八哥主題餐廳 (Closed)

八哥主題餐廳之前見到有朋友去左呢間以八哥為主題既餐廳覺得好得意 所以今日特登去試下 我叫左pasta同小食 味道都幾好 正常西餐水準 不過呢間餐廳既重點系佢既甜品 八哥朱古力慕絲甜品 味道都唔錯 幾濃朱古力味 賣相就好似成隻八哥咁既樣 真系好似 打卡一流 食既時候都唔忍心切開佢🤣 誠意推介俾各位中意八哥或者狗狗既朋友👍🏻

情迷八哥🐶🐶主題餐廳 ;))餐廳入面全都系八哥 八哥fans一定唔可以錯過!!!!打卡影相 節日喜慶 慶祝一流😍😍1️⃣巴拿馬薯蓉拎出黎個陣 好香嘅煙肉味咬一口 系脆脆的 配上充滿牛油味嘅薯蓉 薯蓉鬆軟 好好味減肥中嘅小編都忍不住一食再食😋😋2️⃣Carbonara plus 溫泉蛋影左相先📸📸 先好整散隻溫泉蛋😍Carbonara汁加上溫泉蛋 味道超夾每一口都系滿足感覺 好creamy!!3️⃣烤羊架叫五成熟岩岩好 鎖住肉汁 又嫩口少少羊騷味道 但又唔太重 讚!

呢間位於尖沙咀以#八哥 為主題的餐廳，雖然冇真的八哥，但就有不少八哥的粉筆畫、公仔同裝飾，八哥迷入到來應該會幾鐘意！🍝黑松露牛肝菌意大利飯＄148黑松露味濃郁，牛肝菌亦不少，飯煮得好creamy，口感不錯😊！🐣烤焗雞翼6隻（BBQ汁/榛子楓葉糖醬）$88雞翼焗香脆，點上比較少見嘅榛子楓葉糖醬，甜甜的幾好味，仲配有醋汁沙律伴碟，可中和一下雞翼的熱氣❤️～🐶八哥宇治抹茶朱古力慕絲＄88甜品有比較特別的3D八哥朱古力慕絲，但覺得太過逼真，唔捨得食🙈，所以叫了呢款同有八哥樣的甜品，面頭印有八哥樣的宇治抹茶慕絲，質感有d似雪糕，但雪得有d硬，等溶一點吃比較好，抹茶都幾濃而下層的朱古力餅底就好香，不錯的😆~🍫熱朱古力$40面頭印有八哥的樣子，好可愛，而朱古力味道都幾濃郁呢😉

今日有個八哥迷朋友帶我去位於尖沙咀既八哥主題餐廳食晚飯。係尖沙咀站B1出口行幾分鐘就到，地下有指示要行樓梯上二樓就到間餐廳~沿途都有好得意既八哥圖案，好似指示你點去咁。一到達間餐廳，就會見到入面有幅好靚既粉彩畫，係隻八哥扮起聖誕老人祝大家MERRY CHRISTMAS同埋HAPPY NEW YEAR！餐廳既另一邊就係八哥著得好潮咁準備食大餐既壁畫，座位上面仲有兩隻八哥公仔回望過黎~望入去會見到入面店員忙碌咁預備食物。呢到既碗碟、紙巾都印有八哥既圖案。周圍都係八哥，連擺放牙籤、砂糖既杯都有八哥！因應聖誕節同埋新年，餐廳仲推出咗個聖誕新年套餐，供應時段由12月21日至1月1日。不過我地今日散叫，冇叫到呢個套餐。卡邦尼意粉配溫泉蛋︰就咁望個外表就已經好吸引，溫泉蛋係意粉中間，食之前撈勻佢，令到每條意粉都有蛋黃同埋芝士既香味，配料有蘑菇同埋煙肉，整體好creamy。香煎韓式一口和牛粒配自家制泡菜︰食完碟意粉之後，好想叫小食，所以就叫咗呢碟小食。和牛粒size啱啱好一口一件，香煎後肉汁被鎖係入面，所以食落好juicy，再配上韓式醬汁，加添咗一份甜味。每一口都會配埋自家制既泡菜，令剛才提到既甜味再

同朋友係尖沙咀食飯，搵到呢間評價幾好嘅餐廳，仲要係用八哥做主題，即刻同朋友試試餐廳位於信基商業中心二樓，有啲隱蔽，如果唔係之前上網搵過呢間餐廳都真係未必識嚟餐廳入面好有情調，同埋餐廳都好大間，座位闊落，因為我哋係平日夜晚去，靜靜地，好適合同朋友傾計餐廳入面有好多八哥嘅擺設，卡位嗰邊仲有啲八哥cushion，嘢食上面仲會有啲卡通八哥旗仔，好得意！我哋叫咗以下幾樣嘢食，味道唔錯，而且價錢係尖沙咀嚟講算好合理！蕃茄水牛芝士沙津（$88）招牌八哥燒烤豬肋骨（4支骨）（$288）卡邦尼意粉配溫泉蛋（$148）

🎼又到聖誕，又到聖誕🎷🎶每年最有氣氛就係呢個時候，完咗一個學期，梗係同朋友輕鬆下，去尖沙咀享受下聖誕氣氛😎🍻今日就去咗尖沙咀加連威老道新機商業中心2樓食個靚靚午餐，專程來感受下被八哥包圍嘅興奮🐶🐶！餐廳佈置同裝飾都落足心機，呢一幅粉筆的話每逢節日都會有專人特別設計，一大班朋友嚟打卡不得了😝👍🏽未到lunch time ，所以餐廳仲未係好多人，不過已經播着經典聖誕歌，超級有氣氛，等緊朋友都唔覺悶🤓原來連餐具也別出心裁💕所有午市套餐都唔使加一，以尖東這個地段來說，一點也不貴。最有驚喜係呢個軟殼蟹牛油果蟹籽漢堡，裏面有原隻軟殼蟹，新鮮炸出嚟吹博博，油溫夠高，所以唔油膩，上面加咗千島醬和大量蟹籽，咬落去脆卜卜且非常鮮味。原來漢堡包用牛油香煎過，所以有少少香脆，加埋牛油果醬，入口甘香。本身對肉醬千層麵冇咩期望，諗住都係咁嘅味啦，但係呢度嘅肉醬真係用真番茄做醬汁，唔會有好假嘅茄膏味，而且千層麵煙韌有口感，每一層仲夾住好多溶化的芝士，整體質素不錯。讓他叫咗七成熟，肉質鮮嫩，輕易切開，脂肪比例均勻，入口有幾香濃的羊酥味，另外薯條比一般麥當勞嘅粗身，裏面有幾軟綿綿嘅薯蓉，外脆內軟，口感不錯。甜品梗係要點

今日相約朋友黎呢間以「八哥」做主題既西餐廳食晚飯！未食先期待，因本人係一個八哥迷難得有呢個主題點都要試下！本來以為會有八哥係入面，但原來冇既，有少少失望，不過都可能係因為食肆所以唔比有動物不過都唔重要，最重要係食物質素！！雖然冇真既八哥，但入到餐廳由頭到尾都係見到八哥既野，包括裝飾、餐具先食個黑松露野菌意大利飯，好食！黑松露個香味夠濃，野菌夠多，份量足夠！以百幾蚊價錢黎講係合格有餘因為兩個人食就漢堡包分一半薯條好味漢堡包夠熱辣辣好正最後要多個甜品，八哥綠茶朱古力慕絲cake淨係個樣都加晒分食落都唔差，略嫌綠茶味唔夠濃，但d水果都好多值得加分！總括黎講呢間餐廳食得過，即使你唔係八哥迷，但食物質素有保證！

我同朋友約19:30到見面，專登帶佢嚟八哥主題餐廳。佢可以享受下八哥公仔、擺設呀依d。有幾款以八哥為名既主菜同甜品，甜品無食到今次，見有枱4人食都好像不錯。黑松露薯條 $68香口貪吃先叫嫁，黑松露味道唔太出，係食大件少少先有味。但薯條炸得金黃，比m記厚身，所以少少都滿足左小貪吃。招牌八哥燒烤豬肋骨 $188有青豆同薯仔做配菜。青豆有啲似中式嘅欖角炒四季豆，炒得好收水同油d濃味。薯仔爽口為主，但唔生既。豬肋骨有4件夠兩個人食，多肉。豬肋骨比較多肉同厚身！一件都夠女仔食既，兩件會開心d，哈哈。第一件肥肉多，之後3件都係得少量肥肉，nice嫁！近骨位少少肉同根膜？都易咬，唔洗下下車住食！卡邦尼意粉配溫泉蛋 $148溫泉蛋做得幾出色岩岩好，蛋黃蛋白分明。蛋黃吉兩下就爆開，整個意粉幾多汁好濕！意粉係扁意粉，硬度乾既感覺，好彩有汁令意粉上濕潤，但濕令味道唔集中咁。煙肉蘑菇都幾多，煙肉唔太多肥ok！近christmas有貼題既粉筆畫，幾生動。

韓國小餐飲的Hungry pug 星期一至五最近免加一記憶中其咖啡是即磨咖啡且屬正式韓國人手做咖啡餐式由58元至68$ 上是牛油果蟹肉意大利面這是咖哩豬扒飯最叫美女感動就是這團白飯做成狗骨模豬排已切條狀牛尾紅酒汁他們似造意大利面比較出色肉醬千層面起初第一二口好味一個人吃晒很快就極滯有點嫌惡西餐的通病太多牛油太少精緻文化我們已經採取中意就分甘同味但我的千層面仍是非常油膩無美女終於結算：這裡的意大利面餐有專業技術但可惜我的口味取向愈來愈傾向於中國人的精髓只好推薦八哥杯熱咖啡

八哥係種神奇嘅生物，有人話佢勁得意，亦有人話佢皺皮樣衰。但呢間八哥主題餐廳嘅食物無論你對呢種狗點睇都可以試吓。午市有平有貴，平嘅分分鐘抵過尖沙咀嘅冰室們。蟹肉牛油梨意粉好香蒜蓉味，但食嗰陣見唔到明顯蒜蓉粒，應該係好有心思咁連同牛油果一齊打成醬。蟹肉係貨真價實，絕非仿蟹柳，而且肉量相當多，亦好大粒，真正啖啖肉。肉醬千層麵雖然classic，但要做到麵皮唔乾，醬汁唔膩亦唔易。除咗面層嗰啲半焦芝士外，千層麵層與層之間都有唔少拉到絲嘅芝士，食落特別香。肉粒亦比一般肉醬大，更食到肉味。要數打卡王牌，必定係呢個朱古力mousse。狗仔幾可亂真，一條條嘅毛髮都睇得清清楚楚。食落去感覺似冰條，味道似朱古力奶，雖然唔知係咪因為雪得好硬，質地同心中預期比較creamy嘅mousse有啲落差，但不計菜名，只講色香味嘅話隻狗絕對「劏」得過！呢個甜品set有埋芝士蛋糕，份量都幾大，成個set足夠比3-4人share。餐廳雖然冇真狗，但食物味道唔錯，即使唔計主題亦食得過。

而家比較常見連鎖餐廳cross over其他品牌出主題餐單，真真正正嘅主題餐廳愈嚟愈少見。呢間餐廳以八哥做主題，雖然冇真狗仔駐場，但舖內周圍都畀佢「霸晒地盤」，有唔少單身狗公仔陪你食飯。午市免加一，最平嘅set只係$58，喺尖沙咀絕對係茶記價錢，cafe質素，幾抵。但嚟得主題餐廳當然想試啲特色嘢，叫咗個軟殼蟹牛油果蟹籽漢堡。漢堡大大個而且漲卜卜，啲蟹腳踢晒出嚟，打卡一流！入面相當足料，有大量蟹籽同牛油果醬。一啖咬落去包面少少脆，幾香牛油味，牛油果醬同沙律醬加埋係雙重咁rich。蟹大隻啖啖肉，雖然打卡重要，但天氣開始凍，炸蟹要趁熱食，如果唔係會食到油味。薯條粗身又大條，炸得乾爽香脆，而且仲留咗啲皮，特別香。甜品高質！擺盤靚得嚟仲有少少聖誕氣氛。雪糕幾有驚喜，並唔係常見供應商出品，而係芒果味幾真嘅雪葩。蘋果金寶果肉大粒，酸酸甜甜食完好開心。不過餅乾控嘅我當然想面頭多啲脆脆啦，因為呢度用咗冇批底嘅做法，會唔夠喉~餐飲冇加錢，只係汽水，但狗頭杯已經夠你打一輪卡喇~

我本身很喜歡狗狗🐶知道有一家餐廳是用八哥狗狗做主題的餐廳，所以我們決定去一趟來😜星期六晚上沒有限時所以我們覺得很舒服👍🏻店𥚃的裝潢全都是八哥主題，我好喜歡呀！我們這次叫了一個二人餐另外再加其他東西食😝食物如下🤤Set 餐湯、Set田園沙律配胡麻醬汁、Set碳燒美國西冷扒、Set焗西班牙海鮮飯、巴馬火腿香草醬意粉、香煎餅帶子龍蝦汁意粉、Set+$60八哥3D慕絲配芝士餅、黑松露薯條🍟Set檸檬茶😜每樣食物都很好食，尤其3D慕絲有狗狗造型，另外店員服務非常不錯👍🏻

朋友生日，又見到呢度嘅狗仔甜品咁得意，就同佢過嚟食飯啦。晚餐好多選擇，有二人餐，亦都有普通晚餐，價錢由二百多元到三百多元。餐湯，羅宋湯偏少少辣，但係味道不錯鴨肝沙律沙律菜新鮮，配上醋來吃特別清新鴨肝唔騷，軟綿不油膩西冷牛扒牛味足，但係有少少韌，兼且有根，有啲位好難砌得開碟邊隻狗仔公仔很可愛，但係冇味道的。。。應該不是可可粉Green tea latte貪佢有狗仔圖案很可愛，所以加了$10，由普通餐飲，轉做green tea latteMocha跟餐嘅甜品焦糖布甸加芒果雪葩，非常出色主角出場，狗仔甜品!狗仔係朱古力味雪芭，雪到好硬好硬的，配上芝士蛋糕， 非常豐富， 而且非常可愛。

上一次來尖沙咀行街時，望到一間樓上cafe窗門貼上幾張八哥的貼紙，原來這店叫 Hungry Pub，環境裝修全部圍繞八哥主題，包括牆上兩幅大型壁畫，為食好 Rock 的八哥、以Halloween 主題的八哥，相信八哥迷到這餐廳必定瘋狂地影相。同時有些座位更有八哥公仔陪你共度晚餐。脆炸洋蔥圈（$68），一碟十多片，洋蔥味都好濃，熱辣辣炸得非常香脆可口。卡邦尼意粉配溫泉蛋（$148），先把溫泉蛋攪拌在意粉裡，本身意粉已有好豐富的芝士同cream，融入溫泉蛋後質感更Juicy、麵條更細滑，味道更香濃。八哥朱克力慕絲配美國芝士蛋糕（$148）,這份食前，可要求廚師在碟上寫字，好適合同朋友慶祝生日、同伴侶週年慶祝時叫的甜品，由於我只是好奇、想打卡影相而來食，所以都係寫返我個openrice 食家名。當八哥甜品送上枱上，不禁真係要講返句嘩，真係超似，八哥的皺紋、神緒，好似擺出了一臉楚楚可憐的樣子，”不要食我丫!>.<” 由於八哥朱克力慕絲部分都雪得有點硬，所以需靜待大約十五分分鐘左右，時間正好是可以不停影相，如果照完相又未完全解凍，可先行食芝士蛋糕先。味道方面，八哥朱克力慕絲在等待

放假同朋友去尖沙咀行街經過加連威老道，見到尼間八哥主題餐廳好得意咁，而且價錢唔貴，正值午飯時間，就上去開餐兼打下卡吧門面不太起眼，要行樓梯上2樓，大家留意啊店面型格闊落，燈光柔和，坐位舒適，每一個角落都有八哥嘅蹤影，非常可愛我地安排坐窗口位，對住街境，非常開揚尼幅粉筆畫好精細好靚，點綴左成個環境，非常吸睛連餐牌同餐巾都印左八哥，而且用上sharp醒嘅綠色，好靚啊午餐有多款選擇，包餐湯或沙律🥗，而且不用加一服務費，凍飲亦不用加錢，非常抵食另外只要於facebook讚好及簽到便可有免費小食一份，好著數呢今日餐湯係羅宋湯，酸酸辣辣好開胃，而且好足料，又不會太油，清清地啱曬我温泉蛋卡邦尼意粉，賣相吸引，熱辣辣，白汁又濃又creamy，味道調教得剛剛好，温泉蛋生熟程度剛好，非常美味意粉係扁意粉，軟硬適中，好有口感BBQ汁雞扒意粉，顏色配搭好豐富好靚，BBQ 汁好惹味雞扒大大塊好嫩滑juicy，不會乾身，配菜亦非常豐富黑松露薯條🍟，黑松露醬好香，薯條粗身有口感，連皮炸非常香脆，而且新鮮熱辣餐飲亦非常精緻，糖醬同花奶分開上，好細心離開時見到畫師準備清潔黑板換畫，好期待佢嘅新作呢！我估好有可能係聖誕節