Hunky Dory

Open Now

Now Closed

今日同朋友約左一齊踩單車入去大尾督，中途途經科學園，就諗住入去休息吓，順便食埋lunch。我地見hunky dory都多好平，就揀左呢間餐廳，一入到去被安排係open area，可以望到外面有一個好大既草地平台同埋藍天白雲，好chill ，有好多小朋友同埋寵物好開心玩緊。餐牌好多選擇，除左早餐意粉飯burger外，仲有韓式fusion食同埋各類型飲品，mocktail, cocktail 應有盡有。 我就揀左新英格蘭龍蝦包$168。呢個包啖啖龍蝦肉，肉質新鮮彈牙，麵包有烘過，再夾埋d芝士同醬汁，好滿足。朋友就叫咗英國皇室牛肉漢堡$138我，牛肉勁厚又多汁，配埋半溶芝士，好full。我仲叫咗一杯fruit punch(classic), 啱啱踩完單車飲真係透心涼!兩個包都有跟薯條，份量好多，而且炸得啱啱好，我哋仲叫咗一個黑松露醬$10，好香黑松露味，果然同薯條絕配，最後因為份量太多我哋都食唔晒😂我地仲叫左小食炸雞翼，炸得好香脆，同juicy最後，我哋仲叫咗一個甜品，咖啡芝士蛋糕$48，咖啡同芝士嘅味道好balance，而且唔會太甜。可惜今次食唔到招牌蘋果批，希望下次有機會再嚟食!

星期六襯住同侄女去玩平衡車比賽去左科學園～三軍未到糧草先行，未比賽梗係要去醫肚19W座Hunky Dory，餐廳以做西餐為主，老少咸宜，不過最重要都係地方大，出面仲有草地比細路放風，環境舒服，唔會背隻貼背隻。-紐西蘭肉眼牛扒火箭菜沙律肉眼牛扒肉味濃，配搭爽脆帶微辣的火箭菜仲有咸香的feta cheese,爽甜多汁的梨子，好醒神醒胃，做前菜一流。炸魚薯條炸魚薯條肯定大細都愛，炸魚外脆皮炸得香脆金黃，最正係魚肉雪白肉嫰，薯條金黃香脆，停唔到手啊～-愛爾蘭健力士牛肉批一上檯已經嘩嘩聲，好香啊酥皮焗得香酥，入面以黑啤醃製過愛爾蘭牛柳更加要大贊，焗得好淋身入味，仲有配菜蘑菇蘿蔔，好濃味層次好豐富，yummy。-英國皇家牛肉漢堡估唔到呢到的漢堡都幾出色，漢堡厚肉得黎肉質鬆化又味濃，漢堡包都有烘烤過，唔會凍冰冰，生菜蕃茄半溶cheese當然唔少得，仲有外脆金黃的薯條，簡單卻好食-呢到的甜品都唔錯ga,檸檬批同咖啡芝士蛋糕，檸檬批甜甜酸酸，批底都好食咖啡芝士蛋糕有微微coffee的香氣，perfect ending 👌 

出去開會收工咁岩喺科學園附近，朋友又喺沙田嗰度做，聽佢介紹佢話呢間西餐廳都唔錯，佢話佢平時晏晝嚟，天氣好坐外面，環境好chill可以望住個大草地。今次晚上黎佢話又有另一番感覺，坐住indoor先啦! 環境好ok 幾舒服坐得闊，枱與枱有一定距離、食得放心。三文魚菠菜忌廉汁寬條麵真心整得好食，送上枱時熱辣辣，賣相靚!!! 三文魚煎得唔算厚但好香都幾大片、配上蘑菇、菠菜及濃郁忌廉汁，汁整得好好好濃忌廉味，抵讚。但份量少得濟，我女仔食完都唔太夠飽。Coffee cake 不過不失，唔會太甜係幾好ga，有少少咖啡豆香，overall 不錯。

星期六同屋企人去左科學園走左個圈啊～沿住海旁行都不知幾舒服，當然行完個圈就梗係要去醫肚係19W座的Hunky Dory地方大，環境舒服，望住中大山頭，舒服程度完全不比海旁差。-Hunky Dory菜色選擇都幾豐富，由金日早餐輕食沙律，到Benedict Egg 三文冶burger 以及龍蝦包，又有各種肉類如豬肋骨肉眼扒仲有飽肚類pasta 同意大利飯都有，一家大小老幼黎都有得選擇。-紐西蘭肉眼牛扒火箭菜沙律肉眼牛扒煎得嫰嫰的，肉味濃。火箭菜清新帶微微辣，是新鮮呢。仲有清甜多汁的Pear, 成份沙律都配搭得宜。-英國皇家牛肉漢堡一上檯時覺得好澎湃，漢堡切落多汁Juicy又嫰滑，配搭半溶芝士，生菜蕃茄夠爽甜，而且仲有一大籃炸得金黃嘅薯條大份夾抵食。 -三文魚菠菜忌廉汁寬條麵三文魚輕煎過，忌廉汁寬條麵口感都唔錯。-愛爾蘭健力士牛肉批必須要大推健力士牛肉批，酥皮局得香酥滿滿牛油味，入面愛爾蘭牛柳仲要以黑啤醃製過，再燴煮多個小時，焗得好淋，配搭蘑菇蘿蔔同蕃茄，肉味滿滿。 -飯後叫埋檸檬批同咖啡芝士蛋糕，前者香甜帶微酸，後者不會過甜，帶微微咖啡香，好滿足🥰🥰

📍 Hunky Dory (科學園)沙田白石角香港科學園科技大道西19號19W大樓2樓245室———————————————科學園呢間餐廳採用半開放形式，外面就係一片綠草如茵嘅大草地，日頭嚟到天氣好嘅話仲會見到啲藍天白雲，氛圍既休閒又寫意💙🤍紐西蘭肉眼牛排火箭菜沙律(💰: 138 hkd) 火箭菜口感爽脆，仲有好清甜嘅雪梨塊，配上多汁厚切的肉眼牛排，份量仲要好大添，食落好滿足得來又清新，一啲都唔油膩，絕對係健康之選🥗🥩炸魚薯條(💰: 118 hkd) 食英國菜點可以唔叫最經典嘅小食- 炸魚薯條呢？🍟🐟 呢度嘅炸魚選用了肉質細嫩的龍脷魚，大大塊咬落去好juicy，經過啤酒漿油炸後口感酥脆，配上英式粗薯條，簡直係絕配❣️番茄蓉肉丸寬條麵(💰: 128 hkd) 呢道菜選用咗口感紮實嘅寬條(Fettuccine)，識落幾有咬口，加上經典肉丸同埋蕃茄蓉，酸酸甜甜又清新可口，食晒成碟都唔會覺得滯🍝🧆Fruit Punch (Classic)雜果賓治(💰: 42 hkd) 呢款飲品打卡簡直係一流，如果夏天飲簡直係消暑良物，配上西餐都係好夾嘅🍹👍🏻整體評分 (6個🐽為滿分)味道：🐽🐽🐽🐽🐽抵食：🐽🐽🐽

同屋企人踩單車經過呢度，就入咗去食咗陣嘢！ 呢度座位好闊好大 唔會坐得好迫！ 小食： 雙重炸脆雞中翼雞中翼外層炸到金黃色， 好脆呀～ 入面既肉質好嫩滑！威爾士式豬肉丸有6粒豬肉丸 味道適中唔會過咸🤗主食： 新英格蘭龍蝦包龍蝦包份量好大～ 入面有成條厚厚既龍蝦肉！ 而且肉質好新鮮！ 威靈頓牛柳 （需時30分鐘）威靈頓牛柳好腍～ 牛味濃郁！ 一啲根都冇配埋焗薯～ 👍🏻飲品：Mango Yakult Soda $42飲完之後成個口腔好清新❤️

呢到可以揀露天出邊食或者係室內食～ 好chill呀～ 同三五知己嚟呢度就一流啦！ ❣新英格蘭龍蝦包 $168個麵包好軟熟， 龍蝦好大舊，新鮮彈牙， 鮮甜! ❣威靈頓牛柳需時30分鐘 $188酥皮焗到外層好脆～ 牛柳太概五成熟～ 好林! 味道濃旭🥰❣雙重炸脆雞中翼$68炸到金黃色外脆內嫩，雞肉好鮮嫩❣威爾士式豬肉丸$88份量好多～ 而且粒粒都好大粒！ ❣ Mango Yakult Soda $42天氣熱熱地～ 飲完之後好冰涼，好爽同好fresh!

今天路過白石角，就決定去附近的科學園去吃西餐。我們點了兩道主食。威靈頓牛柳這道菜唔係常常食到。牛柳外面包住焗到金黃色嘅酥皮，非常香口，下面仲有層層薄薄嘅鵝肝醬，同牛柳配合得咁啱啱好。牛柳煎到五成熟，肉質鮮嫩，牛味濃郁，同細嗰食一樣咁好味。泡菜燒烤醬牛肉芝士漢堡見餐廳裡面好多人叫漢堡食，咁我地又決定叫一個試試。我地叫左個新品漢堡。韓式漢堡。裡面有泡菜取代了平時的生菜。燒烤醬令漢堡味道出色 ，而泡菜作為呢道菜嘅主角之一，亦都鋒芒畢露 ，酸酸辣辣嘅味道十分開胃 ，同時能夠減低漢堡嘅油膩感Cream Burlee Cappuccino有優質咖啡豆味香濃味，亦有甜美焦糖、雲呢拿味道，香氣撲鼻，是甜入心扉的獨特咖啡

平時會去科學園附近都係踩下單車，今次仔細行下呢個園區，有好多新餐廳。其中呢間環境好舒服，有室內/室外嘅位✨而我今次就揀左戶外，可以望住藍天白雲又靜靜地咁放空一下~ 同埋睇住啲小朋友係呢片大草地追逐奔跑，又可以帶狗狗黎放電～🦮餐廳用QR code形式落單好方便，見到好多唔同食物好多選擇，最後揀左呢三款試下，而最想試嘅蘋果批顯示售罄🥹 唯有等下次再試過～～🍔 English Royal Beef Burger 英國皇家牛肉漢堡呢個burger好驚喜！除左係自家製牛肉之外，佢仲可以比你揀幾多成熟，值得一讚👍🏻 我地揀左Medium，切開已經見到啲肉汁流出黎好juicy，食落個味道好濃郁。順帶一提，薯條份量真係一啲都唔吝嗇😆🐟 Fish & Chips 炸魚薯條炸魚份量好大舊，非常足料👍🏻 一切落去個下即刻有好脆卜卜嘅聲~ 外層比平時係出面食到嘅更加酥脆，食落好香口，入面嘅魚肉無腥味，食落好滑捋捋，調味啱啱好～ 喜歡炸魚薯條嘅你一定唔可以錯過🍖 Beef Wellington 威靈頓牛柳威靈頓牛柳製作時間要等30分鐘，想試嘅可以考慮點左先，再慢慢揀其他食物✨ 酥皮外層鬆脆，肉質軟腍，味道好濃郁

今日收工咁岩喺科學園附近，朋友又喺科學園嗰度做，聽佢介紹佢話呢間西餐廳都唔錯，如果晏晝嚟，天氣好仲可以坐外面，望住個大草地～ 不過今日係夜晚嚟所以冇計，坐住indoor試吓佢嘅出品先☺️朋友話佢今日想飲酒，所以我哋就一人叫咗一杯，價錢都唔算貴，都係60到100左右，我就叫左一杯白酒，佢就要左杯whisky☺️ 所以我哋都叫咗個小食，炸雞翼，拎嚟送酒😝 雞翼熱辣辣上枱，炸得好香脆，肉質鮮嫩～ 以呢個價格來講，有成六隻雞翼，性價比非常高～ 朋友又話想食牛扒，本身諗住就咁叫塊牛扒，但見佢嘅威靈頓牛扒價格都幾平，只要$180左右就試到啦，呢個真係屬於平民版威靈頓牛扒，喺其他餐廳，根本唔會搵到呢個價位嘅威靈頓牛扒～～☺️ 價格真係非常親民，又估佢唔到出品真係唔錯～ 酥皮整得幾香，配埋蘑菇醬，個肉味更加突出～ 牛扒熟到拿捏得剛剛好～ 值得一試總既黎講，呢間餐廳價格親民，環境優美，如果咁岩去開科學園，都可以過來試吓～

今日去開沙田買嘢，朋友話夜晚喺沙田食嘅話好多人，不如入去科學園食下晚餐，好似冇咁迫～ 見佢呢個提議都唔錯，就跟埋佢入去科學園嘆個晚餐。😉 喺OpenRice搜索下，發現呢一間餐廳都有幾多好評，所以就決定過嚟試吓😊😊 首先講吓呢間餐廳環境，座位闊落，都有outdoor位置，如果坐喺outdoor就可以對住個草地，都幾舒服㗎。侍應笑容親切，而且上菜都好快，呢一點都幾加分㗎☺️前菜方面，我哋叫咗個龍蝦湯兩份飲～ 龍蝦湯配埋餐包～ 餐包係用牛油烤過，配埋龍蝦湯飲真係特別香。龍蝦湯都好有龍蝦鮮味，食得出佢都係用真材實料整😉😉 跟住我哋都叫咗一碟炸雞翼兩份食，雞翼炸得好香脆，同埋係新鮮炸出嚟嘅，唔會係一早整好咗再翻炸～ 出品唔錯喺主菜方面，我哋叫咗肉丸蕃茄醬闊條麵☺️，肉丸份量都幾多㗎☺️ 意粉麵質煙韌，闊條麵咬落有口感，同時間亦都會掛到蕃茄汁☺️ 值得一讚～ 而且佢嘅份量都唔會話太細同朋友事緣，都覺得下次可以lunch time再搵時間過嚟食，試吓坐outdoor應該都幾舒服😊

和朋友及妹妹在科學園參加的活動完結後，就在這裡搵午餐食。見到Hunky Dory的評價不錯，決定來試試。不太熟悉這裡的路，在附近找尋一輪也找不到餐廳所在之處。致電餐廳查問，才知道有部升降機搭上頂層2樓後見到花園，餐廳就在旁邊！室內座位滿座，獲安排坐在半戶外的高桌座位，陽光從簷蓬間灑落，旁邊是綠草如茵的花園，使人感覺悠閑舒適。餐廳獨佔19W的頂層空間，環境寧靜。由於威靈頓牛柳烤焗需時，所以我們先點這道菜，再慢慢點其他菜式。豈料最先上的菜式就是這道菜，賣相擺盤不算吸引，酥皮金黃色澤並不均勻。威靈頓牛柳的酥皮外層夠酥脆，牛柳肉汁未算豐沛，但肉質都算軟稔，不會太粗糙，帶有牛味。整體的味道不夠香，不算惹味。一分價錢一分貨，這是我在餐廳中吃過的最便宜威靈頓牛柳。$200以下，有這樣的質素算是可接受。蕃茄蓉肉丸寬條麵，寬條麵份量不多，肉丸卻是大大粒而且份量充足！蕃茄蓉看似不多，但肉丸與寬條麵都充滿蕃茄酸香味，令人開胃！面層灑上巴馬臣芝士，令味道不會太單調～～皇家煙三文魚牛油果班尼迪克蛋，一般的benedict是以鬆餅作底層，但這一道菜卻是以牛油果🥑代替muffin。本以為牛油果只是餡料一部份，這樣的

又嚟到科學園當然唔好錯過去Hunky Dory chil 一chil 。由於今日天氣比較清涼、室外比較凍、所以坐番室內比較好些😃原來餐廳有下午茶👆價錢優惠、下次有機會可以試吓。室內擺設光潔明亮、枱與枱有一定距離、食得放心。三文魚菠菜忌廉汁寬條麫$138侍應送上枱時熱辣辣、三文魚煎得好香、配上蘑菇、菠菜及濃郁忌廉汁、好好食👍巴馬火腿馬格麗特披薩$118賣相唔錯、至於味道比較偏酸、由於屬於薄批、比較脆口。甜品係特濃咖啡芝士蛋糕$48蛋糕好嫩滑、咖啡味濃郁芬芳、不太甜、好好食、推薦👍👍👍飲品係Mango yakult soda $42好特別有三層唔同顏色、底層係芒果、飲落有淡淡芒果味、好清新、幾好飲😋總結：餐廳係好適合一大班朋友或小朋友聚會地方、菜式選擇也頗多、一於列入小编食堂🤪🥳

年三十日頭想搵一個舒服飲咖啡、少人，食炸魚薯條既地方，突然諗返起科學園有一間Hunky Dory，出夠食炸魚薯條，環境亦坐得好舒服，即刻去試一試😋上二樓就會見到正門叫左杯熱Cappuccino，應該係用上南美咖啡豆Macchiato 👍🏼肉丸，有碎洋蔥、香草，推介Fish and chips, 亦都推介炸得好脆，厚度剛剛好，魚肉亦好滑溜小編一邊打，一邊又想再去食啦

週末放自己一個悠閒假期，就入咗科學園行吓，搵到呢一間鄰近戶外平台嘅西餐廳，仲見到門口貼住有weekend roast!! 就一定要入去試吓啦！餐廳好有度假嘅感覺，裝修風格令人感覺好舒服，食物方面就梗係叫做weekend Roast 嘅canadian ribeye 啦！ 佢有配紅酒汁, 薯蓉同埋一個yorkshire pudding, 牛肉方面熟度啱啱好係medium， 同埋亦都感受到牛肉面嘅焦香，咀嚼起上嚟有口感，肉嘅質地亦都偏稔，再襯托埋個紅酒gravy sauce, 係別有一番風味，肉嘅味道更加突出！薯蓉同埋一個yorkshire pudding 都值得一讚，薯蓉除咗本身應該有嘅軟滑之外，仲有少少薯仔顆粒，食落有質感！配菜方面仲加咗一個黑松露薯條，薯條感覺到佢係新鮮即炸，所以好脆口，配有黑松露醬同埋茄汁，黑松露醬嘅味道非常之濃郁，同就咁點茄汁形成強烈嘅對比，好能夠達到刺激味蕾嘅效果！係一個好好食嘅weekend brunch啊！