Video
9-min walk from Exit C, Hong Kong MTR Station
continue reading
Introduction
The restaurant is decorated with an izakaya, and offers Japanese skewers, hot dishes, and grilled food. Most of the ingredients are delivered from Japan. The environment is spacious and comfortable, very suitable for chatting with friends.
continue reading
Opening Hours
Mon - Sat
11:30 - 15:00
18:00 - 22:00
Sun
Closed
Above information is for reference only. Please check details with the restaurant.
好多同事話lunch要食沙律，因為聖誕食得太多，我都要繼續分享Christmas前Annual Leave食咗乜🤣真係食得太多，要學吓同事先得😂🍢免治雞肉棒💰$48見人食又有粒蛋黃再將佢變成醬汁，覺得幾得意就叫咗，免治雞肉幾爽口，整得好食🉐🍡芫荽䐁肉卷💰$48我最鐘意嘅芫荽😍點可以唔叫呢，勁香，一食落去真係好正，豚肉又多汁芫荽夠多👍🏻🉐🦪廣島蠔士手鍋💰$268見人食呢個都覺得好吸引，我哋又鐘意食蠔同埋菜，呢個湯係日本醬油味，啲菜索晒啲汁好好食，蠔又大又飽滿🍙燒飯團(柚子味噌)💰$38真係一件飯團拿去燒，有紫菜包住，都幾好食，煎過嘅飯幾脆口，連埋柚子味噌汁一齊食，酸酸甜甜幾好味🍘芝士年糕💰$48可以揀燒/ 炸，我要咗燒，平時日式餐廳我都幾鐘意食燒芝士年糕，鐘意佢煙煙韌韌，入面芝士又好食，任食嗰啲舖我可以食好多件🤣呢間好味，一樣煙韌十足💰$495/2ppl (included 10% service charge)🚩熱菇喲 (中環) 📍中環蘇豪士丹頓街21號地舖
continue reading
今晚朋友約左小妹去中環飲野食飯, 經過E間小店覺得個名幾搞笑於是就入去試下😆 餐廳周圍都掛有日本風嘅畫, 相片, 擺設而且牆上仲有大量日本酒招紙, 幾有日本地道居酒屋嘅感覺!🌟初亀吟釀🍶味道偏甜帶果香, 後勁慢慢滲出米香, 非常容易入口🌟燒鹿兒鳥蕯摩赤雞心雞心外層光滑, 口感軟彈🌟燒鹿兒島嶐摩赤雞腎雞腎口感爽脆, 調味適中🌟燒鹿兒島薩摩赤雞翼雞翼燒得好香, 外皮香脆, 雞肉鮮嫩juicy帶微微油香🌟汁燒牛崩沙腩平時崩沙腩湯麵食得多, 燒就真係第一次食, 未食已經聞到勁香嘅牛味, 入口牛味濃郁, 外皮香脆, 肉質煙韌, 多汁帶油香, 外皮同牛肉成鮮明對比, 口感相當豐富🌟汁燒左口魚裙邊伴三文魚籽左口魚裙邊入口即溶, 魚油甘香豐腴, 三文魚籽漲卜卜, 加埋醬汁一齊食更惹味🌟燒北海道帆立貝配清酒果凍E款係熱食加入果凍嘅食法小妹只係係動漫睇過, 食都係第一次! 帆立貝燒得好香, 肉質厚實, 外面有少許肉汁同調味汁, 趁熱放入用清酒整成嘅果凍, 酒香即時散發出嚟, 食落除左有濃濃酒香, 味道亦帶有酒味同時提鮮, 此時再呷一啖清酒味道更甜!🌟柚子味噌燒飯團柚子香味四溢, 燒飯團外層幾脆口, 有飯焦嘅感覺, 味道咸咸地帶清新柚子香, 配一口清酒, 清酒味道即時變得更甜更重米味
continue reading
放工後同同事去SOHO區放鬆下，見到呢間日式居酒屋幾骨緻就入去試下。入面擺滿左各式嘅清酒，環境雖小，但勝在夠靜，三五知己談心啱晒。MENU嘅食物主要係串燒，其次係佐酒小食同少少主食，我地都係叫左幾款試下。>>>✨厚切嘅牛舌，燒得好嫩帶少少爽，好入味👍🏻忍唔住要再叫多串。✨芫荽豚肉卷味道又唔算太突出嘅，可能我本身都唔太好芫茜🙈✨免治雞肉棒比較軟腍，入面有少少軟骨，增加返口感，點埋蛋汁同醬油一流✨鹿兒島薩摩雞翼塊皮好薄，燒得好香脆，咬落去仲有少少雞汁流左出黎🤤✨大葱雞肉嘅大蔥表面燒得黑左少少，不過都唔太大問題，雞肉都幾嫩滑嘅。✨燒飯糰（柚子味噌&櫻花蝦）表面燒得香脆，柚子味噌第一次食，味噌味就較淡，反而柚子味較出，幾fresh, 櫻花蝦呢個嘅蝦味唔太突出，我比較鍾意柚子味噌多啲。✨粟米上面嘅牛油均勻抺上，好香牛油味，粟米幾甜幾爽口✨燒豆腐烤得好脆身，口感比較鬆脆，上去淋左少少醬汁，味道啱啱好，有豆香✨fruitbeer叫左水蜜桃味，入面有真水蜜桃果汁，好香，果味比較濃，啱晒女仔飲呀😊
continue reading
生活中的其中一個小確幸，就係可以放工後，和朋友去居酒屋歎返幾杯，食吓小食，講東講西，”mean”吓大家。今晚選擇去熱菇喲居酒屋，因為除咗有串燒外，更有唔同種類嘅酒。而生果酒嘅選擇，亦比一般居酒屋多。◭ 黑毛豚五花腩串(塩燒) $48五花腩肥瘦均勻，烤得剛好，微燶邊位令口感更脆口。◭ 芫荽豚肉卷 $48咬開豚肉卷，口腔內爆發著芫荽的味道，絕對能震撼口中的每一個味蕾。◭ 免治雞肉棒 $48雞肉棒中加入了雞軟骨碎，提升了咬嚼的口感，配以醬汁一齊食，豐富了雞肉棒的味道。◭ 薩摩赤雞翼 $68鹿兒島的薩摩赤雞係日本三大名雞之一，脂肪少而雞味重。經過燒烤後，肉質仍然保持彈牙及多汁，佐酒一流。◭ 薩摩赤雞腎 $48一粒一口雞腎，爽脆而不硬。◭ 燒飯團(柚子味噌) $38醬汁獨特，不用配其他材料，就已經令人食得好滿足，必食推介。◭ 廣島蠔土手鍋 $268味噌湯底濃厚，廣島蠔鮮嫩，配以菜底，冬菇同芋絲，絕對係一個暖身飽肚嘅選擇。◭ 北海道蜜瓜味手工啤 $68擁有濃郁香甜的蜜瓜味道，好易入口的微氣泡手工啤。
continue reading
每日放工時間後既晚上中環商廈區開始變得寧靜,反之中上環蘇豪先係剛剛開始.今日約個朋黎到附近一帶食下串燒飲下酒一齊傾下計.汁燒厚油揚厚油揚上加上大量青蔥及大蔥碎,再係蔥面上灑上木魚絲.厚油揚烤得唔會過乾身,入口香脆又帶豆香.西上蔥香既甜味,木魚絲鹹香及燒汁,令整體更惹味.燒飯團 (櫻花蝦/柚子味噌)燒飯團烘得香脆,外層飯粒烘得均匀每一粒帶飯焦口感及焦香.醬油飯團內充滿櫻花蝦,味道帶微甜既鹹香味,外層再加上一塊香脆既紫菜夾住飯團一齊食更有風味.牛舌厚身牛舌採用牛舌中最爽脆:牛舌芯作串燒,入口爽彈帶陣陣牛脂甘香,牛脂馥郁不過膩.外層略加少少椒鹽已經夠味.蕯摩赤雞翼雞翼同樣香脆,內裏雞翼肉質香嫩咬入仍充滿肉汁.以日本國產雞肉帶住更濃雞香,加上少少檸檬汁更令雞肉鮮味提升.粟米粟米香甜爽脆,帶微微焦香,火喉掌握得剛剛好.炸雞軟骨雞軟骨外層炸漿輕薄,咬入有種爆炸既香脆感.內裏雞軟骨帶一陣雞油香,脆卜卜既軟骨酥脆可口,送酒相當搭配.清酒煮蜆蜆肉相當新鮮帶住海水鹹香,加上清酒後令蜆肉更清甜清香.鍋內亦加上柚子皮,令清酒湯更清香.蜆肉無沙亦都唔會腥,蜆湯好暖胃入口好舒服.Highball 帶住一陣威士忌既麥香,配上梳打令味道更清爽易入口.
continue reading