氷舍

Open Now

Now Closed

天氣凍食咩好？火鍋？煲仔飯？我就話食刨冰最好😂抵抗嚴寒既方法就係再食凍d，跟住再食熱辣辣既嘢！一冷一熱咁先爽爽❣️銅鑼灣想食冰一定會諗起氷舍，我地分別點左楊枝甘露氷冰同法式焦糖刨冰，再加多杯番石榴麻糬凍飲🥤刨冰好精緻，楊枝甘露既芒果好夠香甜，份量都不少，刨氷中間我仲加左拉絲麻糬，一齊入口個口感又有少少不同！法式焦糖又幾得意，甜甜加埋冰就中和返個甜度，可以一試。番石榴麻糬飲品粉紅色幾靚，果汁都好香✨下次我想試下泰式芒果糯米飯刨冰😂我真係未想像到😜

日式味道之甜品，裝飾滿滿快樂的味道，日式之冰冰，中式甜品也有，各式甜品，美味綿密之香濃，散發著濃郁椰香。快樂的味道！亦有日式地道之味道，日式刨冰店以日式刨冰店作主角！紅石榴飲特別的手飲，還原紅石榴風味！酸中帶甜，不錯楊枝甘露麻糬芒果算甜，麻糬拉絲，金柚味道達黃金比例，棒綿密刨冰，非常吸引。焦糖布甸刨冰，巨型日式刨冰，香濃之焦糖彈牙布甸，不會很硬，綿密感。店舖裝修用白木為主，有刨冰/炒冰/冰杯，店主非常友善，口味吸引，麻糬，抹茶，焦糖布甸之選擇，配有質感不鏽鋼匙羹，快樂日式泡冰專門店!

好耐冇出銅鑼灣，難得約咗朋友去街夜晚食完飯一定要食埋甜品先先返屋企😍天氣凍都要吃冰😋🍧芋泥刨冰is my favourite!平時最鍾意食芋泥，刨冰係椰汁味，再加埋紅豆🫘就好似一杯芋泥紅豆冰🤭芋圓豆腐花豆腐花夠滑，芋圓彈牙！係老派約會之甜品🤭口渴叫咗一杯楊枝甘露有得揀少甜，非常貼心！八點幾去到好多款甜品已經賣晒🥲下次一定要早啲嚟，好想試吓楊枝甘露炒冰平日夜晚人流亦源源不絕👍🏻環境唔錯，同朋友坐低傾吓偈都幾好。

銅鑼灣新開咗間刨冰小店，門面淺木色系靚靚仔仔有日本風，呢日行街覺得凍返，乘機入去坐下休息食甜品，除咗冰仲有中式熱糖水和飲品，咁就試刨冰啦再加個腰果露潤一潤●Mango Sticky Rice Icy + Little Balls泰式芒果糯米飯刨氷 + 小丸子 ～水做無加奶嘅冰比較硬實，另有一壺椰漿自己倒入。芒果喺冰面和底部都有放甜度較低，另有一小球鹹香糯米飯、綠豆仁、雪糕同追加嘅小丸子。整體水準之內不過不失○Hot Cashew Soup + Taro Balls 腰果露 + 芋圓～食過凍冰冰刨氷、甜品胃仲有位就嗌多個腰果露，好似話潤肺和腸，順道加咗我最愛嘅芋圓。質感都順滑有啲腰果粒洒面有咬口，芋圓同平時食開有啲分別比較軟腍

最近經過銅鑼灣時，發現了一家頗具吸引力的刨冰店，於是決定一試。石榴皇麻糬凍飲 $36石榴皇麻糬凍飲是餐廳的推薦之選，石榴的味道鮮明，杯中加入了不少麻糬，使得整杯飲品相對濃稠，還有椰果的點綴泰式芒果糯米飯刨冰 $68刨冰的冰粒細膩，搭配新鮮的芒果粒和糯米飯，並以少量脆米作為裝飾，外觀頗像泰式的芒果糯米飯。旁邊附有一小瓶椰漿，方便食客自行調整用量。芒果香甜可口，糯米的口感則黏糯芋泥紅豆麻糬牛奶 $35點了一杯芋泥紅豆麻糬牛奶，口味偏淡，糖分適中，配料包括麻糬、紅豆粒和細膩的芋泥。麻糬彈牙，芋泥滑順，搭配有嚼勁的紅豆粒，香甜卻不過於膩口。楊枝甘露麻糬 $59加多金柚$5，甜品中含有芒果和金柚果肉，金柚的酸味開胃，還有晶瑩透亮的水晶珠，搭配煙韌的麻糬

今次到訪依間位於銅鑼灣嘅甜品店😍 內部裝修走小清新風，燈光明亮舒適，感覺和暖又放鬆👍 日系感爆分☺️ 首先㨂咗個職員推介嘅楊枝甘露麻糬🥰 糖水酸酸甜甜好開胃✅ 芒果同埋西柚果肉好新鮮，充滿著迷人嘅果香🤤 麻糬煙韌軟糯，嚼感一流，當中淡淡嘅牛奶滋味令人回味不已😘 另選了一客打卡啱曬嘅焦糖布甸刨冰🤩 刨冰勁大座份量十足😆 大大個焦糖布甸彈牙又香滑🥰 一旁嘅焦糖脆粒甜美無比👍 配刨冰一齊食甜度啱啱好😘 天氣凍凍地，都係叫返個暖笠笠嘅糖水暖下胃☺️ 㨂咗紫米露加芋圓同埋手製芋泥🤗 紫米露濃郁甜美，啖啖紫米嚼感極佳😚 芋圓煙韌有咬口，甜甜地食唔停口👍 芋泥綿滑細膩，芋香出眾❤️ 整體超級正😎 

位於銅鑼灣的甜品店，簡約企理裝修，舒適寬敞的空間。主打各款冰品糖水，特色推介麻糬刨冰。推介刨冰：D24榴蓮飄香刨冰賣相精緻，滿滿的配料，自行按喜好加添椰奶。最上面為雲尼拿奶蓋、榴槤蓉。小丸子轉成芋圓，口感煙韌，有嚼勁。底下的是刨冰，綿密細膩。榴槤很足料，每一口都帶有榴槤肉，而且味道非常濃郁、突出。招牌炒冰：石榴皇炒冰紅石榴冰由新鮮紅石榴汁製作而成，炒冰顏色呈現粉紅，充滿果香，味道較清新，甜而不膩。上面鋪滿了椰果條條，及透明的脆脆珠，口感像寒天，還有拉絲麻糬，軟糯帶微微米香。老派約會之必要：熱腰果露除了創新的甜品外，還有傳統的中式糖水選擇。腰果露不太常見，這碗熱烘烘的腰果露，濃郁的腰果果仁香，入口順滑滋潤，不過吃至後期略甜。

同fd一人叫一個碗裝嘅刨冰，無論焦糖味定芒果糯米嗰個，就算淋埋附帶一小兜花奶/椰奶都唔夠味我明唔係所有刨冰都要用牛奶冰底，但當你用純水整刨冰，汁醬總要比夠吧⋯⋯😓唔知係咪又係因為純水嘅冰底，或者可能係砌碟嘅方式，啲刨冰好快結成一大舊，真係要用個羹刨，而且配料好少 淨係得面頭見到嗰啲，根本唔夠送成碗冰同在銅鑼灣出名食冰嘅仲有SxxxxSxxxx同甜XX，平均比多$20-40一個冰夠兩個人分之餘冰入面同碗底都有料又夠醬，相對之下呢間cp值好低…

就快聖誕節🎄，我便喜歡食甜點甜甜蜜蜜過節日啦， 銅鑼灣有間新開的甜品店，有多款麻薯系列極吸引，更有刨冰🍧、中式糖水及特色飲品的！門鋪裝潢簡潔俐落，坐位舒服！D24榴蓮飄香麻薯🧡榴蓮控的我不能錯過呢款，榴蓮香味撲鼻，加入麻薯煙煙韌韌實在好食😋雙皮奶芋泥麻糬小丸子 🍡香滑奶燉得剛好，配以甜甜麻糬小丸子🍡好有口感！楊枝金露🧡粒粒芒果新鮮香甜，楊枝甘露酸甜交雜杏仁露中式糖水原來水準都好好，杏仁香味俱全又有綿綿的口感氷舍 📍銅鑼灣謝斐道520號地舖

銅鑼灣新開甜品店，好多麻薯系列，啱晒我😍呢到主打刨冰、麻薯，仲有中式糖水、飲品😍💛D24榴蓮飄香芋圓 $67先生好鐘意榴蓮，呢款啱佢食，濃烈氣味🙊先生話好食💛雙皮奶芋泥麻糬小丸子 $62奶味好重，甜甜哋，麻糬小丸子都好煙韌，麻糬大件💜芋泥紅豆麻薯牛奶 $35黃金比例，少甜走冰，有軟滑煙韌麻糬，配埋紅豆粒、芋泥，好有口感，最鐘意呢杯😋💚紅豆抹茶麻薯牛奶 $36同上面嗰杯一樣，有麻糬，黃金比例，飲到粒粒紅豆粒，抺茶都好香滑，值得一試

飯後食埋糖水先叫大滿足, 同朋友去咗近世貿中心呢間甜品小店「氷舍」。裝修簡約企理, 主打冰嘅甜品, 款式配搭吸引。【泰式榴槤糯米飯刨冰】HK$76墊底刨冰刨得好幼細, 伴上甘甜榴槤蓉、口感黏嘅糯米飯、綿滑奶蓋、少少脆米,、純天然刨冰, 食之前自行加入椰奶兼將配料撈埋一齊食, 味道剛好唔會過甜。【楊枝金露炒冰】HK$49芒果果肉新鮮香甜, 配有一大pat軟綿麻糬、唔少椰果條, 冰係底部, 炒過質感係唔同d, 同楊枝金露混成一體。【芋泥紅豆麻薯牛奶】HK$35牛奶幼滑, 軟綿麻薯入口近乎化開, 但芋泥口感唔太出, 甜度來自紅豆, 整體只係微甜。【石榴皇麻薯凍飲】HK$36石榴味好濃郁, 好突出, 雖然同樣有大量麻薯, 但更軟綿同入口順滑, 有如奶昔般口感, 仲有唔少椰果條, 增添層次。

諗住個賣相唔錯就入去試下 點知個冰完全冇味 汁又唔夠多🥲 完全唔係果回事 想食糖水嘅情況之下入去試吓 芒果都得少少 撈埋落啲冰都唔夠味 成碗嘢都好淡味 真係食緊攪碎咗嘅冰🥲🥲

銅鑼灣近世貿有間麻糬刨冰主題甜品店環境新淨簡約～有好多唔同嘅口味，芒果同榴槤最吸引！而且仲分好多唔同份量同價錢價錢唔算好貴，但配料款式都好豐富榴槤刨冰同楊枝甘露刨冰都係由新鮮水果汁刨成所以味道特別濃郁，加上大大粒果肉配合大西米同埋麻糬口感好好鍾意食榴槤嘅朋友一定要試吓嘅榴槤產品味道非常濃郁！同刨冰好夾～銅鑼灣比較少甜品舖，希望佢會再出唔同嘅新口味.天氣開始凍，下次等我試吓佢嘅熱辣辣系列嘅傳統糖水先～值得返兜再食吓～

今日叫左楊枝金露炒冰，生果新鮮夠甜，加埋有咬口小丸子平衡成個甜品口感我額外加左紅豆，色得出係蒸出黎唔係罐頭所以夠豆香，唔錯。朋友叫左榴槤飄香炒冰，榴槤味夠香，佢話夠甘香好食過金枕頭又無咁漏。最後唔夠喉加左個腰果露，估唔到呢間新式甜品屋都做到咁滑既中式甜品，上面加左啲果仁增加口感，讚。環境舒服乾淨，枱同枱之間夠空間唔逼，啱同朋友坐低邊食邊傾。下次想搵小確幸會再去。

好味，性價比高。價錢唔貴，環境闊落舒適。第一次認識炒冰，綿綿地幾好味。榴槤仲好食個貓山王。有中式，有西式，有冰食，有嘢飲的甜品店。門口仲有位可以短期泊車買外賣取走。