一燒窰 (Closed)

Skewer is one of the best Japfood and is great pairing with drinks. After taking my visitor to Mong Kok for sightseeing, we ended up spending our dinner at this little restaurant.To start with, we ordered some small bites to share with two special drinks.Chicken WingsLoved the crispy skin with no greasy oil! Beef and Winter Mushroom rollBest pairing in the world! The beef was grilled at the stove until all the fat is melted, and its juice being absorbed by the mushroom! The teriyaki sauce made i

放工後相約男朋友到旺角覓食。之前經過女人街已經覺得有很多餐廳可以一試，今次膽粗粗入左呢間好有日本特式既餐廳。很幸運的唔使等位，好快店員就安排左我地坐一張4人台，環境舒適，天花又有浪漫既燈飾哈哈一向鍾情玉子既我地二話不說就叫左芝士明太子玉子燒。果然，蛋味濃郁，明太子既份量好足，芝士仲煙韌到可以拉絲串燒方面，我地叫左牛舌，金菇肥牛卷同埋燒窰茄子。三樣食物都燒得好香，好入味最驚喜一定要數呢個茄子。一整條茄子切成一半，灑上滿滿的蒜蓉和甜甜的醬汁。皮燒得很脆，茄子肉很軟身又很惹味！另外我地再叫左一個吉列豬扒飯，又係水準之作。吉列炸得金黃香脆，豬肉肉質嫩滑，連埋灑了燒汁既飯雖然串燒同啤酒真係會好夾，但要食得健康少少，我地就叫左士多啤梨奶昔同埋雙莓梳打兩個都ok，奶昔仲飲到果肉！

今日午飯時間又來到女人街搵食，見到呢間裝修幾有style, 價錢都ok, 就入去試試選擇款式唔多，好快就揀完。點餐後會上麵豉湯。我點了炸吉列豬扒飯，豬扒炸得太焦，好熱氣。同事點了豬軟骨烏冬，她說d肉有些雪味，所以食淨了不少。

七點幾專登出旺角食一燒窰。就係因為近排想食燒烤，而睇食評，呢間既食評超好！講真啦坐低嗰陣真係有啲肚餓架，好快就有嘢飲上，但係啲嘢食就好似等極都未來。如果無耐性等既朋友，呢間唔會係好選擇。今日偏叫菜類嘅嘢多，但牛脷，雞腎，雞軟骨都好好味。雞軟骨都有小小肉既，唔係凈軟骨。海鮮類嘅清酒煮蜆、魷魚都唔錯，四色燒蠔（黑松露、蒜蓉、燒汁、芝士焗）佢哋仲做緊推廣，叫小食有一杯150毫升嘅啤酒。今日我哋叫咗燒豆腐。菠蘿，用上新鮮既菠蘿。燒茄子好味，冬菇麻麻地。 洋蔥剛剛好唔太林亦己經無晒辣味。燒玉子都可以推介。一啖飯，淨係睇個名都覺得佢好吸引。燒左出黎有飯焦既香味，中間軟既部份就加左沙律醬，醬唔算太多，唔會影響到久卜面飯焦既脆同香口😘其實如果唔鍾意食燒烤嘅，佢哋嘅晚市套餐都好吸引。我見到隔離枱嘅鰻魚飯成條鰻魚有成10吋咁長放響飯面！睇到都流口水。最衰已經好飽喇。

我地三個女人仔，去完旅行返嚟之後好耐冇聚，朋友想食串燒，得知旺角女人街開左間串燒店🍡🍢🍡🍢諗住大家方便就腳就揀左呢度！鋪頭細細間，好彩冇限時，我地幾個女人一路食一路吹水，就咁就坐左幾粒鐘！可能肚餓關係我地樣樣都想食，於是就叫左好多野食，清酒煮蜆，冇沙好鮮甜，黑松露薯條好好味，我試過係唔知咩高級餐廳食過呢個薯條又貴又小，估唔到呢度都有得食，芝心玉子燒，又係必食仲有我地試左一舊飯，有驚喜，之後我地掛住傾計同食野都唔記得影相，仲有佢地個菠蘿冰係用新鮮菠蘿整的，必試

最近兩位朋友，分別去完台灣和韓國回港，相約聚會，無意中發現旺角開了一間新的串燒店，選擇牠的原因是地點在油尖旺區，方便大家搭車到達和離開，加上聚會在星期五晚上，很難在這區找到餐廳沒有限時，所以一星期前已經訂位。當天晚上去到，感覺雖然店舖內空間雖小，但座位總算坐得舒服，服務人員友善，我們坐了很久，也沒有催促我們離開，食物製作方面，時間稍微有點慢，可能新店，未運作正常，但可接受，食物質素平均有85分，飲料也不錯，價格比較其他串燒店，算相宜抵食，這裡是聚會的好地方，下次一定會再次光顧，試下牠們其他食物。

夜麻麻搵嘢食，行下行下走左入女人街，見到呢間食串燒既，就入去試下。一行入去，店員帶著微笑走埋黎講無定食，你們ok?? 本身都諗住食串燒，所以都無所謂一坐低就睇下佢既餐牌及價錢，我覺得都幾老實，名碼實價 我們2人叫左蒜蓉燒茄子，牛舌，雞腎，金菇肥牛卷，帆立貝，鳥蛋，清酒煮蜆，炸雞軟骨及一罐忌廉。 啲嘢食有水準，樣樣都好食，特別係帆立貝唔un, 牛舌夠淋，清酒煮蜆好鮮好清甜。 可能我們11點幾至食，唔洗等位又幾靜，啱哂我們一邊食一邊傾計，仲要唔收加一，2個人食都係$206

紫薯控！茄子控！一定要黎！路過見到新開業既串燒店，無薯不歡既我睇見門口貼上紫薯雪糕既照片再加上熱辣辣既旺角真令人忍唔住入黎試！結果真的無令我失望雪糕底下仲配襯左暖暖地既紫薯蓉，冷暖紫薯一齊向我嘴入面溶化......價錢既吸引又好味搞到我埋單前追加多一份！後來仲見到茄子燒（無錯我都係鐘情紫色XDD）因為即點即燒大約等左十分鐘左右，香味濃郁加大條！先$32咋！如果加埋啤酒....真係一流下次要試埋四色蠔等分享～～～～～

同朋友嚟咗一次即興飯聚，揀咗最就腳嘅旺角，隨心咁樣入咗女人街，剛好比一逍遙個名吸引左，就入咗去試依間新開嘅串燒🍡🍢🍡🍢😋鋪面好乾淨，枱與枱距離適中，哈哈，適合我哋兩個女仔一邊食嘢一邊傾計❤️傾得開心得滯仲飲埋酒，我朋友好鍾意食佢哋嗰個清酒煮蜆，一客份量兩個人剛剛好。而最有驚喜係個黑松露薯條，份量好大，佢哋自家製嘅黑松露醬超級好味， ＄40都唔使，我哋都講笑咁講，下次再幫襯，要每人一份😂今次即興嘅晚飯好開心！我同朋友都不約而同話要再嚟再叫多啲人，試佢哋多啲嘢食

上星期五晚放工同老公行去女人街側邊d餐廳搵食，見到呢間新開嘅串燒店，便抱著一試嘅心態入店用餐。店內環境舒適，店員服務有禮。食物款式頗多，但因為我地得兩個人，所叫嘅食物唔多。串燒豬頸肉同牛舌厚嫰多汁，韮菜同bb蘆荀新鮮冇渣。值得推介係芝心玉子燒，除咗蛋香滑之外，芝士仲有拉絲效果，好食。價錢亦好合理，下次一定叫多d friend嚟試吓。