金滿象正宗泰國菜

Open Now

Now Closed

家裡裝修嘅關係，呢幾個月暫住旺角。仲記得到埗第一晚就入咗呢間樓下嘅泰菜諗住食個方便飯。呢間店係分開兩個鋪位嘅。問一問店員有咩分別，佢就話一邊係有套餐，一邊係冇。我地入咗有套餐個邊叫咗兩碗粉，覺得又幾好食喎，跟住就返兜咗兩三次。今晚又返黎食喇朋友依然係食佢例牌嘅冬陰公雞絲金邊粉。公道講句，係好食嘅。冬陰公味正宗得黎唔會話好辣。我今日就試扎肉湯河，牛骨湯。好鍾意食佢跟嘅蘿蔔，索曬湯，好甜好好味扎肉略嫌胡椒太多，蓋過扎肉味道青檸水，好飲

旺角這家泰國餐廳, 真係晚晚坐無虛席, 原來真的有原因. 那天剛巧經過, 下午茶時段未到晚飯時間, 見肚子有點餓, 就同個打令入去吃飯. 見介紹 .....  就食這個, 另加多一個咖哩牛肉飯.  上菜時個款難睇咗少少. 食落都算無問題.至於咖哩牛肉飯呢! 可以啦! 埋單百零蚊都算低食.

中午時間，只是叫了2個海南雞飯和1個豬腳飯，等了超過20多分鐘還沒有，經過3、4次催促才來了2個海南雞飯，而女待應的態度很差，最後我們取消豬腳飯，吃完海南雞飯後便離開。海南雞飯的味道只是一般。。。。。。。。。。。。。。。。。。。。。。。。。。。。。。。

垃圾野食真係好難食態度好差👎叫碟濕炒牛肉 好難食 d粉一嚿嚿仲要有d仲要唔熟 同個職員講呢碟咁樣想換 點知有個員工死出黎態度好差咁話教我地食，d粉一嚿嚿(一塔塔 成堆野咁既樣) 了極都係一嚿野，仲要話泰國炒粉係咁樣我地唔識食 講到話咩咁樣好浪費碟野 死都唔肯換咁既態度最終要佢取消左碟野 仲夠膽死串我地話唔要呢碟杯野飲就要收正價 飲品比正價咪正價 你碟野食唔落口先係問題無一個間炒河一嚿嚿都話係正常最衰佢一野收返埋碟河粉 唔係一定影相比錢食飯野又難食仲要受氣

在廣華街下車後，眼前就是出現了一間泰國菜食店和一間越南菜食店，太座問我吃什麼好，我便選擇吃泰國菜，太座叫好！眼前的正是「金滿象正宗泰國菜」，有兩個相連舖位，我們便走進仍沒有坐滿的一間，店內燈火通明，坐位尚算寬敞，但裝修並不似是泰國食店，服務員中則有一位泰國人。我們很快便點好菜，而在菜譜上，說明了其檸檬茶和奶茶是用上泰北的手標茶，於是，我們便叫了凍檸茶一試。凍檸茶最先上桌，太座一試後，臉上便出現奇怪的表情，我呷一口，嘩！果然如餐廳標明的口味獨特，是我完全無法形容的一種怪味，似是花香味，又不盡是香味，而這種味，則越飲越淡，說這是泰國茶的代表，小弟實在不懂欣賞。「蝦東陰公湯」上桌，甜酸辣味與少許蝦味皆能喝到，蝦尚算爽口，當中酸味不太明顯，而湯太過薄身，吃得不夠過癮。「泰式海南雞」則失望了，說是白切雞也不為過，雞本身沒味，靠的是那泰式酸醬，唯酸醬亦不夠惹味，雞胸肉很嚡，雞腿肉稍好，唯仍不能說是嫩滑，總之，「泰國人海南雞飯」一定比這個好吃。「泰式炒通菜」，第一口吃到鑊氣，但第二口便吃到點燶味，炒菜炒到少許燶了，作為專業的食肆是不能接受，如果這個燶味再膿些，我便要求退貨。「豬肉碎生菜包」是最晚上桌

星期六果日，去左旺角整野！整完野順便係廣華街附近搵好西食！突然好想食泰國菜！所以就近近地試下這間金滿象正宗泰國菜！係幾正宗既！😂因為入面好多STAFF都係泰國人亦有少部分香港STAFF!這便是害群之馬既地方！其實泰國STAFF好有禮貌，做野都好快手！相反.....係某名香港男職員成為害群之馬！話說佢有兩個餐牌!!!!!!一個係飯面套餐！另一個係包括小食，小菜，串燒，沙律，飯，面！我見兩個餐牌都有乾炒豬金邊粉！一碟HKD79，一碟HKD47（加10HKD仲有泰式飲品）甘我咪好奇問下個香港STAFF，兩者有咩分別！點知佢答我「我係兼職，都唔係好知！」跟住就走左去！你唔知有咩分別唔緊要！但你會唔會主動問下d full time兩者有咩分別呢？？最後，由泰國職員向我地悉心講解！兩者係SIZE唔同我地最後叫左一碟蝦餅（蝦肉爽滑彈牙！脆而不膩）一碟乾炒豬肉金邊粉（乾身惹味！）一碗冬陰公湯！（酸辣度較得岩岩好！配料十足！如果多少少海鮮更佳！）三樣食物既賣相質素同味道都唔錯！猶如置身係泰國食照泰菜甘可以再試希望下次黎果陣！店內既香港STAFF可以提升服務質素

今日來到旺角朋友帶到這間泰國菜館食晚飯, 加送飲品40-50蚊, 而且食物味道都ok, 以現時的消費水平相當抵食. 講番食物生牛肉湯河湯底清甜, 我最怕白蘿白的苦澀味, 但這個沒有, 牛肉份量不太少, 我叫了金邊粉, 但口感不夠細滑下次可試河粉; 至於菠蘿炒飯賣相已相當吸引, 飯菜比例適中鹹中帶菠蘿清甜值得推介.

黎開旺角唔知食咩好，想搵間平平地既又唔想魚蛋粉咁dry，見到呢間野門面唔錯就入左去。泰式海南雞飯 - 配上油飯，油飯得個油字，無雞味既。雞肉尚算OK，幾嫩。另配一碗蘿白清湯，又唔錯喎，食落D蘿白無渣，清甜。成個飯食落就真係無咩特別。不過配左小量雞紅同埋雞腎，味道又幾特別喎。海鮮冬蔭功 - 正宗香港人喜愛既口味，因為佢唔係辣既，仲有小小甜味，不過d海鮮就煮得太耐，好似食緊香口膠咁，而且係香料味唔算重。雞絲豬頸肉撈檬 - 平時食開d 撈檬係凍既，今次就暖暖地好似岩岩煮完，唔知係咪泰式唔同d，感覺有d 唔慣。雞絲幾嫩，豬頸肉就岩岩煎起。味道唔錯。雖然出面無人等緊枱，但係侍應見你一食完就幫你收哂d野，好似叫你快d走咁。另外呢到茶餐廳feel係收加一服務費。

吃咖喱當然配合印度薄餅才夠正！粒粒乾爽。店內服務非常好， 馬拉盞香辣惹味，配在清翠嫩綠的通菜上非常好吃！ 菠蘿炒飯加入了大量配料非常豐富，飯粒有嚼口，個青仲多水又多肉，絕對冇得輸！用泰國香葉 辣椒 紅椒 豆炒成既蝦球 好夠鑊氣 蝦肉多又大大隻 食落去十分爽口夠蝦味 而且醬汁濃度恰到好處 唔會蓋過蝦味 唔錯！用餐期間，員工不時都會來關心我們，問我們有甚麼需要，更主動幫我和朋友拍照。從言談間可見很多食客都是常客，員工跟他們都有說有笑，非常熟稔。餐廳令人感到很有親切感，希望下次可以再來捧場！

服務態度十分有禮，菜式選擇很多，有泰國豆奶好濃豆味，菜式比較細碟，少人可以叫多幾碟，咖哩蝦肉有點梅，薄餅很軟，推薦！泰式生蝦味道都好，炒烏冬味道好好，材料十分豐富，我的小女兒非常喜愛，芥蘭好嫩好脆，冬陰功魚好大條，好新鮮，冬陰公湯好大碗，南瓜飯有好多海鮮。串燒好正！值得推介

尋晚三個人去食，叫咗沙嗲、半隻海南雞、紅咖哩牛腩、蒜蓉包、馬拉盞炒通菜、青咖哩蟹肉炒米，逐樣品題:沙嗲串: 正常，不過只係暖，完全唔夠熱半隻海南雞: 份量少，個醬汁有陣酸叔味紅咖哩牛腩: 牛腩得幾舊仔，個咖哩希到似水蒜蓉包: 廿幾蚊得三件細件，啲紅咖哩水滲晒入包入面炒通菜: 唔知係咪我味雷問題，有陣汗味咁，份量亦少青咖哩蟹肉炒米: 個炒米個味道ok,不過啲蟹肉碎又凍又無味，好似擺咗擦膠碎入口咁最後不得不讚嘅係罐可樂竟然有冰底，祝業務蒸蒸日上！

原本打算食附近一間芝士飯，但因為太多人，朋友建議所以改食泰國菜。我地兩人點了個海南雞飯，泰式炒金邊炒，泰式雞鳳爪，生菜肉碎包，同炒椰菜仔※海南雞飯個飯好食，應該用左雞湯同黃薑去煮，附上個蘿蔔湯，有點太味精了。雞因為是胸位，所以有點鞋口，同埋佢地有3舊雞腎但太硬了。※泰式粉金邊粉，好夠鑊氣，酸酸甜甜，十分開胃※生菜肉碎包，佢地生菜用飲品杯盛載，好冰凍，好似係雪櫃拎出來，而且生菜好新鮮 ※泰式鳳爪會越食越辣，重要係無骨，份量都很多，※炒椰菜仔，有點點辣，味道偏甜最最重要的價錢平，大約都係$360左右

原本同老婆約左佢d舊同事係旺角食飯，點知就個個放哂飛機，唉⋯兩個人就食唔到雞煲啦！於是兩公婆漫無目的咁搵地方e肚，行經廣華街附近，見到這間金滿象正宗泰國菜，見到地方闊落人流也不多，可以傾計靜靜地食飯也都不錯丫。叫左幾款串燒，炭燒豬頸肉，面脆內軟的，最正個沙嗲醬，之後叫左燒波蘿，波蘿好香，又多汁，好好食。佢地推出左星期一至四嘅半價優惠菜色，咁啱係星期三，我地就叫左秘製無骨燒雞釀香芽黃薑飯，這個黃薑飯好抵食，成隻燒春雞包住黃薑飯，燒雞皮脆多肉，咬落每口都充滿肉汁，黃薑飯又香又野味，真係好抵食。不過，飲品就比較遜色了，椰汁冰就太過甜了，讓冰溶解後，甜度才可以入口呢！而芒果沙冰就十分之啖了，整體食物味道係可以的，飲品就有待改進了！

呢間店既海南雞飯真係好好味。我同班同事一個月都會黎食幾次。今日竟然遇到一個極度不禮貌既侍應。真係令我地非常失望。就算有幾好味都吾敢再黎幫襯。話說今日我地一行7人。入去座低見侍應們都好忙。所以我地揀好哂野食先叫人。然後相片中既侍應黑口黑面叫我地等陣。我地都知佢地好忙。咁就等陣啦。過左一陣。我地因為午餐時間有限。所以再叫:吾該想落單。呢位侍應非常氣憤咁飛張紙落枱。叫我地自己寫。果下我地都打個突。因為黎咁多次未試過自己寫紙。我地研究左一輪都吾太明寫得岩吾岩。所以再次問呢位侍應。然後佢態度極度惡劣咁話我地寫錯左。跟住好惡咁叫我地咁寫咁寫。我地問佢:點解以往吾洗自己寫。佢好串咁話:而家係咁架。要自己寫。當時我地真係嬲到吾想繼續坐係度。所以決定起身過隔離附近食。當我地行出去果陣。呢位侍應好大聲咁講:走咪走囉。間鋪又吾係我既。嘩。點解會有d咁既侍應架。我地趕時間。所以無即時投訴。不過無下次啦。*就係呢幅相中粉紅色制服短髮帶眼鏡既侍應

之前朋友帶我嚟食過一次，但因為朋友唔食得辣走晒辣所以幾掃興所以今次專登搵返個飯腳一齊食辣野😍前菜唔少得生蝦啦！蝦刺身肉好夠厚夾埋蒜片辣椒點埋秘制醬汁真係幾辣，要即刻飲野解辣，唔食得辣千祈唔好夾辣椒食另外，馬拉盞炒通菜都係頗辣但好惹味！食唔停口😋😋炒飯其實都好正，只係相比起就遜色左既然食得泰國菜，唔係唔食呢樣下話熱辣辣既糯米淋左椰汁，再加埋舊芒果😍😍😋😋仲要好多舊芒果添食過2次，芒果都好甜證明呢間真心正！👍🏻👍🏻2個人都唔算好貴丫呢間食到好正宗既泰菜侍應姐姐都係泰國人呢👍🏻🤗