Hunky Dory

Open Now

Now Closed

今次又再嚟翻撻呢間位於科學園嘅隱世餐廳🤪呢款英國皇家牛肉漢堡$138🍔絕對係必嗌！上次食過好好味！所以今次又嚟食😋好足料多肉多汁。我哋今次$10加配咗黑松露醬for薯條，冇諗過咁夾韓式烤牛肉泡菜班尼迪克蛋$108🍳本身同朋友叫咗燒春雞，但係店員好誠實咁話最後嗰隻唔靚建議我哋換其他嘢食👍所以最後就揀咗佢，以為普普通通，點知出奇地好食，偷偷地聽到隔籬枱講好味嘅班尼迪克蛋真係好難整，但係呢間唔會令你失望🤪吞拿魚紅石榴蘋果菠菜沙律$128🥗想食清新嘅朋友仔，可以揀呢個沙律，入面嘅蘋果係經過處理唔會變黃，沙律仲有蕃茄同芝士，呢三樣嘢配合生吞拿魚真係好似交響樂咁正🤩

今日專登預訂左Hunky Dory食午餐,黎到門口有人排隊等位。餐廳入面盒與位之間空間較大，吾會怕會撞到隔離左右食客。坐定左職員話掃code落單，掃完每道菜都有圖片顯示，即時可以知道所點菜式，我點左傳統凱撒沙律，精選烤拼盤加一杯美式咖啡。等緊出餐期間，我周圍望下餐廳環境擺設，天台隔離有個花園仔，見到好多小朋友係度玩耍，有放狗人士，再睇返餐廳入面，有個酒吧，眼見都收藏左好多名酒，如果想飲返幾杯，又吾想同人迫呢度都吾錯架。講返個凱撒沙律，因為個人比較鍾意食沙律，食西餐必點，我覺得呢間凱撒沙律做得吾錯，啲份量好多，汁撈得好勻，我係食晒全部包括汁😜😜，跟住上埋美式咖啡下，咖啡無特別我就吾提咁多，可以一讚既係夠熱夠濃，性價比吾錯。最後係烤拼盤，有薯角，NZ牛眼，雞胸，沙律🥗，不得不提既係個安格斯肉眼牛扒，我無要求到幾成熟，眼見黎到係—3-4成熟，口感好爽，又吾韌，似細細舊好易入口，我好快就食晒牛扒，切細細舊好易入口，雞胸我飽肚關係試左少少，不過不失，我建議如果叫精選拼盤就吾好叫其他野，因為份量好足，一個人食好飽，再叫食吾到其他野。總結：食完我係推介呢間餐廳，原來是一半食食物質素，一半睇環境同員工

呢間好食到就算喺科學園咁遠我哋都又再encore🤩今次都試咗啲新嘢，水準依然係咁高。英國皇家牛肉漢堡🍔 $138冇錯又係佢，連續兩次都嗌佢就知佢有幾好食🤩今次份量同樣震撼，肉汁滿溢，另外仲加咗$10要個黑松露醬，點薯條食一流😍韓式烤牛肉泡菜班尼迪克蛋🍳 $108本身係叫咗燒春雞🐔，但店家好好人哋主動同我哋講得返最後一隻雞，個樣唔太靚，我哋可以嗌其他食物。呢個班尼迪克蛋同樣唔細份！厚厚嘅牛肉🐮上充滿着香濃嘅泡菜醬，仲有流心嘅蛋，係一個絕妙嘅組合💯吞拿魚紅石榴蘋果菠菜沙律🥗 $128想食下啲fresh嘅嘢，就叫咗個沙律。蘋果🍎係經過處理嘅，我哋影咗咁耐相都冇變黃色🤣除此之外，沙律裏面仲有蕃茄仔🍅同芝士粒🧀，冇諗過同生吞拿魚🐟一齊食會咁match！隔籬枱見到之後都即刻叫咗碟😋

科學園越來越多餐廳，但呢間依然係我嘅名單入邊，主要係對家長來講真係好方便。可能因為疫情放寬關係，今次嚟就喺室外位置，大人就喺高枱嗰度一路食一路傾偈，小朋友就食吓又出去跑跑跳跳，開心又放心。而且好欣賞佢呢度嘅食物選項一直都好多，仲有埋兒童餐，職員一見到有小朋友，又會好細心問你要唔要小朋友櫈同兒童餐具。我老公嚟親都一定要食佢嘅all day，水準不減，而且佢呢度上菜好快。另外叫咗個三文魚菠菜忌廉汁闊條麵俾小朋友，三文魚煎得夠香脆，夠熱。意粉夠creamy 夠煙韌。我自己就要咗個龍蝦包，大大份，龍蝦肉又多，再加埋佢嘅醬汁同芝士，真係好好味！

科學園泊車又優惠又有得🚗充電，所以最鍾意揀科學園食嘢🤭🤭🤭今日又再同幾個同學仔媽媽朋友去食早餐，睇吓個menu，都係我鍾意嘅All day breakfast, egg Benedict, 😋😋😋 味道不錯，仲可以嘆我最愛嘅Mocha 咖啡☕️

假日嚟科學園可以chill吓，呢區遠離繁囂，空氣清新，無論拍拖、帶住小朋友或愛犬放電都一流，齊齊近近地度吓假！ Hunky Dory可以揀坐室內或者室外，外面有片大草地，天氣好果陣坐係室外吹吹風都幾好feel!🔆佛羅倫薩班尼迪克蛋 Eggs FlorentineBenedict係all day breakfast嘅靈魂👻 水波蛋流心，配有baby spinach同埋english muffin，整個全日早餐配搭健康，做得不俗。🔆威靈頓牛柳 威靈頓牛柳源自蘇格蘭，為英國經典西餐食物，其製作需花功夫，比較難控制生熟度，工序相對繁複，鮮有餐廳提供。如果嚟到想試呢個金黃色酥皮包住超厚實嘅牛柳就要快啲落單喇，製作需時30分鐘左右。🔆Cream Brûlée Cappuccino🔆Macchiato唔飲咖啡唔安落嘅兩位咖啡控表示高興，呢度除咗提供酒精飲品/果汁/茶之外，連咖啡都提供咁多選擇，亦可以揀size同揀whole/skimmed milk，幾有誠意。🐷🛎️必試指數：8/10🔆

今日黎搵朋友收工，佢帶左我去科學園一間天台餐廳，係一個好適合忙裡偷閒既地方！由科學園大樓下面既common area開始，已經有輕鬆愉快既感覺，上到黎Hunky Dory 呢到，面對住大草地加藍天，就更加開心！講下食物：黑松露薯條🍟份量大，有黑松露同茄汁兩款醬選擇，熱辣脆口，係寒風吹半個鐘都依然好味！牛油果雞肉漢堡🍔首先講個可惜既位係原來漢堡都係有薯條架😂😂份量都係唔少，所以價錢好抵！（小驚喜係佢既兩種薯條係唔同款！）我同朋友食到勁飽！然後漢堡我會話係極真材實料，有大啡菇，大塊牛油果同雞肉漢堡，味道係清新而有層次，唔會有咩食材太搶味/失色，極推薦！愛爾蘭健力士牛肉批見個名咁勁似係呢到signature, 如果我譯出黎係「酥皮煮紅酒汁特級牛肋肉」！首先份量都係大（話曬都健力士？），其次係酥皮加上醬汁牛汁味道好好！牛肋肉係特級選擇，食落一d都唔會硬同痴牙！自製蘋果批製作好有心思，賣相吸引，重點係原塊煮蘋果加上雲呢拿雪糕既絕配！甜品黎講兩個人share 岩岩好！

假期念唔到食咩好🤣念起之前食過呢間餐廳環境好舒服乾淨既西餐廳 即刻揸架車去試下💓呢到既裝修好有格調 個view無敵 餐廳設有室外同室內嘅座位 價錢好合理 鐘意靜靜地食飯既真系一個唔錯既選擇！▫️波士頓龍蝦寬條麵呢款寬條面好掛汁 波士頓龍蝦好爽口 咬落彈牙 不過就比較細粒 食落無咁啖啖肉 但勝在價錢一流🙌🏻▫️三文魚菠菜忌廉汁寬條麵煎香左嘅三文魚柳一啲都唔鞋 皮脆肉嫩🔥食落唔會好乾身 加埋菠菜忌廉汁 令到三文魚好濕潤 有蘑菇配搭既闊條麵就比較硬身 好掛汁 成個配搭好唔錯！▫️黑松露薯條次次👦🏻都會叫唔同餐廳既薯條食🔥呢款系幼身薯條 熱辣辣 配搭茄汁同黑松露醬 好高質香口😍▫️炸豆腐棒外脆內軟 豆腐唔系平時食開個種 呢款比軟似腐皮既口感 香脆可口 再搭配埋蕃茄醬 惹味可口！

位於科學園19w 樓上，真的是穩世餐廳，沒有search Openrice, 根本不知道它的存在炭燒安格斯肉眼扒8oz賣相來講，未見過一間西餐廳甘Hea，一個肉眼扒無擺盤便拿出來幸好煎牛扒的廚師也十分有經驗，7成熟，牛扒肉質嫩滑，而且較多汁。本來肉眼便是牛胸背脊與肋骨之間的肌肉，口感層次亦較豐富，沒有浪費了一塊牛扒要數不足便是配菜只有2件紅蘿蔔及1件小棠菜有點質素的餐廳都沒有這麼「孤寒」。吃到最後有點膩的感覺，最後一兩口強制吞嚥😅

📝倆口子好耐冇郁動過假日出嚟踩單車🚴🏿‍♀️做下運動揀咗沙田➡️大埔呢條路線因為太耐冇做運動全程兩個鐘先入到去😵‍💫期間好多休息位當然唔少得留喺科學圓chill chill🎶🎵對上一次嚟已經係久遠嘅事見到依度已經開咗好多餐廳決定交完車返嚟晚餐🍽️🔹Hunky Dory🔸主打西✖️ 韓fusion菜同時提供各款小食 咖啡和酒類飲品🍽️🥩🍝🍷🍻🍰入夜後環境更為寧靜開陽嘅環境與露天花園相鄰舒服寫意🎑🍽️威靈頓牛柳熟成度控制得宜酥皮金黃 牛柳嫩紅 切開後香氣湧現 可惜醬汁帶苦澀味不知道是不是黃芥末太重手 影響了味道🍽️三文魚菠菜忌廉汁寬條麵中規中矩三文魚煎得香脆寬條麵有點煮過頭不彈牙🍰Cappuccino cheesecake🍰Classic French Lemon tart甜品反而有驚喜Cappuccino cheesecake 口感似New York cheese比較實淨濃厚嘅咖啡味雖然有少少蓋過芝士味但反而另佢冇咁漏Lemon tart 皮邊保持香脆 mousse幼滑酸酸甜甜 作為飯後甜品 good good🚩HUNKY  DORY📍科技大道西19號19W大樓2樓RT 245號鋪#科學園

上網見呢間嘢好似幾靚，就專登同朋友入嚟科學園試吓😋 呢度環境的確唔錯，對出就係天台花園，成間餐廳都好闊落🥧 愛爾蘭健力士牛肉批 $138呢道餸好特別😋先將牛肉粒、蘿蔔粒🥕、薯仔粒🥔等燴煮，然後鋪上酥皮，再攞去焗。酥皮脆卜卜加埋燴腍左嘅牛肉粒一齊食，口感特別，味道豐富🤤🐖 炭燒醬豬肋骨 $188個豬肋骨好淋同入味，而且仲好多汁，配埋個酸酸甜甜嘅炭燒醬，好開胃😋 成碟嘅份量好足，仲會有沙律同埋薯條👍🏻🍟 黑松露薯條 $68呢個薯條同其他餐廳唔同，除左有黑松露醬可以點之外，仲係薯條上撒左黑松露味嘅鹽，令到黑松露味更濃郁😋薯條炸得好脆，份量亦都好大🤩🍑 Iced Peach Tea $42呢杯茶嘅白桃味都幾香，唔係落糖漿嗰種味，而且唔會太甜，清清地咁又帶少少水果香味，啱晒食完嘢之後解膩🤪-整體嚟講啲食物嘅質素都幾高，而且價錢都唔算太貴，環境都好舒適，值得過嚟試吓😚-味道: 8.5/10服務: 8/10環境: 9/10回頭率: 8.5/10總評: 8.5/10

天氣終於暖返D啦，而且陽光明媚，適合踩單車~ 系沙田租車踩到科學園，剛好時候食個午餐。這家普通西餐廳位於香港科學園，提供了傳統的西式菜餚。我走入餐廳時，被簡潔而現代化的裝飾所吸引。我地叫左兩個主菜，馬格麗特pizza，材料足夠，巴拿火腿唔會鹹。仲有一個芝士汁大蝦意大利燴飯，芝士味香，大蝦都彈牙ge。再加一個咖啡芝士蛋糕。一邊飲野，食甜品，chill chill ，舒服的感覺。服務都唔錯。我同朋友都幾Enjoy ~

呢間餐廳是位於香港科學園的一家西餐廳。他們以特飲和海鮮為主打菜色，而且他們的非常有名。當我到達餐廳時，服務員很熱情地向我介紹了菜單上的不同選擇。最後我選擇了他們的海鮮當端上桌時，它的香味就已經讓我胃口大開。佢既的味道得非常到位，口感鮮嫩多汁。而且他們的配菜非常好吃，讓我驚艷不已。這道菜的味道簡直讓我回味無窮。最後，我還點了他們的招牌甜點芝士蛋糕-。佢質地非常柔軟，而且味道非常濃郁，甜度適中。不過，我認為這道甜點的份量有點小，如果你是一個非常甜點愛好者，那可能不夠吃。總的來說，呢間是一家非常值得一試的西餐廳。他們的小食非常好吃，而且配菜也很出色。服務員的服務也非常好，讓我感受到了舒適的用餐體驗。

♡每一篇都係很用心寫的食評♡⑅◡̈*！！✿ฺ ♡ ✿ฺ ♡ ✿ฺ ♡ ✿ฺ ♡✿ฺ ♡✿ฺ ♡ ✿ฺ ♡📍科學園 ：Hunky Dory✿今日入咗科學園諗住搵間有feel啲嘅餐廳食晚飯🥰 之前見到IG有人介紹～✿✨！！菜式推介！！✨🍖 炭燒醬豬肋骨 $188呢個價錢好surprise🤣喺呢啲餐廳竟然咁平～仲要大大分好厚肉🫶🏻仲要配咗好多薯條同埋沙律菜😼👍🏻🍝 三文魚菠菜忌廉汁寬條麵 $138第一下食落口係好大陣嘅芝士味🥹💗好食到傻咗！！仲要係原塊煎嘅三文魚🥹🥹💖💖🍰 傳統鮮檸檬撻Lemon Tart $58酸酸甜甜幾開胃✨而且擺盤幾靚打卡一流～✿ฺ ♡ ✿ฺ ♡ ✿ฺ ♡ ✿ฺ ♡✿ฺ ♡✿ฺ ♡ ✿ฺ ♡✨小編食評✨👧🏻： 好有feel嘅餐廳🥰✨下次慶祝生日可以再去！👦🏻：Full of British culture🥰🥰✿ฺ ♡ ✿ฺ ♡ ✿ฺ ♡ ✿ฺ ♡✿ฺ ♡✿ฺ ♡ ✿ฺ ♡📍餐廳評分：味道：💗💗💗💗💗價錢：💗💗💗💗💗地點方便：💗💗餐廳服務：💗💗💗💗💗餐廳整潔：💗💗💗💗CP值：💰💰💰💰💰回頭率：99%✿ฺ ♡ ✿ฺ ♡ ✿ฺ ♡ ✿ฺ ♡✿ฺ ♡✿ฺ ♡ ✿ฺ ♡✿ฺ ♡ ✿ฺ ♡ ✿ฺ ♡ ✿ฺ ♡✿ฺ ♡✿ฺ ♡ ✿ฺ ♡👧🏻👦🏻我哋係一對

白石角單車遊悠閑午餐星期六係大圍出發踩單車 途經白石角科學園咁岩到左lunch 時間 就想係附近搵一間食lunch有朋友推介我可以試下位於19W 2F 既一間餐廳話果度人流無咁多 會chill 好多去到見到餐廳係內外打通 可選擇坐室外or室內有小朋友既就可以畀佢地係對出既花園仔放電有陽光 微風 相當舒服😌餐廳仲有特色bar水吧 擺滿哂酒水咁我之後要揸單車 今次就無試到佢呢到既酒啦坐低第一時間就緊係揀番杯咖啡啦咁我就叫左一杯 Dirty-Normal 熱啡配凍奶 加上有視覺上既享受係一杯唔錯既選擇另外就叫左一份黑松露野菌湯呢個湯就會配一塊多士野菌湯有陣陣松露野菌味 咁佢就唔係平時飲開結身既果隻可能呢種texture就唔係咁岩我但味道都係可以的小食我就揀左雙重炸脆雞中翼呢款小食好岩配下啤酒雞翼金黃色 炸到岩岩好 皮脆肉嫩又唔會太重口味 好適合小朋友同大人一齊分享推薦大家可以試下主菜啦 睇餐牌真係花多眼亂見好多枱都係食burger 加上佢好似好多菜式都有牛做主菜 咁我最後就決定叫左份英國皇家牛肉漢堡呢個set就有好多薯條同埋沙律菜 如果你唔想得茄汁 可再叫一份松露醬漢堡牛肉好厚身 可以揀熟度