既野飲係用八哥杯架 好得意架

早前在Facebook 看見主題餐廳的介紹，對其中一間以八哥做主題的餐廳比較有興趣，今天咁啱又經過尖沙咀，反正要搵食就去八哥試下，見佢裡面裝潢企理新凈，環境空間又好闊落咁，感覺應該都幾舒適，愛八哥嘅人應該要黎試！個田園沙律配意大利黑醋會燒春雞幾抵食，金黃色嘅半隻雞燒得幾靚，雞食落唔乾唔嚡口，雞肉冇雪味夠嫩滑，沙律配意大利黑醋汁微酸味道夠開胃，好一個飯前前菜另外叫左巴馬火腿香草醬意粉同香煎豬安扒配忌廉芥末汁，巴馬火腿香草醬意粉傳統亦很簡單，咸香的火腿夾雜香草醬令人很開胃，再加上煙韌的扁意粉，水準也不俗算是經典煎豬安扒配忌廉芥末汁，豬安外層煎得金黃色，七成熟最嫩滑多汁豬鞍扒厚厚，賣相0k，肉質食落非常鬆軟，入口肉嫩汁豐，而且醃得好入味，帶煙熏香氣，加上醬汁口感不錯

有日係Facebook見到😍朋友po嘅相，一間頗有特色的餐廳，好值得推介畀靚女卡文。卡文係愛狗人士，「小白🐶」嘅離去，著實令她傷心😢了一段時間！「八哥」嘅出現，令她萌生「去」意，化悲傷😭為食量，我當然奉陪😜到底......預早訂咗6:45pm枱，估唔到我哋會係是晚第一枱客人，可以隨心所欲地拍照呢。餐廳佈置以八哥為主題，有得意八哥Halloween 黑板壁畫、八哥咕𠱸、八哥餐巾紙、餐碟等等。打開八哥menu，除了一般主菜小食之外，當然唔少得八哥飲品☕️，而3d八哥🐶甜品🍰就最令人拍案叫絕，現在讓大家來感受一下吧⋯⋯卡邦尼意粉配温泉蛋🍝$148：攪穿咕溜滑嫩嘅溫泉蛋，令蛋漿佔滿意粉才入口，味道creamy香滑，加埋煎脆嘅煙肉，惹味非常！黑松露牛肝菌意大利飯🍛$148：意大利飯入口濕潤黏黏的，口感好好。濃郁的黑松露醬配上肥厚鮮美的牛肝菌，口感細膩。黑松露薯條🍟$68：呢款厚身薯條🍟，咬落鬆軟又夠熱，配上黑松露醬好好食！到戲肉出場👏👏👏3d八哥朱古力慕絲配美國芝士蛋糕🍰$148：八哥朱古力造型十分仔細，狗仔皮膚做到毛茸茸的，像真度好高啊，質地則似朱古力雪葩。我哋唔捨得食，成晚專注地為八哥拍寫真🤣

一直都好鐘意八哥，八哥算係比較蠢既狗類，而且好動愛玩，佢個樣傻傻下咁，好得意而且仲係女朋友最鐘意既狗。帶gf黎左呢間我地都好鐘意既八哥主題餐廳一入去就有大大個八哥so cuteeeee周圍都有pug既擺設，好用心首先叫左個卡邦尼意粉配溫泉蛋，芝士味好濃，而且隻蛋好邪惡賣相好好，令人食指大開，而意粉好彈牙，爽口黑松露牛肝菌意大利飯黑松露味比我想像中仲要濃，而且好香開頭好驚呢啲意式飯會生米好彩都煮好岩返香港人口味而且用左珍珠米，唔錯勁可愛，我同女朋友見到每個八哥既野都係到尖叫，最後以焦糖燉蛋結束今日美好既行程

如果你喜愛八哥的話，你應該會很喜歡這裡雖然這裡沒有真的八哥，可是有不同的八哥圖案在牆上，每碟食物會插上一枝八哥小旗，是不是要得到八哥的批准才可以吃呢好搞笑，餐廳推出單身狗套餐，邊個話單身狗唔可以食好野！龍蝦湯 $68突然想飲龍蝦湯，就散叫一碗湯湯超級濃的龍蝦味！如果湯的忌廉汁也可倒成八哥形狀的話，應該會很吸睛，不過相信應該頗高難度，哈哈！黑松露牛肝菌意大利飯 $118黑松露味濃而且不會蓋過牛肝菌的獨有香味！Carbon pasta $148卡邦尼意粉有濃濃的芝士味，上面有隻流心溫泉蛋，蛋破開後蛋黃與濃濃的芝士味拌勻，太完美了！消費滿$600，會送自家制八哥環保袋

因為有其中一個朋友係愛八哥狗狗之人，所以收工就約埋一齊去呢間樓上cafe食飯，順便聚舊喇上到去，環境裝修幾靚，周圍都有八哥既佈置。果日係星期一，6點幾上到去唔算太多人。朋友都可以好盡情咁影相，滿足一下。黑松露薯條遠遠已經聞到黑松露味，薯條香脆適中，唔會過份硬或軟，非常好香煎韓式一口和牛粒配自家制泡菜一齊放落口到酸酸甜甜，感覺好特別好新鮮，牛粒唔會過份熟，容易咀嚼自選汁烤焗雞翼雞翼分拆成兩邊，肉汁仍然鎖住唔會乾哂，而且食既時候方便又容易沾黏醬汁。葡式香辣燒春雞肥肉唔會好多，燒得香脆碳燒美國安格斯肉眼扒個人覺得唔錯，淋得黎有肉味。另外有薯仔片做配菜，薯仔又有肉汁味，感覺唔會乾，濕濕地容易入口卡邦尼意粉配溫泉蛋自己本身去好愛食卡邦尼醬汁既食物，呢間亦煮得唔錯，意粉彈牙，卡邦尼撈埋溫泉蛋超好食原隻龍蝦意大利飯成餐飯最好食就係呢碟，龍蝦有膏，肉質爽唔淋，意大利飯入哂味，真係非常之好

之前睇過一些網站介紹，都留意到有間主要以得意八哥為題嘅西式餐廳，一於趁假日約埋三五知己上去試下。餐廳位於加連威老道， 正正係龍城對面， 都好容易揾到。 雖然沒有真正八哥駐場，但就有唔少八哥元素嘅裝飾佈置， 就算唔係八哥迷嘅我都被佢地吸引住。安格斯肉眼扒 ~ 肉質嫩滑得來有嚼勁， 牛肉味相當濃郁，配合醬汁非常滋味。燒烤豬肋骨~上檯時已經傳來一股香噴噴嘅燒烤味， 未食已經流晒口水， 而且賣相不俗， 豬肋骨烤至香濃軟唸， 可口惹味，同朋友share一齊食，大家都讚不絕口，值得推介。香煎帶子龍蝦汁意粉~ 一款簡單美味嘅料理， 帶子肥美大粒， 煎至剛好熟， 配合鮮味龍蝦汁扁意粉， 味道夾得來好好食。黑松露牛肝菌意大利飯~ 侍應一送來就聞到濃郁的黑松露香氣， 我同朋友急不及待立即品嚐， 牛肝菌菇口感鮮嫩滑溜，意大利飯彈牙有嚼勁，令人一食就愛上。整體而言餐廳環境佈置優閒舒適， 食物水準唔錯，仲有好得意嘅八哥裝飾， 加上附近購物商場臨立，行完街順便過來食飯， 這裡實在是一個聚腳好地方，相信我們好快又會再來。

推薦指數：⭐️⭐️其實我就唔中意八哥既～基於男朋友鍾意先黎嘅食野👫又係一間sell gimmick但完全唔抵食既餐廳。1️⃣黑松露薯條 $68可能唔係我預期既，失望😐我期望係黑松露醬咁令薯條都融為一體。但依個似就咁灑黑松露碎，薯條還薯條既果，黑松露香氣亦唔夠🤔➖2️⃣德國腸拼盤 $158有唔同款既腸係幾好味😍但香腸成本平，賣出價錢貴太多了😕➖3️⃣安格斯肉眼扒 $258唔夠juicy，有點韌，麻麻地🤔

顧名思義，呢間八哥主題餐廳係以「八哥」黎做主題。餐廳的裝修設計，都搵到好多八哥既影子，餐廳氣氛一流，啱曬情侶拍拖或一班friend食飯。 黑松露薯條 - 薯條係厚切，份量十足，香脆度同熱度滿分，食落除左食到薯條香脆的感覺之外，黑松露的香氣會慢慢係口腔中滲出，令質感跟味道都更上一層樓。食完見到隻碟唔多油，隔油功夫做得幾好。 澳洲和牛漢堡 - 漢堡包包身鬆軟，澳洲和牛扒好厚實，肉質鮮嫩多汁而且味道香濃，唔似其他漢堡扒乾身而無汁，口感札實唔鬆散。 焗肉醬意粉肉醬 – 意粉煮得熟程度剛好，麵質唔好腍有咬口，軟硬程度恰到好處。肉醬同芝士夠多，甜度適中，味道濃郁又唔會過鹹，十分之香口，唔使狂撈每一口都充滿肉醬、蕃茄同芝士的味道，食落非常滿足。

🥂紀念日🎉，到大好評嘅主題餐廳一試。🤔🤔🤔怕人多，提早訂位。📞到場後發現客人唔多，店員親切儘管試試。無千層麫，就叫佢推介食品。今日唔太餓點咗三樣食品😋。芝士椰菜花，卡邦尼🍝，照燒雞漢堡🍔芝士椰菜花 聞到芝士味濃厚…放入口就有差異。味道唔夠。卡邦尼🍝賣相唔錯，有隻半生熟好有動感嘅溫泉蛋🍳,煙肉🥓。放入口無咩卡邦尼味，味道唔夠，講唔出差啲咩，加咗胡椒粉稍為吊到味道出嚟。照燒雞漢堡🍔有蕃茄🍅，酸瓜，生菜同薯條拌碟。雞扒🐓厚已去皮，健康非常🍴。放入口，有啲乾，味道唔夠，無咩照燒汁，麫包太軟無口感。唔知點解所有野我地都覺得唔夠味🤔。只有餐廳裝飾有八哥，🍃食品裝飾無完全同八哥無關，少咗啲驚喜。食物無特別之處，試咗一次都已經足夠。

光顧時間 : 星期三 大約下午3:30睇到雜誌介紹，滿心歡喜， 充滿期待，搭咗45分鐘車，專登出去 試下由2:00~6:00p.m.嘅$98蚊下午茶任食， 去到準備叫餐嘅時候， 店員話 兩款主打有狗狗嘅甜品已經冇哂， 只係得返泡芙， 😧已經非常失望。到咗點小食，我點咗四款( 包括有骨頭多士)在內， 跟住再叫主菜， 主菜選擇唔多， 只有四款，其中兩款只可以叫一份， 我哋兩個人，一個叫咗紅酒牛肉骨頭飯， 一個叫魚柳飯，😩但魚柳又話賣哂， 焗住改咗卡邦尼意粉D小食嚟到， 唔見有骨頭多士，以為佢好細心咁，好似圖片影出嚟咁，會另外上， 😠點知再問侍應又話賣哂， 真係勁嬲😡 叫乜冇乜， 基本全部關於狗狗嘅嘢都賣哂， 咁同佢K房，叫呢啲set，有咩分別… 咁都未完…到個主菜， 明明幅相影出嚟 及餐牌上都係寫住紅酒牛肉骨頭飯， 諗住最後都起碼都見到一嚿骨頭造型嘅飯吖， 點知佢比另外一個餐入面嘅腳印飯比我， 感覺非常求其，係咪因為覺得$98蚊就可以咩都冇得食，同求其比啲嘢人食飽就算呢😡🔥🔥， 一係你就唔好寫呢個價錢，我寧願你收貴啲， 唔好求其hea啲客人。連個主菜都上埋， 餐湯都未有， 再問侍應係唔係有