Video
Exit C, Central MTR Station, Exit C, Hong Kong MTR Station
continue reading
Telephone
26999064
Opening Hours
Today
11:30 - 20:30
Mon - Sat
11:30 - 20:30
Sun
Closed
Public Holiday
Closed
Above information is for reference only. Please check details with the restaurant.
Video
Photos
北海道產南瓜周打濃湯
+234
+12
已經第三次幫襯✨今次買外賣返屋企做dinner忙完一日想食返啲日式家庭定食做comfort food，「一汁一菜」就最啱地理位置方便，中環C出口行5分鐘就到菜單選擇唔少，湯、前菜、主菜各四款左右—————————————和風定食 ($75)▶️ 8種根菜雞肉豆乳濃湯八種根菜，有粟米、紅蘿蔔、蘑菇、洋蔥、薯仔、蓮藕、牛蒡、甜薯🍠雞肉份量十足，可以做餸味道同忌廉湯差唔多，唔會太鹹健康又有營養😋▶️ 吞拿魚昆布伴秋葵吞拿魚溝咗沙律醬去除腥味🐟秋葵食落黏黏地，口感得意仲溝咗啲木耳絲，做前菜冷盤好開胃▶️ 醬燒北海道十勝豚扒豬扒尚算軟腍🐷不過間中有啲位多肥膏韌啲醬汁調味適中，主要係黑胡椒味▶️ 醬油菇菌飯 (+$10)醬油菇撈飯正過飯素❤️鹹鹹地又有咬口本身米飯用珍珠米，黏身飽滿🍚輕易食晒成碗飯—————————————主菜定食 ($65)▶️ 北海道產南瓜周打濃湯南瓜濃稠鮮甜🎃完全係南瓜蓉配有紅蘿蔔、薯仔粒等配料鍾意飲甜湯嘅，可以叫呢款▶️ 野菌味噌豆乳雞扒都係似白汁蘑菇忌廉醬，冇豆乳味欣賞佢雞扒厚肉好滑嫩🐔啖啖肉好滿足▶️ 田牧越光米本身想試佢個石窯麵包，不過冇晒貨唯有叫返最基本嘅白飯啦-全部嘢都幾好食👍🏻係豬扒肥膏位韌少少食過三次，今次質素最好 (第一次食俾咗劣評🫢)覺得佢一路進步緊，份量亦足料咗外賣包裝貼心，全部有label所有嘢分開裝，唔會容易倒瀉店員好Nice，落單到預製食物過程迅速店舖內部乾淨企利，堂食座位有一人自接位🙈啱晒I人價錢抵食，比兩年前定價低咗親民咗平均$75/餐，足以食飽我兩日dinner😌適合中環打工仔買外賣或堂食依家覺得佢同紅磡「米氣」質素差唔多，希望大家俾個機會佢～
continue reading
一汁一菜都算係我嘅comfort food 啦😌 中環萬宜大廈嘅分店係我好鍾意去嘅一間😇 木系裝飾好舒服，令人好放鬆😌 仲有一格格嘅自閉位😂 啱晒我😙 🌟自家製醬燒和牛漢堡扒定食 $65（餐湯+主食+米飯+小食+飲品）呢個價錢真係好抵食，餐湯揀咗北海道產南瓜周打濃湯🥰 香甜濃郁，我好鍾意😚 煮食係自家製醬燒和牛漢堡扒，最鍾意佢嘅醬汁酸酸甜甜，同和漢堡扒好夾😋 配田牧越光米食，真係食得好舒服😌 可以加配小食同埋飲品，我揀咗厚燒玉子（$10), 貪佢夠蛋香夠甜😌 凍蜜桃紅茶（$10）少少甜，仲有蜜桃味😋 🌟豐富蔬菜沙律 $59果然係好豐富😆 滿滿嘅新鮮蔬菜有好多款，連西蘭花都有😍 夠晒健康✌️🌟喫茶店雞蛋布甸（配豆腐雪糕） 定食+$30原來而家佢哋推出咗甜品😍呢個雞蛋布甸好香滑，面頭嘅焦糖仲好香添😍😍 最正係配埋豆腐雪糕，豆腐味好濃郁，甜度剛剛好，呢個價錢好抵食呀😋 呢間鋪無論係一個人嚟，或者同朋友嚟，每次都食得好舒適好開心🥰
continue reading
之前行過金鐘見過想試，但只係得外賣，中環哩間有堂食，終於可以坐定定食。✨主菜定食 $89🔻長崎風黑豚雜錦湯（期間限定）期間限定款式，雜錦湯果然好足料，味道清清地帶點牛乳香👍🏻🔻自家製野菌醬燒和牛漢堡扒野菌醬香濃帶點點微酸，自家製嘅和牛漢堡肉味濃郁juicy，質感軟滑🤤🔻北海道蟹膏蟹肉味噌飯 +$20大大份蟹膏蟹肉配煙韌有咬口嘅白飯，食到飯嘅香甜亦帶點蟹膏蟹肉嘅鹹香，味道配搭得剛剛好😋🔻蜜桃紅茶飯後一杯清清地嘅紅茶解膩，淡淡嘅蜜桃香好清新🍑✨主菜定食 $89🔻法式龍蝦濃湯 +$10龍蝦湯味道濃郁，配合香滑忌廉味道更香濃亦唔會太鹹，仲有粒粒龍蝦肉，真材實料😍🔻沖繩汁燒大根豬軟骨大根同豬軟骨一樣炆到好腍好入味，豬軟骨肉質夠滑，仲好有咬口😊🔻田牧越光米白飯粒粒分明，咬落煙韌😍 面層加咗少許芝麻粒，口感更豐富👏🏻🔻蜜桃紅茶✨喫茶店雞蛋布丁（配豆腐雪糕） $49豆腐味雪糕豆味好香；雞蛋布丁口感彈滑，蛋味濃郁🥚🔍整體感覺：餐廳堂食位置唔算多，環境乾淨衞生，裝修簡約清新。食物味道唔錯，健康之餘仲有家嘅味道💜
continue reading
一汁一菜係日本輕食餐廳😋裝修以木系做主打，感覺舒服乾淨。佢哋嘅外賣盒全部都係純白色感覺非常之企理，亦都有日本風。法式龍蝦湯湯整得好香😀入面真係有龍蝦仔肉，湯比較結身好飲，面面頭有啲忌廉裝飾。北海道産甜粟雞肉豆乳濃湯北海道粟米一向好出名，入口甜👍🏻仲有西蘭花、粟米粒、雞肉等等，湯好大碗，性價比幾高。自家製野菌醬燒和牛漢堡扒本來以為餐廳主打輕食，份量會好細。但佢哋嘅和牛漢堡扒份量好多，味道香濃🤟🏻醬燒北海道十勝豬豚北海道嘅豬團果然係特別爽口，醬汁味道甜甜地，配上洋蔥、紅蘿蔔、芋絲配料豐富啱曬撈飯😋🍚📍 一汁一菜 (萬宜大廈) (中環)中環德輔道中68號萬宜大廈地下G02號舖
continue reading
今日去咗中環搵個客，趕唔切食飯見到呢一間一汁一菜，主打提供輕便簡約的日式洋風輕食～見到餐牌有好多選擇，選擇困難症嘅我樣樣都想試吓🤣北海道產甜粟雞肉豆乳湯$35見到呢一款湯已經覺得好好味，日本產嘅甜粟米加埋豆乳雞肉，豆香味十足，粟米同豆乳真係好夾，特別呢排天氣涼涼哋飲番碗暖笠笠嘅湯真係好滿足自家製野菌醬燒和牛漢堡扒$39和牛漢堡扒絕對係我嘅最愛，漢堡扒入口軟腍，陣陣牛肉味，加埋一汁一菜自家製惹菌汁送飯一流野菌味增雞排傳統日家家常小菜，雞肉是難得的嫩滑多汁，味增帶淡淡甜味採 用日本米粒粒都咁靚和風醬油燉牛肉牛肉和蘿蔔都燉得軟嫩且入味，其中蘿蔔更是滋味鮮甜、入口即化～📍一汁一菜中環德輔道中68號萬宜大廈地下G02號舖
continue reading