一龍拉麵 (Closed)

知道馬鞍山開了一個新商場，入面有好多兒童玩樂，所以今日帶埋呀囡黎，一出電梯已經比一龍拉麵吸引左，一龍拉麵開放式設計，客人可以欣賞到師傅製作拉麵的手藝炙燒叉燒拉麵（$66）濃厚豚骨湯底，豚骨湯底有兩款選擇，一款濃　D，一款滑身D，我選擇左濃D，濃D既豚骨湯底比較結身，豚骨湯底味就好濃郁，不會太鹹，麵條屬幼身微曲，非常掛湯，而叉燒為薄切，入口軟腍，差不多接近入口即溶，另外我亦加了紫菜和粟米海蝦（4隻）（$35）用牛油煎香，海蝦好入味，而且仲爽口彈牙玉子燒（$25）口感厚實，蛋香味好濃波子汽水($20)

今日lunch同同事去咗新開商場食拉麵 餐廳座位唔多，全部都係吧檯，可以直接望住廚師烹調美味嘅拉麵~我喺日本拉麵餐廳必點餃子，呢間嘅餃子質素唔錯 咬落去有豐富嘅肉汁，點小小醋令成個香味再提升拉麵指定咗四款，但係客人可以隨自己喜好選擇麵條 軟硬度，辣味、蔥、筍、蛋都有得選擇要唔要我叫咗個海蝦拉麵加咗粟米 呢款面係龍蝦湯底非常濃沃，另外有四隻已經剝好咗壳既大蝦，食落就更方便，大蝦新鮮肉質彈牙，面嘅份量好多，食完一碗已經超級飽同事叫咗鰻魚拉麵再加咗豚肉，呢款都係龍蝦湯底，賣相好靚偷咗一片豚肉食肉質嫩滑，鰻魚嘅質素亦都唔錯，兩個麵$200都唔使，抵食!

餐廳坐位不多，大概12-16人左右，開放式廚房，即叫即整，上枱時十分熱辣辣👍🏻灸燒叉燒拉麵（豬骨湯底）拉麵店很貼心，可以因應個人口味選擇麵質軟硬，配茶選擇👍🏻叉燒肥瘦適中，外層煎到少少金黃色，咬落去肉質軟腍，味道十分不錯😋另外我加咗蛋同粟米，我覺得粟米連埋豬骨湯底一齊食更新甜🥰海蝦拉麵（龍蝦湯底）真係好好，海蝦殼係剝咗殼的！太貼心啦！方便客人食用👍🏻👍🏻👍🏻湯底十分濃郁，麵質有嚼口玉子燒厚厚既玉子燒，我朋友一直讚好味，甜甜地，仲食到蛋香味😋香煎鰻魚一啲腥味都無，鹹淡適中，不過如果可以再熱返少少會更好食整體黎講其實好唔錯，而且老闆好有心，會詢問客人意見，從而改良菜單及口味👍🏻值得支持

我一直也很喜歡吃拉麵，去親日本晚晚都係食佢當宵夜，高脂美味。上個月快閃左三日兩夜東京，意猶未盡今日嚟到馬鞍山探朋友啱啱出世嘅BB女，費時佢周圍走來走去就直接喺佢屋企樓下附近食，最後我哋選擇食呢間拉麵餐廳座位唔算多，但係坐得都幾舒服菜式選擇亦都唔係有好多款，我地點左兩個拉麵，麵條嘅軟硬有得自己選擇。麵條偏硬及有嚼勁，店家有直麵及曲麵可選取，湯頭豬骨味幾濃郁而且香醇，味道層次豐富的拉麵🍜味道恰到好處。叉燒幾嫩口，厚實得來周邊為帶點焦口。而鰻魚比我想像中大條，略有少許細骨，肉質尚算肥美及有彈性。

好有心做既拉麵店馬鞍山區真係唔多野食，今晚黎到We Go Mall食飯，揾到呢間一龍拉麵，第一眼望到已經好想去食下，因為店舖形式好特別，好有係日本見到既拉麵店感覺，而且仲同商場本身空間融合左，所以好有空間感，舒服過一般拉麵店。店舖咁岩係商場個大電視隔離，如果有活動直頭可以食住麵睇。一坐低，店員先比杯水，座位係bar枱形式，可以睇住師傅整拉麵。落單首先要每人填張點餐紙先，除左就咁叫拉麵之外仲有好多小食加，所以決定乜都加黎食下！拉麵點左兩款，叉燒豚骨湯拉麵同香煎饅魚龍蝦湯拉麵。師傅整麵好有功架，睇人整麵原來都幾有趣。講番拉麵先，叉燒有燒過下，味道特別好，豚骨湯唔太咸，揀左直麵，個人覺得直麵比較夾豚骨湯。另一個麵就揀左曲麵，其實唔係真係太硬，亦都比較夾番龍蝦湯，講到龍蝦湯真係要再特登講一講，呢個係特濃龍蝦湯黎！濃到就黎有沾麵既級數，店家真係非常落重本整呢個湯，鍾意龍蝦味既人真係要試下。放係上面既饅魚係有燒過，肉一啲都唔實，好夠味又好易咬，呢個價錢食到呢個質素既饅魚係超值！另外拉麵跟埋個隻味蛋即係流心温泉蛋啲fd,本身比普通蛋多少少味，放落個麵度加唔少分數。小食方面友人見我個饅魚咁正就追加多左

冇咩機會嚟到馬鞍山呢區，聽講呢邊開咗個新嘅商場，諗住過嚟行吓，行到肚餓比呢間拉麵吸引着，店舖外表好似日本傳統嗰啲拉麵店，食客個個坐喺度可以望住拉麵師傅煮麵嘅過程，中途又可同師傅多啲溝通同交流，感覺幾好，有日本深夜食堂嘅感覺。店舖坐位唔多，一眼睇晒，10個以內，個人認為適合一人食，唔怕尷尬。講返嘢食，我哋點了灸燒叉燒拉麵$66、海蝦拉麵$88、香煎鰻魚拉麵$88。灸燒叉燒拉麵$66，用嘅湯底係濃厚豚骨湯，湯底真係夠味，叉燒燒得夠香，而且本身夠肥，咬落去軟硬適中。海蝦拉麵$88 ，呢個係用佢哋特製嘅龍蝦湯底，龍蝦湯底比想像中質地厚，拉麵軟硬度可以自己揀，我就喜歡硬身少少，煙銀有咬口。師傅仲特別將海蝦剝晒殼，等我哋更容易食，好細心。香煎鰻魚拉麵$88，鰻魚煎得好香好好味啊！肉厚！不過有小小嘅建議，就係將鰻魚分開，煎脆咗嘅鰻魚放落拉麵度好容易變林。另外一定要點嘅就係玉子燒$25😍好鍾意個醬汁甜甜地，食完好飽好飽😛總括來講呢度都係值得推薦。

呢間拉麵店環境好特別， 一眼睇曬，就係一張吧枱大約有12個位，客人圍住個廚房，望住廚師整拉麵咁。 menu亦都好簡潔，得四主菜: 鰻魚，海蝦，餃子，叉燒。湯底: 龍蝦湯or豬骨湯。 香煎鰻魚拉麵配特製龍蝦湯低$88龍蝦湯底非常濃郁，但飲多幾啖會開始覺得膩，所以個人比較鍾意豬骨湯，清清地，味道調得非常好味， 私心推薦。 麵質係偏淋， 掛湯能力都ok。 鰻魚肥美唔錯。海蝦拉麵配特製龍蝦湯低$88有4大隻蝦，分別用牛油煎香過，惹味，juicy，肉質有彈性，師傅仲整走埋蝦殼，方便食，啱曬我呢啲懶人。另加燒叉燒 $14肥美的叉燒， 肥瘦適中，見到師傅用火槍燒到 叉燒表面微微焦燶， 逼出油脂，入口有豐富既油香味，相當好食，必叫。餃子$22煎得很香脆，裏面仲保留少少肉汁。玉子燒$25有蛋香，味道味甜甜的， Juicy。

同家人去新商場行吓，見到有間拉麵鋪，就坐低食個lunch。有四款拉麵揀，我地揀咗海蝦拉麵同鰻魚拉麵。仲可以追加配料、小食同飲品。海蝦拉麵個湯係特製龍蝦湯，真係好濃，食落似沾麵。蝦有四隻，肉質彈牙，同埋好貼心地剝埋殼，唔會食到好狼狽。揀咗直麵，好幼細但煙韌。加配粟米，好豐富。香煎鰻魚拉麵都係直麵，湯底都係龍蝦湯。鰻魚煎得幾香，不過有啲薄身，好易夾爛。糖心蛋幾正，味淋好入味。馬鞍山少有高質拉麵店，格局有日本風味，值得支持！

同朋友去到We Go Mall聚會，鐘意佢地方夠大唔多人。上到去商場就係一龍拉面，喺商場嘅一個角落，好似日本居酒屋一樣咁開放式廚房設計，感覺乾淨舒適。野食選擇貴精不貴多，除左拉面之外仲有小食可以揀。我揀左炙叉燒拉面，追加粟米、味蛋、再加叉燒。師傅好細心幫我地整好每一碗面。叉燒拉面，濃厚豚骨湯加辣，估唔到有驚喜。湯低夠濃又唔會太咸，拉面掛湯能力都好好，整體都唔錯，值得一試。朋友揀左嘅海蝦拉面。呢個湯底係特製龍蝦湯，味道同豚骨湯底有好大出入。追加餃子仲有海蝦、玉子燒

今日晏晝接媽媽收工，經過一間叫「一龍拉麵」，有我至愛嘅龍蝦湯拉麵，一於試下先。舖面係開放式設計，全程睇住師傅即叫即製，食得安心又放心。海蝦配特製龍蝦湯拉麵，配料本身已連埋味蛋夠晒豐富，唔夠的話可再追加。首先梗係飲頭啖湯先啦，湯底比較結身濃稠，龍蝦味清淡，食到最後都唔會愈食愈鹹，味道調配得剛剛好。麵底選了直麵偏軟身，啖啖都索滿湯汁，夠晒入味。味蛋是溏心的，食拉麵配搭唔少得。海蝦夠大隻新鮮，入口肉質彈牙夠鮮味。配料追加了紫菜沾湯汁食最美味，粟米粒粒爽甜絕對是拉麵最佳配搭之一。再追加了一份海蝦已細心剝殼，調味剛好，鮮味十足义燒是師傅即場用火炙的，夠薄夠淋還鎖住了肉汁，忍不住又追加多一份。小食點了餃子，即叫即煎，煎至金黃色，十分脆口還有推廣的燒烤汁雞翼，非常入味，入口甜甜地，有肉汁唔乾身飲品選了充滿童年回憶的波子汽水，日本食店必備總括而言，龍蝦湯底確實特別做得不錯，小食價格經濟有質素，師傅親民會主動和顧客交流意見，感覺良好。

同同事們襯中秋節午餐去左馬鞍山新廣場食拉麵，同事話食左幾次覺得唔錯。幾特別以吧枱圍著廚師整著拉麵，大家坐吧枱傾下兼自行落單，估唔到都好多學生同街坊幫襯。order紙 有齊所有 item 麵質，配料，追加同飲品選擇，多麼方便簡單！大致上4大主打，叉燒，餃子，海鮮同鰻魚等，配豬骨或龍虾湯底。同事推介海蝦拉麵配特製龍虾湯底$88追加叉燒2片$14 麵質我選曲面硬些，海蝦自出奇新鮮彈牙肉爽中間嘅虾殼已剝，所以唔使用手，先試左口湯超濃虾味同埋杰身少少，食落有點似沾麵，流心雞蛋香滑，筍條同蔥粒都中和湯底嘅濃度，整體也可以。炙燒叉燒拉麵配濃厚豚骨湯底 $66 紫菜筍條蔥白同數片炙燒叉燒，湯底食落又唔算太濃，我反而覺得偏淡的。叉燒燒過特別又風味同香，肥瘦適中。香煎鰻魚 $42 汁燒肉嫩好鬆軟夠惹味，無腥味。波子汽水好耐無飲啦 忍唔住叫左。

近來幾鍾意黎呢個新場，有好多兒童遊樂空間，放完電一輪再食埋晚飯先返歸，今晚選擇呢間幾有日本風味的拉麵店。店面細細，全counter座，可以睇到成個煮麵的過程。無估到店仔細細都準備左小朋友餐具，非常細心。灸燒叉燒拉麵  價錢唔貴，份量都唔少。最欣賞湯底非常幼滑，忌廉咪，豬骨味算濃，但唔油膩，幾岩口味。叉燒本身口感亦係不錯，即場用火槍灸燒，多再一陣微微焦香。溏心蛋熟成度適中，可惜麵底略為腍少少，個人較鍾情日本的硬度。 香煎鰻魚拉麵  非常創新的砲搭，特製龍蝦湯配鰻魚，材料真係超大方，相信係整整一大條鰻魚，非常滿足。湯底非常濃厚，配上拉麵條非常掛湯，啖啖都食到蝦香。 餃子新鮮熱辣，外皮脆脆的，不錯。 四大件玉子燒，大大件，入口有蛋香，味道幾香甜，略嫌實淨左少少，不過呢個價錢的確好抵食。 一間由青年人打理的小店，細心製作，價錢抵之餘，質素係相當ok，當然仍有進步空間，總算值得一來。

平時想簡簡單單食餐飯，但唔想太頹，拉麵喺我既不二之選。見到點餐紙上面有海蝦拉麵，而且配龍蝦湯㡳，喺出面比較少見既組合，所以我就嗌咗呢款。而且抵讚既喺，呢到加味蛋喺免費架！的確大方！我仲追加咗叉燒同紫菜作配料。落咗柯打之後，師博即馬上製作。唔洗十幾分鐘就食得，相當快手。食拉麵前，先試湯底是常識吧！個湯底望落都極濃，質地似稀少少既忌廉湯。顏色喺橙橙地色，望落都好吸引。麵條好掛汁，所以入口好夠味。味蛋喺溏心蛋，亦相當吸引。至於主角海蝦，店家好細心，剝咗蝦中間既殻，食起上嚟就更加方便。不過我就嫌個蝦老咗少少，入口唔夠彈牙。而塊叉燒就無平時果啲咁厚身，相對薄，火炙味唔重。但就喺半肥瘦，肥瘦都均勻。塊紫菜勁大塊，沉落湯到，索曬啲汁，都咪話唔正。另外，友人點咗香煎鰻魚拉麵，同樣喺龍蝦湯㡳。呢個配搭都幾特別，平時好少見。鰻魚喺上菜前，見到師博輕微煎香過，入口帶有微熱既，加埋啲鰻魚汁，無得輸呀。淨喺食拉麵就唔夠喉既，食埋小食先叫完滿嘛。呢個雞翼好夠味，入口甜甜地，而且都叫大隻，入口多肉地，有肉汁，都唔錯架。

今日去馬鞍山朋友家新居入伙，馬鞍山一直有美食沙漠之稱，但今日吃過這間新開的一龍拉麵，令我改觀了。這間一龍拉麵在We Go Mall 1樓，樓下剛好還有小型手工市集和整個商場都有兒童遊樂設施，餐廳店外有約十多個座位，點餐紙有4款拉麵，可自選麵條硬度、辛辣、蔥、筍片、蛋等免費材料，如不愛吃可以不需浪費，還可以這加小食，有5款飲料。我們點了叉燒拉麵$66和海蝦拉麵$88，餃子4隻$22和汽水。叉燒拉麵 – 日式叉燒以薄切為主，有4-5片，份量十足，湯面鋪滿油光，湯底味道非常香濃。海蝦拉麵 – 有4隻大蝦，每隻非常鮮味，而且湯底蝦味濃到非常張口，又不會太咸，流心蛋嫩滑顏色又靚，麵條的硬度適中，由於湯底太濃，令到整碗湯都不停出煙，吃拉麵一定要熱噴噴出著汗才有這種正宗日本拉麵的風味吧。餃子 – 價錢不算太貴，每隻都煎得非常香，不錯！

朋友家住馬安鞍山海典灣，陪佢喺新城市廣場買完嘢之後，幫佢手拎嘢返佢屋企。為咗多謝我，佢就帶我去We Go Mall呢個新場請我食晚餐。今晚我想食拉麵，佢就帶我去了一龍拉麵。佢話佢最近來過食下午茶，好抵食，味道都唔錯。呢度好似日本啲拉麵專門店咁，座位對正煮麵個位，可以近距離睇住靚仔師父炮製拉麵。叫嘢食形式是劃紙仔。飲品點咗波子汽水，哈哈! 好耐都無飲過喇!【海蝦拉麵】湯底係龍蝦湯，好正! 麵質亦不錯，還有4隻大海蝦，非常可口。【鰻魚拉麵】加了辛辣湯底，超好味，辣得夠過癮。鰻魚大大舊好肥美。期間，我哋仲追加咗玉子燒、叉燒和紫菜。玉子燒有超濃蛋香，叉燒經過即場火炙，所以多了一重燒烤風味，而紫菜就很大塊，好脆。