Ice Cafe 冰室 (Closed)

黑布街雖跟旺角市中心只是數分鐘步程，可是已經像是另一區的感覺，沒有太多的行人，也沒有給金行和藥房攻佔，可以靜靜的走進來吃下午茶。這小店門面光鮮，印象中上一手租客也好像是做食店，不過香港的租金永遠是沒生意的只好盡快遷走，好生意的永遠都在不停加租，上一手應該是前者。下午茶時段人不多，隨心坐下便叫了雞扒湯烏冬，另跟熱檸茶一杯。雞扒不是另上而是放在湯面，不另上其實沒問題，只要不帶太多油到湯上便，這個雞扒是煎香的當然有油但不算太多，起碼喝入口的第一口湯都不是在喝油。湯的調味可以，最少不完全是味精口味，吃罷也不會渴得要搶水喝，湯中還加有芝麻，帶來不錯的香味。先吃一口烏冬，烏冬不是一夾即斷的煮得過熟版本，入口也有彈性，說明它本身的質素也不太差。雞扒就如所見的煎得香口，雞皮下沒有太多脂肪，將雞肉跟雞皮一同咬下，肉味跟脆口一同吃著，感覺很好。熱檸茶不過不失，而茶底也沒有因沒客人的時段而煲得苦澀難入口。做下午茶時段當然賺不了多少，但吃過後感到出品也不是得過且過的水平，有機會的話會來吃個午餐或甚至晚餐，看看會不會有驚喜。

旺角出名的Cafe都在樓上，登打士街一帶可謂Cafe林立之地，冇諗過原來旺角嘅另一盡頭黑布街，都有一間性價比唔錯嘅Cafe，不過呢間就係位於地下嘅——「Ice Cafe冰室」。今日同友人相約小聚，想食返個小小嘅下午茶充下飢，呢間Ice Cafe算係唔錯嘅選擇。由於係閒日關係，Ⓢ同友人嚟到時場內係冇其他客人的成個用餐過程都只有我地一檯客！▼我地一共點兩個下午茶餐，先係《忌廉蜆肉天使麵》（HKD$38）。忌廉汁味道濃郁蜆肉都煮至剛好熟度，唔會太韌。天使麵亦頗幼身，友人幾Like同埋加左唔同配料，五顏六色的賣相幾吸引！▼而另一道就係《法式煙鴨胸意大利粉》（HKD$38）。鴨胸肉幾大塊，而且份量都幾多意粉配上茄汁底，頗為開胃以下午茶嚟講算幾抵食呢！同樣有唔同配料配襯，除左增添賣相之餘，加左脆肉瓜仲博得Ⓢ的歡心呢▼是日下午茶餐如下，就算唔係叫呢兩款餐，其他都唔貴呢！最貴都只係$40▼而且場內佈置都幾雅緻啊，可惜日間過於冷清（唔知晚市係唔係咁），睇返佢開業其實都半年有多，可能未有足夠宣傳，所以冇人知呢個位置？Ⓢ❥總括來說，呢間Ice Cafe確係唔錯嘅下午茶之選，如果能夠多稍作宣傳，衝返多少少人氣

黑布街有大量好餐廳，可是沒想到這一間位於一眾車行附近，地點不算起眼，地理位置亦不算太方便，可是卻有著一份小驚喜。如果不是朋友極力介紹，確實很難察覺到它，本著有點懷疑的心走進去，坐下，點餐，心裡面還是很難認同這麼平凡的餐廳到底有什麼吸引之處。不過難得地，星期六晚不用排隊，也算是一種福氣。可是食物端上以後，立即就把我的質疑抹掉。焗田螺非常新鮮，配上小量的熱薯蓉，份外美味。咬下去的一刻，眼睛為之一亮。西冷口感極佳，肉質鮮嫩，連平日­對牛肉極度嚴格的男朋友也大讚好，而且非常入味，質素比起價錢來說實在是非常優惠。極黑豬扒肉厚，有嚼勁，放在鐵板上再配上白飯，確實非常值得推薦。希望大家能夠支持一下這小店，不要讓有­質素的心意隨時間消失喔。

同朋友去完太子"香港美術"買美術用品,打算行番去旺角搵野食,,向水務署方向行下行下,行到黑布街,見到門口幾令既餐廳,索性走左去食。一入到去,舖面人唔多,可能因為呢條街車房多,唔多人行,所以一入到去就有位,而當時的同朋友都好肚餓,一入到去就有位都幾方便。舖面裝修主要係暖色,(黃黃地橙橙地),加上d背景音樂好比人感覺好舒服,侍應都好好態度,笑容好好。經理比左份menu比我地睇,當時係下午茶,價格都係$38-4x左右,餐飲有咖啡奶茶汽水,我叫左個白汁蜆肉天使面,我朋友就叫左個青咖哩雞肉飯。西餐尼講都幾平。叫左大約5分鐘左右,d野食就到,好快,以下午茶份量都ok,夠飽,白汁味道好濃郁,(抱歉忘了拍青咖哩雞肉飯)青咖哩一入口味道酸酸甜甜,好香,好味雞肉好入味,加上好淋,易入口。其實令的最難忘的,是甜品,是牛乳布丁,有牛乳和朱古力咖啡味佢個布丁唔會好水,夠硬身,朱古力咖啡味底部有好多咖啡粉沉底,是正常的,證明用料好足,(自己都有造開甜品),牛乳味就真正好重牛乳味,好滑身,正!據說是經理自己弄的,,是心機之作!呢間餐廳位置唔起人流多既地方,所以夠靜,坐得又舒服,食物好味,價格又唔貴,唔洗同人迫又唔洗

在黃昏路經這店,下着大雨,就腳進店食晚餐,叫了一個二人餐。有是日餐湯,沙律,扒法國燒春雞,意大利乾茄天使麵,仲叫左兩個小食。食物出品時間較耐,但食物質素有驚喜,各樣都是即叫即煮,熱呼呼的!扒法國燒春雞是無骨的,單骨雞翼香!環境舒適,侍應親切,值得一試!

今日放假出旺角行街，成日出到去都吾知食咩好😅，係新世紀廣場睇完戲之後行反落去諗住去女人街搵食，落左天橋行去街口見到有間野新開，行埋去睇下😋，平時吾係好覺眼，可能擺左幾個花藍特別起眼，因為條街好多車房，以為無野食，行到門口有個經理介紹下入左去餐樓俾人感覺好舒服，裝修好骨子，朋友聚會呢度應該幾好，睇下餐牌都幾多選擇，三個人叫左燒豬仔骨，牛肉千層面，白酒忌廉汁天使面，法式焗田螺同埋凱撒沙律，呢度d法式田螺好特別，有殻既田螺出面好少有，未食己經嗅到牛油蒜香味，加埋d薯容食，簡直絕配 😉，同埋個豬仔骨先好野，份量吾少，可能用BBQ汁燒既，十分惹味，可以一試😙，個牛肉千層面食落好香芝士味，食落吾太漏，份量岩岩好😍，係度食完傾左陣計見開始多人，之後就埋單走人，呢度d待應都ok，個個都好有禮貌，總括黎講今餐都好滿意，又吾係貴又座得舒服，下次又有多個選擇開飯啦哈哈，吾使成日去女人街果邊左逼又逼