狗毛

Open Now

Now Closed

服務員態度很差，等了40分鐘還沒上菜，催了2次都只說炒緊,完全沒見她幫我跟進。當食物到了，是凍的。我們等了40分鐘，說正在炒，那為什麼剛炒好的食物是凍的?還有，當你沒有位置，就不要再接新的客人。你接了新客又要已落單的客人轉枱。轉都不緊要，但你比的新枱根本不是用來食飯的，還好意思和客人說新枱坐得比較舒服。如你只重視做晚上生意，請不要在做午餐生意。不建議給他人，都不會再光顧。

今日lunch想食泰國野 又唔想排隊就去左依到啦一入到黎已經覺得好臭好大陣煙味 我本身有鼻敏感 已經覺得個鼻唔舒服諗住快快手食完就走啦12點45到 等到1點30分上到菜叫左pad thai 黎到個麵好硬 好似未煮好咁待應態度又差好失望 以後都唔會黎食

中午set lunch等40分钟还没上main哦 关门得了真的 所有人都上菜了让服务员去问还说就这么是这么慢 哦问都没问 根本就是没做 再也不会来了 上班族能吃到饭上班么 上菜太慢 服务员服务差

If you are looking for a good Thai in central during rush hour. This is definitely a good place to go for. It is not crowded and never have to queue up. I ordered a green Thai curry and pad Thai. They taste amazing and the curry was not too spicy. The combination of chicken, egg plant and pepper were very matchy. However I think the restaurant is slightly understaffed which you may have to wait for a while to get the food, drinks and the bill. Apart from that the taste of the food are really goo

訂12人枱13:00, 訂枱時間前10分鐘打俾我地話張枱有問題, 冇解釋下取消我地個訂位, 真係好貼心同感恩地唔響12:59時打俾我地呀~ 得番10分鐘時間響邊度搵張12人枱呢?Booked at 13:00 for 12 and got cancelled 10 minutes before booking began as they told us something wasn't right with their table without any further explanation. Great job and excellent service! Where should we go eat?

酒吧中都有泰式風味的lunch~ 一行入去就見到大大張桌球枱，仲有d halloween既布置，都幾特別。 lunch menu都有不少選擇，我揀左個雞絲炒金邊粉，泥到大大碟，份量好夠，同埋熱辣辣，應該係即炒出泥，仲撈埋d紅色蝦皮仔炒，另整體更加有鮮味！lunch泥講算不錯

呢到有bar 枱，篤波，beer pog 枱。待應都著得好型，夜晚用作bar, lunch 就是正常餐廳吧。叫了一個牛肉及牛丸河 （$88加一）。到左之後先講無牛丸😢有點失望，若早點講就好點。但佢話多左牛肉，份量都大，所以就算啦～不過呢到生牛浸極都好生，仲係紅色的。叫佢加熱完都仲係紅色，食落5似係好的牛，好怕食到生蟲@@ 同行2個男友人點了一個Padthai 同肉碎炒飯，味道不過不失，但他們食完都仲係覺得飽餓，如果可以份量大點就好。

跟很多第一次寫食評原因一樣，我的原因是氣憤。剛剛中午時段在餐廳用膳，發現餐牌上有 一個 12:45 前離座便有九折的優惠，便於 12:40 叫服務員埋單，賬單送到時也已經過了四分鐘，亦沒特別留意有否九折，給予信用咭付款時才發現並沒有所謂的九折於是即時問服務員，其反應第一是說: 吓，有呢個優惠咩佢隨後問其他同事，返回來告訴我的是: 因為我未"離座"所以並不享有優惠 這間並不是快餐店，我亦不是埋單後坐著不走，而且埋單時間是 12:40 （見附圖）,何以會是未離坐而不獲優惠？？？？對此問題服務員仍堅稱我未"離坐" 而不會享有，真的感到匪夷所思。當然我不會為十多元再去爭議但我必須在此表達。本人當然不會再去幫襯及提醒其他同事不要去了。畢竟除了此等不合理的服務外，其食品質素也下降了很多，炒飯送到枱上竟然不熱（連暖的感覺也沒有）而且非常淋，湯麵的湯情況也是一樣，完全沒有上一篇寫的性價比高，服務好和禮貌感覺的餐廳。

位於中環旺區LKF呢個地段，竟然有間性價比高嘅餐廳，係值得鼓勵一下！店員服務好，有禮貌！環境不大，但有得飲，有得食，有得玩，確實不錯！坐低就立即點餐;二人份量。半骨雞翼。食起嚟好方便，炸得香脆但有保留肉汁，味道咸度適中！尤魚唔會好un，肉質原本無咩味道，但醬汁配搭得好。串燒足料，份量不少，肉味咸度也控制得宜。啤酒重有HH價錢，比平時嘅酒吧餐廳價錢抵！食物同飲品以LKF嘅價錢絕對唔貴，重幾合理。朋友重介紹話佢嘅蝦餅同炒金邊粉好食，下次會一試！係夜啲開始會播音樂，環境會嘈少少，但中意有氣氛嘅人應該會中意。店內重有得玩飛標同其他小遊戲。係一間有得食又有得玩嘅餐廳😉

Happy Friday 夜晚同朋友落左蘭桂芳因為 Hong Kong sevens 有after party 成個蘭桂芳都好熱鬧我地去左狗毛 食下小食 飲下酒 傾下計如果係下面一定勁嘈 傾唔到計😂我地叫左個泰式拼盤(春卷、蝦餅、魚餅、香葉包雞、雞塊) 仲有1664 同薯條飲野無薯條好似有d dry 呢個泰式拼盤 全部野都好好食 亦好地道最欣賞呢道既炸蝦餅 酥脆既外皮 咬開有QQ既口感 配上甜酸醬 好味呀！聽講 呢道既大廚係泰國人？！可能因為咁所以先咁正宗👍🏻另外，薯條係配上咖哩醬 好特別而且味道都幾夾喎😋

感覺好像好久沒吃泰式餐，所以就選擇了一間有泰國食品的酒吧進食午餐😂 本來想午餐吃生蝦有點過份，但女友說我好像很想吃就叫了。這個醬汁與我平時自行調製的有點不同，多點泰國感覺，不知用什麼調製呢？我很喜歡生蝦的醬汁，幸好不是太辣呢😋平時冬陰功飲得多，冬陰功湯麵都有見過，甚至冬陰功百力茲都有試過，但冬陰功炒飯我卻沒試過，所以今天就叫了這個來試試！來的時候就很吃驚有一塊芝士在上面，之後就立刻試試，沒想到它很有泰式冬陰功味道之餘，它和那塊芝士的味道很夾，完全沒有違和感，還增加了不少的口感和味道！對於這個炒飯評上很高的分數～

中午去食一個海鮮湯河粉，價錢不算很便宜要大概＄98 ,原本諗住應該都冇問題，點知嚟咗個湯唔夠熱，青口有啲凍，最唔得嘅係啲蝦，竟然係有啲發霉，所以一咬落去都好散，唔係第一次去，但質素有點每況愈下。其他：空位還是有的，但就不容許你坐低。

喺中環附近，突然想食thai,就openrice 左呢間上到去，有D 驚驚地，驚佢飲野就主忽略咗食物不過sorry....佢絕對好食過好多好多主打泰菜嘅餐廳。我敢講，呢間係so far 食過最好味嘅泰國菜燒豬頸肉燒到好香，但係仍然保留到個肉汁每件都切到好均勻，加埋個辣汁。。嘩。。。。掛住食，冇逐樣影喇通菜～又嫩，個味又出色，連普通炒碟菜都冇欺場生菜包，又係正到喊，個肉碎整得辣左DD,不過加埋個超fresh 嘅生菜，balance 返，剛剛好！另外仲叫左個咖哩，都係冇得彈呢個生蝦不得了喇。。。。隻隻好似牡丹蝦咁大隻，仲要全部都又鮮甜又爽口好感動！

第一次係呢間BAR食Lunch Buffet，的確好有新鮮感。無諗過泰式都會有Buffet，老闆真係識做生意，又好人，服務員個個都好有禮貌，好鐘意個環境同服務員，的確好有質素既餐廳!!!比個讚你地~~~環境唔算太陰，D野食真的唔錯...就係D野食好好食既關係，忘記影相......哈哈哈哈!!!首先Lunch Buffet D野食真係好好食，尤其係泰式豬手，D肉又嫩，個皮又脆又夠熱，好多公司同事都讚不絕口，加上仲有個冇骨海南雞，肉又嫩又滑，真係啖啖肉，好味未~~~而仲有個泰式拼盤D蝦餅同魚餅夠熱，個皮炸得好靚好吸引，仲有個冬陰公湯的確夠鮮甜夠辣，一個字"正"呀!!!仲有仲有，平時食泰式點都會叫下D串燒食既，咁我地又點少得串燒呢，D牛肉真係燒得夠嫩，肉質唔硬口，豬肉又夠爽口，加埋D汁又唔洗講喇，又係好好味^^.....還有還有個柚子沙律，柚子D肉好大粒又多汁，酸酸甜甜的確好開胃，耶汁糕又清甜好食，食哂人地間鋪D甜品仲話想打包個耶汁糕添.......之於最後飲品叫左杯熱咖啡都唔錯，好有咖啡香味又好味!!!!

尋晚接完男朋友收工，兩個人有啲肚餓，係中環區應該就剩低蘭桂坊會有野食，但因為我同男朋友唔想去啲太嘈嘅酒吧，佢就話去過一間上樓嘅都唔錯，靜靜地唔會太多人，又可以叫杯cocktails ，叫d嘢食同埋可以傾吓計。。呢間主要都係食泰國菜，都比較啱我哋口味，男友叫咗杯黑啤，我就叫咗杯Tequila sunrise，兩個人叫咗個豬手同埋叫咗個炒芥蘭分量唔細架，兩個人已經好夠食，味道仲要唔錯，最鍾意都係因為佢嘅環境夠大，傾吓計坐低唔會好嘈👍🏻難得嘅蘭桂坊地區上樓酒吧，唔會覺得烏煙瘴氣👍🏻👍🏻