一樂日本料理 (Closed)

昨晚和好友再次探訪此場所，雖然離地鐵站有點遠，但也不算難找，小至3-4人，大至10人的聚會🍽🍻🍹🥗🍾的好地方，起碼坐的舒適，唔會好迫，枱同枱之間是有距離的，感覺都有點私人空間，從容不迫，食物是可口的，燒牛舌、雞湯、甜甘蝦、生蠔、魚生、雪糕，⋯⋯是美味的😋😋，因食品種類繁多未能盡碌😱😱，加埋雪櫃內的飲品是任擇自己喜愛的，起碼唔駛等，服務員的態度是有禮🎉的、有問必答🎊，加上昨晚是Happy Friday, 每位328另加一服務費，價格算是可以接受，如果有下調空間就感恩囉，整體上我是滿意的😁😁

都有一排無食過放題喇，平時都係去開個幾間，今日試下啲新店，去左尖沙咀呢間一樂試下先。都幾特別，佢地用wechat落單，一來你要follow，二來佢地tablet都慳埋，三來一定唔會張單收完唔見左，呢個做法幾聰明幾方便。不過我無wechat，又無晒數據，落單唯有靠我朋友啦。呢個生蠔要加錢先有任食，亦都可以散叫幾隻睇下岩唔岩食先轉任食。蠔即叫即開，呢款愛爾蘭蠔，海水味重，亦夠creamy，蠔身好新鮮，開蠔技巧都好好，無蠔殻，個人覺得好值得加錢食。刺身方面，款式唔算特別多，大路野都有，鮮味夠，有魚香，重質不重量。款司啲飯唔會特別大舊，飯同刺生比例合適。海膽手卷既海膽好好味，平時我唔係好食海膽都覺得好鮮甜。串燒方面，叫左幾款，首推牛肉，好味天婦羅蝦同蟹棒都幾好，新鮮炸，粉薄啲會更好。炸軟殻蟹必叫！炸粉混入咸蛋黃，人口超香口，送酒一流雞翼又係必叫，男人都係鍾意食牛食雞，呢個雞翼炸得好香。燒茄子都幾特別飲品方面，大路汽水啤酒都有，亦有鮮橙汁，足夠飲飽食醉啦

朋友生日選擇了食放題，地點尖沙咀一樂，近地鐵站，地點方便。呢間放題特別之處係即開生蠔，門口已經見到師傅開緊生蠔，每人只需另加$48就可以任食生蠔，好抵 ，但注意要全檯人數追加。相信對生蠔熱愛者黎講係滿足胃口和回本既選擇，但因為我不是生蠔愛好者，所以沒有追加。餐廳做緊推廣，只要讚好facebook和分享即可獲贈帆立貝或生蠔一隻。同行朋友選擇了生蠔，說新鮮肥美。我當然選擇帆立貝，有三種煮法可選擇，選擇了白酒磯燒帆立貝，味道不錯。一樂既飲品選擇好多，除左大路既可樂、忌廉，仲有雀檸同好多種既韓國飲品，連啤酒都有，可以任飲。最最最吸引我既係部鮮榨橙汁機，以鮮橙製成橙汁，夠健康。食物方面，刺身推介原隻甜蝦，大隻新鮮。另外，必食燒菠蘿，甜度夠，好食到再度追加。店舖還有一個區域提供沙律、熱盤食物，另可點即製意粉。見到果凍花，有唔同顏色揀，賣相靚，好吸睛。忍不住拿了一個去試，果凍有彈性。該區域最令我驚喜既係即炒自選蔬菜。經常外出用餐，偶爾也會想吃點菜來平衡健康。本身只選了炒勝瓜，詢問下可以多選另一款蔬菜，我加選了白菜仔，薑汁再加點蒜蓉炒，熱騰騰，正。朋友見我吃得滋味，都夾左黎試，好快就比我地清晒。當日雪

星期一晚上，相約朋友食一樂放題，呢間放題有即開生蠔食架。餐廳環境舒適，可以用微信點餐。我和朋友都沒有微信，餐廳提供點餐紙給我們。員工服務態度好，見我們填寫了幾張點餐紙，主動提議先幫我們下單。生蠔，新鮮，有海水味，蠔肉飽滿，質數唔錯。刺身新鮮，推介帶子和甜蝦，甜蝦大隻鮮味。創作壽司中有一款叫挪亞方舟，材料豐富，腐皮壽司上有海贍、魚子、甜蝦，青瓜片，賣相靚又好味。壽司係一口大小，可以試多幾款。手卷試了海膽手卷和鵝肝手卷，上枱時員工細心提醒我們先食手卷以免紫菜變淋。試了龍蝦湯，有龍蝦味，如果有些龍蝦肉就更好了。芝麻雞翼夠香口，串燒蝦和燒菠蘿都唔錯，燒菠蘿好甜，好好味，要推介。飲品款式好多，有韓國MAX啤酒可以任飲。最特別新奇既我認為係部鮮榨橙汁機，鮮榨橙汁甜度夠，解渴好飲，飲到有少少橙肉。甜品櫃有椰絲啫喱糖、一口份量既朱古力蛋糕、藍莓蛋糕等等。雪糕櫃有哈根大師，特別d既有pino朱古力雪糕粒， 榴槤、紫米味雪條。因枱面只有濕紙巾，我想要乾紙巾，員工樂意提供，服務值得一讚。舒服既用餐環境加上好服務，大大提昇是次用餐既滿意感。

好耐無食過放題啦！約左耐終於約得成見到OR對一樂嘅評價幾好喎，於是一於去試下一如以往嘅放題，飲品都係任飲款式仲幾多喎！一樂放題特別在於佢鼓勵客人帶走食淨嘅食物好值得稱讚👍另外，落單可以利用微信，減少用紙，為環保岀一分力只要加$48就可以任食生蠔以為任食一定hea? 呢到嘅生蠔幾令人驚喜呀隻隻都好肥美，又juicy我同個朋友，每人食左半打壽司都唔錯㗎，細細件，唔會塞飽你！味道都幾好㗎！牛舌同牛肉燒係放題必點項目燒到岩岩好熟，唔會太乾刺身擺得好靚呀，幾新鮮，又無雪味食到咁上下，叫串燒菠蘿食下，幫助消化同消下滯柚子雞翼有驚喜肉質好滑，味道清新！榴蓮炸蛋強逼朋友一齊食好好味呀！羊㗎好多肉，肉質又好淋，好正呀，食完好滿足叫番個海鮮粥食下先都幾多料喎，唔錯今次放題食到好滿足下次要再黎

今天和朋友來到位於尖沙咀的一樂日式放題晚飯,店內環境闊落,食物種類繁多,先試了刺身,刺身有不同種類,三文魚新鮮,更有希靈魚等等刺身選擇,三文魚蓉和拖羅蓉手卷都十分鮮美,可以一試,一樂亦有自家特制手卷和壽司,十分特別,特別是鵝肝壽司,忍不住回點了2次.埸內亦有不同的熱食,避風塘一口牛,串燒,茶壺蒸,清酒煮蜆等等,食物水準都十分之高.同時他們有即叫即做的意粉,香濃味美,炸物燒物等等亦十分高水準.最後還有雪糕作甜品,極之滿足地吃完一餐,喜歡吃放題的朋友們絕對要一試.

唔會再黎！！！！！太失望呢個價唔值去呢度！！！！如果唔係祖琪介紹，諗住好正，點知原來係槍手！！！！海膽手卷得頭個輪！莫凡比雪糕得七個（我一入去就去雪糕櫃拎），如果唔係一開始拎咗黎食，連一個都無（到我地走先加返）！！！！接待嗰個態度差到爆

最近返工咁辛苦一定要食返餐好既黎獎勵自己，之前經過尖沙咀見呢間都幾新所以就約埋個朋友一齊去放縱一晚。餐廳裝修好新淨而且唔會將d位迫到好埋，除左自己點單外出面仲有d熟食bar枱比食客選擇，有沙律bar可以自己拎新鮮沙律菜同沙律醬基本常見既沙律款式都齊。其他有涼拌海蜇，豬手即炒蔬菜仲有既製意粉選擇好似酒店自助餐形式咁。刺身不過不失勝左夠新鮮而且唔會有陣陣雪味同魚生唔會有結冰既情況出現，店員都好細心提醒刺身盡快食用。牛油粟米粒重牛油香味一食落牛已經充滿牛油同粟米既甜味海膽蟹柳茶碗蒸，蛋漿蒸得岩岩好，好滑而且新鮮即叫即蒸上枱熱騰騰，海膽撈埋一齊食多左份海鮮咸味。壽司點左幾款有火炙左口魚，三文魚，鰻魚同蟹柳，壽司飯細細舊唔會過大而且飯同醋既比例岩岩好唔會過酸，夾上手唔會散晒。左口魚燒得香面上帶有微焦，三文魚半成熟外熟內軟香三文魚油味，鰻魚雖然細但味道十分不錯。炸物有炸天婦羅同炸軟殼蟹，天婦羅炸漿簿唔會過厚炸完唔會油淋淋依舊乾身，炸蝦肉新鮮彈牙，黃肉蕃薯香而且香甜，芝麻炸雞翼脆身香口咬落口仲有好多肉汁。甜品有各款維紀雪糕，韓國雪條仲有自選吧既烘培甜點例如迷你牛角酥同蝴蝶酥。店內上菜同收執碗碟都好快

有時出街食飯食得多都會有選擇困難症唔知食咩好,每次面對呢個難題最好既方法就係去食放題.咁多間尖沙咀既放題今次就同朋友試下一樂.入到去感覺好寬敞空間感十足,座位枱大可以同時放到好多碟野食而且座位與座位間空間夠大唔會覺得有壓迫感.環境乾淨企理燈光又夠光感覺好舒服.餐廳係好以電話落單,首先要登入微信scan餐廳QR code之後再scan枱號QR code就會有點單list出理,操作簡單又快仲好環保同時又減少落錯單既風險.刺身分別點左少少試下味,油甘魚質地厚而且新鮮上枱既時候解凍得夠唔會仲有殘餘既冰係面或者咬落去食到冰咁.其他刺身色澤光鮮唔會暗啞,北寄貝同赤貝質感爽脆而且咬落好鮮甜.食完凍野當然要食返d熱野暖一暖胃先,點左2款熱湯,有魚翅中湯同西式龍蝦湯,龍蝦湯唔似平時餐廳飲咁橙紅色佢係類似清湯既style但龍蝦味亦都好夠.刺身以外點左幾款串燒,厚燒玉子燒得外脆內軟而且燒得質感好鬆軟再係面上加左明太子沙律醬增加份甜甜地又帶少少明太子辛辣口味幾配搭.燒牛舌脆口唔會燒得過老,脆得黎又唔會太靭咬唔開.韓式燒雞串係面上加左少少韓式辣醬加左份甜辣口味,整體所有肉類串燒都保留好多肉汁而且肉質嫩滑,加分.

服務差劣，仲衰過澳牛，當客好似係狗一樣。 不值得去，尤其是今時今日有咁多選擇。帶位嗰個職員好似殺咗佢全家咁，全程反眼，一啲禮貌都冇。收銀嗰個仲一絕，完全想趕客咁。我從來未見過一間咁差劣既餐廳。完全係管理不善。

一早打電話訂座 先有得食晚市放題咋 呢間放題唔算平 但食物質素幾好 叫極都有刺身算新鮮 都厚切 但等耐少少 可能人多菜係即叫即整 可以行出去揀當晚最新鮮又想食既菜 叫廚師👨‍🍳整架 加鹽炒、煮等各式各樣煮法都由你決定 但牛柳粒有d鞋 熟過龍 枝豆就幾正 d生蠔要排隊拎 每次限拎三隻 有人即場專為你洗乾淨先放上碟比你 但就無得揀邊隻啦緊係 無限次encore都得架 （如果仲有貨） 我食左5、6碟喇 唔腥 size尚算中等 海水味淡淡的 幾易入口仲有一人一隻芝士龍蝦 （限量） 但有d乾 龍蝦味不濃 一般啦 焗蠔仲好食 串燒都燒得唔錯 唔乾身

約左幾個好耐無見既朋友係一樂聚舊，ㄧ來交通方便，尖沙咀港鐵站行幾分鐘就到。二來地方夠大，坐得舒適，食物款式又多。餐廳無限提供新鮮空運刺身，輕食前菜，創作壽司，火炙壽司，即叫即掣手卷，吉到揚物，天婦羅，海之盛宴等，仲有多款精美甜品，沙律，小食，雪糕同汽水。聽講一樂嘅炸物吾錯，啱哂我哋呢d鍾意食香口嘢嘅人小食用火暖住，保持熱辣辣。海鹽枝豆營養豐富，脹卜卜，好稔好味。甜品又怎可缺少呢, 除了蛋糕, 啫喱, 迷你忌廉杯, 還有雪糕雪條, 源源不絕地供應。

一直都不太鐘意食放題, 覺得有種比人呃既感覺, 好多任食2.5小時, 3.5小時, 比你食幾耐都無用, 因為你手寫點幾多款既食物, 都寫喺張紙度, 當你交比店員, 佢轉頭忙唔記得入單, 你可以食幾耐都喺無得食, 得個等字, 不停吹店員就叫你寫過第 2 張, 當你不停寫到第 8 張後就會出現好多樣你從來無點過既菜色出現喺你張枱上面, 店員就會拎住一張寫住你枱號既紙話喺你點既菜色, 事實上就喺某個店員不耐煩你吹, 求其幫你點真喺好無品既行為, 浪費食物之餘, 求其打發客人就算, 香港大部份要寫紙既放題都喺一樣咁做.而尖沙咀呢間一樂, 剛開將時食有龍蝦送, 當時生蠔都屬於免費任食, 有魚翅燉湯, 用微信落單完全無漏單情況出現, 上次去果時電話接近剩餘 12%情況下食左一個鐘頭.一年後再來食, 生蠔要另外加錢, 款式無增加, 感覺冷氣好凍, 刺身一樣新鮮, 生蠔要另外加錢就覺得唔抵囉, 個魚翅湯, 連魚翅都縮水,可能已過一年, 部份碗碟都有破損, 店員好像完全不夠, 上菜好明顯店員不足, 熱湯送到來已經是暖, 希望下次再去食既時候, 會有唔同喇.

入到去完全唔会坐底感覺迫！good!任食生蠔真係招牌菜，因我食那天愛爾蘭蠔未到，可以有機會享用日本九州蠔，兩隻都好重海水味，正!羊架，正！炸榴槤，正！燉蛋都唔錯！刺身好新鮮！生日仲送你一個煙花生日蛋糕，貼心！good!

見網上咁多人俾like，諗住試下，點知⋯中曬伏首先個環境係正嘅，兩個人俾個大卡位坐得舒服，嘢飲多款揀，仲有鮮榨橙汁，啲侍應好有禮貌，上菜都幾快無咩漏單Wechat落單初頭幾新奇，但每次都要㩒一輪再掃個QR Code真係有啲煩然後，最大鑊係啲嘢食，真心唔掂！！！啲刺身唔夠肥美，OK，放題任食係咁上下生蠔，明顯唔夠新鮮，勉強合格，同酒店無得比最唔掂係啲炸物，全部都油淋淋，炸鮮奶個皮勁硬，炸香蕉，食完睇返啲records先predict佢係香蕉全晚最伏係呢嚿，黃金軟殼蟹，仲硬過我條命，成嚿嘢又油又咸，而且咬都咬唔入仲有個翅得啲雞油同湯，搵條似係翅的物體都無啲壽司手卷勉強合格，但連同爭鮮比都有一段距離總之，如果又想食蠔又想食放題的朋友可勉強一試，但呢個價錢（288）我絕對唔會再試，另外，如果係有重要約會，千其咪揀呢間，勁失威