I-O-N

Open Now

Now Closed

無限回訪的自助餐. 今次又來了，這裡離地鐵話5分鐘左右，交通非常便利，附近又開了新商場，行完商場過來食飯就剛剛好💫 . 這個月推出的「榴槤．斑蘭狂熱東南亞美食之旅」自助餐，可以品嚐東南亞特色美食，有我最愛的水蟹粥、斑蘭葉包雞、馬來沙嗲串燒等🫶🏻 . 榴連迷萬物錯過的馬來西亞D24及D197榴槤，餐廳以榴槤炮製出各種美食，榴槤芝士蝦、榴槤松子魚塊及榴槤芝士炸豆腐等，吃完齒甲流香, 包準你滿意💫 . 甜品方面，少多了的由榴連演變出來的各款甜品，包括榴槤炸彈、榴槤竹炭瑞士卷等，更有斑蘭榴槤蛋糕、斑蘭椰汁珍多冰，入到來完全感受的滿滿的東南亞風情💫 . 當然少不了最受歡迎的自助餐必食食品，冰鎮海鮮、水耕菜沙律吧、刺身壽司、東南亞風味熱葷、招牌湯麵吧 、時令甜品、免費暢飲汽水😎

🦀🍱🍽️$400有找任食蟹腳dinner buffet！▫️食物選擇都多，超高質嘅dinner buffet，人均$380， 服務態度好、收碟快🍣刺身：鯛魚、八爪魚、三文魚、甜蝦、馬刀貝，另外仲有一件件嘅壽司。🥗沙律菜係水耕菜，可以自己再加煙肉碎、芝士粉同埋沙律醬。另有六款已經配搭好嘅沙律，例如芒果蟹肉沙律、泰式鳳爪沙律等🦐海鮮：任食雪花蟹腳！！仲有海蝦、蜆、青口、麵包蟹，都好新鮮好好食🍜有湯粉麵吧，大量配料+4款湯底選擇，另有蟹粥，羊架，海南雞、泰式串燒，泰式羅勒炒雞，湯有肉骨茶同埋中湯🍱而家做緊斑蘭榴槤主題，有大量榴槤斑蘭菜式，例如榴槤忌廉蟹、榴槤魚塊、榴槤忌廉豆腐，榴槤蛋白炒飯，班蘭葉包雞等，不過都冇咩榴槤味，味道一般。🍮甜品榴槤味嘅葡撻同埋斑蘭味嘅葡撻，分別都幾好食，另外有斑蘭芝士撻、斑蘭糕、斑蘭椰汁冰，芝士蛋糕、蛋散等甜品。榴槤炸彈、榴槤糖不甩裏面包住嘅榴槤蓉份量唔少，但係外皮比較飽肚。

用餐日期：2024/04/13可用餐時段：12:00-14:30，2小時30分鐘用餐費用(每人）：$239餐廳環境：環境整潔乾淨 冷氣足 檯與檯之間闊落 坐得舒服服務：服務員服務有禮貌態度好 收碟及時 食物及時refill 沙律吧：有2款水耕沙律菜 5款配料 4款醬汁 6款已調好味的沙律 水耕沙律菜新鮮爽脆味道好但選擇較少 配料選擇也少 調好的沙律味道不錯 推薦 如沙律菜配料多些選擇更好 希望店方改善火腿切片：沒提供 希望店方改善芝士：有4款常見芝士 味道好 如有羊奶芝士更好 推薦 冰鎮海鮮：有5款(螺 青口 蝦 蜆 麵包蟹)試了蝦 味道正常鮮甜 推薦 刺身/壽司：有5款(鯛魚 八爪魚 三文魚 甜蝦 貝）有幾款刺身/壽司 試了鯛魚 甜蝦 貝 3款刺身都新鮮味道好 如有吞拿魚刺身選擇更好 推薦湯品：有1款中湯+1款肉骨茶 試了肉骨茶 味道正宗湯夠濃不咸排骨夠入味夠稔味道好 推薦麵包：有約4款歐式麵包 1款牛油 因沒有烤烘機可烤熱麵包沒試 如有烤烘機烤熱麵包味道會更好 希望店方改善 熱食：有約15款東南亞熱食+2款串燒+1款海南雞飯+1蟹粥+麵檔 特別的是熱食中有3款榴槤主題的(炸魚

屋企人要食自助餐，五六百元一位實在太貴，剛好這裏做減價，三百幾一位就已經可以食到晚餐。有正常嘅魚生蟹腳燒牛肉。東南亞主題的食物，例如喇沙肉骨茶味道不錯，甜品有榴槤主題的食物例如榴槤，芝士撻榴槤炸彈也不錯。喇沙最好食。又有Häagen-Dazs雪糕同埋咖啡汽水。比較差的是綠咖喱，像膠水。還有魚生的鯛魚冇味。還有配湯食的餐包有點乾，不太好吃。其他整體也很好，性價比10分高。服務也可以，雖然覺得他們人手不夠，但可能人人北上，反而這裡不太迫，環境很舒服。

今次到這餐廳試了週末午市自助餐，有B1G1 優惠，約每人200 多元。餐廳地方寬敞，坐得很舒服。食物很多選擇，今次熱食有數款食物以蠔主題，有蠔餅炸蠔焗蠔，水準不錯。粉面檔有4 款湯底，選了越式牛肉湯底，配上瀨粉也很不錯。肉類有燒牛肉及燒羊架，還有其他特色熱食。海鮮有面包蟹等。甜品質素不錯，有斑蘭面包布丁，蛋糕，Puff, Pancake等。雪糕今次有coco berry 玄米茶味及Haagen Darz. 整個自助餐也很享受，一家人吃得開心。

雖然食品不及什麼5星級酒店的款式多, 但勝在每類食物應有盡有, 海鮮, 刺身, 沙律都新鮮, 海鮮有泰式蠔,芝士帶子, 海蝦面包蟹等, 沙律用澳洲水耕技術,有初榨橄欖油及黑酢, 近排海鮮及士多啤梨做主題, 有多款士多啤梨甜品又唔太甜, 啱曬注重健康嘅朋友。湯粉麵有用香港仔麵粉廠嘅粉, 質素好, 連銀針粉都有提供, 正！環境坐得舒服, 星期六都唔太多人, 員工不時有換碟, 坐足2.5小時又唔趕, 地點離港鐵站唔遠, 未來過食buffet可以來試下。期望下次再來有新款式。

今日一家大細12人一起到ION食自助餐慶祝生日，由6:30食到9:30，食得開心又坐得舒適😊餐廳有多款熱食、壽司、刺身和甜品，全晚最欣賞係海鮮，有麵包蟹真係超正，蟹膏多又鮮味，而蟹腳也加得很快，但略嫌偏鹹。不過三百幾蚊嘅價錢，絕對係物超所值。因為有屋企人生日嘅關係，餐廳很有心思地送咗一個朱古力小蛋糕，朱古力味濃濃的，好好味，影相打卡也很棒👍

第一次（六) brunch第二次 (日) brunch服務態度。好親切＋好helpful食物也算OK餐廳環境OK$ 算合理，既然太累放假休息，無必要北上，😅走到遠遠去吃羊 + 羊ribs做得好好😋＋蠔仔粥😋美中不足，有待改善的...... 1. 正如看過舊評價，指音樂太嘈。自身在其中，完全明白，音樂西洋歌曲的確太大聲，身边老人家＋同枱中青＋退休人仕也唔識播緊咩嘢歌2. 六/日brunch。冷盤~長腳蟹。(六)有供應/(日)冇供應確實有点失望😓3. 雪糕款色味道太少選擇了4. 女厠清潔工，若聘請女工打理就安心多了希望來日若再到訪，會見到有大大改進。

在整個學期裡，同學一直照顧著我，為了答謝他，我帶他來到了I-O-N 黃竹坑南灣如心酒店吃自助餐。當日我們非常幸運地被安排在一間舒適的玻璃房享受美食。這家餐廳提供了豐富的早午自助餐選擇，令人垂涎欲滴。從水耕菜沙拉、芝士和冷盤的多樣選擇，到穀類早餐、壽司和刺身的口味豐富，我們被這些美食的眼花繚亂所吸引。熱薰、（最愛吃的班尼迪配英式疏餅）即煮粉和粥提供了多樣的口味選擇，特別是酒店出名的嫩滑海南雞、燒牛肉、蠔餅、焗蠔和串燒，令人回味。海鮮冷盤也有凍蝦、青口、翡翠螺、小龍蝦和麵包蟹等多樣選擇。甜品方面更是不容忽視，包括士多啤梨慕絲杯不太甜。萄撻、咖啡撻、泡芙、藍莓芝士蛋糕和中式的老婆餅。飲品方面更是驚喜，罐裝汽水任飲，還有咖啡、檸檬水和哈根達斯雪糕供應。這次的用餐經驗絕對讓同學和我都滿足地離開了這家餐廳。

我同小鮮肉今日嚟黃竹坑「如心酒店」食自助餐 !呢度環境好舒服,每個座位都闊大，沒有逼夾嘅感覺!呢度有好多來自唔同地方嘅美食,想要健康嘅食沙律蔬菜,有!佢哋呢度嘅蔬菜係自己溫室中出嚟，所以特別健康特別好食!有好多唔同嘅海鮮，淨係食海鮮都值回票價啦！而且仲有我好鍾意食嘅芝士,仲要有好多唔同濃度嘅芝士!另外一邊仲有東南亞嘅美食，同埋可以鋸扒,咁多嘢揀總有一款啱你!而我最忍唔住口就係食甜品,好彩呢度嘅甜品都唔係太大舊，等我可以試足咁多件甜品🤣！我自己喺度DIY,整咗一款甜品,就係espresso,數加雲呢拿雪糕!食完雪糕變latte,食完雪糕飲咖啡真係perfect match!而家新增左Brunch & Dinner buffet 有任飲汽水 (之前無) 🥤

早排去咗黃竹坑站南灣如心酒店 食佢哋嘅自助晚餐， 呢度有多款海鮮凍蝦、螺，蜆長腳蟹任食， 長腳蟹蟹腳大大隻😍

而且仲有即煎鵝肝 呢度嘅鵝肝質素唔錯而且唔使點樣排隊食完再食好滿足啊！

刺身大約有5款，分別有希靈魚、 八爪魚、三文魚、甜蝦、馬刀貝。仲有多款壽司，細細件可以食多幾款。🥰
芝士拼盤放滿德國藍芝士、車打芝士、法國比爾軟芝士和埃文達芝士。
餐廳嘅沙律菜好新鮮，佢哋係用咗水耕沙律菜品牌Aqua Green， 所以沙律菜食落好新鮮好Flash而且好乾淨

湯麵區都有好多唔同嘅選擇， 淨係粉麵已經有蛋幼麵、油麵、米線、瀨粉、米粉、拉麵、粉絲或即食麵，啱晒鍾意食澱粉質嘅人士😙

另外仲有驚喜時段，店員會搖鈴提示有新鮮食物出爐啦 今次係碗仔翅同埋臘味飯, 秋冬呢個天氣食就啱晒啦甜品選擇豐富 有栗子朱古力蛋糕、綠茶慕絲蛋糕、 朱古力蛋撻等等仲有任食Häagen-Dazs雪糕添💓🥰

店內亦都放咗唔少嘅聖誕裝飾好有聖誕氣氛啊😘大使大節同親戚朋友過嚟慶祝就啱晒啦

聖誕節最好就係食自助餐，朋友介紹話呢間酒店buffet又平又好食，咁就一於嚟試吓啦。一去到估唔到呢度環境好好，而且啲位好闊落，有別於好多酒店自助餐，好多時啲位都坐得好迫，但佢完全唔會，而且仲有好多唔同嘅房，夠晒私隱度。一嚟到就見到呢度有好多海鮮，長腳蟹啊蝦啊好多都有，非常豐富。而且刺身都有好多種，仲要有staff即場切嘅，非常新鮮。而我覺得呢度最抵食嘅竟然有任食嘅煎鴨肝，而且仲冇限住一人一份，食多幾嚿都回本了。除咗啲生冷嘢之外，熟食都有好多，而且有即場嘅自製粉面，啱晒老人家同小朋友。而且呢度仲有任食嘅haggendaz雪糕，唔會好似啲放題咁限住一人得一杯，係任食嘅，真係非常抵食呀。而家好多酒店buffet都做到好平嘅價錢，但係呢間除咗抵食之外，我覺得佢最大嘅賣點就係啲座位坐得舒服，啱晒一家人出嚟食飯或者一大班朋友gathering。

聖誕節帶咗個女同埋老公一齊去黃竹坑南灣如心酒店食自助餐，未入到餐廳已經感受到濃厚嘅聖誕氣氛，門口有個火車路軌佈置，小朋友勁鍾意一入門口就係飲品區，有咖啡奶茶、唔同口味嘅茶包任簡，仲有個大雪櫃任飲飲品然後就到座位，佢有特別嘅私人房間，好少自助餐會做得到，因為今次有小朋友，所以酒店特別安排咗私人房俾我哋，私隱度極高前菜方面有好多款嘅沙律，仲係自家農場直送，所以啲菜特別新鮮同埋爽口旁邊仲有海鮮，有小龍蝦、青口、沙白同埋螺，小龍蝦嘅蝦頭好多都有膏 好正😊而好少午餐係有鵝肝，鵝肝係即叫即煎，旁邊就係刺身區同埋粉麵區同刺身，粉麵區亦都係自己夾咗配料，然後姐姐會俾個牌號你煮完就可以去攞返另外因為今次個主題係東南亞美食，所以有海南雞、串燒、生菜包等等，口味比較符合港人仲有中式熱湯同埋肉骨茶，都係好好飲好足料另外特別推介佢哋嘅班尼蛋，出邊食個brunch起碼過$100，呢度竟然任食班尼蛋！最後食埋佢嘅Häagen-Dazs雪糕同甜品，真係大滿足

應有盡有大家對位於黃竹坑嘅南灣如心酒店都應該唔陌生，今次同朋友嚟試吓佢個聖誕buffet！其實去依間酒店超級方便！我響太子上車「巴士112」，一落車，過對面馬路就係啦！餐廳很大，超級寬敞，buffet line都幾長，好多選擇！ 自製沙律都有好多款，例如水牛芝士沙律，泰式鳳爪沙律同晒出色嘅煎吞拿魚都有俾沙律菜，冬菇沙律，通通都好新鮮，更有凱撒沙律同雜菜沙律，依兩種沙律嘅菜都係自家農場直送，純淨健康滋味，另有五款芝士及五款冰鎮海鮮，前菜已經好豐富了！ 主菜都有勁多選擇，首先有勁多東南菜菜，例如有牛肉同雞肉串燒配沙嗲醬, 紅咖喱大蝦配荔枝肉，越式燜豬手，椰香參巴烤辭，泰式豬頸肉，泰式參巴醬炒蜜桃蝦仁，泰式羅勒炒豬頸肉同烤蝦餅/越式魚餅等等，仲有大受歡迎嘅Egg Benedict, 有煙肉，半熟蛋，軟熟嘅Muffin包，特製醬汁同特濃芝士，超吸引！ 佢嘅Live station都好正，重點當然係又大件了肥美嘅鵝肝，煎得蕉香，金黃色，放在法包上，我地一再Encore!另外有麵檔，依個麵檔無論配料，麵類定係菜都有超級多選擇，仲有靚肥牛片同羊肉片，而且有4種湯底俾大家揀，4個都想揀，廚師推介左叻沙

聖誕節同男朋友去食自助餐💕寫返個食評！性價比好高！有好靚嘅裝飾嫩鮮多汁的爐烤牛肉，即刻拎兩片🥹🥹肉質嫩鮮好食約4-5款的魚生當晚的海鮮有長腳蟹、麵包蟹、小龍蝦、鮮蝦、螺肉！見到蟹就最開心啦！異國料理熟食區仲有多款的泰式料理，有好多經典泰式串燒、蝦丸.....鍾意泰國菜的朋友很適合來呢度用餐☺️仲有印度菜咖喱配薄餅，絕配！ 甜品區有我最鍾意嘅抹茶慕絲蛋糕，竟然仲有咖啡撻，好特別🫶🏻節日晚餐性價比超高，下次有機會會再食！💕💕