Ice Puff

Open Now

Now Closed

雞蛋仔(阿華田脆脆➕$6麻糬)好食👍🏻脆口 之後 麻糬粘粘地 2個層次😋不過 就吳係好食到 阿華田味🙈可以encore👍🏻正宗泰式奶茶(叫雞蛋仔➕$16)係飲得出個茶底有吳同😯好吳好飲就眼個人一試無壞完#阿華田脆脆雞蛋仔加麻糬#正宗泰國奶茶#icypuff

琴日第一次試！好中意食伯爵茶味嘅野所以就揀左黎試我加錢要埋蜜糖，佢係好似加左蜜糖味嘅爆珠入去我覺得都幾特別，但又好似比蜜糖味喧賓奪主咁，搞到原本伯爵茶唔係好出但總體黎講都幾好食！ 外脆內軟！價錢唔貴！會再黎試下其他味！

週末嚟旺中行街 少不免要搵啲小食醫吓肚經過呢間雞蛋仔鋪 黃色鋪面實在會令人注目 門口仲有條長長嘅人龍🥚榛子花生味雞蛋仔 HKD29第一次見嘅獨有味道落單後等咗大概十五分鐘拎上手仲熱辣辣 雞蛋仔質地軟淋淋 如果可以脆啲就更好雞蛋仔size比坊間細粒 但勝在夠足料每料都食到粒粒花生 🥜 榛子味就唔算突出除咗甜食 仲有咸食雞蛋仔提供咁多口味確實令人眼花撩亂希望下次再試埋格仔餅 😊

呢間馳名的鷄蛋仔格仔餅小店，一直受到網上關注組的推薦。今日難得有機會，就過去一試。小弟比較喜愛格仔餅，所以試下原味，看看味道如何。試過之後，外皮的確有鬆脆的咬感，蛋餅部份較軟身，鐘意外脆内軟的朋友，應該會滿足（自己比較喜歡較硬身小小的蛋餅）。原味格仔餅裏面的花生醬超級多，完全系"毫不手軟"的程度，下次會問問可唔可以落小D花生醬。店舖的鷄蛋仔款式多好多，但小弟實在無福消受，下次揾機會試過。

呢間係旺中同新之城連接位，有唔同特色口味既雞蛋仔同格仔餅，仲可以加錢要雪糕、麻糬等配料😍行過都聞到好香蛋味，而且有唔少人係門口等緊🤓-✍🏼食評❞ 🔸阿華田脆脆雞蛋仔 (加麻糬)🍫| $35即叫即整，扲上手熱辣辣，阿華田味香濃，仲有淡淡麥芽味😚雞蛋仔外脆內軟，蛋香味好夠，而麻糬偏軟身，但就唔係幾食到脆脆同中間偏空心，冇咩雞蛋糕口感🤫整體食完都唔會覺得過甜，好食！

🆙 𝗜𝗰𝗲 𝗣𝘂𝗳𝗳 @icepuff_icepuffღ 阿華田脆脆雞蛋仔 $29都唔係第一次介紹呢間雞蛋仔🥰鍾意佢超多口味選擇，而又真係試過咁多味道都好好食，一定係我心目中top 3雞蛋仔之一!!😍😍😍阿華田味超香濃，好食！口感偏向外脆內少軟空心，所以自己一個食晒成底都唔會話好飽肚🙊╰┈➤ 𝘁𝗮𝘀𝘁𝗲: 𝟴.𝟱/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴.𝟴/𝟭𝟬

係旺中行街路過聞到一間好香好香嘅雞蛋仔於是就停低決定要試吓啦叫咗鹹蛋黃雞蛋仔 佢呢間雞蛋仔用雞蛋嘅比例應該比較多超香濃嘅雞蛋味而且係酥脆酥脆嘅感覺鹹蛋黃用量亦都好多好多每一啖都鹹香酥脆 出色

🧇紫菜肉鬆雞蛋仔嗰日突然想食鹹雞蛋仔多過甜 就嗌左呢個😍即叫即整 拎上手仲熱辣辣🔥但係影完相凍咗少少🤏🏻不過唔太影響味道☺️好足料 差唔多啖啖都食到紫菜or肉鬆🥳雞蛋仔外脆內軟 蛋味都幾香🍳有經過過佢間鋪嘅人都應該知🤣不過都係鐘意佢地嘅比利時🇧🇪70%朱古力味多啲🍫💓

好耐無去旺角中心 最近多左小食店進駐去到2樓 位置係旺中同新之城連接位聞到陣好香既格仔餅味道上網一睇先知原來依間都好多人食雖然有林林總總既口味但第一次試都係揀左原味先老闆係即叫即製 大約等十五分鐘原味格仔餅 加麻糬 $25+$6返屋企既路程要30分鐘左右返到去個餅仲暖身 再用焗爐焗返熱嘩 不得了 個餅底變得更加脆同平時食開既格仔餅唔同 Ice Puff既係厚身啲再加埋麻糬 成件事好夾 老闆對於落醬都唔輕手簡直係爆醬 好味

Ice Puff -係新之城1樓行過去就唔洗怕要兜泥兜去～伯爵茶雞蛋仔 好香伯爵茶味 同埋雞蛋仔個質地整得好好 外脆內軟架！仲要冇一粒係空心架啲口味選擇仲多到你唔信 叫得出好似佢都會整到俾你咁😂人均消費：$30～——————————————————————————————價錢：🎖🎖🎖🎖食物：🎖🎖🎖🎖🎖*5🎖為最高⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰🔍#是但求其食

Ice Puff地址：旺角彌敦道688號旺角中心一期1樓F51舖飯後甜品點會唔幫襯下旺中啦，一經過就已經聞到勁香既雞蛋仔味傳岀黎。NUTELLA 格仔餅🧇💰$38，一拎上手就知一啲都唔係平凡野，佢真係超級厚身，仲要勁足料榛子醬+花生碎👅 ，加上外脆內軟👍🏻咬落去唔會單有空氣感，仲要好貼心咁幫係一分為二比你去同朋友一齊開心Share❤️。Cp值勁高！正！#nicefoodie旺角

🍫 朱古力gelato + 70%黑朱古力雞蛋仔 $56身為一底雞蛋仔呢個價錢真係幾貴😂不過呢個combination我由佢係天后開鋪果陣bookmark到依加點都要試試佢先心息！Gelato堅係做到gelato果種有啲張力嘅口感🤣朱古力味好濃好濃又唔會太甜，一入口確實有驚艷到，唔會expect係旺中可以食到咁高質嘅意式雪糕😂雞蛋仔岩岩整起熱辣辣外脆內軟，就算配上70%黑朱古力都唔會太苦。男朋友身為非朱古力lover，黑朱古力更加係hater😆本來話預佢唔會食得多點知最後都食左差唔多一半🤣👏🏻不過加左雪糕食到底雞蛋仔會淋左，個人覺得都ok嘅溝埋雪糕濃濃朱古力味搭夠依然食到lamlam脷😋-總結：朱古力lover must try呢個組合😍下次會想試下原味+流心蜂蜜/其他味+麻糬😆🧡

Ice puff-阿華田脆脆夾餅乳豬我就其實好少食甜品，應該話好少去主動買黎食，但今次呢間絕對要買一買試試佢，因為佢雞蛋仔同夾餅都有多款口味供大家選擇，睇到就興奮🥰🥰。因為我係由小到大都好鐘意食夾餅，但今次乳豬㨂既唔係傳統口味既夾餅，而係加左創意既口味——阿華田夾餅🤩🤩先講個餅底，睇相都見到個size 係係同一般夾餅好唔同，比一般既厚約兩倍有多，咬落去真係好x正，因為係脆口嫁！！！🥳🥳🥳平時一般買到既都係軟身既，但呢個真係好似食緊曲奇餅咁，「卡擦」一聲，真係回味無窮。再黎就係阿華田，個醬係無得輸既，熱辣辣既醬，濃濃阿華田味，絕對唔係凍冰冰就咁搽落去就算。乳豬指數：🐷🐷🐷🐷

旺中就係冇堂食既時候諗起嘅其中一個地方😌我一向都好鍾意食雞蛋仔～所以今日就試吓呢間近旺中同新之城通道嘅Ice Puff！門口超級多人等，都預咗要啲時間🤣佢啲口味其實都幾多，揀咗好耐叫咗黃金雞蛋仔 ($32)😌大約等咗15分鐘就有熱辣辣雞蛋仔食！佢都幾得意，個構造應該係一邊鹹蛋黃，一邊雞蛋仔漿咁，所以個形狀好似同普通雞蛋仔有啲唔同🤣食落口鹹蛋黃味超濃郁！係我食過嘅黃金雞蛋仔最真材實料嘅一間～不過如果你相對想雞蛋仔係主，鹹蛋黃係副，呢個可能唔係好啱你🤣我自己就好鍾意喇🤤

雞蛋仔關注組組員對旺中呢間icepuff一定唔陌生關注組經常都會比佢嘅華田 朱古力味雞蛋仔洗版！終於有機會一戰佢嘅比利時70%黑朱古力雞蛋仔！果然！真係稱得上世一😍大件！抵食！超香濃！脆口！咬開每粒雞蛋仔都見到半溶緊嘅朱古力 又唔會過甜喎即買即食真係超脆😋內面唔係比海棉餡填滿 所以比到空間d朱古力🍫融化 好正！蛋香味都好夠 而且經過舖頭會聞到超香榮升到我心目中嘅雞蛋仔頭幾位🧡！大家一定要多多支持😀