Ideas Dessert (Closed)

第一次去，帶著小朋友走了一段路先嚟到，點了芋泥奶凍冰，可能太大期望。芋泥Ok fresh但唔夠甜，本身食嘢都係少甜，都覺得成個甜品都無咩味，芋圓更令人失望，無特別。可能大家食返佢主要的綠茶會ok少少，應該無下次。。。

今日同朋友係荃灣食完飯，係佢地頭，梗係要叫佢帶的食埋甜品先走啦😝佢帶咗我去一間糖水鋪，唔係連鎖式經營，位置人流都唔算多，但生意好好，去到個陣幾乎坐滿😮臨走嘅時候，多人到已經要開到出商場其他地方😨😂佢話佢住荃灣就會成日嚟呢間食，因為好多款甜品糖水揀，而且又平又足料。事實上，呢到真係好多款揀，有選擇困難症嘅我真係有排睇😂不過睇完都係揀返我最想試嘅芋圓～芋圓係春季限定，但單係芋圓都勁多款，所以我最後揀咗個大雜燴－－－芋圓仙草盛！❤️ （$30）話明「盛」就梗係咩都有，有仙草、西米、芋圓、小丸子、紅豆、黑珍珠，配自家手工製紫薯蓉/芋泥，仲可以揀熱/凍。我就揀咗熱嘅配紫薯蓉，其實算係暖暖地，因為仙草等配料本身有少少凍，中和之下就變咗暖暖地😋一開始以為咁多料又咁平會每樣得好少，但點知原來好似張圖咁足料lol單係芋圓都有差唔多十粒😂  食一碗真係夠晒飽😂味道方面，首先紫薯蓉幾重紫薯味，而唔係淨係得甜味，呢個我like👍🏻芋圓有三款：地瓜、紫薯同芋頭味，食落好煙韌，食得出係唔同味，唔似有啲店係加色素😖其他配料都不過不失，甜度適中，值得一讚嘅係紅豆煲得好好，沙沙地又唔太"林"，西米又煲得透。不過食晒成碗之

誠意值得加分👍夜晚都幾多人，舖頭都無位，俾左商場後面開張枱俾我地兩個。舖頭細細，但食物質素都幾高。叫左一份招牌宇治雪山，一份都係綠茶既糖水（忘了名）。招牌宇治雪山個綠茶雪糕好滑，同d紅豆蓉好夾，d冰好多我地兩個都食唔曬，有d後悔咁凍天氣叫左兩碗凍既甜品。再講呢碗綠茶雪糕糖水，雖然賣相比較差（應該係佢軟雪糕所以溶得快），反而呢份仲正過宇治個份，可以有d宇圓覺得好正，幾好咬口👍。d店員都幾好禮貌，環境都幾好。

碌碌下facebook 咁岩見到有介紹食糖水，而家天氣又開始熱熱地最岩食番d凍野由於店舖比較細，為左令客人唔洗等太耐，店員係商場的走廊加開餐桌，環境尚可，不過唔洗等位都算唔錯啦因為見到有個特別餐牌專食芋圓，所以就揀左個芋泥芋圓豆腐花。雖然揀左凍，但其實係暖暖地，可能係芋圓剛整好，未攤凍吧。談一談味道，芋圓有口感，但味道唔係好夠。相反芋泥就好香，好有芋頭味，而且變成蓉狀，好似乒口。豆腐花都幾滑身，但都係唔夠豆香，加上椰汁，整體都只係算是不過不失。

某一日返早班，一個人無無聊聊又唔想咁早回家，於是行經樓下，見到呢間開左好耐的甜品店（日日夜晚經過都有人排隊），下午裡面得一個客人！心想！哇咁我入去咪等於包場？！😜😜😜拎左menu考慮左10數分鐘...心想天氣咁凍無理唔食熱耶，於是就點左熱辣辣的窩夫，有三隻味揀：野莓、芒果、香蕉！仲有四隻味🍦球...可惜無綠茶味窩夫😅等待期間，聞到陣陣烤餅味，真是刺激唾液分泌😂😂😂新鮮窩夫比想像中輕身，切成三件三角行，不是台灣連鎖店「咖啡X」那種厚身質感，一個人都可以KO！伴碟有香蕉片一條，蜂糖醬一碟（沒有用過，用雪糕醮來吃已經很甜）+雪糕球一個～😋😋😋😋😋

今日入來荃灣探朋友，行到Panda附近又有少少肚餓，朋友推介lee間食芋圓，e家做緊春季限定系列。位於荃貴街10A號富麗花園商場A座地下13B及15號舖嘅Ideas Dessert, 鋪頭細細，如果要我自己搵，肯定要行一段冤枉路😅朋友說，這家的抹茶系列很受歡迎，下次，一定要試抹茶系列。

自從食左第一次便愛上，家在荃灣都不息晚飯後到來吃個甜品呢！這裡除了甜品好吃有變化，價錢合理，店員有禮！第一次吃芒果樂天有布丁雪糕丸子一次滿足幾個願意！第二次吃的時間有一隻蚊滋飛了落我的甜品，跟店員要求更換，店員重新整過一碗給我！真心讚～今天不知第幾次吃了，正所謂識食涼粉一定要加花奶，點椰汁芒果涼粉時店員說本身是沒有花奶的，他問我是否想轉，可以特登為我做！花奶芒果涼粉再加布丁一流！ 朋友點了雪糕焙茶沙冰，雪糕雲尼拿味重又夠滑，這家的焙茶茶味重不帶甜，上次吃過焙茶啫哩都是不甜的，所以需襯點甜的東西一起吃會比較易接受！雖然店的位置不太就腳，但食好野又不用等位一定是首選！*荃灣的甜品店真的太商業化公式化

雖然叫佢做甜品王不過大窩口本身都唔多甜品鋪哈哈Anyway，佢價錢雖然講唔算平不過宜家一包煙要50蚊既年代，都冇得要求食野有幾平！我今次食既係芒果大雜燴因為鐘意食芋圓，所以加左一份，唔貴，$6成碗野加埋40幾蚊，份量絕對夠！芒果肉夠酸，如果鐘意食甜既朋友要考慮下不過我鐘意食酸！所以一流小丸子同芋圓都夠彈牙，勁有口感唯一美中不足，芋圓係熱既，但本身碗野係凍。。所以食落有d怪不過味道搭救！下次仲會再黎

前排先知道原來大窩口開左間甜品店，而且仲要係好食既，賣相又ok，我同朋友都黎過幾次，今次終於的起心肝食返個食評讚下先我朋友嗌左個紫薯心太軟，非常好食，冬天咁凍食啲暖粒粒既野一流，而我就嗌左個綠茶雪糕(其實佢有個名)綠茶味好噥郁，唔會太甜又唔會有苦澀味，仲有啲紅豆同三粒白玉(?)，冇咩味不過幾好咬口，同我係日本食既質素差不多，而且只係$36，冇加一唯一缺點就係間野都幾細，多人既時候坐都幾逼，可能要搭枱

小店在大窩口附近，其實區外人是挺難找的以茶味的甜品為主，有新地，芭菲之類的東西，也有常見的中式糖水很驚喜的是心太軟也有抹茶，焙茶，伯爵茶等多種味道揀價錢不算貴，份量也很足，一杯高高的芭菲吃起來很滿足抹茶雪糕挺滑的，也不會太甜，但可以再濃一點，甚至再苦一點就更好流心的焙茶味比較少，不太吃得出來，感覺甜味比較重不過蛋糕部分做的不錯，流心旁邊的豆腐雪糕也很香豆腐（維他奶？）味，白玉也煮的很好整體來說，茶味的東西再濃一點就更好

       係荃灣附近食完晚餐，想食甜品就去左呢間係大窩口和荃灣中間既呢間Ideas Dessert去試，一入到去就覺得呢間店舖好溫馨，店員即刻就送上menu比你，menu入面既選擇好多，聽講抹茶味既甜品整得唔錯，所以就叫左個抹茶雪糕芭菲。        好快個芭菲就已經整好，整個芭菲既presentation好靚，層次分明，由上至下係抹茶雪糕、脆脆、紅豆同埋抹茶啫喱，不得不說抹茶雪糕真係意料之外咁好食，濃濃抹茶味而唔過苦唔過甜，滑而奶味唔會蓋過抹茶味，好抵讚！配上下面中規中矩既芭菲配料，口感同味道都可以兼顧到。         另外我地仲叫左個靜岡焙茶心太軟，伴碟有豆腐雪糕、紅豆和白玉，由於係即焗，所以大約等左15-20分鐘左右。流心效果唔錯，而心太軟既外層亦都焗得靚靚仔仔，食落口輕輕既焙茶味，無抹茶雪糕咁令人驚喜但味道唔錯。最特別係佢既白玉唔錯，唔會太過煙韌，難以入口，可以好好品嚐佢既味道，配上雪糕食都係一個唔錯既配搭。

昨晚與妹妹專程到荃灣按摩，順利成章到這裡品嚐甜品，雖然經常來但從未試過食評不錯的抹茶tirimisu, 於是直接點了並選併豆腐雪糕！而妹妹想了很久終於決定order menu 推介的伯爵茶心太軟！沒想到抹茶tirimisu份量咁大件，嚐一口抹茶香濃回甘，不太甜，蛋糕鬆軟綿密，中間添了厚厚的抹茶醬，配上紅豆與豆腐雪糕食層次分明妹妹的心太軟不單止沒有朱古力味咁甜膩，還多了一份伯爵茶獨有的淡淡茶香，跟3.6牛乳軟雪糕一齊食變得更軟滑，值得一提的是拌碟的果醬果香十足，脆塊夠脆口，一點都不馬虎，滿足的晚上，耐何因抹茶真重料令到晚上失眠了貪吃的禍呢⋯⋯

昨晚飯後與男友專程到這裡食甜品，由於太多款又樣樣都想試，於是便order了3個甜品2人分享！男友點的芒果樂園（自選榴槤雪糕），芒果味不算濃，與榴槤雪糕味道唔太夾，反而期望不高的3.6牛乳布丁有驚喜，奶香細滑又不失咬感！我的雪花園（自選cookie雪糕）果然係是日推介，豆花香滑細緻，小丸子煙un咬感十足，加埋雪糕係靈魂之最，整個味道很夾，加埋甜蜜蜜既紅豆，層次分明，好最後上枱既抹茶心太軟（配豆腐雪糕），抹茶味好濃郁且質地流心，配埋雪糕同紅豆食，雖然好好味但眼闊肚窄，飽上腦的一晚!

佢既抹茶甜品真心正👍 依個紫薯沙冰加抹茶雪糕($36+4轉雪糕) 紫薯never die💜 紫薯味夠天然但嗜甜人士覺得可以再多糖啲😆 不過上面雪糕真係好正 濃抹茶味😍 都幾大杯 點搞👅

呢到嘅甜品屬平價高質👍尤其是抹茶系列跟紫薯系列⚖️性價比非常高<抹茶千層酥> 🍞$46由上層非常鬆脆嘅千層酥餅開始，先夾住原粒紅豆爆哂沙嘅紅豆醬😍再來下層餅與餅之間勁邪惡嘅抹茶醬抹茶醬香軟幼滑😋茶味甘甜濃郁帶一點微苦澀味一層酥脆👉一層甜美👉一層酥脆👉一層茶香 再配埋佢個抹茶雪糕跟旁邊幾塊抹茶餅仔🤗確是滿足到不行了