金滿象正宗泰國菜

Open Now

Now Closed

旺角一向都有好多食肆，競爭都相當大，所以一定要好食先做得住，呢間泰國菜，一連三間，就去試一試。冬陰公豬頸肉河泰式粉類有好多不同配撘，揀啱肉類/海鮮再配粉類，再配湯底，湯底有三個選擇，清湯、牛骨湯同冬陰公湯，今次就揀左冬陰公湯。個湯底好香，好多香料既味道，帶有少少辣，又咁會太辣，豬頸肉燒得好香，醃得入味，入囗彈牙，每一片切得厚薄度適中，口感啱啱好，河粉爽身，唔會索哂湯底，整體不俗。碗粉堅．地道同幾好味，值得一試。

泰國菜總係令我念念不忘，同時都好感謝身邊總有一個人肯不厭其煩甘陪我去食💕。上次品嚐過呢間餐廳嘅青咖喱👍🏻，今次一於照舊食返我嘅泰國餐廳必點菜式—海南雞飯🐣。我鍾意海南雞飯原因係😌無骨，而且佢配嘅醬料好好味，酸酸甜甜。坦白講，雖然我成日食，但我都唔識分咩叫好嘅海南雞飯🤔。我只知呢間餐廳嘅服務員好nice，成日都笑👀，食得好開心😋。

愛食泰國菜嘅我堅持一星期至少食一次😁今次就試左係公司附近又成日多人排隊嘅餐廳，好彩我早左去唔洗等位😆之後黎嘅人就...🤔咖喱，總係有說不出嘅魅力，雖然我平時只愛點喇沙、海南雞同炒金邊粉，但有時都會想改變下😝食咖喱。唔留意都唔發現，泰國餐廳嘅咖喱有分青、黃、紅😳我隨意點指兵兵😂點中青咖喱。味道偏甜，一d辣味都無，全靠佢，我竟然食左兩碗飯🙈。從此，我嘅meun上多左一個選擇叫「青咖喱」😋。

行到廣華街想搵地方開餐，見到呢間泰國菜館有位，一於試下！先叫個酸辣鳳爪開下胃，份量適中，鳳爪食落少少入味，辣嘅程度可接受！炒金邊粉，份量相比下就細碟左d，旁邊有d花生碎撈埋一齊食可增加口感及香味，金邊粉味道甜甜地，幾好味！另外仲叫左冬蔭公鷄絲湯米，湯底味道一般酸辣，雞絲肉幾有鷄味，配米粉食幾夾！呢間食物價錢幾親民，味道ok, 食得過！

都已經中秋，依然又熱又濕，最好都係吃泰國菜！辣辣的很開胃！本身一想泰國菜就想到九龍城，但九龍城實在太吊腳，唔太方便回家！最後都係決定在旺角區食！金滿象有成三四個舖位，星期二人不多，檯細座位迫，我們點了: 咖哩蟹 & 薄餅、飛天芥蘭、生蝦、串燒(豬/雞)、鳳爪。每一碟份量不少，碟子又大，根本一張二人台放不下，但隔離台一直都無人侍應都不准我們放過隔離台，還一直叫: 你地食快d，食快d，食快d，我收緊d碟你地就鬆動d！咖哩蟹又要落手拆殼又要點汁，如何食快d？今餐破了世界紀錄，由入座、食野、到埋單，前後40分鐘其實味道不差，但真係坐得不舒服，又催三催四，令人有點失望！

吃泰菜，還是九龍城最佳。這天人在旺角，忽然泰菜癮起。雖然旺角泰菜館選擇不多，不過當中有一、兩家水準不俗。金滿象開業才不到數年，已擴展至兩家分店，可見質素有一定水準。相比起傳統泰菜館，這家裝潢上較型格創新，潔淨光猛，可惜店面較小，用餐環境不甚舒適。餐牌精美得很，內頁以「泰國通」胡慧冲肖像作招徠，確是有一定吸引力。事實上這家的泰菜相當正宗，泰式咖哩有廿多款，令人驚喜的是除了大路的泰式明爐魚外，更有泰式炸魚、泰式蒸魚等，工序繁複的關係少有在泰菜館出現，比傳統泰菜有新意得多。海南雞(半隻)($119)在泰菜館點海南雞是極為不智的行為，即使師傅手藝再好，乏人問津的關係，食材新鮮度成疑。這海南雞其實就是白煮雞，純靠醬汁帶動食味，而醬汁都是自家調配的，酸甜微辣，蘸吃是相當不錯的。只可惜雞是翻蒸過的，口感偏嚡不滑，也欠雞味，這一道是中伏了。泰潮烏($189)很潮的菜名，其實就是泰式蒸烏頭，有點像潮州魚飯，魚肚釀入不少泰式香料，令魚吃起來更香更入味。選用元朗楊氏烏頭，那一身黃油實在騙不了人，貴也是不無道理的。魚身光亮，濕潤而不乾柴，肉質結實且很有魚香，蘸自家製的醬汁更是滋味，魚痴必試。泰式蛋包金邊粉($

今晚我們去咗旺角廣華街嘅「金滿象正宗泰國菜」食晚飯！我們叫咗泰式海南鷄「一隻」、原隻椰青海鮮焗飯同原隻南瓜海鮮焗飯！泰式海南鷄「一隻」嘅肉質非常嫩滑，鷄味相當濃郁，而且係起晒骨，啖啖肉，再點埋惹味嘅泰式辣醬一齊食，真係幾好味！原隻椰青海鮮焗飯嘅焗飯充滿著椰青嘅清甜芳香味，材料除咗有蝦、魷魚同青口之外，仲有清甜椰青肉，而且份量好足料！原隻南瓜海鮮焗飯嘅焗飯係加咗鷄蛋去炒，令到味道更加芳香，材料亦都係除咗有蝦、魷魚同青口之外，仲有香甜軟滑嘅南瓜肉，份量亦都係相當足料，蝦肉嘅肉質好爽甜彈牙，魷魚亦好軟滑煙韌！

自從韓國風盛行，要係鬧市中揾到泰國菜餐廳真係愈來愈難～～ 呢間泰國菜餐館我久唔久就會黎食Lunch 享受午餐快樂時光。呢到既待應全部都係識講廣東話既泰國人～ 容易溝通，但口味正宗，午餐大約50蚊，咁當然你可以唔叫午餐，就咁散叫啦，好豐儉由人既～今次我同友人Z黎食午餐。。介紹一下我地今日既午餐先啦！青咖哩雞肉飯呢個青咖哩咖哩可配牛/豬/雞， 咖哩外觀勁青BB~ 有別於平時見到既暗綠色～咖哩偏甜， 奶味濃，加了香葉調味。雞肉滑嫩，我黎5次都會有2-3次係叫青咖哩～個人覺得佢香料味唔會過濃，用黎撈飯最正， 就算齋飲啲汁都唔會過咸黃咖哩豬排撈面呢個係即炸，所以要等耐啲。但呢個豬扒真係好好食，滑嫩多汁又香口，港人至愛。生面因為淡口，一定要倒曬啲黃咖哩汁落去，令每一條面都要沾上醬汁，食落就變成好惹味～ 加上香口豬扒～ mama mia ~ 好正丫！ 不過如果你唔係好鍾意黃薑味既話， 個汁對你黎講就可能差少少喇！ 總括黎講，佢既份量係偏少既～ 如果食late lunch ~ 又唔想食太飽，怕食唔落夜晚，呢到都岩份量。但如果你係大胃王，可能要叫多樣野食或者加飯底喇。

中國人總係鐘意食雞飯，前晚去開買車仔配件，經過之前去食過果間泰國菜，見佢有碟頭飯食，又好似幾地道，咁就梗係叫個海南雞飯試試，叫多杯泰國咖啡，來到真係都幾似泰國街頭果d雞飯，仲襯埋雞紅同雞腎，個酸辣汁都可以，薑蓉真係薑多過䓤『而家好少見』，第一口食油飯真係幾香，不過就硬身左小小，雞件都算啱啱熟同幾滑，但個雞紅就無乜味，雞腎就爽爽，杯泰國咖啡就好有朱古力感覺『員工話泰國地道係咁樣味』埋單$59，都算一個唔錯男人的浪漫

今日一家大細去食泰國菜，因為知道呢間餐廳晚市好多人排隊，所以預早book定位，一行4人準時到達，見門口已經好多人排隊，好彩訂左唔洗等位！ 呢間泰國菜，我之前已經食過，今次試其他野，一共點了5個小菜 因為有小朋友關係，所以選左幾款小朋友都可以食既野！首先呢個真係值得推介：咖哩大肉蟹 3百幾蚊有咁大隻，仲要好新鮮，食落去啖啖肉，真係好好味，咖哩味足夠，唔辣，正如泰國姐姐講小朋友都食到！ 我個仔仲係咁撈咖哩汁落d飯到食炸虾餅 爽口彈牙！ok馬拉盞通菜 ， 唔知係唔係走辣關係，偏淡！泰色生虾 肉質爽口鮮味，加埋佢個辣汁，唔錯（唔食得好辣既，千萬唔好連埋佢個粒指天椒食，真係會噴火！ 中伏 呢個我最鐘意食 ！ 青咖哩豬肉炒米粉 味道較濃，辣，炒得唔太濕，剛剛好！ 呢個食極都唔厭！ 總結 ： 呢間餐廳既出品同食材都幾大方，份量都大，同新鮮，價錢都合理 ，味道方面亦都唔錯！ 值得一試再試 ， 但有一樣唔係咁好既 ，地方較細，雖然已經擴充左，但人多時，枱與枱之間太近，有d逼既感覺！

由廣華街6號擴充到8號鋪位，開業大概兩年， 其間都有幫襯下，價錢雖然貴但食物都唔錯。第一次幫襯擴張後的午市， 開始時見到有午市的價錢既menu, 上面仲印左泰國通胡慧沖個樣，心諗呢間餐廳都幾識變通做生意，因為之前印象中無呢個抵食既menu。見到有得揀$46咖哩豬/牛/雞肉飯， 另外有一個只貴兩蚊-$48既咖哩雞扒飯，就選左後者。 期望有一塊有雞皮既鮮嫩雞扒伴隨咖哩上枱，殊不知上枱時來左一碗咖哩無骨雞件。 食一啖心怕係咪上錯，就同侍應確認呢兜係咪雞扒，佢解釋雞肉既係雞絲狀😱😱😱😱🍗。個d 雞件真係幾有湯渣既感覺。而咖哩汁都比較重酸味，可能檸檬汁太多。退步了，可能將貨就價，明既.. 希望老闆睇到可以改善一下！

星期六晚上，約了幾個朋友到這間泰國菜館吃晚飯，味道非常一般，東陰公非常咸，衞生非常差，茶杯內竟然發現柚子，非常嘔心，食到中尾段時（約一小時），餐廳侍應竟然催促我們要吃快點，好讓外面等待的顧客快點進來，簡直匪夷所思，真是一個不愉快的晚餐。

昨晚好想食泰國菜，發現廣華街有間新開，價又親民，就入去試試。太好了，旺角終於有間給香港人的好味泰菜餐廳!不過，這篇食評寫的是**今天的午餐**。係呀，昨晚食完，今天又食過昨晚試過估唔到咁好味的雞絲冬陰湯金邊粉，今日試青咖哩豬頸肉飯+凍奶茶 (+$10)。是我最愛的泰國奶茶，味濃，但不太甜青咖哩改良過，只有一點點辣，但充滿清新的椰香味，豬頸肉燒過的，好香。份量以為好小，但食完好飽…………下次再試其他

咁岩經過搵野食見到呢間門口貼左好多同明星既合照就試下啦12點開門～我地做左第一班人客唔知係咪因為岩岩開門啦 d侍應見到我地好似當見唔到咁我地自己搵位坐我地叫左海南雞飯同豬頸肉飯海南雞飯唔錯飯係有薑味 好醒胃略嫌雞肉唔夠滑份量都好夠 整體唔錯豬頸肉飯份量都好夠飽而且有咖哩汁 好香濃整體食物係唔錯但服務需要改善係咁將隔離台既野食拎左去我地台而且侍應都幾唔friendly 

差不多每次約朋友/ 家人外出食飯, 我總會上網做一下資料搜集，以減低”中伏”的機會。當然不少得參考openrice的食評。儘管如此，偶爾還是會中一次伏。是次選擇到旺角的金滿象和家人吃泰菜，見OPENRICE好評甚多，便BOOK位訂台。用餐日為星期日晚上大約7點30分。到達時客人並不多，應該沒有訂位的須要吧。打開菜單，價錢略貴。普通的一碟小菜近百元，比起一般泰國菜館貴。這個價錢不如去美麗華so thai so good或是I square 新曼谷泰菜，環境會更寬敞舒適。點了冬陰功，豬頸肉，椰王海鮮飯，生蝦，海南雞等，共6碟菜式。每道菜的份量都偏少，吃不飽，因為價錢偏貴但味道只是中規中矩的關係，沒追加其他菜式。當中冬陰功最合我口味，夠辣夠開胃。用料豐富，有不同的海鮮如青口，海蝦等。生蝦蠻大隻，新鮮，6隻，價錢略貴。海鮮飯味道偏淡，所以吃了不多。其他菜式如豬頸肉和海南雞的質數不過不失。海南雞沒什麼雞味，偏鞋。服務方面，服務員應該為泰國人，態度普通，沒有笑容，可能是因為疲累的關係吧。環境方面，裝修簡單，坐得比較迫。總括而言不會再去，因為此餐廳的環境，味道，份量，服務質數都不值得這個價錢。