Video
Read full review
2017-03-04
205 views
今日同朋友係荃灣食完飯，係佢地頭，梗係要叫佢帶的食埋甜品先走啦😝佢帶咗我去一間糖水鋪，唔係連鎖式經營，位置人流都唔算多，但生意好好，去到個陣幾乎坐滿😮臨走嘅時候，多人到已經要開到出商場其他地方😨😂佢話佢住荃灣就會成日嚟呢間食，因為好多款甜品糖水揀，而且又平又足料。事實上，呢到真係好多款揀，有選擇困難症嘅我真係有排睇😂不過睇完都係揀返我最想試嘅芋圓～芋圓係春季限定，但單係芋圓都勁多款，所以我最後揀咗個大雜燴－－－芋圓仙草盛！❤️ （$30）話明「盛」就梗係咩都有，有仙草、西米、芋圓、小丸子、紅豆、黑珍珠，配自家手工製紫薯蓉/芋泥，仲可以揀熱/凍。我就揀咗熱嘅配紫薯蓉，其實算係暖暖地，因為仙草等配料本身有少少凍，中和之下就變咗暖暖地😋一開始以為咁多料又咁平會每樣得好少，但點知原來好似張圖咁足料lol單係芋圓都有差唔多十粒😂 食一碗真係夠晒飽😂味道方面，首先紫薯蓉幾重紫薯味，而唔係淨係得甜味，呢個我like👍🏻芋圓有三款：地瓜、紫薯同芋頭味，食落好煙韌，食得出係唔同味，唔似有啲店係加色素😖其他配料都不過不失，甜度適中，值得一讚嘅係紅豆煲得好好，沙沙地又唔太"林"，西米又煲得透。不過食晒成碗之
佢帶咗我去一間糖水鋪，唔係連鎖式經營，位置人流都唔算多，但生意好好，去到個陣幾乎坐滿😮
臨走嘅時候，多人到已經要開到出商場其他地方😨😂
佢話佢住荃灣就會成日嚟呢間食，因為好多款甜品糖水揀，而且又平又足料。
事實上，呢到真係好多款揀，有選擇困難症嘅我真係有排睇😂
不過睇完都係揀返我最想試嘅芋圓～
芋圓係春季限定，但單係芋圓都勁多款，所以我最後揀咗個大雜燴－－－芋圓仙草盛！❤️ （$30）話明「盛」就梗係咩都有，有仙草、西米、芋圓、小丸子、紅豆、黑珍珠，配自家手工製紫薯蓉/芋泥，仲可以揀熱/凍。
我就揀咗熱嘅配紫薯蓉，其實算係暖暖地，因為仙草等配料本身有少少凍，中和之下就變咗暖暖地😋
一開始以為咁多料又咁平會每樣得好少，但點知原來好似張圖咁足料lol單係芋圓都有差唔多十粒😂 食一碗真係夠晒飽😂
味道方面，首先紫薯蓉幾重紫薯味，而唔係淨係得甜味，呢個我like👍🏻
芋圓有三款：地瓜、紫薯同芋頭味，食落好煙韌，食得出係唔同味，唔似有啲店係加色素😖
其他配料都不過不失，甜度適中，值得一讚嘅係紅豆煲得好好，沙沙地又唔太"林"，西米又煲得透。
不過食晒成碗之後真係超級無敵飽，因為好大碗lol（但好食😍 ）
我唔鍾意太甜，所以食到最後會覺得有啲甜，因為始終所有配料本身都有一定甜度。
另外朋友就叫咗個翡翠冰島（$46），雪糕可以揀抹茶/北海道3.6牛奶/mix味，因為我咩都未試過就揀咗個mix嘅😋
11 views
0 likes
0 comments
我覺得抹茶味好味過牛奶，抹茶味好濃好香，又唔會好苦好澀👍🏻
朋友話之前問過老闆原來係用日本山政小山圓嘅抹茶粉整嘅。
我試完之後就上癮，減肥計劃又要無限期推延😂
抹茶啫喱食落幾得意，白玉同抹茶丸子好好食，我叫佢做高級版小丸子😂
比小丸子更煙韌更有咬口，之前食過一啲好"林"，同呢個幾大對比🤔
（我鍾意食糯米野同煙韌野，所以係呢方面都幾有要求😂🙈）
但因為係刨冰底同埋軟雪糕，溶得有啲快，一嚟就要盡快食，唔係就好快溶晒。
我就覺得唔要刨冰底應該會好食啲，起碼溶咗都唔會溝埋啲冰水😂
食完覺得朋友真係無介紹錯，有時經過都會過嚟食個抹茶雪糕😋
呢個價錢食到咁足料真係好抵，支持有heart小店，加油🔥💪🏻
Post
