焰淑泰國餐廳 (Closed)

收工後，去到銅鑼灣登龍街搵食，見到VPoint新開了一間泰國餐廳，見到佢哋嘅餐牌原來每日都有做餸菜半價優惠，呢一日就做半價海南雞同咖哩，見到個2人套餐都有得揀海南雞，價錢都算是合理（$388），而且非常豐富，所以就叫了二人套餐。先叫了飲品，大大個泰國椰青（$38），真是消暑良品。另外，叫左泰式奶茶（+11），我叫左少甜少冰，味道冇咁甜岩岩好～套餐先來的椰汁雞湯，店員送到上枱，重重的椰好香，湯裡面好多雞肉和磨菇，個湯好足料～小食就叫了沙嗲鴛鴦串，佢係豬同雞各一半，雞肉串肉質很鬆軟，而家豬肉食落去很嫰滑～招牌海南雞飯塊塊雞肉都啖啖肉，點埋個海南雞酸辣醬，酸酸甜甜好開胃～馬拉盞炒通菜炒得又熱又香又野味，火喉十足，味道都唔錯。菠蘿炒飯係超級足料，上面有腰果、肉鬆、提子乾、蕃茄同青瓜，食到中間係落左好多雞肉去炒。另外，幾特別的是落左臘腸粒去炒，咸咸的吊味，使整個菠蘿炒飯味道完全昇華～最後的甜品是山竹椰汁糕和碟豆花千層糕，因為味道幾特別，所以問下店員甜品係用咩材料，得知原來是這店舖是由泰國廚師去主理，難怪很有泰國風味呢！

同媽媽行銅鑼灣 經過見到呢個半價優惠 就俾阿媽拉咗入黎當日係星期四 可以以半價叫泰式燒牛肉或者係泰式辣汁炒蜆 二選一炸蝦餅 ($68)炸到金黃色 外層香脆可口 內層口感彈牙 附上既甜酸醬好似比一般餐廳既多左陣柚子味 阿媽食到停唔到口泰式辣汁炒蜆 ($59)因為我本身唔係好食得辣 所以就叫左少少辣 d蜆都幾肥美同新鮮 最緊要係整得乾淨無沙 小小辣好過癮原個菠蘿炒飯 ($98)賣相好靚 仲用個竹籃載着好有特色 炒飯混合左腰果.蛋,雞肉,蘿蔔粒.青豆.粟米粒同提子乾一齊炒 塞到滿滿 份量都唔少馬拉盞炒通菜 ($68)份量唔少 個汁唔錯 不過通菜就唔夠嫩椰青 ($38) 椰青沙冰 ($48)左邊既椰青係阿媽叫既 椰青水好清甜 仲可以自己挖椰肉食 右邊既椰青沙𣲙就更加消暑解渴 d冰整到好幼好綿 岩晒而家咁熱既天氣同埋唔係好食得辣既我 一邊食辣野一邊飲沙𣲙真係好歎

今日黎到附近做野見到快到晚餐時間就決定係呢邊食埋行到黎V point附近見到呢間餐廳做緊半價優惠一星期七日 每日都有唔同優惠只要食一樣正價菜式就可以半價食到優惠既菜式睇落好正常但佢既優惠菜式好高質唔會出現食完正價菜式都唔想半價食優惠菜式既情況 店員仲好有心同我地介紹好欣賞呢間餐廳雖然只係開左兩個幾月但每一方面都做得好好好多細節位都好貼心預備得好充足聽到店員話午餐有得加幾十蚊有半自助餐好吸引下次要試下 我地最後決定叫個粉絲焗大蟹煲呢個就係半價優惠菜式減左百幾蚊而且係成隻蟹切件上份量十足好抵食蟹既肉質算係結實而且蟹肉既鮮味好足咬落仲有肉汁流出黎好新鮮而且好大隻一對蟹拑加埋仲大過我隻手掌食完好滿足而且醬汁用左唔同香料製成好惹味再食埋吸哂醬汁既粉絲真係有幸福既感覺 另外仲有鮮蝦炒金邊粉炒金邊粉同什菜一樣都係超有鑊氣金邊粉炒完之後放成一個半球體表面有蛋皮包住唔知仲以為係蛋包飯賣相一流旁邊放左青檸 辣椒粉同花生比客人自己調味岩哂唔同人既口味金邊粉炒得好好每一條都味道好均勻好入味而且條條分明 泰式炒什菜泰式炒什菜好有鑊氣拎上枱熱辣辣仲勁過一般既酒樓炒菜食落好惹味但比想像中冇咁辣問過老闆先知原來係特別

朋友話銅鑼灣開左間泰菜好正!!!就相約黎食，餐廳位置係登龍街V Point地下, 鵝頸橋底打小人對面個到, 都幾易搵。實情打完小人嬲嬲地要食餐好！入到餐廳，發現裡面既吊燈好有特色坐位比一般既餐廳寬敞，一改銅鑼灣背貼背食野既苦況。侍應好耐心為我地介紹有咩招牌菜,最近有咩新推介 同 優惠我覺得依個超級正，只要係餐牌簡一個正價菜式，就可以簡一款指定菜式半價優惠，仲要每日唔同款，哇！仲要有烏頭同蟹煲半價食，超正！🌟我就簡左泰式明爐烏頭$84💁🏻‍♀️而家好小地方有,仲要半價喎！記得一坐底要馬上落單因為需要30分鐘煮,咁可以落左單先再諗其他，烏頭上台既時候係７-８成熟，下面會有個火熱住，等個汁比條魚慢慢吸收，餐廳仲比左多一碗湯加落去，可以慢慢煮慢慢食，再慢慢加湯就好入味啦；烏頭真係超級滑，得中間一條大骨，上面有齊青檸檬同黃檸檬，好清香既檸檬酸酸辣辣好開胃。🌟紅咖哩豬肉$88💁🏻‍♀️裡面有粒粒菠蘿、蕃茄、豆角….令到口感帶有微微酸甜既酸辣；唔好睇佢細細碗，其實份量都好多，個咖哩香到食２碗飯都得😍😋 🌟脆肉乾炒芥蘭$78💁🏻‍♀️ 脆肉就係炸脆左既燒肉，  用黎炒芥蘭好夾，芥蘭本身味重爽口， 加埋脆肉就

鮮蝦冬陰湯非常鍾意依間餐廳嘅冬陰湯，辣味足夠，而且冬陰湯加入鮮蝦一齊煮，所以啖啖蝦嘅鮮味。鮮蝦炒金邊粉賣相一流，一改泰國菜唔注重賣相嘅印象。可惜金邊粉調味偏酸，而且金邊粉炒得唔夠乾身，整體表現不過不失。柚子大蝦沙津柚子大蝦沙津份量多，適合多人分享。沙津味道偏酸，但加上炸過嘅椰絲有少少苦味，平衡返整體味道。椰青椰青冰凍清甜，係夏天必叫嘅泰國飲品。泰式奶茶一般泰式奶茶都會偏甜，香港人未必接受到。但依到嘅泰式奶茶奶味較重而甜味較輕，更岩香港人口味。椰汁綠豆糕椰汁味香，唔會太甜，唔錯。黃咖哩椰汁味偏濃，好適合配蒜蓉包。薯仔夠入味，牛肉唔會太硬，整體唔錯。幫襯個陣，餐廳咁岩有晚餐優惠，咖哩牛肉都係$44，感覺上非常抵。

係登龍街新開左間泰菜館，裝修不錯，用的色調和燈飾泰味濃，而且樓底高，很有空間感。二人套餐($388)給有選擇困難症的你，由前菜、湯、蔬菜、主食到甜品都有，很划算。單點餐單食品，可以加點每日不同的特價菜式，緊有一款啱你。水也很有東南亞風味，唔係加檸檬，而係加班蘭葉，口味清新。椰子雞湯(細)的椰味香濃，湯加了香茅、車厘茄、草菇，微辣味道中帶點酸甜，有d似冬蔭公，如果閉上眼喝，真的分不出是不是冬蔭公。雞肉份量不少，給的很大方，肉質也很滑嫩。炸蝦餅(3pcs)蝦味鮮，甜酸醬很開胃。招牌海南雞(例牌)不會很肥，肉質超滑的，配酸辣醬幾惹味。推介脆肉乾炒芥蘭，芥蘭有削皮，所以很嫩，沒有渣，用蒜蓉炒有種清香。腩肉香而不腻，個人認為比蝦醬炒得好吃。食物幾有質素。大蝦炒金邊粉用蛋網包住，賣相不俗，金邊粉炒得爽身，不會很濕，醬汁的甜酸味可加重些。凍泰式奶茶 ($13) 幾正宗，泰式茶葉和煉奶比例ok，也不會太甜，蠻順口的。熱檸檬水 ($11)是日甜品係蝶豆花千層糕和山竺椰汁糕，很特別的新派泰式甜品，味道新鮮，不會太甜，期待主菜都有新idea!

時代廣場附近的登龍街，就在鵝頸橋附近的V Point商場新開了一間泰國🇹🇭餐廳，門面裝修設計很有格調，留意到他們最近推出一些半價優惠的菜色，於是這個星期天就約了友人試試向街特大玻璃，樓底很高，椅子用金黃色配合牆身金屬感，泰好feel，店內客人不少，但空間感十足，完全沒有擠迫的感覺星期日的優惠軟殻蟹咖哩配法包，半價祇需94元，今天算是為它而來，店長待客非常熱情，招呼細心，簡單的一杯清水（有班蘭葉）已經充滿泰國味道，見微知著留意到器皿清潔到位，立立令，細節地方都特別講究，一絲不苟，令客人更有信心軟殼蟹咖喱，色澤金黃吸引，上枱時香氣四溢，未食已經口水流軟殼蟹混和咖喱汁，特別惹味，脆中帶腍，胃口大開，再把咖哩汁塗上法包，真係有幾多食幾多，唔好比佢停策略再叫一個菠蘿🍍炒飯，因為又可以加啲咖哩汁而炒飯都好豐富喔，尤其是好多鮮菠蘿，肉鬆、腰果，炒得好香，每一啖都充滿層次感，特別🈵️足泰式拼盤包羅萬有，春卷、蝦餅、魚餅，仲有兩款串燒，同時滿足幾個願望蝦餅、魚餅，新鮮美味，春卷脆卜卜，餡料豐富，超美味，食泰國嘢幾時都要食返個拼盤，泰美味泰式甜品特別迎合香港人口味，唔會太甜，好香椰子🥥味，椰青肉厚清甜，絕對

Vpoint 是銅鑼灣的新潮食廈，集結唔少高水準的餐廳。今天同honey發現Vpoint 地下開了一間新開的泰國菜餐廳,身為foodies的我們，一於試試看。這間餐廳採淺木色作主調，天花懸著藤織吊扇和吊燈，裝修新頴時尚，感覺高雅，氣氛唔錯。這兒的選擇繁多，有各種沙律、串燒、咖哩、泰式炒粉麵以及甜品，應有盡有。而且每日晚市都有兩款精彩的半價優惠！例如咖喱大蟹由$328，減至$164；明爐檸檬烏頭魚$168，半價後$84；而軟殻蟹咖喱可以$94享用（原價$188），認真超值！軟殼蟹咖喱配法包$188/半價$94軟殼蟹炸得酥脆可口，掛上香滑的黃咖喱汁，甜甜地，味道香濃又唔辣，仲滿有椰奶風味，加上香脆的蒜蓉多士，認真好吃！炸蝦餅$68蝦餅炸得鬆脆可口，蝦味十足，口感彈牙，再沾上甜酸汁，甜甜酸酸，好吃！馬拉盞炒通菜$68這通菜炒得軟嫩，火侯十足，加上微辣的馬拉盞，十分惹味好下飯。原個菠蘿炒飯$97這炒飯份量十足，用料豐富，有鮮菠蘿、肉鬆、雞肉、臘腸和雞旦。飯粒炒得粒粒分明，又唔會過於油膩，加上脆香腰果、香口肉鬆同惹味臘腸，味道十分豐富又滋味。凍泰式奶茶$25這奶茶工序繁多，先焗茶再拉茶，然後再放

今日約左朋友去銅鑼灣食飯試下泰菜😋呢間焰淑前身嘅越南餐廳都常有黎幫襯 因為地理位置好方便～～同朋友仔兩個都好鐘意食泰國野，所以一見到餐牌就乜都想叫😂最簡單嘅叫左個柚子沙律，冬蔭公湯(一人份)，泰式炒金邊粉，咖哩雞加飯柚子沙律幾好味喎！有花生有炒椰絲碎，甜甜地幾好味，份量都夠大，抵食！大蝦冬蔭公湯叫唔到全份，經理介紹要個一人份試試味，略嫌偏鹹，廚師太重手了😛不過個人口味不同！黃咖哩雞係無骨嘅！非常好！仲要今日有半價！抵呀！就咁食味道好濃，有少少鹹，不過送飯食就剛剛好！perfect池！好味！經理仲介紹食蒜蓉包，下次再試～大蝦炒金邊粉個賣相好靚，整到好似菠蘿咁，食味就正常啦～同朋友一人一杯野飲檸檬草班蘭葉汁蝶荳花青檸汁偷飲左朋友杯班蘭葉一啖😛原來班蘭葉汁整野飲幾清新下～清清個味蕾 十分refreshing! 自己杯蝶荳花青檸汁，顏色好吸睛🤣杯底有啲蒟蒻，不過飲管太幼好難啜haha🤣食到尾聲 經理送來兩款甜品！正啊🤤咖啡啫喱同班蘭大菜糕咖啡啫喱不過不失，大菜糕有點驚喜，幾香班蘭味！👍泰國野要突圍 除左食物質素好 就要好似呢間餐廳既經理咁好客，有心思先吸引到熟客！下次一定會再黎！

見到銅鑼灣有新開泰國餐廳，喜歡泰菜的我又點可以錯過呢，今日和朋友行完街就即刻來試一試了這間餐廳吸引我的是門面，因為裝修比較新派，餐廳店面感覺舒服，枱面都是用比較簡約文青雲石面，影相好靚。還有因為價錢比較吸引，晚飯時間每天有兩個菜式做半價優惠👍馬拉盞炒通菜＄68通菜新鮮，爽口，而且炒得很入味，不會太油這是晚餐半價優惠的辣汁泰式炒蜆＄59食到我們舔舔脷，每一粒蜆都大粒飽滿，辣汁的味道剛剛好，野味得來又不會太辣，而且店員非常之細心，因為我用手食，店員見到我們手都是醬汁，主動遞上濕紙巾，服務非常之好👍半價只是＄59 ,必點，超值😱泰式明爐烏頭＄168明爐烏頭是食泰菜必點的菜色吧，烏頭魚份量大，適合三至四個人，肉質實而小骨，不會太鞋口，泰式醬汁都酸辣適中，食落開胃，另外會配上一大碗湯汁，這點是比較加分的，烏頭魚一般食到一半的時候會燒乾汁，這裏可以讓你自己加湯汁👍味道非常鮮甜。冬陰公湯＄68香，酸，辣齊全，比較重口味的一款菜式，配料有一大隻開邊蝦，蝦🦐的肉質爽滑，很新鮮，冬陰公湯入口先酸後辣，非常刺激你的味蕾，好過癮，好好飲，一碗的份量夠兩個人飲椰青＄38食泰菜又點少得椰青呢，夠冰凍👍銅鑼灣這地區

每年六月七月，我的竹昇姨娚總會趁暑假回港，佢哋今次很特別，指定要我帶佢去鵝頸橋， 為的是想體驗一下打小人這獨特文化。哈哈，這一去竟也令我感受到一點旅遊feel. 不去不知，鵝頸橋旁有個開業不久的新商塲叫V Point , 時尚的設計令我們很隨意的就行了過去焰淑泰國餐廳位處登龍街V point 的街角，正正座向橋的地面，鋪面相當寛闊、特高嘅樓底非常有格調，我們自不然停下了腳步，再想起酸酸辣辣的冬蔭公湯，實在太想食了潔靜的餐具排放整齊，雪白的雲石枱面感覺優雅，沒有太刻意的泰國裝飾，但招呼你的員工大部分都是泰國人。炎炎夏日，點少得酸酸辣辣嘅冬蔭公湯，足料冬蔭公夠薑夠料又夠香，食得嘅材料全部都非常新鮮，海蝦、番茄、草菇樣樣齊，酸辣適度，湯底料頭惹味，還帶點點嘅椰香咸蟹我還是初次接觸，原隻BB蟹醃得很咸很咸，這是正宗泰國人的食法，青木瓜沙律爽脆可口，泰式醋汁開胃醒神，清新的感覺更有助平衡冬蔭公湯的酸辣感咖喱軟殼蟹一到，色香味全滿分，看見這一牒菜，竟有點心花怒放，咖喱醬料是溫和帶椰汁香味那種，不會吃得你熱血沸騰，難以形容嘅魅力會令你不斷用法飽蘸點。過往食泰菜咖哩一般主打肉蟹或豬牛雞肉，個人因為嫌食

放左工近近地在銅鑼灣揾嘢食，行經登龍街見到一間新開的泰菜，所以決定試下裝修幾靚，環境好舒適，一坐低已經有一種relax的感覺今晚揀左一個二人套餐set$298五選一(春卷/蝦餅/魚餅/ 沙嗲駌鴦串/泰式酸辣鳳爪)我揀左蝦餅~炸得好脆，裹面的蝦肉仲好彈牙好新鮮，配埋泰式酸甜醬食，正二選一(椰汁雞湯/冬蔭宫湯)我揀左冬蔭宫湯裏面有好多配料，如蝦和磨菇等，酸辣度亦剛剛好，好開胃三選一(香草豬手/肉碎生菜包/海南雞)揀左海南雞~肉質滑嫩，皮薄，有雞味馬拉盞/咸魚仔炒時菜(椰菜苗，芥蘭，通菜)揀左馬拉盞通菜~覺得馬拉盞配通菜簡直係perfect match, 食泰菜必選肉碎生菜包$88~每一次食泰菜必選項目，肉碎裏面夹集住薄荷葉，葱頭，葱等，好惹味用新鮮的生菜包住食好正呀！跟餐揀餐飲半價好抵呀！我揀左龍眼冰，好清凉，唔會太甜，仲有大大粒龍眼肉食，朋友揀左熱奶茶，首先要稱讚一下店長Jack的好介紹，他把杯先加熱才放茶下去，他說這樣才可keep住茶的温度，這杯奶茶他有份調校，朋友說奶茶在口中有回味的感覺，好好味甜品是班蘭大菜糕, 好香班蘭葉的香味，大菜糕爽爽的，好舒服！呢間餐廳的店員和店長都好有禮貌

一直對泰國菜都無法抗拒，超中意食的說！今次黎到呢間焰淑泰國餐廳，一入去已經反傳統，未見過食泰菜係用雲石台咁令咁咁光猛☺️坐又坐得舒服～👉🏿✨炸蝦餅 Hkd 68 💸📌係炸得幾香脆！啖啖蝦肉😍不過岩岩炸起都係超超超熱，食個陣記住灘凍啲先食😞唔好辣親呀！一定要點泰式辣醬😈👉🏿✨馬拉盞炒通菜 Hkd 68 💸📌呢到既價錢定價都好合理～唔怕比人宰😂馬拉盞通菜都幾夠火喉，不過就咸左小小，配飯食一流！食落去唔知點解食到陣檸檬葉既香味👀同平時食開個啲有小小唔同，真係比較似泰國風味呢👉🏿✨鮮蝦炒金邊粉 Hkd 98 💸📌上到黎估唔到佢仲有埋網蛋😍不錯喔～食落都有甜味，不過就酸左小小。蝦都有4大隻，又係好夠獲氣，側邊都有花生同辣椒俾你點住食，如果有埋糖就更正👉🏿✨椰青 Hkd 38 💸📌真心飲啲咩唔係梳打就係椰青😂呢到既椰青好清生，超解渴呀！入面既椰子肉又唔會硬梆梆，好嫩，超好飲🤙🏿同埋店員都勁好一直幫我地加水，搞到勁唔好意思呢😂

今晚同爸爸去係V-point嘅焰淑泰國餐廳食泰國菜，入面環境設計唔錯，乾淨企理，令人坐得好舒服，而且店員都好有禮貌，今晚食得好開心！餐廳逢星期一至日每日都有唔同既半價優惠活動，只要點餐牌上任何一個正價菜色就可以享用！今日星期二優惠有我鍾意嘅明爐魚！半價後只需要$84，份量同正價一樣多，真係超抵食！重點烏頭魚好新鮮啊！魚肉食到鮮甜味，口感又嫩滑。明爐煮烏頭配料入面仲有好多菇菜同瘦肉碎，好豐富喔！我地仲點左泰國嘅代表木瓜沙律($58)做頭盤，醬汁酸甜開胃，青木瓜口感爽脆，令人食慾大增！咸魚炒芥蘭($68)咸魚份量唔少呢，仲大大舊，令普通嘅炒芥蘭變得更惹味！惹味得黎又唔會過咸，食到底都唔會覺得好油，真係唔錯！馬拉盞炒通菜($68)通菜就用馬拉盞炒嘅方式，惹味之餘仲帶點辣度，食得出菜係非常新鮮，而且炒得夠火喉！黃咖哩雞($88)怕辣嘅我最啱就係食黃咖哩，椰香味夠重，辣度低，每次都食到勁滋味！辣度等級:黃咖喱<青咖哩<紅咖哩雞肉份量都好多，仲有好多洋蔥薯仔，食到好滿足喔～最後，店長仲送左甜品比我地食！係芒果布甸啊，聽講每日甜品都唔同，係由泰國師傅決定當日整咩款式，好有新鮮感～

今日去銅鑼灣覓食，發現原來登龍街有唔少睇落唔錯嘅餐廳。朋友好鍾意食泰菜，所以我地就揀咗依間餐廳。唔知係咪最近開先有依個優惠，但逢星期一至日都有兩款菜做半價都幾掋食。而且中午出面有半自助形式嘅bar，可惜我地食晚餐冇機會食到。今次食咗推介嘅鮮蝦炒金邊粉($98)。賣相唔錯。有薄薄嘅蛋網住金邊粉，旁邊有辣椒粉同花生粒。金邊粉炒得好入味，而且好足料呀。另外叫咗個特色小食拼盤($128)。都幾大碟，有炸蝦餅、炸魚餅、沙嗲串同特色春卷。分量足夠兩個人分享。其中炸蝦餅同炸魚餅做得好出色。炸蝦餅個炸皮唔厚，蝦肉彈牙，好有手打嘅感覺。而我就最鍾意食魚餅，佢好有香茅同魚嘅香味。沙嗲串不過不失。個特色春卷可能我哋擺耐咗個皮就唔脆了，但入面嘅餡都塞得好脹卜卜。拼盤連埋沙嗲醬同泰式辣醬一齊上，不過我哋覺得都夠鹹就無點。辣汁豬頸肉沙律($88)。所謂沙律其實係生菜，餐廳比咗好多豬頸肉我哋，雖然就咁食可能會有啲鹹，但包埋生菜就覺得都幾好食。豬頸肉調味好足，咸咸地微酸，香料味濃，幾有泰國味道。朋友叫咗個聖獅梳打水($22)。我嘅凍泰式奶茶($22)有泰式奶茶嘅茶香，但就唔會好似泰國嗰啲咁甜，正合我意。