Video
6-min walk from Exit A1, Sai Ying Pun MTR Station
continue reading
Telephone
25871168
Opening Hours
Today
08:00 - 18:00
Mon - Fri
08:00 - 18:00
Sat - Sun
Closed
Public Holiday
Closed
Above information is for reference only. Please check details with the restaurant.
朋友係上環附既社企返工，話 ibakery 的月餅🥮幾好味，於是我從朋友上身，獲得一個傳說中好出色既月餅一嘗究竟。ibakery 出既係陳皮豆沙迷你月，聽講係 ibakery 師傅專誠去台灣學師而創造，很期待！ 佢哋月餅皮，同奇華既迷你月餅皮相似，但少小趣口，這個外皮已經值4⭐️⭐️⭐️⭐️。紅豆蓉有少少沙，似係連豆衣一齊磨，雖然係咁，但口感係粗口帶smooth, 唔似平時日本豆沙包咁，整到成pat cream 果種smooth。陳皮有少少香味，帶來成個月餅，有一點似陳皮紅豆沙既感覺。整體來講，呢個月餅，都值4.5⭐️⭐️⭐️⭐️/5。由於ibakery 係社會企業，即使再受歡迎嘅食物，相信都未必有誘因去增加量產，所以要食到佢哋既月餅，明年請早! 😂
continue reading
新年後好耐無開，一路好掛住個菠菜芝士拖鞋包。今日見開返，當然買返個，再睇睇其他，豆沙包脹卜卜肥嘟嘟好大隻，自己唔食甜，忍唔住買左個比屋企人。呢間野既好處係，d包足料、份量重，食完够飽。最重要係健康無添加。同樣價錢，梗係捂捱d空氣包啦！
continue reading
最近，工作關係要外出，恰巧經過上環地鐵站永樂街出口，有位女生派傳單，拿張一看，原來是東華三院社會企業的 i Bakery <愛烘焙麵包工房> 在上環普仁街開設分店！ 放工找找店子所在！由荷理活道往磅巷行，轉右斜路上，位於東華三院對面，由弘立幼稚園向前行，便會見到橙色門面的店子 i Bakery <愛烘焙麵包工房>！ 營業時間星期一至五 8:00am ~ 6:00pm供應：麵包、曲奇、蛋糕、罐裝飲品、即沖咖啡、即泡花茶…等！ 以麵包店來說，食物已算多元化！ 而且麵包口味跟坊間麵包店與眾不同，從單張得知，以無添加及新鮮酵母的健康麵包作招徠，單是這一點，已令我值得走上半山買麵包吧！可是，這間細小的麵包店不設堂食，就算立食的小桌子卻沒有！只得外賣！由於位於半山，連店員阿姐講中英文都特別流俐！有位男食客幫襯買一個麵包，她建議他有買二送一優惠，但他買一個包便足夠，她還問他需不需要烘熱？意想不到貼心的服務！值得一讚！買二送一優惠 (只限下午5:00~6:00) 以三個麵包之中最平一個為免費！買了三個麵包回家咖啡椰絲包 $9.5 由3個迷你圓形咖啡椰絲包組合而成，咖啡與椰絲都幾夾得來！ 還有混合一些合桃粒，帶來不少嚼感，口感豐富，包質鬆軟而綿密，咖啡帶出甘苦與剛好的甜度配合得天衣無縫！甘與甜兩者平衡！肉桂香蕉合桃包 $9打開麵包袋，完全被肉桂的香氣搶盡風頭！肉桂散發濃郁芳香，可能香蕉太少的關係，完全食不出香蕉的存在！ 恐怕霸道的肉桂香已蓋過香蕉本身的香甜味，滿載合桃粒，口感充滿嚼勁！食完個包仍有肉桂香的餘韻！檸檬奶酪包 $8 長型的包身，表面鋪了杏仁片提升嚼感！檸檬芝士忌廉清新開胃又不膩！還夾雜杏仁片，豐富了口感層次！ 作為早餐是不錯的選擇！杏仁朱古力卷 $20包身大約一呎長，隨意切開，溶化的朱古力看起來好似識得笑，令人也會心微笑！包身呈啡黑色，沒有以微波爐及焗爐翻熱，略嫌包身略乾而紮實，幸好些小濕潤的朱古力餡挽救不足！整體不甜膩！台式菠蘿包 $7 好奇問女店員台式菠蘿包 跟港式菠蘿包有什麼分別？ 她覺得台式無咁甜，相對較健康！我食落都覺得甜度剛好！表面的菠蘿皮不及港式的鬆化可口！這一點較為遜色！ 包質鬆軟而密度高，有一定份量，是一個有質感的麵包！想食得有口感還是要健康就見仁見智嘞！抹茶貝殼蛋糕 $50/4件另有柚子及焙茶味！一個包裝袋盛載4件抹茶貝殼蛋糕 ，並非獨立包裝！ 聽店員講，選用京都抹茶粉及日本製法，甘香醇厚！ 青BB 的蛋糕質感鬆軟濕潤，還帶出牛油香及蜜糖的香甜！卻是甜度頗高！ 價錢稍貴！原來當日到期的貝殼蛋糕，店方會以特價 $40/4件清貨！女店員向每一位走入來的食客都講一次！欣賞她的用心認真的工作態度！這間服務好、口味健康的社企麵包店值得繼續支持！
continue reading