I's Corner

Open Now

Now Closed

呢間cafe環境感覺幾舒服，有一d植物小擺設，配搭木製檯椅。我地叫左兩款食物，分別係蘑菇芝士漢堡和煙三文魚蜆肉扁意大利面。始終係第一次黎到呢間餐廳，怕叫得太貴，唔好吃既話就蝕本了 (雖然openrice上既好評好多)。先講下蘑菇芝士漢堡，重點當然係肉，肉汁保留得好，咬落去軟硬適中，配料方面不過不失，整體感覺好好，值回票值。薯條係扁長個種，出面比較少食，配埋茄汁都幾好食！ 煙三文魚蜆肉意粉味道不錯，但同漢堡比較起來差左少少，但我對它的評價都係幾好。不過如果我下次要再黎食，為既都只會係漢堡，而唔係意粉了。餐飲質素良好，服務態度亦佳，以每人一百蚊既水準黎講，絕對有下一次。店內位置唔多，但坐得都幾舒服。餐廳有all you can eat既選擇，但有相應限制，只適合大胃王，因為其實每份餐既份量也足，all you can eat就唔需要了。

呢間cafe係紅磡往土瓜灣方向個邊，遠離大街車路，所以個環境幾寧靜舒服，同朋友喺度傾吓計好快就一個晏晝。呢間餐廳主打漢堡包同意粉。我地就叫左個香蒜海鮮炒扁意大利麵。三文魚同蜆肉都幾多，整個意粉份量好足夠，味道幾好，而且唔會太油，食完又唔會好口渴，證明冇乜味精！凍嘅朱古力咖啡好大杯，厚奶係我嘅至愛，好濃可可味，仲有漸層效果，成杯野幾靚！I's Burger和牛漢堡包入面嗰塊漢堡扒好厚好多肉汁，配埋融融地嘅芝士，口感同味道都好正！蕃茄、芝士、蘑菇同生菜都幾多料，而且漢堡塊包好軟熟。成個漢堡大到咬落去個口都咬唔晒，同朋友一齊share食都好滿足。帶子墨汁意大利飯個汁都唔會太咸，飯就偏向硬身，粒粒分明，粒帶子都好大粒，味道唔錯，值得一試！

係土瓜灣探完朋友, 周圍行下搵地方坐低休息下見到呢間cafe 都幾多人喎, 而且又有位, 於是入去順便食埋野叫完野食, 我地先留意到有任食任飲, 好似幾抵, 唔知做到幾時呢, 不過我地今日個肚唔夠quota, 下次啦香辣蒜香海鮮炒意大利麵雖然呢個意粉睇落好似比較乾身, 但蒜味極香極濃, 每條意粉亦吸收哂蒜味, 加上少少辣, 口感同味道都唔錯意粉亦夠彈牙夠嚼勁, 配料有蜆肉, 青口, 魷魚和牛芝士蘑菇漢堡, 超大個可能都因為太大個, 廚房好主動已經將漢堡切半先上 除左主菜澳洲和牛, 仲有煙肉, 芝士, 蘑菇, 生菜, 蕃茄個包超軟熟, 和牛漢堡充滿肉汁又厚身, 肉味濃郁配粗薯條, 香脆可口黑醋蜜糖雞翼, 醬汁拉絲, 雞翼入口香甜, 原來蜜糖同黑醋混合後, 味道反而似蜜芽糖味飲品跟餐幾抵飲凍檸茶幾爽熱朱古力, 朱古力味好濃, 加上綿密奶泡, 不過我個杯無畫花既? 可能廚房太忙

無諗過紅磡呢個位置有間咁好味，咁有水準嘅餐廳。特別鍾意呢間餐廳嘅裝修設計，門口個邊牆有色彩得黎又保持到風格，我影左好多相；另外bar枱個邊全部係窗口，夠陽光，坐係到飲咖啡夠寫意。叫咗個Caesar Dalad 田園沙律，新鮮爽口。I’s Burger和牛蘑菇芝士漢堡，質素高，好厚肉又大件，好味好有肉汁。自家製肉醬義大利麵Bolognese Spaghetti好有驚喜，好味，啖啖肉。咖啡又香。食物有水準，服務又好，值得encore～

估不到路過舊區的學校區附近，竟然有間格調類似蘇豪區同大坑d cafe，於是同朋友入去坐坐，食d嘢I’s burger 和牛漢堡-我揀左澳洲和牛配磨菇芝士，整個漢堡超好味，首先麵包極厚身，但超鬆軟，和牛牛肉超嫩滑而且好厚身，配埋溶溶地嘅芝士，完全嘅結合西班牙海鮮意大利飯，好濕潤，所以每粒意大利米也能吸收到鮮甜的湯汁，青口亦很鮮甜小食拼盤有四選二（粗薯條，薯格，炸洋蔥圈，魚薯條），友人全order，佢大讚魚薯條好味Iced mocha-朱古力味濃，但沒有蓋過啡的香味，真正有朱古力味嘅咖啡Iced cappuccino-奶泡厚，奶與啡嘅比倒䀫到好處，令奶沒有掂到啡的味，而啡更香更滑

今日去完高山劇場,晚上和朋友往紅磡I’s Corner食晚餐, 我們點了凍泡沫咖啡, 熱朱古力、I’s Corner和牛漢堡、黑酣蜜糖雞翼、脆薯格和卡邦尼忌廉意大利粉。I’s Corner和牛漢堡配雙份煙肉, 蕃茄生菜和加薯條,和牛漢堡面包包面軟綿, 包底香脆, 食落口感豐富, 和牛入口即熔, 肉味香濃鮮甜味美, 煙肉食落乾身香脆, 蕃茄食落鮮甜開胃, 生菜食落新鮮爽口, 薯條是餐廳自家切的, 大小不一, 口感美味, 薯條炸得乾身金黃, 配上香料, 食落香脆惹味, 佐酒一流, 整份I’s Corner和牛漢堡材料豐富足料, 口感十足；黑酣蜜糖雞翼黑酣汁甜度適中, 食落醒胃, 雞翼炸得香脆, 肉質鮮嫩配上黑醋汁食落開胃美味；脆薯格炸得香脆金黃, 食落香脆, 口感惹味；最後凍泡沫咖啡忌廉香滑, 咖啡味香濃。餐廳座位舒適, 食物美味, 適合朋友三五知己傾計聚會好地方。

小店入面嘅樓底好高，裝修好雅致，有好文青好放鬆嘅感覺，好適合一家人你聚餐或者自己一個嚟呢度放下空。呢度嘅食物選擇都係同一般嘅Cafe差唔多，特別嘅係佢仲有一個任食嘅選擇。鵝肝和牛蘑菇芝士漢堡 轉薯格$163漢堡好大個，塊鵝肝略嫌細塊咗啲，但係味道好夠，亦都冇搶走和牛漢堡扒嘅味道，鵝肝質感好幼滑，無筋，有入口即溶嘅感覺，和牛漢堡扒好多汁，外面煎得香脆，裏面好鬆軟，而且火候啱啱好，仲帶小小粉紅色，上下都有塊芝士夾住，有好豐富嘅口感，蘑菇帶到中和肥膩嘅效果。薯格炸得好香脆，裏面亦都好鬆軟，而且份量好多，兩個人都食唔晒。凱撒燒雞沙律$78個沙律好大份，裏面嘅雞肉都好多，雞肉燒過之後冇乜肥，感覺健康，外皮香脆，裏面就好嫩滑，沙律用咗沙律醋而唔係沙律醬，感覺更加健康。黑醋蜜糖雞翼$58呢個個味道較得好好，酸酸甜甜，而且裏面嘅雞肉都係好嫩，冇話過咗火喉，但係如果個外皮可以用燒或者煎嘅方法，令到個皮香脆啲兼有焦糖嘅感覺，應該會再好食啲，份量好多，一客有六隻。兩個人食咗$340 ，抵食夾大件。

任飲·食 💲198星期一至日1800-2200其中2小時 暫至三月底*部分食物如：鵝肝、龍蝦、牛扒、羊架等只限叫一次✅ 咖啡拉花有心思☕✅ 牛扒做到三成熟🐄✅ 意大利飯味道唔錯🥘❔ 意粉味道一般❔ 羊架比較細份❌ 炸物太過火🔥👅Taste：3.5/5💰CP值：4/5🙋🏻‍♂Service：4/5👁‍🗨Stylishness：3.5/5

女朋友夜晚喺天光道學完車，我一早就book咗附近嘅I's Corner，接佢放學兼同佢食返餐好，慰勞下佢驚驚青青咗幾個鐘😂😂餐廳裝修型格，水泥牆加上大量乾花同小裝飾，睇得出店主花咗唔少心思。門口附近仲有塊黑板，定時換上新嘅金句。✨芥末燒汁牛仔骨 HKD88牛仔骨煎得好香，肉質嫩滑，肉味足，多肉汁。✨和牛漢堡配煙肉番茄生菜 HKD128麵包好軟熟，食落非常鬆軟，和牛好厚身好juicy，肉味香濃，配上清新嘅番茄生菜減輕肉嘅飽滯感。✨香草醬烤雞柳扁意大利粉 HKD78香草醬意粉炒得均勻，每條意粉都沾上濃濃嘅香草醬，雞柳烤得啱啱好，外皮少少脆，肉質保持滑溜，而且雞柳份量好多👍🏻好味又抵食！✨熱朱古力濃厚嘅奶泡，配上極之香濃嘅朱古力。✨凍檸茶甜度適中，茶底唔澀👍🏻

Australian Wagyu with Foie Gras Burger.🐮🍔The wagyu patty was extremely JUICY and PERFECTLY COOKED🤤, greatly combined with foie gras and other ingredients like melted cheese and mushrooms.🧀🍄Every bite of it was greasy and full of happiness and satisfaction.😍 Just a BIG BITE would literally puts you in heaven and enjoy every single bite of it!

呢個香蒜香辣意粉好惹味 辣辣地又夠曬香 啲蒜香直頭係成間店既客人都會聞到咁香！配埋海鮮去煮，令成碟意粉既味升華左🥰 當然仲要讚下個意粉賣相都超掂！牛肉漢堡配薯條！你會見到啲牛唔係全熟 牛肉好嫰 好有肉汁 唔會乾身👍🏻非常加分！ 個漢堡非常大 食完會好飽好飽 所以我分左1/4個俾朋友食😂 冇諗過個漢堡餐會咁抵食！推薦🌟呢盤小食簡直係100分！好脆好好食 因為係雙拼 所以我地揀左洋蔥圈同薯格 雖然係炸物但完全冇油益味 同埋炸得好適中 唔會太油或太乾 木相信大家睇相都知有幾脆 唔洗我多講🤪加$8就可以飲到香濃朱古力！ 冇諗過加$8都咁大杯 咁靚！我同朋友個杯朱古力既紋都唔一樣架！但唔記得左影朋友個杯😣 總括而言 呢度係一間好有特色嘅小店！非常值得一試!當日係滿座 再遲少少入已經冇位！推薦大家去試下！價錢唔太貴 性價比高^_^

去開何文田探朋友，之後就在朋友家附近的I’s corner食晚餐，這餐廳的 Buger款式多又吸引，而且叫主食又包埋飲品，相當抵食。小食拼盤（$58）是由四揀二，包括洋蔥圈、粗薯格條、薯格、魚薯條），我地就揀了洋蔥圈&薯格組合，兩款都新鮮炸起入口熱辣辣、香脆可口，洋蔥圈有香濃的洋蔥味、薯格以大塊為主，整體都大大份，夠晒抵食。鵝肝和牛磨菇芝士漢堡（$158）漢堡比想像中大個，鵝肝的味道好香濃軟熟，大啡菇的質感厚實，澳洲牛肉漢堡肉質多汁嫰滑，每一口漢堡都會食到鵝肝香、和牛和大啡菇的多汁，使整個漢堡配合得恰到好處。拿破崙辣蝦意粉（$78），蝦好爽口，每一隻都好有彈性，意粉以蕃茄肉醬汁做配搭，帶有辣椒仔味道，所以意粉會有少少微辣，亦都會覺得好惹味。凍朱古力（+$8）& 凍檸茶，大大杯，好解渴。

有次探朋友,就到他家樓下附近覓食- I's Corner。 店裝潢好有好有歐陸風文青FEEL,好優雅cafe店感覺。** 有小食, 漢堡包,意粉,肉類,飲品,酒等。**【HOEGAARDEN】 咁好情調要飲杯有獨特微甜花香的 HOEGAARDEN 啤酒 。**有酒當然少不了香口小食啦!【洋蔥圈】 油炸的洋蔥圈口感酥酥脆脆, 食起上來不會有油膩感,但略有點厚粉。**【黑醋蜜糖雞翼】 想不到雞翼以蜜糖和黑醋調味, 有甜酸的味道,滋味可口。**【芥未燒汁牛仔骨】 這牛仔骨口感軟嫩有嚼勁,因好似沒醃過法,所以不夠味,要沾點芥未燒汁才夠味,在旁有香口薯條。**【香烤西蘭紐羊架】 羊架食下去時好有咬口而不韌, 味道略為淡口, 要沾點秘醬汁才能提升味道 。

紅磡區好少有一些西式餐廳，味道不錯，而且比較寧靜， 很適合閨蜜聊天，情侶約會，而且價錢都不錯。昨天跟朋友食了三文魚蟹子意粉及黑松露漢堡，意大利飯同埋田園沙律，味道都算不錯，而且除咖啡，仲可以飲花茶，另外還可以選擇啤酒，不過冇得跟餐。餐廳內裝修似是坐落於中上環的餐廳，而且不時播著輕快的音樂。聽住音樂，飲住啤酒，三五知己傾下計，最重要係喺屋企附近，飲完酒可以行番屋企。服務員方面差不多是有問必答，nice.

紅磡呢頭好小呢D文青CAFE，另下要食D有質數西餐就要行到去黃埔先有。見佢新開就試試佢，裝修都係RAW D。可以坐WINDOW SEAT高台望街，出面又有張露天既高台。環境幾舒服，有D家的感覺。小食叫左個黑醋蜜糖雞翼，一碟有6隻，酸酸甜甜咁幾開胃。主菜方面，分別叫左蠬蝦尾炒香荀意粉同香辣蒜海鮮炒意粉。兩樣都有驚喜，蠬蝦尾炒香荀意粉係寫係黑板上，吾係ON MENU。上碟既時候連埋蠬蝦殼，但廚師好細心咁扑埋肉，個麵質地係硬身，係我中意既質地。蠬蝦肉都十分新鮮，又彈牙，推介。另外，香辣蒜海鮮炒意粉，賣相都好好，份量好多，好香同好有辣味，海鮮都多，有兩隻青口仲有D蜆同細蝦。飲品方面，我地叫左杯MOCA，佢SUM左D朱古力粉係上面，一擺低見到係MOCHICHI!!!!好可愛呢。餐廳另有一款係198任食餐，其實都幾底，如果大食既朋友真係可以考慮下。見到另外台既人叫左意大利飯加BURGER，都覺得好吸引。我會再番去幫襯!