Igeo Sago Cafe (Closed)

Igeo cafe之前已經試過dinner .. 係好家庭式既經營，嘢食都好好味今日試埋早餐 都一樣幾好食！不過來就唔好當係港女打卡cafe咁有期待啦~ 叫咗個吉列豬扒set.. 雖然個炸皮唔係超薄身，但上碟熱辣辣，唔係翻炸，係脆口既個窩夫好好味，所以加多咗個夠熱，外脆，內好煙靭，好好味！應該唔係淨係得粉大既火腿茄通，唔鹹，食完唔會口渴好有homemade feel. 啲通粉係彈牙，同連鎖既大XX嗰d差好遠通粉set跟埋炒蛋同蒜蓉餐包，已經烘咗底堂食大部分感覺都係即叫即整，幾唔錯希望有多啲呢啲小店，係做得住。唔洗一式一樣

同朋友嚟食區內聞名，性價比高嘅韓國菜叫咗個四人餐，可以喺ABC三個區，各揀兩款嘢食線上嘅係前菜有菠菜泡菜蘿蔔仲有套餐附送嘅生菜包調味都好開胃我哋揀咗牛肩肉石頭飯，鐵板牛肉石鍋飯好香，而且有飯焦加埋拌飯醬撈埋一齊口感好豐富鐵板牛肉嘅調味香甜，洋蔥炆到好林，適合用嚟送飯因為係韓式餐廳，所以相對上叫意粉就較為遜色海鮮煎餅都維持水準，而且醬汁幾好食套餐仲有一個醬炒年糕同埋生菜，不過冇影到相最後嘢飲方面揀咗凍嘅柚子蜜，食得出餐廳係一間有誠意嘅小店，相信會再次幫襯！👍

Igeo都算係一間足料、食物選擇多元化、好有家庭式經營既小店~ 喺天晉呢類大型商場大部分食肆都係連鎖同集團式~ Igeo就算係相對家庭平民化啲選擇叫咗一份二人set dinner 有得揀人參雞湯 / 柚子蜜，揀咗湯就無得揀嘢飲~ 如果可以彈性啲加錢就好啦啲湯用杯上第一秒覺得好怪，但一飲落都覺得好唔錯唔係啲勁淡既湯，個底仲有啲糯米飯？同小小的參~ 好足料唔會飲完好重味精好口乾咁送咗生茶包，個調味就麻麻哋主set係牛肩肉石頭飯~ 啲牛份量都ok~ 不如係牛肩肉條唔係牛肩肉塊~ 不過啲牛既quality 都ok~ 辣海鮮豆腐湯飯~ 入面有蝦仁🍤同蜆同瓜類 都幾好食，男仔食應該會想裝飯另外仲有一個細份的大葱煎餅～ 如果葱多啲就更吸引整體都係加一後240，如果飲品上可以彈性啲就好/ 可以加錢食甜品

(自費食評) 今天我們三人在將軍澳中心的Igeo Sago Cafe 吃二人晚餐(套餐)+1人餐(散叫)我們1人餐(散叫)點了豬叻骨大醬湯烏冬再額外加13元正配凍柚子紅茶豬叻骨大醬湯烏冬，之前吃過是麻麻地，他們可能改良過，現在豬叻骨兩塊也是大大塊的，烏冬也有感覺上多了。加13元正配凍柚子紅茶，夠哂大杯，不過我先喝了一淡再發現未影相所以網友們睇本相片是少了二人晚餐(套餐)頭盤，生菜包忌廉黑松露野菌意大利麵，夠濃味牛肉石頭鍋飯，飯焦較多麻麻地泡菜餅，一般般

晚餐經過天晉附近搵食，見到依間韓國餐廳價錢合理就去試下叫左個牛肉石頭飯入面有紫菜，生菜，紅蘿蔔絲，芽菜，菠菜做配料佢入面係完全冇醬汁，無泡菜要自己用枱面枝醬加味，失望牛肉石頭飯應該改名做牛肉碎石頭飯一塊完整既牛肉都無，全部碎曬質素勁差，難怪全場冇咩人，唔會再幫襯

呢間店平日好少食，好耐以前食過一次，今次再食，唔記得影相，叫左牛仔骨定食，牛仔骨都好味，配洋蔥，份量都夠，配左雞湯，用柸上，係人參雞湯，係個白飯硬D🙈，應該係隔夜既🤔🤔朋友叫左起司雞焗飯，熱辣辣所以都好食，加左$20要韓國清酒有飲用水提供，幾好。要改善係飯太硬啦。同埋唔記得左上前菜，我哋都食完先出左去先記得。要加一既。呢個價錢，都坐得舒服，算有80分了。

每次我想起又要為晚餐裡面，尋找可以享用有關「雞肉飯」部分食品而尋找晚餐食店，而又儘量不重複光顧同一間食店的時候，我的腦海就會立刻浮現一種非常大的疑惑。因為我偏好享用已經預先處理的無骨「雞扒」，有骨的「雞翼」和細長的「雞柳」，始終不及「雞扒」那麼有啖啖肉，沒有障礙的爽快口感。星期五，我在「西貢」乘坐巴士來到「將軍澳站」巴士總站，然後再徒步經過大型購物商場「Popcorn」跟有蓋行人天橋通道，終於來到「天晋匯」商場。今次我在「天晋匯」二期商場的一樓位置裡面，找到一間全名名稱叫做「Igeo Sago Cafe」的韓國菜餐廳。「Igeo Sago Cafe」分別有提供地道韓國菜食品，以及韓式西餐食品。如果要數現在「韓國」菜裡面最受食客歡迎的食品，肯定非「韓國炸雞」莫屬，所以我在「Igeo Sago Cafe」餐牌裡面，很快就順利找到招牌韓國菜食品，食品名稱叫做「伊哥韓式炸雞」。所謂的「伊哥」，其實即是「Igeo Sago Cafe」店名裡面「Igeo」的廣東話翻譯拼音，至於「Sago」究竟是什麼意思，我就不是很清楚了解。「Iego Sago Cafe」「伊哥韓式炸雞」分別有味道偏辣的「韓醬」跟

晚餐點左一份柚子雞翼，一份有四隻，全部都係滿滿嘅毛🤦‍♀️嘔心得制，冇影低，同職員講可唔可以換或者處理左d雞毛，佢拎左去廚房，廚房入面講野都有d大聲，咁岩我聽到啦，廚房入面果個人話“下？!點整走呀？雞翼係有毛架啦！“之後職員再送返黎，就咁一句“點都有毛架啦“就放低左碟雞翼，真係超嘔心，食雞翼有毛係咪理所當然架？定係我太高要求呀？點解好似我覺得雞翼有雞毛好核突係我錯咁？另外點左石頭碢飯同部隊鍋係正常嘅，但我因為個雞翼真係唔敢再食

天晉商場嗰邊有幾間餐廳，晏晝諗唔到食咩好就決定食呢間韓國餐廳，價錢都見佢50幾蚊至60幾蚊，比較合理，一於入去試吓。餐牌來講選擇多多，豬牛雞都有，我就揀咗雞肉石鍋飯($60)試吓啦一嚟到見到石鍋飯上邊有幾條生菜覺得好搞笑，入邊亦都有基本嘅紅蘿蔔絲，芽菜同埋菠菜，不過就冇泡菜同埋麻油，有少少失望，石鍋飯味道熱辣辣，而且個底有飯焦，不過整體來講個味道，我覺得似食緊煲仔飯，唔似食緊韓式嘅料理如果唔係經過呢頭都唔會特登嚟試喇～

叉燒讚岐烏冬，今日無奈食衣樣。因為本身黎食斧頭豬扒可惜冇得食賣哂不過好彩叉燒讚岐烏冬好食湯底入味，份量夠1人量，起碼會飽再加凍OT都合理滿意。服務就麻麻，太hea 服務員服務希望有能改善。下次再黎今晚堂食人不多。服務員成日時運高好辛苦先見到我落單加單都好難不過好彩今日少外賣，否則可能冇得甘快有得食過已經幾OK, 起碼佢地冇黑臉看我唔到姐，下次我大動作D 搖下手，再叫下落單啦喂應該OK.整體OK, 食物好服務希望改善下，服務員多不過傾計多

晚上在將軍澳唔知食咩好,又唔想在POP CORN果頭食咁貴同等位,所以來呢間一試,不過韓國菜有好多都係辣, 一係就熱氣,我揀左韓式炒粉絲都幾大份,再送小吃-醃白蘿蔔同飲品,我揀左熱柚子蜜,隻杯幾得意友人揀左加錢O既韓國啤酒總括來說都ok, 呢個價錢都算係抵食

Igeo Sago Cafe將軍澳唐賢街19號天晉匯2期1樓108號舖每一日到左食飯既時間就最頭痛啦，因為成日都唔知食咩野好，今日同事就揀左黎天晉匯既呢間韓國餐廳，呢到由將軍澳地鐵站行過黎都好方便，過條天橋都係只需幾分鐘，所以之前都黎過幾次食飯，覺得呢間餐廳選擇都幾多試過唔同既食物，鐵板烤肉、石頭飯、蛋包飯、炒粉絲都唔錯。今日因為無食早餐既關係所以超肚餓，我揀左鐵板牛仔骨配白飯，待應離遠行埋黎已經聞到好香好吸引，而且都幾大碟都有好多舊，食得出牛仔骨係醃製過好入味，咬落唔會太韌，另外我最鐘意就係有好多洋蔥一齊煮，用黎送飯一齊食，無得頂。另外一樣點左既係韓式豬腩肉炒粉絲，豬腩肉肥瘦適中好味，而粉絲真係用韓式既，感覺好正宗，好似係韓國D 地道小店食既一樣，值得一試。

成日都經過呢間韓式餐廳 見到佢個午餐嘅選擇都好多 今日終於有機會試下啦 韓式鐵板牛仔骨飯牛仔骨真係分量好多 配埋鐵板上 夠曬熱 煮得好夠味 配飯食真係一流 相比起牛扒 我都係喜歡骨肉相連嘅感覺 啲洋蔥吸曬啲汁 呢個餸飯真係一流不過個煮法就似中式比較多 下次可以試下其他韓國菜式

睇完介紹韓國食物後，腦海就充滿想食韓菜嘅意慾，近近地就去呢間! 今次唔食石頭窩飯，轉食呢個豆腐海鮮湯飯! 湯窩與白飯分開上，一窩份量都唔少架! 豆腐夠晒嫩滑，海鮮材料就包括蝦及蜆，蜆無沙同隻隻都係有肉，唔係得個殼; 蝦就細細仔但食落清爽口! 仲有翠玉瓜及洋蔥，淡口中又帶點甜味，用黎放飯清清地都唔錯，有別於韓鍋中一定係橙紅色湯汁! 仲有熱飲附送，柚子蜜滋潤一下!

Igeo Sago Cafe將軍澳唐賢街19號天晉匯2期1樓108號舖今日黎左popwalk呢邊食lunch, 試左呢間韓國嘢，入到黎感覺幾舒服，見到meun都有幾多選擇，唔錯呢個份量好足，有好多件牛仔骨，直情好似碟小菜咁，餐廳加埋洋葱落去煮好夾，非常惹味用黎送飯岩晒