板煮工房

Open Now

Now Closed

晏晝屋企人買嘢食俾我食 又平，又正30幾蚊左右其實已經食過好多次 由老細啱啱開舖到而家 唔知個老細對我呢一個熟客有冇印象呢？🤣哈哈啲雞扒口感好滑又有味 有雞蛋有菜有青豆紅蘿蔔粒嗰啲 而且啲配餸都好足料 個湯都好好味 食完個面經常最鍾意飲幾啖湯🤣平時最鍾意食呢一個麵 或者三文魚蟹子炒飯 仲有蛋包飯嗰啲 有時即使唔肚餓 都會口痕過去買章魚小丸子食🤣冇記錯夜晚過咗指定時間嘅話 仲會有宵夜優惠 ✨✨✨真係真心超級推薦，好想分享比更多人知道

由依間舖頭開舖幫襯到而家 其他類型嘅嘢食都好好食 價格便宜親民 喺竹園街市入面最多人幫襯嘅一間舖頭夜晚通常啲人買宵夜嘅時候 呢間舖頭排晒長龍 🤣雖然知道領展租鋪貴 但係希望間舖能夠繼續堅持落去唔好執笠 老闆加油依家晏晝時間老闆請咗個女員工來幫手 夜晚嘅時候老闆先喺舖頭 夜晚9:00打後有部份食物有做優惠個蟹子三文魚炒飯 買外賣拎到返屋企都仲熱辣辣 入面有好多配料 有粟米粒、雞蛋、青豆、紅蘿蔔粒 加埋仲有蟹子同三文魚 食落去口感好豐富而且價格都算平 出面買嘅價錢 都唔止呢個數啦～

前幾日（5/2/2022）來這食店買外賣，街坊介紹，話咖喱唔錯，抵食，又試下。看過店前餐牌，點了咖喱吉列豬扒蛋包飯，$42，等了約十分鐘就有得攞。回到家食還很熱，炸豬排仍脆口，配上日式咖喱，好食，下次試下其他。

估唔到係一個老化嘅公屋村入面搵到間隱世日式章魚燒，就算夜晚11點幾，依然要排隊落單。宵夜時段，章魚燒係做緊優惠，22蚊有六粒。感覺就好似返左大阪街頭咁，拎個500円就買到份熱辣辣ge章魚燒。上面舖滿左木魚同紫菜碎，份量十足，醬料ge份量亦都啱啱好，唔會話太多或者太少。因為新鮮製造，外脆內軟，入面ge章魚鬚爽口彈牙，比起某d連鎖店有過之而冇不及下次有機會，我會想試埋個咖喱漢堡蛋包飯，同埋大阪燒。希望呢d小店可以撐得住。

經常去竹園街市買外賣，幫趁過此檔幾次，喜歡佢樣樣即做夠熱度，份量充足，幾次都保持水準好味又無味精值得讚賞。師傅好多時一個人做晒落單同煮食好忙，人多要預左等耐一點。

今日岩岩係附近做完野，去左竹園街市美食廣場打個白鴿轉，行行下見到有間賣日本野食嘅，有大板燒賣於是買左份外賣返屋企加餸即叫即煎，係等緊嘅途中，都見到好多人叫炒飯拎走，下次唔煮飯嘅時候，都可以賣份黎試一試。係等緊大板燒嘅途中，同老闆R水吹左一陣，一開始都cool cool地，應該係熟於慢熱型大概等左十分鐘就燒好左。返到屋企，即刻俾兩個細路風捲殘雲，加餸變左做主食份量幾足，同埋味道幾好，下次揾機會試下鰻魚炒飯。

位於竹園一個細商場仔，第一次行，原來都幾多嘢食，好似一個小型food court，而且食物都多選擇，價錢都比較平民呢間小店只見到一個人工作，店舖細細，日式食物為主。叫咗外賣廣島燒同埋煙三文魚蟹子炒飯，大約等咗10至15分鐘有得拎味道正正常常，份量同質素都對得住價錢不過店員態度有待改善，可能因為得一個人，又要收錢落單，又要整嘢食，太忙了，落單時感覺有d唔耐煩題外話：同一個市場有太多間賣咖喱飯，但呢度賣日式炒飯比較少有

這里的夜市我在剛開始時都試過一次。那時比我感覺係普通街坊食店。快速食完之後可以再去其他地方。係一個會不停有唔同客來來回回的地方。這裡位置很合適。因為正正在大門口，食完就可以極快離開坐車或回家。我選擇佢嘅最大原因係因為佢哋有章魚小丸子$20四粒$28六粒都算平價。我當然選擇六粒。我去那邊買完後就到隔離買功夫茶。再回去時見還未做好就坐喺出面嘅坐位等。突然聽到里面大大聲「喂喂喂」。我驚訝嘅係原來佢叫我。我覺得佢真係好無禮貌。我好反感。我係客又唔係你員工⋯佢哋衛生方面其實都可以改善。出面坐的地方和里面煮食的地方都唔算太乾淨。不過我再睇返佢份食物睇落都幾多嘢食。比之前將軍澳厚德商場間小食店更好。可能因為即製啦。佢哋比材料都幾大方。簡單一餐完畢。又要踏上旅途。希望下次再來時佢哋服務水平會提高。這個商場比我上次來時變了很多。小食店無咗三分一。很多食店坐位已經變咗只是一班街坊坐喺度吹水的地方。真正食客其實根本無位坐。

家住慈雲山頂，附近得一間茶餐廳，食都食厭...有次透過某間外賣app叫咗依間舖既咖哩吉列豬扒飯估唔到咁有份量，即使係外賣，豬扒仲係脆！唔知encore左幾多次了屋企人試過鰻魚便當同埋三文魚炒飯都話好味及足料有次去開竹園體育館做gym，第一次試堂食（環境唔好有期望），有大阪燒同八瓜魚丸（喺app無既😯），好味過連鎖嗰間秀x！講真，竹園市場食肆人流唔算多，只能希望小店支持落去，唔係又少左個好選擇...😔