Iconic Kitchen (Closed)

🐾 Iconic Kitchen (柴灣) 🐾-黑松露野菌意大利飯$128✔️-黑松露野菌意大利飯:食物係好ok的，好夠忌廉味，意大利飯都燴得夠，唔會話重好生👍🏻-重點想講下啲服務態度，雖然我唔係話要有幾好服務，但我諗普通禮貌都應該要有吧😂—————————————(非專業,完全跟據個人口味☺)食物:7/10環境:5/10服務:2/10人均消費:150———————————————▪店舖名稱: Iconic Kitchen (柴灣)▪店舖地址:🔸 柴灣柴灣道238號青年廣場4樓C號舖-----------------------

幾年前食過已經知道依間野偏貴，不過當時水準還好，依家再幫襯感覺實在非常之差.雖然職員態度都ok，無好似其他review講到態度咁差，但食物水準實在太唔掂，實在扣左勁多分.我地4個人order左墨魚仔蕃茄汁意大利飯、香橙鴨脾意大利麵、香煎魚柳配黑松露忌廉汁同埋美國燒牛肉配燒汁。.依4個餐味道都非常唔掂，賣相更加係有點兒嘔心自己睇圖啦，唉。我自己就食燒牛肉既，所以就評論番自己份食物啦落單果陣佢無問我要幾成熟，我自己都不以為意，以為燒牛應該有standard既生熟度，點知食物黎到都有啲生。。。燒牛雖然都有啲生，但我平時有食過更生既牛肉，所以生熟程度就唔太影響我對味道既評論。.但所謂既燒牛點睇都唔似有燒過囉，似係滾水烚熟既牛肉多啲，食落去係一啲味都無舊肉既賣相真係睇到都唔開胃，到最後只係食左3啖就賣單走人！真係驚食完會肚唔舒服.一家四口埋單HKD475包加一，一人一個餐包主食加餐飲一杯，仲包每人任食沙律吧，但就唔好有任何期望啦，沙律吧啲野食真係似係人地餐廳食淨既餸頭餸尾咁，睇到都無食慾🤮🤮.仲有佢地啲客食完野勁耐都唔汁枱，搞到有雀仔飛埋去食，感覺好唔衛生。

晚上約七時四十五分去到餐廳，見餐廳內有多張空位，同時亦未有留座的標示，因此向職員查詢可否安排卡位位置，職員指擔心有其他顧客要坐，因此需要再睇睇先，但所指的睇睇先後已無再為我們跟進。而在場也只有一個職員執拾枱面及下單，即使要下單都需要等待一個人的服務。到完成下單後，該職員才指出已經沒有第二客半價優惠，門外的海報已不適用。都唔緊要，因為根據過往經驗主菜味道不錯，值得一試。但重點黎了，外面沙律吧一直無添加過，只有冷食包括泡菜、金菇、食剩幾舊西瓜及啫喱糖等。去到八時三十分，見職員無添加的行動，本人同另一枱顧客都按捺不住問該職員會唔會增添其他食物，職員才取4個麵包出黎，其後一直無再有任何食物。難怪一個都叫做清潔舒適的環境，而成座青年廣場當時只有此間餐廳營業，但只有寥寥可數的顧客，對於三個月前的質素更為大退步，看似沒有心做生意，職員的服務態度同樣如此大退步，沒有主動性去了解顧客需求。但人均消費約HKD150，卻得到如此惡劣的體驗

We had decided to order our Sunday dinner via Food Panda: a burger ($148), a sole fillet with mixed vegetables in a cream sauce ($85), and poutine fries ($78). For this price with the poutine, expectations were high. Unfortunately the whole meal massively disappointed. Firstly, it was delivered over 40 minutes late by some guy on a bicycle who couldn’t be bothered to take the lift up to our floor. The food had gone cold on delivery. The poutine was just a lumpy mess, the sole fillet tasted like

之前家人嚟食過午餐覺得食物同性價比ok,前幾晚就一齊嚟咗食下,店面唔算大間,到咗七點幾嘅時候差唔多八成滿座。叫完主菜之後就可以到自助沙律吧醫住肚先,沙津吧除咗有沙律仲有椰菜花湯,牛角包同豬肉食沙津吧簡單講下我沙津吧攞咗嘅食物,菜、粟米同薯仔沙律都ok嘅,不過個pasta口感勁奇怪好似冇熟咁,湯又粉粉地,完全冇椰菜花嘅蹤跡🤣Rating:鵝肝黃梅乾忌廉汁意大利飯鵝肝size同味道都唔錯嘅,但係黃梅乾同飯一齊真心好奇怪🤣將黃梅乾同鵝肝一齊食會好少少？🤨Rating:燒鰻魚野菌燒肉汁意大利麵日式燒肉汁同西式麵嘅配搭幾過癮嘅幾好食嘅🤣雖然覺得唔似食意大利麵Rating:芝士肉汁薯條份量大份,薯條唔配茄汁配肉汁味道都唔錯嘅,又有少少芝士拉絲～～～🧀Ratingverall,食物同服務都麻麻,食物上得好慢,又冇提我哋叫杯餐飲（主食包咗嘅）,叫埋單侍應又消失咗好耐🤷🏻‍♀️

因為有個短息時間， 見四樓有餐廳就諗住坐低食少少嘢。四十幾蚊自助下午茶都唔會有期望， 不過⋯沙律 bar 嘅醬汁用個柚子茶樽裝住， 環保係無問題嘅， 但唔標明係乜嘢醬， 又無晒、隻匙羹又唔夠長就唔係幾好。尐食物盤十室九空， 一大個盤但得十條迷你春卷， 隔離尐包好似隔咗幾夜再賣。食物種類少、 數量亦少， 睇見就唔開胃😞客人一路食嘢一路搬枱搬凳， 仲不停留喺我枱則邊抹地。坐低後問個待應如果食自助餐係唔係可以出去攞嘢， 黑口黑面答『你落咗單先』， 態度差到不行！極度中伏， 無下次

相約一家人星期日晚上7時到Iconic kitchen ..聽聞沙律餐不錯……但一嘗後……祈望、變失望！餐湯似椰菜花湯……味道尚可！牛角飽……林林扁扁的！只有似蝴蝶酥餅的味道可入口……都是不趣口！聽聞有炸物……春卷/芝士卷……侍應回應冇貨啦！今日生意好……食哂啦！冇貨炸啦！咁都得！現在才7時……隨我一家人入座後還不断有6人、2人、2人、入座！居然唔補貨……這是甚麼服務態度呀！只有沙律菜不停供應。

環境唔錯枱與枱之間有距離，闊落，開放式餐廳半自助餐係可以任食沙律🥗，啫喱，湯(當天係南瓜湯)仲有幾款菜，西瓜，牛角包🥐同麵包，成個沙律吧，最鐘意食脆脆麵包粒。🎃湯望落足料，但飲落左就唔夠濃南瓜味。湯就一般，最差係唔夠熱。牛魔王又黎介紹牛🥩啦！😂🐃🐃🐃澳洲燒西冷牛扒，睇落有啲乾但咬落有肉汁，牛肉味唔夠同有好多肥膏，個牛扒都係暖暖地，唔多夠熱。如果無沙律吧就唔係好值$148加一。無影到配菜，但係有既，薯角一條，有牛腩汁味嘅白蘿蔔一嚿，燒牛扒配腩汁蘿蔔幾特別既，嚿蘿蔔係好味嘅！一片雞髀菇同幾塊菜。不過每樣得一件，好慳既員工 😂澳洲牛肉芝士漢堡，侍應有問個Burger要幾成熟，但無問個牛扒，本來以為有咩特別。但黎到見到都係普通芝士漢堡一個。牛味唔夠，正體都唔錯，薯條夠脆。$108加一總結：啲野食如果可以熱啲就好啲。但抵食嘅，可以試下，坐位都算舒服。

是咁的，話說有一日，小朋友喺青年廣場參加完活動，就約埋其他幾個家長和小朋友一齊食lunch，諗住近近地，就去咗呢間餐廳食。都唔知乜嘢事，負責安排入座的女職員已經全程黑口黑面，叫佢斟幾杯水俾D细路飲吓先，又粗粗魯魯咁，都算啦。D小朋友見到出面有七彩啫喱糖就好開心，要即刻出去夾啦。呢個時候，竟然有另一個四眼女侍應衝過嚟，截住。係衝過嚟攞個餐牌截住！好大聲咁話公司規定，一定要叫咗主菜，先可以食出面D嘢。我地同佢解釋，話我地全部都會order主菜，不過未諗定食乜，所以等一陣先落主菜的order。點知，我地好聲好氣，佢就粗聲粗氣。強調呢個係公司規矩，仲話佢喺呢度做咗好多年，一直都係咁。(呢D係咪唔識變通呢？如果有D客本身淨係諗住食salad，食食下想要埋個main course，咁係唔係落咗單就無得改？)連環2個女待應都態度惡劣，有趕客嘅感覺。到底經理有無好好管理下屬？抑或經理其實本身都係咁，所以個個下屬都有恃無恐？

一個平平無奇的晚上，一餐普通的西式晚餐。值得一讚既係啲沙律🥗菜的確頗新鮮，性價比。麵包粒都夠卜卜脆，只係選擇上未夠多！主菜就夠味同夠熱，尚可接受。但是衛生就麻麻，有隻疑似蟑螂的小生物係 pizza 🍕 上生猛地爬行，情急下，攞把刀處理左佢。同待應反映過後，原全無反應，唔好意思都無句。真係有點意料之外，大家小心啦！另外，佢地個甜品🍮真係嚇親我。我唔知佢係布丁，定燉蛋。食落真係唔多掂，呑都呑唔落 🙈🙈

偶有與賢師一聚，他帶我到我從來未到過的地方：柴灣。印象中柴灣是多墳場、多樓宇、商場設計也不太時尚。去過之後，個人認為一貫商場圍繞著地鐵站，絕對絕對適合下雨天或怕熱人士。餐廳位於青年商場中層，上下層多為多用途室、自修室、展覽及圖書館。早到的時候多個時間打發時間。蕃茄醬羊膝意大利飯羊膝全隻上，肉質鬆化不太有膻味。意大利飯收汁頗好，粒粒有口感，烹調時間不太夠，令味道不算吸收。安格斯牛排配薯角安格斯７成、非常juicy、有肉味。薯角夠脆、但配菜非常油膩。這間餐廳我認為寧靜度高，沒有限時用餐，給聯誼用途最為不過。另外設有自助吧，款式出奇地多。有沙律、生果、餐湯及餐包。最吸引我也是餐廳的配置，每款食材雖簡但款式不會令人生厭。有至愛的牛角包配蘑菇湯。飯後也可以添一些水果。這一層有三間營業中的餐廳，另外有港式火鍋及上海菜。不限時、地方開揚，確實適合良朋友聚。

青年廣場4樓有幾間餐廳今次就試下iconic kitchen 呢度嘅午餐價錢已經包括咗自助沙律吧 生日快樂呀除咗有蔬菜選擇之外還有啫喱糖生果麵包餐湯咁最近就新推出咗一款熱食曾經試過有春捲有焗生蠔 日日唔同。前菜質素唔錯沙律蔬菜程新鮮程度十分好 仲有好多醬汁畀你揀除咗一般嘅沙律醬之外仲有意大利黑醋同橄欖油 仲有我最鍾意食嘅脆麵包碎 另外車厘茄亦都好新鮮好脆口。今日嘅餐湯係蘑菇湯 做法非常西式蘑菇打爛混和忌廉湯味道非常濃郁 很讚甜品亦有啫喱糖同西瓜 非常滿足 至於自主菜方面因為前幾次都係食漢堡咁今次就食咗個意粉咁呢個意粉就係豬腩肉燒汁意粉。 但係就非常失望,味道非常一般,燒汁嘅味道唔出,好淡,而肥膩程度完全接受唔到 , 同埋個碟底非常之油,令到啲意粉亦都好油膩 。隨帖附上食淨豬油膏一碟食完都覺得會爆血管, 救命呀!

本身我都對青年廣場上面嘅餐廳都冇乜太大要求，總係覺得柴灣都沒有一間質數好既西餐廳，經朋友介紹之下到了青年廣場4樓西餐廳有半自助餐形式，沙律吧同湯都可以任添任飲...仲設咗一個朱古力噴泉可以俾小朋友當作飯後甜品我們當時係吃午餐所以我哋嗌咗一份牛扒一個薄餅同埋一份脆薯，大家share食！！開胃前菜係自助式沙律吧有無限添加沙律同湯牛扒味道唔錯又淋身又有牛味唔會煎到乾爭爭仲有配上黑椒汁同小小薯菜芝士布滿整個薄餅有拉絲效果仲有三文魚餡，可以拍得住大型連鎖店脆薯片配他他醬同蕃茄醬具有墨西哥風味

在柴灣朋友家開完四方城，在附近食晚飯就最好。原來柴灣青年廣場都有些餐廳，有一樓層有日本菜，上海菜及西餐。最後選擇了西餐，貪其有自助前菜任取😍內裡夠寬敞，也有兒童餐椅👍有薄餅，肉扒，漢堡包，飯，意粉，小食，都頗豐富。 有套餐，價錢算是划算。自助前菜bar有牛角包，沙律，忌廉湯，啫喱，食前菜都飽了一大半🙈12" 辣肉腸薄餅夠正宗，夠脆，夠多芝士，美味，不是pizza hut那種厚厚的😂小食(蝦多士，雞翼)蝦多士足一口尺寸那款，蝦膠不算多，但是是現炸的，不錯!!雞翼內是滿滿的餡料，有點兒辣。鮮蝦露筍忌廉汁意大利飯份量不算多，但在這少少的份量也滿是材料，也很creamy。經典燒牛肉配燒汁牛肉7成熟，夠juicy，也夠大份，好味。也有點洋蔥及薯仔作配菜，更加飽肚。食后感: 很滿意這餐，估不到柴灣也有不錯的餐廳。

柴灣比我感覺一向都係美食沙漠估唔到都有好野呀, 係青年廣埸對上4樓就有幾間餐廳, 記得之前呢到係一間意大利餐廳 估唔到隔左咁耐已經易左手今次呢個都幾有驚喜!  有個salad bar 同小型bakery 可以任食! 我地有10個人 平均都嗌左3個6人套餐 但整體竟然唔夠飽 最後都要出去整d麵包食下lol Main course : risotto , Linguine , pizza 都好高質!但steak差少少, 餐廳mentioned Angus Beef 但Level同出面差太遠,Mashed Potato 賣相麻麻但食落都幾夠味!