I'm Nuts (Closed)

今天和朋友中午時份到灣仔揾食，誤打誤撞到了汕頭街的I'm Nuts, 這裏佈置簡單，但給我一種窗明几净的感覺.我們要了兩份午餐及一個煙三文魚沙律，首先上卓的是甘筍南瓜湯，別看只是普通的餐湯，佢湯底夠濃，簡直就是南瓜露，又有甘筍的香味，再跟著兩個午餐一個是白酒牛油蜆肉露筍意粉，這個是一個比較大路的菜式，但味道仍不錯，白酒和牛油的份量可能調配得好関係，故没有搶去對方的味道，蜆肉亦都大大粒，意粉爽。加上碟子鋪滿香草，賣相惹人喜愛。綠海灘上的軟殼蟹，這個就不得了，大大隻的軟殼蟹在上，下滿是波菜麵，上则鋪上芝士粉，一上碟已滿是芝士香氣，蟹則爪脆鉗則肉多，已很久没吃過這Size 的軟殼蟹。煙三文魚沙律，沙律菜夠新鲜，用意大利黑葡萄醋，味小甜而不帶酸，很易入口，真要給個讚。甜品方面一個綠茶tiramisu塔，及什果芝士餅，都是自家製，有酒店水準。最後想講一講是這裏的服務很好，老板會於你用餐後徵詢你的意見，以便改善日後的食物款色及質數。

很多人食嘢要去D出名而又大間的食肄，貪佢有口碑和招呼好;信心保證。而我就不一樣，喜愛去小型食店。因為這類店舖通常是自家營運，旣有特色之餘老闆員工亦很親切。今次來這間cafe位於灣仔。地方當然會的骰些，但勝在有兩層，所以能容納多些食客。而cafe能提供多元化的菜式可供客人選擇。 南瓜金筍湯 (套餐)南瓜茸濃金筍味香粒粒黑胡椒增加味道層次。 煙三文魚沙律 $72三文魚大大塊，沙律菜很新鮮;採用意大利萄葡黑醋，甜甜地又帶些微酸真是很好的配搭。 白酒牛油蜆肉露筍意粉 (套餐) $108意粉好有口感，用白酒牛油煮成醬汁沾上一齊吃十分滋味。 綠海灘上的軟殼蟹(套餐) $148蟹炸得香脆，亦不覺油腻;咬落鬆化 。菠菜麵乾爽;配以麵包糠和蒜鹽一齊食甚有口感和惹味。而賣相很可愛反映出廚師的用心之作。Green Tea Tiramisu Tower $38塔餅自製的。上面有綠茶、cream味和朱古力味多完化的味道。最重要是不會太甜，女士最為合適。Mixed Fruit Cheese Cake $38味道與一般cheese cake 差別不太，但生果新鮮。Latte (套餐)咖啡味道濃郁， 鮮奶打得非常細緻

我們長大了又有了小朋友，節日已開始變得不太重要。但有個藉口，可以與朋友相聚，都係一件好事。早係聖誕節前，就已經跟朋友相約慶祝聖誕，來個小聚，但大家要照顧家庭及小朋友，一直安排不到時間，最後我們決定食個Late Lunch，嘆住咖啡，慢慢詳談。 今次我地選擇了一間於灣仔區藝術氣氛濃厚既小店~I’m Nuts。餐廳老闆是一位會計師，為了追夢，放棄高薪厚職，全情投入餐廳運作，希望把每一個細節都做到最好，這一份專業精神令我十分敬佩。餐廳營業時間很早，提供早餐服務比一眾灣仔OL！以我返工時間星期一至五 9:30am，我絕對可以再來幫襯。星期一至五 8:00am~9:00pm星期六至日 9:00am~9:00pm 驟眼看餐廳門面，已被那環境吸引！這裡清幽寧靜，並充滿卡通插畫美化環境，增添朝氣！除了 a la carte，餐廳更提供Daily Menu，套餐包括湯及飲品，價錢相宜，我同朋友都認為係Lunch既好選擇。Pumpkin and carrot soup ~ 洋溢充足的南瓜味道，湯汁富質感。另外，甘筍既香甜味亦十分明顯，與南瓜味道一拍即合。綠海灘中的軟殼蟹 $148 SET ~ 自家製菠菜醬

老五下週將與女友去日本玩，出發前要向XO仔借旅遊書，嘩哈哈，細佬當然係要乘機呃餐晏仔食啦，地點由主人家話事去一家佢常幫襯o既「I'm Nuts」。步入門口，先由聖誕小鹿歡迎食客。哎唷，依個咪是但哥？！店主見小肥咁識貨，即解釋話店內o既卡通人物原來就係出自「Is But Gor」手筆，OIC！餐廳o既午市套餐全部都包有餐湯及$38或以下o既飲品，另不設加一服務費，西餐黎講都好經濟。是日餐湯之南瓜忌廉湯：南瓜忌廉湯清香微甜，輕巧暖胃。白松露菌意粉（$148）：真係估唔到一間咖啡店o既意粉麵條可以煮得如此煙韌彈牙，講真比坊間好多自認為意大利餐廳o既食店更為出色！簡單以白松露菌點綴已夠芬芳美味，讚！紐倫堡腸（另加$15）：加$15有兩條腸，絕對抵食。白酒牛油蜆肉意粉（$108）：老五所點o既白酒牛油蜆肉意粉麵條一樣咁al dente，個白酒牛油調味亦好芳香甜美。煙三文魚（另加$28）：煙三文魚呈花花形狀，小肥雖然冇份食，不過淨睇都覺得好靚。餐飲老五要咗杯凍齋啡黎提神。Cappuccino（單點$38）：喺咖啡屋食晏，小弟已學懂要點杯有拉花睇o既cappuccino。杯靚啡柔滑得黎帶有陣陣朱古力

今日睇完朋友打比賽, 係附近搵左間西餐廳食LUNCH,  呢間餐廳真係值得推介, 因為本人覺得真係好好食, 除了味道亦食得出大廚用心的製作. 首先我地叫左個 Mini Egg Benedict with Salmon $42, 呢個價錢一D都唔貴, 還配了沙律菜, 一上枱見到隻蛋已經好想一刀切落去, 哈哈, 嘩…..見到MA, 流心架, 好鬼正, 個種濃烈的蛋香味, 還配上了三文魚, 令到成個餐都豐富起黎.跟住叫左個炭香卡邦尼(SET)$108, 包埋飲品&是日餐湯, 不過WEEKENDS係不包湯, 濃濃的醬汁, 最啱香港人既口味, 每條意粉都被醬汁包住, 味道帶點蒜香&芝士味, 還有煙肉帶點咸香味.呢個又係不得了, 酒香鵝肝配精選安格斯牛肉漢堡$138, 安格斯牛相信係大廚自己打成的, 因為好鬆軟, 唔鞋口, 鵝肝也煎的香脆, 好JUICY, 還加上了沙律菜減輕了油膩感.仲有呢個火腿蛋卷, 嘩…..呢個係好考功夫既菜色, 口感超級滑溜, 入口即溶既感覺, 食多幾件都唔覺漏, 加上了火腿增加了口感, YUMMY YUMMY.最後叫左柸Cappuccino 劃上了完滿的句號.

Among the allies of wan chai I found this small cafe for a cozy dinner. It gave me a few surprises:First of all, it is operated and managed by a men's team! Hahaha, unlike all the other girly cafe, all the staffs & chefs in my sight were men. However, they've put a lot of effort into the decorations and dishes.This interesting name of dish come across to me when I go through the set menu. Then I only realised what is it when I see the picture on the main menu.That's a very creative dish with int

灣仔真係好多美食，今日朋友就帶左我黎呢間cafe食好野。一入到去就已經好好feel, 因為店家正在播Beetles, 調子輕快，真正ge經典金曲。好多款咖啡。唔食set都仲有好多選擇。我地兩個人叫左一個A同一個H。先上飲品，第一次飲shaken tea，士多啤梨同茶味balance 得好好。mixed fruit tea，個杯好有英式tea set feel~麵上面鋪滿蟹肉，蘆荀好嫩，個汁較重黑椒味。一上枱就好香松露味，好中意個汁，掛上意粉連埋d菇菌一齊食，好正！追加煙三文魚，食得出高品質，我地連d沙律菜都清埋。追加水煮蛋，加埋落意粉食會多一分蛋香。檸檬柚子蛋糕，食落口好香檸檬味呢。真係值得一讚店鋪揀ge歌，懷舊又夠relax。

ordered a burger and fries. the burger was raw and on top of that it tasted horrible. they couldn't even give me ketchup to cover up the rancid taste of the burger. I took two bites and threw it out. There are a number of places to get a good burger for the same price in Wan Chai, you would be nuts to go here.

生活總會遇上難過失意時，在恬靜的咖啡廳來個小聚會，互相抒發心中的鬱結，道出你瘋我瘋的故事。這晚在I’m nuts 小聚，就看看是誰瘋了。最怕吃多醬油肥膩的漢堡，兩個漢堡的沙律菜都不少，食落清新，漢堡扒肉汁嫣紅鮮嫩，亦很有厚度。唯一是漢堡不夠熱，漢堡的芝士完全沒有溶化，食物都放涼了才上枱，可能是近日天氣轉涼的關係吧，又或是店內人手不足，天冷冷只想吃點熱騰騰的。由於不知道漢堡有附送薯條，我們有額外點了一份薯條(+20)及巨型波特貝勒蘑菇(+$20)。光是名字就充滿氣勢的「陸海灘上的巨型軟殼蟹」，軟殼蟹比平時在日式連鎖壽司店吃到的要大隻得多，綠色的意粉灑滿了芝士粉和蒜蓉碎，有如在綠洲上橫行的軟殼蟹，整個情節畫面就出現在眼前！意粉的份量略小，勝在有創意和賣點搭救！整體食物及服務中規中矩，價錢不設加一收費，唯一是食物不夠熱。Cafe地方小小都提供不少甜點選擇，下次找個周末下午再來吃份蛋糕，歎杯咖啡。

上次來 I’mNut 吃過晚餐，沒有喝過咖啡一直令我若有所失。襯著休閒星期天早點來吃過下午茶， 其實主要是嘆杯咖啡。下午茶選擇比一般 Café 多¸ 有A-H 咁多。 我今天居然一反常態, 居然點了咸食 $48 炸野最怕食落唔夠香口，這裡食物是即點即做， 所以炸魚和著條都係熱辣辣。 魚柳一切開出晒煙，如果炸皮薄返小小更好。 雖然薯條一向只是配角，但這些粗薯條吃落特別香脆可口，我不理這麼多， 把所有薯條吃光。 吃過食物後，就到我享受咖啡時光。我喜歡咖啡, 但只局限於某幾種類。Piccolo 稱不上是我常飲的味道，咖啡上的拉花已看出咖啡師的精緻手藝。Piccolo的牛奶比例只有Latte的一半。由於奶少，能突出咖啡豆的原味，奶泡薄而棉密,，咖啡濃郁味道純厚, 不太甘澀，囗感香醇細緻 。味道平衡就是我想要的味道。

在沒有計劃的情況下，在灣仔修頓附近，汕頭街找到了這一間裝修非常有藝術感的餐廳。被它吸引進去試一試的，還有他的餐廳名字 ，I'm Nuts! Nuts 除了解作果仁，亦解讀為狂熱。一間Cafe ,想把自己狂熱的部份展示給客人，一定是咖啡狂熱者。所以很期待他們的咖啡，很想感受一下他們的狂熱程度。進入店內，有很多手繪的藝術裝飾，店家另一方面，也在展示對藝術的狂熱。很欣賞，一間很有態度的Cafe！坐下來，先order了 Latte 和 coffee! Latte 端上來的時候，店員說是根據我的側面手繪的。那一刻既意外，又感動。喝下去，更令人意外！鮮奶打得非常細膩，配上香濃又沒有任何苦澀味的咖啡，整個感覺非常合襯。每一口都是令人回甘的咖啡香，原本我哋兩個人仲喺度吱吱渣渣， 講八卦嘢，個一刻，一人一杯咖啡在手，只想專心喝咖啡，咩都唔想講住。椰奶 expresso Try it! 會是怎麼樣的化學作用？留給你會意。飲完一杯靚咖啡，自然就好想試吓佢哋嘅美食。先黎兩個小食。白蘭地酒煮凍鵝肝多士脆脆既多士，塗上濃濃既凍鵝肝，好食都無得輸。酥皮薄餅二重奏看似 pizza 的薄餅，用了酥皮做底，咬落去脆卜卜

就係鍾意細細嘅cafe，聽聞呢度嘅老闆係咖啡友，即刻走嚟試試一向喺cafe，食物種類都唔會特別多，但呢度竟然有好多喎！有set lunch，仲有散叫menu入面有意粉、咖喱飯、burger、沙律、all day breakfast、三文治、bagel、其他輕食，最重要係仲有自家製甜品！！！！咁既然嚟飲得咖啡，唔洗諗一定係試Single origin hand drip啦！不過，老闆都有介紹吓佢哋部購自「La Marzocco」牌子嘅「Strada AV ABR」型號咖啡機，全港得佢呢一部㗎咋！識就返咖啡粉有幾重佢就出幾多水，咁樣嘅比例先係完美！韓式辣肉醬意粉配水波蛋 ($78)呢個真係有創意，我唔食得辣，食少少已經覺得辣；不過切開隻蛋，睇住蛋黃緩緩滲入意粉，又真係幾正嘅！意粉唔會煮到爛晒，有少少al dente，唔錯！英式炸魚薯條 ($98)係3塊魚塊，即刻好掛住英國食開大大條嗰啲炸魚。雖然係咁，但魚塊炸得金黃色，而且無炸漿還炸漿，魚還魚咁樣，總算滿意啦美國(O.C.)無添加純牛肉配汁燒洋蔥漢堡 ($108)一切開，啲肉汁必晒出嚟，同平時食開嗰啲牛肉真係好唔同，食落肉味濃好多好多倍！煎

今日我約左舊同事去左灣仔試試新野食因為佢見到OpenRice上面啲圖佢話好似幾正咁所以我哋就去咗啦由於佢係咖啡迷 所以佢都叫咗杯咖啡Coconut coffee 呢個係我人生中第一次飲嘅咖啡 亦都好少香港嘅咖啡店或者餐廳有得飲嘅咖啡 店員為我們送上咖啡後 就講解點樣飲會更加好味 枱面上分開兩杯嘅 一杯係coconut 一杯係咖啡 而個咖啡係由意大利豆咖啡製造嘅 佢話每個人都可以調節咖啡嘅濃度 所以放幾多咖啡入coconut係因人而異嘅 而我就覺得味道幾特別又可以一次過飲左兩樣唔同嘅嘢 而且我覺得幾夾個味道 1d都吾怪 若果鍾意飲咖啡嘅你哋就一定要試吓呢度嘅咖啡 因為你呢到既咖啡係由外國來的之後我叫左美國無添加純牛肉漢堡呢個漢堡比我想像中好味 首先漢堡包係脆嘅 而且上面有啲牛油 變咗好似蒜蓉包咁 入面嘅汁唔會再係沙律醬咁普通 佢用咗洋蔥汁 令到成個包都好香 好入味 不過入邊嘅牛肉就差少少 因為有少少硬 但整體上都吾錯 份量好大 而啲薯條都炸得幾脆 同埋係比較粗 食起上嚟會更有口感最後我同事就叫咗c餐去去骨春雞配薯蓉佢話雞肉都幾嫩滑 而且去晒骨好方便 因為係公眾地方又可以食得斯文啲 味道都

響灣仔返咗工咁耐，都唔知原來有呢間cafe ， 今次好彩同事帶我來試一下。餐廳唔太多座位，下午兩點半嚟到唔算太多人，坐響度有一種閑情逸致嘅感覺。午餐選擇唔算多，但響灣仔來講一點都唔貴。點左一個午餐，入面會跟餐湯同餐飲。今日嘅餐湯係忌廉雜菌蜆湯。材料十分充足！入面有薯仔同埋蜆肉，湯底又濃又杰！好好飲！忌廉湯入面滲出陣陣蜆肉嘅鮮味！主菜要咗牛肝菌意粉，芝士味十足！雜菌亦都份量好多！意粉夠Al Dente!! 條條意粉都掛住忌廉汁！仲有少少黑椒，食落更加香口！嘉義＄28要咗一份煙三文魚，捲到成朵花咁好靚！食落味道亦都唔錯。我哋仲散叫咗一份鵝肝安格斯牛肉漢堡！估唔到份量亦都好大好多！漢堡牛扒好juicy!! 入面嘅鵝肝亦都煎得好香！油分充足！令到整個漢堡包亦都好香！薯條用上粗身薯條，外脆內軟。餐飲要左水蜜桃梳打同埋草莓梳打，梳打水用咗泰國大象梳打水，好夠氣！不太甜！原來灣仔都有一間寧靜而且悠閑嘅Cafe！食物質素又大又唔錯！下次一定來試吓其他嘢！

今晚黎左灣仔尋寶搵食，開心大發現呀! 灣仔汕頭街全條街都好多各式各樣有Feel既餐廳，我同朋友想靜靜地傾計，我地選擇去左 『I'm Nuts』，『I'm Nuts』係一間以咖啡為主打既Coffee Shop；環境舒適寧靜，裝修企理，牆上有松鼠畫為主角嘅插畫，絕對係嘆咖啡，傾計既好地方。 餐廳有個自助區，放了水杯、各種調味料、水等，客人可以自行隨意享用。 餐廳有提供晚餐選擇，價錢由HKD108-128不等 (每個星期也轉餐牌的)，每款晚餐也配有餐湯及$38以下的飲品；如果唔想食Set亦有散叫。今晚我地點了『綠海灘上的巨型軟殻蟹$148』、『煙燻三文魚沙律$72』、『雙層芝士美國純牛肉漢堡$128』。 所有食物即叫即整，先黎餐湯，『蜆肉磨菇湯』夠熱夠香濃；『煙燻三文魚沙律$72』夾雜著煙熏味、橄油香及三文魚香味，配上新鮮沙律菜，健康又開胃。 全晚最期待既係『綠海灘上的巨型軟殻蟹$148』，呢款菜好有創意，一望，成隻蟹伏喺一片草源上面，軟殻蟹好大隻，成塊面禁大。其實個綠海灘即是菠菜扁意粉，店員話個菠菜醬係自家製架；至於軟殼蟹炸得岩岩好，唔會太油，夠甘香，面頭灑滿芝士粉，配埋軟殼蟹食，好夾。