I Café

Open Now

Now Closed

今個月開始到而家成班同事已經好重holiday mood，今日一如往常，一食完lunch 就係度諗食咩tea，結果揀佐尖東既ICAFE，有時過尖東食LUNCH 都成日經過，但太多人都無乜機會入去食，咁TEA 反正都係叫外賣就梗係試下啦﹗睇完一輪MENU，結果又係揀返我最鐘意食既熱狗，個個都話我無新意，但又唔明，熱狗既水平真係可以差天共地，今日揀佐隻芝士肉醬熱狗配個熱檸水﹗食D 咁HEAVY 野通常我都會飲返杯正氣檸水無咁罪惡啊MA。等佐大概40分鐘終於聽到外賣到，第一個出去拎件野返埋位，一打開，當堂呆佐﹗有無咁大隻熱狗啊﹗叫個TEA 者，足料成咁，33蚊真係抵到無朋友﹗條熱狗腸都唔知邊度搵返黎，大平時食個D 司華力腸成個幾兩個碼，就咁睇相可能覺得肉醬同芝士好少，但其實一D 都唔少，主要係條熱狗腸太大條者﹗咁搞法，真係夜晚都唔使食﹗但真係堅抵堅好食﹗睇黎呢間TEA 真係可以不斷ENCORE，有機會一定去佢度食下LUNCH 試下其他野D 質素係咪都係咁足料咁正

今日去尖沙咀行街，同屋企人行經個舊商場。見到個舊商場入面有間咖啡店，另樹一格。係個商場入面好似零零舍舍有另一個世界咁，所以我地就入去嘆左個high tea。入面既裝修唔算好華麗，但夠家庭式歐陸風格！我地雖然想high tea ，但見午餐好似抵食啲，就食左個午餐！我地叫左兩個lunch set，兩個都有前菜。我地就叫左沙律同薯條各一！個鮮果沙律有薯仔、有芒果。夠曬足料！個薯條就係一般茶餐廳既扭紋薯條。新鮮出爐，熱辣辣。仲有羅宋湯。湯夠濃，蔬菜料夠林，但略微未夠辣味！之後就到個主菜。我地叫左一個b餐真。邪惡芝士肉醬熱狗包！一上枱，嘩！條腸仲長過隻碟！側面仲有新鮮既羅馬生菜！！沙律用黎解芝士既油膩 。講返個包，啲芝士岩岩好熔，配埋啲肉醬一流。肉醬既肉夠香，香得黎又夾到鮮茄味道！個包夠香趣，成個包既口感好豐富。一咬落去首先有好濃嘅芝士味，之後肉醬先茄味就出嚟解開芝士既油膩，之後加埋個香脆嘅麵包溝淡所有食物嘅濃味，令成件事恰到好處。另外一個去餐廳職員嘅推介千島草莓豬肉pizza！上到枱Pizza面積唔算好大，但山發着一種甜甜嘅香氣令人好驚喜。原來佢加左少少練奶。估唔到用士多啤梨去搭芝士同埋鹹豬肉

落堂經過尖東，行過半島商場，記得朋友介紹過一間café幾抵食，所以入去試下先。呢到set lunch每日都唔同款，有沙律比貪靚既ol們，又有飯、意粉比大食既男士們，仲有pizza,all day breakfast揀，種類都算多。今次一行2人就試左蟹柳凡立貝pizza同車打芝士肉腸意粉點完菜店員好快就送上左餐湯。忌廉粟米湯內好多粟米，每口都食左好多粟米，一啲都唔偷工減料。意粉一黎到嚇左嚇，大碟到好似2人份量咁，淡淡既車打芝士味再配上濃濃既忌廉味十分邪惡。肉腸用上大仔既司華力，預先煎香再後落意粉撈勻，鋪到滿滿，一個男仔都食唔哂。Pizza用上薄批，底為日底燒汁，同凡立貝及蟹柳好夾，每塊都食到2大粒既凡立貝同蟹柳，再鋪上海量芝士焗，拉絲感十足，批皮即叫即焗，勁脆跟餐加$8仲可以飲到靚靚拉花既latte尖沙咀地黎講呢間餐廳抵食夾大件，食物質素亦唔差，推薦！

同事請食下午茶但係她指定要食西多士，結果我地搵左好幾間茶餐廳先搵到兩間有得食西多士，乜食件西多士都咁難？結果揀左I cafe，雖然有西多士食但其他都係包、包、包...無雞脾食，所以下午茶都揀左碗湯粉。扎肉雞翼通粉，茄湯底。一打開膠蓋，都沒多少湯了，又唔熱又被吸晒，不過味道好似羅宋湯，又有茄肉，唯一唔夠熱，可惜可惜扎肉都重胡椒味又厚身，但雞翼只有一隻就比較失色最有驚喜係通粉，係米通粉，比較稔身又長形，唔係度度有得食同事嘅西多，正方形小小件好易入口，整體偏油偏甜而且裏面無饀，有點失望

午餐見多人食位於尖東的 I Cafe , 今午朋友突找我食飯，於是帶佢食好野的心態，食左個蘋果油醋汁煙火雞胸雜菜鮮果沙津，一入口便有蘋果油醋味，之後食雜果沙津，煙火雞胸食得出香雞味，菜式配得幾好。

一直是i cafe的粉絲，食過好幾次，每次來都必然點一個All Day Breakfast。每次來的Menu都有點不同，今次要了B和H餐。紅湯、忌廉湯都很足料，什菜蕃茄湯酸酸甜甜很開胃，菠菜煙肉忌廉湯濃郁香滑。All Day Breakfast很大一份，火腿、煙肉、司華力腸、黑松露炒蛋、烤蕃茄、沙津、薯餅和牛角包。普通女孩子自己一個不會吃得完，男友也花了很大個肚皮才吃光。再飽都請留肚給牛角包，因為好吃得不能不吃，很香牛油味，非常鬆軟；黑松露炒蛋也很香松露味，才55蚊，未免太足料！跟餐凍朱古力吱上鮮忌廉也是誠意十足。第一次試的松露忌廉汁雞扒漢堡。一上桌我就呆了，這個份量也不是一般的大小。有女孩子的兩個拳頭吧？我只吃了四份三就投降交給男友處理。跟餐沙律是水果沙律，有菠蘿、哈蜜瓜、蜜桃等等。看看這傾瀉出來的松露忌廉汁！麵包略略烘過微脆，塗上牛油更添香味，雞扒很大一塊，配上生菜蕃茄，份量超大！松露忌廉汁很多，吃到尾也不會乾！I Cafe的食物份量普遍都很大，實在地抵食夾大件！

由於我食午飯的時間比較遲，所以可以食到此cafe的下午茶餐，價錢平，味道不錯，豬扒煎香後再落大量芝士焗，但意粉份量就不是很多。不過豬扒肉質鬆軟，醃製味道剛好套餐可以配飲特飲，呢個星期係熱柑桔$36蚊，絕對抵食

星期六晚上要看演唱會，下午沒有特別節目，男友先帶我到尖東I Café 吃個brunch。男友說他早前在尖沙咀工作時常常在這家咖啡店午餐，所以今天特意帶我來吃，果然沒有介紹錯的。意式蕃茄雞扒 Panini (8/10)因為我不太餓，拿不定主意吃甚麼，店員來介紹這Panini 烤餅，並說是在歐洲訂購回來的包底。包底的確焗得很脆和香口，包身十分軟熟，雞扒煮得香口，配上多汁的蕃茄，十分惹味。特濃芝士鮮茄焗豬扒飯 (9/10)芝士份量好足，豬扒又大又厚身，焗飯是蛋炒飯底，每一口也吃到茄醬芝士和豬扒，十分滿足。即磨咖啡很香醇，不愧是咖啡店的品質。食品質素很好，員工也很勤快有禮。看到All day breakfast, 十分吸引，下次可來吃這個

呢間餐廳幾乎係每隔兩日就想去既早餐店一間幾有 Heart 亦幾抵食既 Cafe, 你見早上人山人海要等位就大概知道受歡迎程度啦 !!早餐31蚊，三餸麵(我通常選, 鴨胸+煎蛋+五香肉丁米粉)，連凍飲。真係可以用 "無。得。輸" 來形容, 整個尖東都搵唔到性價比咁高,有時糧頭就加多幾蚊轉辛辣麵, 另外溫馨提示, 佢早上個炸豬扒都好好食的, 一定要試留意返佢只做早餐 / 午餐 / 及下午茶餐的, 呢三瓣都係抵食好食的, 如果有同事"散水" 我地通常都訂呢間的下午茶, 唔貴又夠穩陣會唔會再 encore ? 我會囉

今日午餐, 近近地系公司對面搵食, 聽同事邁呢間ICAFE既野都唔錯坐底左睇Menu, 侍應走埋黎推介佢地個"ICAFE重量級魚柳竹碳漢堡" ($60)都好啦, 反正都唔知食咩好點知個漢堡一上檯馬上嚇一跳!  塊魚柳好似d Fish & Chips 咁大既?! 我一開頭仲以為係好似"X記"既魚柳, 唔怪得order完都要等一陣先送黎因為魚柳係現炸, 好好食, 同埋個肉質都好好! 得Fish 但無Chips既, 不過跟生果沙律仲balance竹碳漢堡食落甜甜地, 唔錯!午餐由五十幾蚊到六十幾蚊ICAFE重量級魚柳竹碳漢堡附送餐湯附送餐飲, 如果+$8可以飲Latte, Cappuccino等手沖咖啡

今天陪好友到半島中心睇中醫，就在這商場內找間食肆午餐，見這家 I cafe兩個舖位也坐滿客人。午餐牌選擇也吸引，價錢也合理，幸運地等了不到十分鐘便有位了。 我和好友有點了讚岐烏冬和豬扒意粉兩份午餐 。雜菜蕃茄湯，番茄味濃。蘑菇汁燒豬柳意粉 $55/set 燒豬柳頗大塊，質地有彈性，有肉汁。意粉蘸滿蘑菇汁，很開胃。還有兩條雞肉腸呢!日式雞扒豬骨濃湯讚岐烏冬 $55/set香噴噴的雞扒也有手掌般大，索滿湯汁的讚岐烏冬，爽彈又滑嘟嘟。熱檸茶和熱檸水一間餐廳兩種環境風格，但感覺同樣舒服。

專登行黎個商場到拍卡~八達通搭車減兩蚊~就發現左呢間好抵食既café!雖然唔算大~我諗坐到十幾人倒~但係裝修雅緻~一大塊的落地玻璃大大增加空間感!幾特別既係調味架有提供出前一丁調味粉第一次見呢~可惜我今次點既菜式用唔到><”見到有幾枱都係叫左呢個ALL Day Breakfest ($48) 非常足料! 炒蛋超香黑松露味~而且熱辣辣~~又大份~仲包杯飲品!十級飽十級抵食!有需要既可以另上茄汁同牛油=)XO醬炒肥牛出前一丁 ($36)估唔到都好夠穫氣~好夠味而且勁多肥牛~而且都唔細碟嫁!店鋪需小 但服務良好推介大家黎飲番個下午茶=)

朋友終於同我黎呢間喺尖沙咀相當隱蔽既小店，佢成日話又抵食又好食，一定要帶我試下咁話。呢間小店分左2個鋪位，喺呢個人流唔多既小商場入面都座無虛席，可見都幾受歡迎。店內用左簡單西式裝飾，比人一種悠閒既感覺，岩哂同朋友傾下計。食物方面，lunch set既選擇唔算好多，但價錢喺尖沙咀黎講真係好抵。先黎一個足料餐湯，有好多粟米同蘑菇粒，個味道都調教得好好。主食方面，自己叫左個all day breakfast。一黎到見到咁大份都嚇親，事關呢個價錢有咁足料真係好少見！特別一讚係個黑松露炒蛋，雖然佢唔算係好滑個種，但真係好香黑松露同牛油味！加埋個脆薯餅同司華力腸，自己一個食哂真係好飽。朋友就叫左個茄汁辣肉腸pizza配雜果沙律。pizza用左好簡單既4種材料，茄醬，辣肉腸，蘑菇同芝士，就已經好好食！餅底又好脆。配埋個雜果沙律食立即refresh哂！朋友果然冇介紹錯呢間抵食又高質，服務仲好好既小店！

朋友長崎良美想食便宜all day breakfast 於是來到這間據聞都算數一數二性價比高的cafe開展美好的一天望左三秒 order兩個H餐 唔好見佢lunch 好抵 其實afternoon tea time仲抵 個白湯足料 味道正常望落好豐富 大雜燴咁款 有肉有菜幾均衡個牛角包就霉左啲 我指個樣 但因為咁食落都係淋淋地😅成碟最好味係....隱藏係後面既黑松露炒蛋同埋著餅比去m仔厚身 粒粒薯肉加錢叫左杯cappuccino 都幾香醇可口架朋友杯奶茶都唔會太甜！很好臨走影左張相 隔離其實先係cafe正室 呢邊係小三☝️

早餐吃得太飽，故直接跳過午餐去食下午茶。選擇都多最後選了香煎豬扒加雜果沙律，凍檸茶 $41凍檸茶正，茶有甘香味，重點是不甜，檸檬也不澀！雜果沙律份量不少啊，而且種量很多，有哈密瓜，菠蘿，蘋果，椰果，薯仔等等，沙律醬調得不錯，不會過份濃或淡，如果醬太濃太多會很稠，我不是很喜歡口感，太淡的話蓋不住生果味又不合格，所以這個沙律醬可以說是調得剛剛好，而且沒出水代表是新鮮製的，不是放雪櫃很久的那種。然後豬扒厚度尚算合格，太薄的話鎖不到肉汁，這豬扒略略有點過咸，但煎得很香，因為有沙律的關係，所以過咸的問題就變得不是什麼問題了。吃得滿足！