漁屋日本料理 (海寶花園) (Closed)

以前曾到大埔漁屋用饍，本算是價錢和食物尚可的一間日本店。想不到在疫情肆虐下，飲食業深受打擊，此店還能以不友善的服務態度對待客人。首先，入座時發現椅子有懷疑是茄醬漬，便請侍應幫忙清理，別說是道歉也沒有，只用紙巾隨便抹了幾下，濕布乾布，清潔用品甚麼也沒有用，滿地是生果皮屑和垃圾，難以想像此店如何抗疫!再者，漏單了二十分鐘後，沒有好好自我查究，還反問我誰幫我下單，實在抬舉我能看眼輯兇(全店侍應也戴上口罩)，我只知她是有國內同胞口音，但幾乎全店店員也是有此口音，最後沒有人認帳了吧。 吃完了鹽份過重的石頭牛肉鍋飯後，再三催促，才怱怱送上藥水味橙汁飲品，看見戴著口罩但露出鼻子的侍應，心道如此不愉快經歷，不想再次經歷了!

很少在此價位的放題店會見到壽司飯咁大舊想用飯填飽食客既肚 刺身質素一半 和價錢不成正比與200頭放題店相似食飯當晚客人不多 只有一半滿但是食完既碗碟長時間都沒有員工主動收走要主動提出才收走今次既用餐體驗令人失望

以前去放題都會揀去大型連鎖店始終比較多地點選擇， 同埋如果連鎖店好似啲嘢食會新鮮啲， 直到今次朋友介紹佢漁屋放題，估唔到性價比更加高， 魚生非常新鮮，好香好好食， 同埋嘢食都上得好快， 最鍾意佢個魚子海膽壽司，超級足料好好味， 熟食嘅選擇都唔少， 三個鐘頭食得好飽 ，最後甜品仲可以揀dreyer's雪糕，個芝士雪糕批超好味， 食到個肚超飽超漲先走， 今次同長輩一齊來大家都好滿意， 話下次生日或者大時大節都要再過嚟。我亦推薦大家去一試。

近呢幾年，大埔好似就係得漁屋呢間放題。其實我唔係特別好放題，不過久唔久心思思都會食下。點解？ 因為食得飽囉。最近氣氛不太好，心情也不太好。生活忙碌又緊張。不過還是抽了些少時間，與男友好好相處一下也放縱一下肚皮。本來想吃午間時段 （可以吃三小時），不過價錢與晚上最早時段只差了 $10 （雖然晚上時段用餐時間較短），我們最後還是晚上去吃。因為是平日晚最早時段，我們沒有訂位直接就進去了。落單要用 apps食物選擇不少，質素也是 ok 的。這裡的甜品賣相算是不錯，門口還有 candy corner 可以夾糖。以性價平黎講，是過得去吧。唯一小小美中不足，係當晚開始時沒有 （我最愛的）帶子刺身。職員話「未送貨。」直到最後半小時才有貨，匆匆吃了 2/3 round，也算是滿足了。

依間漁屋🎏係大埔應該無人不曉～ 每日無論午市定晚市都人山人海～ 而我通常都係 lunchtime黎幫襯，幾乎次次都嗌依個竹之壽司定🍣🍣 七件壽司，一碗牛肉烏冬，一個沙律一杯飲品同埋一個甜品都係$70有找。壽司款式包羅萬有，三文魚、吞拿魚、扇貝、牛肉、玉子、蝦等等⋯ 另外仲有個鰻魚壽司定都不錯，清一色全是鰻魚壽司～ 不過我個人就比較鍾意試多D不同種類🙋🏻‍♀️ 另外小食方面雞軟骨同刺身都十分推薦～ 性價比高！

上次入黎大埔，行過附近發現左依度有間食放題嘅日本料理，就覺得好得意，因為通常依Ｄ餐廳都係集中喺市區先有的。後來打聽左，原來果間野應該都唔錯，所以就約埋一班朋友，今日下晝黎左依度試下喇。佢地放題的食物種類都算幾多，大路野，例如刺身壽司，沙律、燒物、炸物等等嘅都有，但又有一Ｄ比較少有的品種，例如長腳蟹，PAMA HAM沙律，原隻燒蠔，燒鰻魚咁，真係算唔錯。食物味道幾好，樣樣睇落都已經幾得。牡丹蝦幾鮮甜，我地都叫左幾多。燒蠔幾大隻，唔會得一劈醬其實好細粒蠔咁樣。炸物都係新鮮炸的，唔錯。沙律都幾多款，樣樣都試下。一大班人都食得幾盡興，又都算抵食。不過依度就要入到黎大埔先有得食，但係街坊應該會幾方便。

今日又黎食放題 食8:00最貴既時段但錢唔係重點 係要睇食物質素同服務既好與壞首先 第一輪既刺身新鮮既 赤蝦都十分甜 三文魚厚身肥美 帶子都鮮甜 呢三樣重點推薦幾特別既係鴨肝多士 鴨肝無話特別重油脂感 多士又唔脆 一般牛舌厚同埋黑椒調味各方面做得唔錯 可以一食我最鐘意就係佢既鰻魚 鰻魚汁做得出色 鰻魚油脂豐富 燒得唔柴 保留到彈性炸野方面 榴槤炸彈好味 糯米粉煙煙韌韌包住榴槤肉好香好濃味 吉列豪就炸完無細隻到 但炸粉比較厚芝士年糕入面帶有芝士 加上年糕既口感 十分富有彈性壽司方面 左口魚係最重魚油味 其他無特別最後每人可以揀一款雪條或雪糕 我簡左哈根達斯杏仁綠茶味 另外叫左個水果涼粉 中間雪糕太硬 好一般總結 人多出現漏單既情況食物質素一般啦好既係大人細路都可以出去夾糖果久唔久黎ok既

平時食開放題，價位係二百頭左右，但大家都會明白任食得嘅，質素一般都唔會稱得上係好好。漁屋佢唔走呢條路線，晚上價位278加一，齊頭三百多少少埋單。但佢用料絕對稱得上是中上質素，有大蝦、拖羅、海膽等等，應有盡有。如果要同黑門市場嘅拖羅比，當然仍有距離，但香港呢個價位食到咁嘅質素，絕對係非常OK。臨走佢仲會送你Dreyers雪條同埋一包糖感謝你到來。人情味一百分。

食物種類其實都唔係好多，比較特別嘅係有拖羅食。但拖羅好多筋，凍螺有少少唔新鮮，聞落去有浸味，所以冇乜點食到。換咗用Apps落單都無法改善漏單嘅問題，等左好耐先有食物。向職員摧單，好似好唔耐煩咁。整體而言，加埋一三百幾蚊，食唔到好多嘢，有啲唔值。

星期一walkin入去食尼晶，結論係如果你係想食放題，相信尼個價錢 中（$278未加一/一位）你都仲有好多選擇...尼間餐廳既 炸品 同埋 壽司 係好食既，但其他野就不了...而佢係用手機去落單，同埋有candy corner 扭蛋比客人玩

今晚同男朋友黎過個開心星期六不過又要慳家又要食 我就帶左佢黎食5:00因為19:30之前埋單有85折其實佢刺身不嬲都高質 今晚食左錦多最滿意係三文魚肥肥美美 入口無根 黎左兩輪都錦大件其次 炸物又係一流 香芋丸超脆超甜超熱 食左三粒都 唔會覺得膩 仲有佢既芝士年糕又係一定要食 佢加左芝士係入面煙煙韌韌之餘 芝士流心超正春卷就充滿朝椒味 唔係特別好味 但重口味人士最愛 另外欣賞佢既炸物 例如南瓜 蟹棒 茄子 雲吞 件件都熱辣辣 店員係我地食到第二輪先比天婦羅汁我地🤦🏽‍♀️最後甜品又係要試既不過 除左窩夫太腍 其他都做得唔太甜 什至奶凍都做得好希 最後最滿意係有名牌子雪條雪糕簡 唔洗講一定係最好味😆總結-店員可以再細心點-上菜有點慢-不過起碼無漏單-錦既價錢 可以啦

午餐有$6X-100嘅選擇，我呢個餐$96刺身同份量一啲都唔慳！(今日啲面比得超多，圖中已經係我食左好幾啖！）而且刺身好新鮮，淨係刺身一個女仔都食唔晒！有海膽！呢個價錢黎講絕對高質！下次要試埋晚市放題先得！

大埔這間開張3-4年，已經長期光顧，每年至少會來10次。食物新鮮兼長年保持一定水準，而且價錢也不算貴。服務生態度很好，可能我比較幸運，真的沒有發生過不愉快交談，一次也沒有。但漏單情況時有發生，每次找服務生都盡快補上，並沒有感覺會受氣或不耐煩。一家大小或朋友聚會都是我首選。是我會時常想起的餐廳之一。以前電話訂位要提前2個月先有機會訂到星期六晚上位，近期暑假改中午，好彩walk in 都可以有位，目測午市都很火爆下。特別喜歡芝士奶蓋，下星期去食再補回相片！

成日都話試下呢間日式放題 , 講左咁耐 , 今日終於黎小試牛刀 , 試下個午市定食先 !一入到去 ... 餐具 , 枱面 , 梳化同地面有 d 污糟 ......... 餐牌 :假日都有午市定食 👍 款式都好多 !!! 又有兒童餐 ~ 價錢亦相宜 !!學生仲可以減 $5 !!! 呢個優惠幾有誠意 👏菊の壽司定 ($68)沙律 - 罐頭雜果 + 粟米 + 生菜 , 頹頹的 糖水 - 凍木瓜雪耳糖水 , 好在唔係好甜 , 不過食左 2 啖就冇食迷你烏冬 - 餐牌無寫有牛肉 , 黎到有幾塊肥牛 , 成個烏冬即刻無咁頹 ! 👍 d 牛都幾好食壽司新鮮 , 北寄貝有 2 片 !! 唔錯唔錯成個定食望落感覺良好 , 雖然沙律同糖水質素平平 , 但主打 ge 壽司同烏冬都唔錯 ! 抵食 !什錦魚生丼 ($82)麵鼓湯 - 味道好濃 , 個人認為濃得濟 😂 但重口味人士應該會鍾意 , 驚喜位係入面有 1 隻好好味 ge 大蜆 !! 👍三文魚 , 墨魚 , 北寄貝 , 大赤蝦 , 玉子 , 三文魚籽 - 質素正常帶子 - 無鮮味海膽 - 無臭味 , 略嫌唔夠鮮味 , 份量可接受 巨型蟹棒 - 說好的巨型

很久沒來漁屋了，而且一向也是去荃灣那間，說真的，來之前有點擔心，好在仍保持水準😀。來前也做了點功課，知道現在要先download一個叫“飯糰”的app才可點菜，以免浪費用餐時間，前一晚已download下來了✌。一去到二話不說便輕鬆用app落order😁朋友們剌身是他們的必點項目，第一次吃漁屋的其中一個朋友說，以放題來說，這間的剌身算是新鮮。然後就是我的必點項目，鐵板韭菜，最喜歡它香噴噴的氣味，吃多點菜叫平衡返不是一味吃肉，另外的炒雜菜也不錯🤓壽司當然是不少得，特別推它的火灸壽司，無論邊一款也好吃😋有個朋友就點左無數次海膽三文魚籽軍艦😂最後每人也可選一款movenpick或者Haagen-Dazs的雪糕或雪條畫上完美句號😉今次黎完之後仍覺得，放題來說，漁屋仍是首選👍可惜現在變得只有兩間分店。。。