一生任食和式火鍋 (Closed)

上司極力推介,話依度好扺,質素又好,同酒店有得fight。朋友試過都一致好評,但我去到完全唔覺得有幾好囉。魚生質素,第一輪叫好新鮮,好食,但之後再叫已經又唔夠凍,又細塊,又唔新鮮囉,真係唔多得。最離譜個甜蝦,勁差,d肉係"梅"既,真係食到喊。其他野都係好一般,唔覺得有乜特別出眾。有d仲幾難食添。例如個吉列豬腩肉,係就唔"un",之但係唔新鮮,有d腍味囉。不過都有d野好食既,好似雞軟骨,蕃薯芝士餅都ok,其他真係唔覺啦。想特別回應下個雞絲野菜鮮腐皮卷,因為我d frd個個都話好食,但我食落去覺得好失望囉。雖然唔叫難食,但佢入面蝦無蝦味,菜無菜味,得d手撕雞o係度o趙o趙下,唔覺有幾好囉,好麻麻。最後,我都知自己扺死架啦,叫左個粟米湯。我都明白日本舖頭叫西湯係扺死左d,但無諗過咁難飲囉。好似生粉開水,加d粟米煮左一陣咁,又無味,d粟米又硬。真係飲到想死,質素(差)比得上大久保。姐係比得依個價錢,我寧願去和民食囉。可能因為我係元朗人啦,食慣又大件又好食又扺既日本野,所以覺得好失望。

很抵食，有食不完的食生，keep住魚一丁最出名的新鮮魚生。不時有特價或免費食品飲料，很有卓頭。

1６/9/０6今日係同bf 5個月紀念日^^同佢o係早一個前已經book左lunch buffet*環境唔錯*有暗暗的燈光..給人寧靜的感覺,但侍應生們的日文實在太難聽=.=...我地兩人點了,,熟食＊溫泉玉子--bf 不太喜歡..但我覺得不錯@@是冷麵汁燒雞腎串--麻麻..好"un"無咩腎味..燒雞軟骨串--普通鹽味蔥牛舌--bf 第一次給了塊不熟的我..==好"un"..但後期熟果d都幾惹味*好似牛扒..但無咩牛吞味吉列蠔--超讚!!!!!!真係好好味...好juicy 呀!!真係想再叫多次><吉列蝦--都係好味!!正正露荀牛油燒--唔知係咪我地兩人口味怪..兩人都覺好難食=.=...3文魚3味噌湯--一般黑海草山芋餅--第一口味道不錯..但慢慢已無左想食既感覺...味道怪怪的==雞絲鮮腐皮卷--食左咁多肉..食下菜也不錯*味道幾清新炸雞軟骨/雞腎--很咸!!如果唔係都好香口,,唉..哂曬*刺身叫了..北寄貝,八爪魚,響螺,三文魚,甜蝦..喜歡響螺..三文魚有根..所有刺身都好大塊*以為刺身正..原來最正既係壽司!d飯點夾都唔散!仲有醋味..魚生比刺身更新鮮=.=3

9月3日試食lunch 任放提, 搭正12 點才慢慢安排入座,伙計很少, order 飲品好耐未有, 追問下解釋係水吧負責人未返??食物上得好慢, 但又限制幾多人只可叫幾多款,所以一有食物到立即比另張order,等的時間比食的時間長幸好從沒有溜單,一讚!刺身o.k.但早段炸物,串燒不夠熱,可能唔夠人手傳遞,放了很久, 美中不足.食物品種很多撰擇,最教笑係尾段用咪叫飲品有特價. 早知我們就唔一早叫D 等好耐的飲品啦.還有到達時才知8位有8折, 我們定了6位, 如果定位時提示下,約多兩個friend 有著數.

我黎呢間已經食過五次,我覺得$128呢個價錢可以食到咁多款而又好食既野真係第度搵唔到,可能我試過好多特價buffet都好唔掂,所以我都介紹左好朋友黎食,佢地都話正.我最滿意就係刺身,真係好新鮮,d三文魚仲新鮮過我0係酒店食果d,甜蝦都好正.鍾意食新鮮蔬菜既朋友可以試下''一生沙律'',全部都係用生既菜黎整,不過出奇地好新鮮,我d朋友話似係空運黎既新鮮蔬菜.鑯板燒都唔錯,最正係麻醬牛肉同牛舌.仲有其他好似鱈魚干,牛油露筍,海鮮什菜天婦羅我都好鍾意.不過我覺得佢地既炸物有待改進,好似吉列蝦,吉列豬扒,唔知點解硬掘掘咁,仲要凍既,炸生蠔都係凍架,好似炸定左同擺左好耐,徒晒d蠔,不過我最last食果次,d炸蠔竟然係熱既,可能咁岩用晒再炸,如果次次食都係熱就好丫~仲有,我覺得吸煙區太細,得幾張檯可以吸煙,其實地方咁大,我覺得可以多幾張吸煙檯,我唔食煙冇乜所謂,不過我d朋友個個都食好唔方便

自己好鍾意食日本菜，知道呢度有放題，又唔係太貴所以好鍾意來。以前剛剛開時來過一次，係夜晚buffet，好好味，上菜又快。上排又再來，係星期日的lunch buffet，我地12點已來到，但唔知點解今次上菜勁慢，好耐先來一碟，每碟細細件，我地四個就每人分少少，再昂居居咁等，其中一樣一坐下就叫，係雞串，但過了45mins仍未送來，原來漏單，之後漸漸好似快番d，但都係慢。不過食物水準仍好好，魚生好鮮甜，我食了勁多三文魚及甜蝦，又叫了炸蝦餅，好味。原本叫了個蟹煲，後尾又話無。呢個buffet係由12點到4點，訂位時佢話3:30last order，但今次3:10佢d waiter已過來問仲要咩，last call喎，我話剛剛叫左啦，佢講了句野，我聽唔到，但我表妹聽到佢話---又要做。唔係碼，已經早了last call仲要講句咁野? 可能當時個場d人已走得7788，佢嫌我地阻住佢落場收工卦！

唔知道前身既魚一丁己經closed，橫掂都黎到咪試下囉!!可能係平日既關係，所以都唔太多人等位... 但奇怪既係，見到裡面明明有空，但又冇人清理，出面又照有人等位!!野食既種類都ok多，刺身、壽司、串燒、鍋物、小食等等樣樣都有... 但食上菜既速度奇慢，而且每次既份量都好少，差唔多落完一張單又要即刻落第二張!!最差的還是服務態度... 食完d碟成都係，但唔叫都唔執; 叫加茶又扮聽唔到!!最頂唔住係無端端會開咪大聲宣佈話有乜特價同免費飲品，頓時覺得自己去左food court同茶餐廰!!如果對食物質素冇乜要求既話都可以一試既!!!

8月中一家人去左呢度同媽咪慶祝生日，感覺都幾好。個menu既款式好多，d刺身、串燒同蟹腳都既ok。平日去或者9點後去就再便d。整體o黎講都幾ok。

我第一次食就覺得真係吾錯!好多野食選擇!張order紙多到食吾曬咁多野，服務態度好好,吾清楚問waiter,佢地答得好詳細,好nice!收碟好快,吾會推到成張table都係!刺身幾fresh!鐵柀燒都好好味，吾錯,我會再去!!!^V^

晚終於試左佢地的晚市任食,7:15去到,唔太多人,9:30要還台。我地2人,俾左張4人台,之前真係以為2人俾2人位,仲要隔離係有人。人口好足,我一拎起張order紙,就有人走過來幫你落order,侍應都會自動自覺加茶,收碟速度真係極快.一食完就會問你仲要唔要,唔要幫你收左佢,所以唔會成台都係野,唔夠位擺。 係張order紙上已經列明d規矩,例如1-3人每次只可選6款,最多2 碟,另外最多可從8月精選食物選2款。 食物好多選擇成一百三十幾款,真係試幾次先試勻,多人黎食好d~分左前菜、豆腐料理、野菜、剌身、烤肉類、串燒、壽司、健康料理、彩食料理、飯麵等。 刺身:選擇雖然不多,得8款,我試過嚮螺片,好爽脆,鮮甜;甜蝦都好新鮮,算甜 串燒:只試過燒雞串,個汁ok,甜甜地 烤肉:有6款,試左鹽燒牛舌,有6片,另外燒羊肉,唔知點解切到碎哂,不過都好香,醬汁都係帶甜 健康料理:雞絲野菜鮮腐皮卷,最好食係呢個,軟軟的腐皮包住烚雞絲、青瓜絲、生菜絲、蝦,好爽口,夾埋個酸酸地的芝麻醬汁真係一流~~好值得推介。黑海草山芋餅,好似日式燒餅咁,有d沙律醬和燒汁,面頭好多木魚碎,唔係咁食到山芋係咩

我係第一次去食既,不過己經係幾日前!對於9:30後入座,每位$128,真係幾平,而且仲要係d野食新鮮,仲要唔會因為係9:30入座而無晒野食!咁既價錢,同質素我係絕對滿意,下次一定要再去!仲有就係個人空間感好足夠,雖然多人排隊,但係仍然比你2個人坐4人枱,我諗好多人都唔想隔離個2個人唔識,坐係度食野傾計d內容比人聽到晒!而且d服務員態度好好!我個人有個waiter佢打瀉個窩,個waiter好驚,跟住佢經過我身邊既時候,個經理企係我對面,我見到個經理問左個waiter句:有無事?有無整到??我一聽到就覺得經理對d下屬都幾關心!仲有有一個時間係送d特選食物,要既就即時舉手order,但我咁arm聽唔到佢講xxx牛wo,咪無order囉,枱枱d人都係咁order,點知經理行一行到我面前望一望我示意問我要唔要!個種感覺感得佢都好關心d客人!今次食後好開心,價錢平,食物質素好,服務態度都好!下次一定再黎!不過有樣野就係,佢d飯太大碟,又想試多d其他野,結果2個只係食左少少,好浪費,又唔好意思,如果細少少會好d!不過整體都係滿意!

同屋企人9:30準時入坐但叫第一回落單的魚生同壽司就成11:00先到, 落單後超過半小時才有食物上臺. 面豉湯有煙出但係唔熱, 炸物外表ok, 食落就知道係翻熱的, 仲係非常馬虎個隻,好似無叮熱d隔夜餸咁. 好彩個侍應態度ok, 真係有幫我地追單, 如果唔係都幾激氣. 大家都係唔好對間餐廳期望咁高, 如果有四,五個人都係去魚一丁食比較有保證.

這間一生,食物都ok,不個d booking 就好有問題lor我地成班friend原本想在今個星期六(8月12日)去吃,so我地在7月尾已經打電話去book(因為我地想book一間細room).不過佢地就說要在一星期前先接受booking,咁ok la,我地咪星期六(8月5日)再打去book,點知佢地說都是未夠一個星期,so我地只好星期日(8月6日)再打去book,一早打去book佢地竟然說已經比人booked, 我即時問佢幾時比人booked,佢竟然說是8月2日比人booked,我地都幾嬲,有d比人玩的feeling lor,仲要佢一聲sorry都沒有我相信我們是不會再去lor,希望佢地好好檢討一下佢地的service la....

星期日同朋友去興祝生日,見到依間食評幾好就去食下啦!服務幾好,食物選擇都幾多,味道也不錯.刺身生鮮,份量幾好.也不像平日日本菜任食order幾round都只係夠一兩個食$198加一雖然比平時日本菜任食貴小小,但真係一分錢一分貨值得去!!!

上星期六在朋友介紹下，首次來這裡試它們的中午自助餐，價錢是每位HK$128另加一，總括各方面滿意，所以今天下午便和太座來多次。兩個人叫了6轉order如下:1) 豆腐素面x1份 北寄貝刺身x3片 三文魚刺身x6片 螺刺身x6片 甜蝦刺身x6隻 鹽燒三文魚x1份2) 北寄貝刺身x6片 三文魚刺身x6片 鹽味蒜片雞肉x6片 麻醬蒜片肋肉x6片 燒雞翼x2隻 鰻魚飯x1碗3) 北寄貝刺身x6片 三文魚刺身x6片 螺刺身x6片 甜蝦刺身x6隻 牛筋豆腐鍋x1 燒鱈魚干x14) 章紅魚刺身x6片 小魷魚刺身x6片 甜蝦刺身x6隻 豆腐沙律x1份 涼伴什菇菠菜x1份 原只蕃茄沙律x1份5) 北寄貝刺身x6片 八爪魚刺身x6片 螺刺身x6片 三文魚意大利風x1份 鮮什果沙律x1份 露荀牛油燒x1份6) 鮮什果沙律x1份 露荀牛油燒x2份時間由12:00pm - 4:00pm，所以很足夠，可慢慢來。另Menu有很多選擇，因我們只有兩人，所以不能試多幾款。個人認為若鐘意食刺身的話，應該會覺得唔錯！服務