一生任食和式火鍋 (Closed)

我去食過幾次，感覺仲幾好，環境唔錯，坐得舒服，而且服務幾好，你會見到D侍應好主動，基本上你既茶杯唔會冇水，D人好勤力幫你斟水。而且食到一定時候會有一個優惠時間，包括送野食及優惠買飲品。佢似乎會定時轉少少菜單，而且有每個月的主打菜...我唸如果想食日式放題我會再繼續幫趁....唯一就係隨著通脹佢都加咗價...D秋刀魚好有時好似燒得唔夠，太多水變咗唔夠香，可能多人要慳時間掛..希望再次有改善！

無端端口痕 同埋有人激嬲我...於是就請左我來一生到食野上次來已經加左價...以前9點半後係128好似..而家好似係168....今日星期一,唔係太多人...一入到去經理帶我地坐低..講返收費同埋有咩新野....同佢講話正係認得佢一個人個樣時..佢不知幾開心...同平時一樣 都係先叫刺身,天婦羅,燒物,串燒等等野食刺身隻碟已經佔據左半張木台...叫既野突然一次過來...搞到有d唔知點咁...今日的tuna好似差左少少,,,有點變埋食咁..其他野一如以往...不過無左螺肉 真係有點失望今晚送既係帶子...我仲叫左杯cocktail....總括來講..食左咁多次 咁既價錢...食兩 3 round剌身已經係返到啦!!

8月7號的晚上，一班同事去這間日式放題吃晚餐。去到的時候，待應話可以食到9:15pm，數一數，足足可以食2個多小時~~~環境都不差，坐得舒服。因為還未齊人，於是一邊傾計睇MENU，一邊等人。有個經理行過來，有禮問我們要不邊食邊等~還在猶疑之際，經理拿了一盤刺身出來給我們~看到了刺身，我們幾個女仔都忍受不了~~~~決定食左先算~~刺身都唔錯，幾新鮮~喜靈魚刺身我個人覺得好好食~因為口感好得意~來齊人之後開始大擦一餐。【白酒煮青口】這個我覺得有點普遍，不算得上十分好吃，但未到放不入口的程度。【炸蠔】這個炸得很香脆~~但又不會炸得太乾的~推介啊~~~【香草汁煎三文魚扒】這個煎得比較乾身，不過都算唔錯，可以一吃~【北海道八爪魚剌身】這個是那天的Promotion。我們叫了2客(共4片)。口感比平時食的結實，但很鮮味~【意式蘆薈】比較失望的一款。如果蘆薈用刺身用、實肉的蘆薈就好了~~(因為我同事見到一pat野…不太敢吃……)【芝麻醬凍豆腐】豆腐雖然可味不足，但和芝麻醬一起食又幾match~~~最重要的是夠凍~~~【香桃腐皮壽司】這個比較甜，當作是沙律的話還可以接受……【芝士山芋魚餅】我的至愛~~

昨晚，我同我女朋友去左呢度食宵夜時段，我地係等四張臺啦。 我地一坐低，就點左d 果個月既特別推介，d 野食係quality 同 quantity 都係比出面一般好少少。 我幾碟剌身，唔太fresh 但都好過元氣、 元醁。 佢d 剌身幾厚，但得10款咁。有三文魚, 吞拿魚,北寄貝 等, suhsi 都唔多 ，都係市面好普遍果d， 可惜成日漏單，出得好慢，但又怕一窩蜂拎黎。都唔知點好但係淨食剌身都叫抵啦, 仲有d 日韓窩 就好好食，又多又細，一次過可以試哂d野d 炸野 唔油 但內心好hot 大家要小心另外，佢有特別promote, 每月唔同 我果晚係北海道八爪魚剌身，佢話送俾大家，但我等左好耐，佢都冇拎黎，同埋我見其他臺(都好多人)佢都冇拎黎就埋單, 涉嫌佢有欺騙成份，因為等，又不斷叫野食，等到好飽，唔想再等，就走左啦。 以後大家要小心啦

19.7.2008 (星期六)肥豬屎忽痕話去一生食野,好哇,上年我生日時去唔到,而家去咯~穩陣d,打去book定位 (其實都係兩個鐘度前打去)。book左九點九,九點半去到,好多人企晌門口~不過入到去原來無想像中咁多人呢。地方都頗闊落,一d都唔迫架。前菜呀沙律呀飯呀湯呀lee d就出去拎gei,其他呢就點紙仔gei。我地得2個人,限住每一round只可點六款食物。我覺得哩個政策好丫,可以防止d人浪費食物,你知啦,d人一黎到梗係死點爛點,唔理自己到底食唔食得曬(包括我,heehee),最緊要唔好蝕底嘛~而家咁樣限住就可以減少浪費食物喇。哩度除左魚生壽司炸物lee d基本野之外,除有火鍋同鐵板燒。個鐵板細細個,擺埋向台度架,好得意~可以自己燒燒下~~~hohoho~~我地點左第一round後等左一輪都未有野食上,但隔離台個d就係咁上囉...原來亞經理漏左單lor........ 我地唯有再點過,有一個叫eason o既侍應就同我地講sorry,話會做左我地order先,態度十分之好,又醒目~~~哩d先係做野架嗎!!!食物黎講我覺得刺身麻麻,唔係好夠新鮮同鮮味,比外野手差左d。最好食竟然係個

上星期二7:30pm 去食, 好好味! 環境都算OK!刺身 壽司: 好新鮮, 款又多!烏冬類: 唔得, 麵質差過以前, 炒又無味, 湯同冷烏冬 都唔得!拉麵沙律: 好鬼正! 一人一碟都得!牛肉鍋: 正~ 湯夠濃! 牛肉鮮!鐵板燒: 牛脷, 汁燒蝦+ 帶子, 雞扒... 自己燒, 醃得夠入味!燒物: OK 又多款... 仲有好多0野食都數唔晒... 食得過!

由上年九月起 , 大大話話黎過十幾次高峰期一個星期兩晚 , 食到連 RECEPT 姐姐都認得我地 黎呢度最主要我地係想食甜蝦同喜靈魚剌身 ,仲有溫泉蛋冷鳥冬 , 不過新 MENU 好似無左 ,呢度 d 甜蝦刺身真係好正 , 不過間中會有 d 唔新鮮 ,喜靈魚係我同老婆都覺得呢度最正 , 因為無薑汁味 , 凍野黎講仲有個原隻蕃茄沙律都幾好 ,拉麵沙律配麻醬o既 , 都唔錯不過好大碟 ,相o個度有個好似免治三文魚咁o既野 , 好唔掂 @@"熱食都食過好多樣 , 最好味係芝士餃子 , 芝士焗雞件 , 煎三文魚等炸物主打食蠔 , 不過上次食難食左勁厚粉 ,南瓜同蕃薯天婦羅都好味 , 相o個個炸蝦仔就麻麻 ~自己燒o個個燒肉又係必食o既 ~~~ 牛肋肉最正 ^^牛舌 , 鹽燒雞肉 , 燒蝦都幾 ok 連埋我地叫一兩杯野飲 , 差唔多四百蚊 ,最好味係石榴乳酸梳打 ~咁耐以黎好似加左一 or 兩次價 , 上幾次食好似差左所以感覺得無咁抵食 , 黎緊搵日再去睇下有冇改善先

男友生日 因為佢鐘意食日本野所以搵了好多日本放題的資料見呢間d人話幾好 咁就呢間啦去到環境ok 坐得都舒服入面都幾大 由於坐得比較入 所以唔係幾嘈服務方面 由於坐得比較入所以有好多時都請唔到d waiter入來落單而且佢們都唔係好彩你 所以麻麻姐講到食物喇 真係好一般 樣樣野唔可以听做難食但又真係唔覺得有咩野好食囉 -- 刺身係普通貨式 只係甜蝦比較大隻 但都冇咩味-- 自助燒個d 有5個選擇 但都係同一個味 食下去原全唔覺自己食緊5樣唔同的食物 唔推介-- 天婦羅 油同硬 唔鬆脆 而且連白蘿蔔泥都冇 唔pro其他的都好一般 食了都冇印象....可悲價錢方面 日式放題來說 唔算平 係貴少少2人埋單要430左右 叫了一杯飲品 呢個價錢 唔好食的我情願搵一間 唔係任食 但好食d的日本料理食 4xx元應該食得飽囉日式放題 我自己比較buy中環的熊亭 其實觀塘的外野手食物都可以只是衛生就麻麻喇 搏唔搏就自己想喇

25/6/2008 晚生日飯~因為朋友之前係咁推介我黎食~所以選左呢間~不過食完之後又點兒後悔~食物~ 我覺得除左沙津吧, 鰻魚, 陶板燒羊肉,刺身及炸物(及送的雪糕)，ok之外，其他的唔係偏淡~就係唔太好食食物:炸南瓜~唔甜，因為未熟…十分口爽牛肉碢~牛肉得3片, 雜菜就一大碢，個湯底十分清淡牛舌, 牛肩肉~牛肩肉殗得過甜，牛舌就無咩味免治鴨餅~十分之油及漏一口咖哩鳥冬~過淋, 好一餅野一口芝士餅~無咩，唔知係咩~完全無芝士味三文魚刺身~食食下食到條三文魚骨衛生:唔知係我唔好彩定咩，食蘋果沙津食到好韌錢色ga野, 問過經理係咩黎~拮知佢check完後就話係洗碗塊野禾…….不過佢又好有禮貌咁係咁對唔住我咪算數囉~點知食食下炸魷魚鬚時就中頭髮，同個經理講佢話唔好意思~係咁對唔住~就話一人送我地一杯雪糕~不過我就勁無耐囉服務k啦~我都唔知點講, 無咩笑容，同人手唔係好夠囉~個帶眼鏡女經理得覺得佢怪怪地佢見我地拎蛋糕出黎問我地係咪有人生日朋友們指住我~佢就講左一大埋祝賀說話~仲話我今日中左2次獎(見上)我呆左~佢又問我點解會黎呢間食生日飯~我話有朋友推介同食評ok佢就話係呀~咁你真係唔好彩啦

如果不是友人生日點名要來，大概我也不會來吧。訂了星期六晚上七時，一直吃到九時多。刺身/壽司 - 三文魚、甜蝦、北寄貝最好，其他的都麻麻。三文魚的邊邊都上，有點過份。燒物 - 推介燒雞翼，好香好好味，雞軟骨和冬菇都不錯。自己燒的帶子都不錯。牛舌...我吃不慣。鍋物 - 豬骨湯海鮮鍋好大，但材料跟刺身的一樣 - 三文魚、魷魚、青口，感覺怪怪的，只喜歡它的豆腐和蔬菜。三色豆腐 - 竟然其中"一色"是納豆!!! 豆腐質地不錯，很滑很滑天婦羅 - 蝦okay，南瓜不夠熟，未淋炸蠔 - 不錯，算是熟食推介鰻魚 - 跟超級市場的差不多炒雜菌 - 好濕，不好吃椰菜魷魚炒 - 椰菜未熟，好硬冷烏冬 - 不算彈牙麻醬拉麵 - 麵質差，太淋自助沙律吧 - 沙律選材不少"溏心"蛋 - 完全未熟，打蛋後見到有很多液體，不敢吃鮮果沙津 - 不錯雜菜湯 - 樣子okay，但不酸不辣咖哩汁 - 好像只有汁，好不容易才"找"到配菜印象最深是開咪大呼的"特價飲品時段"和"推介時段"- 日式咖哩烏冬"，有點攪笑。那個咖哩烏冬是黃色的 - 雖然主持說材料(麵粉)是日本直送，但打出來不怎樣彈牙，失望有漏單情況出現。夾份請壽星，

9:15pm去到已經幾組人在等宵夜時間, 我地book左位都要攞飛等到9:45pm先可以, 以為咁夜唔會有好多人食野, 點知到左9:30pm就有多好多人上來, 都幾full! 食物分兩part, 一part在後面位置有沙律bar, 另外就自己tick紙叫, 都有幾多選擇, 因為只有兩個人, 好多東西都試唔到, 不過我特別喜歡滑蛋豬扒, d蛋汁好好味, 好啱送飯, 仲有自己燒牛舌同埋串燒雞軟骨! 另外, 刺身都幾新鮮, 甘蝦算大隻! 我地隔離有一間vip房, 裡面應該可以容納至少10人, 我見人地一家大細在裡面食都幾開心, 下次約朋友可以預先打去問下有無房! 因為要等到成10點先開餐, 食欲已經大減, 所以下次我都係選擇食番晚餐好喇!

阿瓜星期一終於都番左黎喇~ 所以我地就約左星期二我放工之後出銅鑼灣食晚飯喇!~ 之前從openrice見到呢度好評如潮, 於是就黎左呢度睇下有咩驚喜*大約七點去到, 唔係咁多人, 個環境幾舒服, 服務員比左4人嘅位我地, 都幾好唔似得平日去開果d有時會好逼~個侍應生首先同我地介紹下兩張點菜紙, 一張有幾款特別推介嘅, 另一張就係其他所有嘅食物, 仲有個自助沙律吧~ 除此之外仲有野送! 我地好彩喇今日係最後一日送北海道鱈場蟹腳呀!!!自助沙律吧唔係只得沙律架, 除左一d蔬菜同沙律之外, 仲有5-6款一兜兜嘅日式前菜小食, 幾款壽司, 日式咖喱, 飯, 炒烏冬同埋兩款湯~ 值得一提嘅係佢嘅日式薯蓉沙律同鮮什果沙律都幾正架*要點菜嘅方面, 刺身非常之新鮮! 三文魚好肥美, 色澤好靚, 希靈魚唔係度度都有得食, 甜蝦好鮮甜, 好多蝦膏, 嚮螺都好正!炸野就建議大家一早叫, 因為愈遲叫果d就愈放得耐所以唔好食, 我地一去到就叫左什錦天婦羅幾正! 蝦好正!~其他菜式有好多都好特別, 未能一一列出, 出面一般嘅日式放題冇可能食得到, 真係一分錢一分貨架~ 佢有d係西日撈埋嘅菜式, 例如意式三文魚~

每次黎到呢間任食放題,都有驚喜!!上次朋友帶我黎食咁啱送松葉蟹~~~嘩...咁好既~~~任食一個價錢,仲有野送,我覺得好抵咯.睇佢地餐牌在限定日期送唔同既野,有時送壽司,有時送湯.嘻嘻~~~呢2次咁啱都送蟹,正~~都唔知係咪我朋友早有預謀架.上次食松葉蟹我覺得一般,送既就ok啦!但係今次唔同啦,鱈場蟹呀~嘩...勁好味呀,好新鮮呀,啖啖肉,有成4件呀,我都唔知點形容,我相信無乜邊間會咁送法咯!其他食物保持到水準,可能唔算太忙,送餐都好快,仲有多左個salad bar唔啱我,d前菜no good,無乜睇頭.

5月5日, 菲菲比比80週月快樂~!! 唸左好耐去邊度食慶祝好, 但係今日我地都要返工, 所以到最後都係揀左就腳又好味又開心個名又有意思既一生食日式放題~~~::: 自助式前菜區 ::: 除左寫紙落單, 仲有一個area係比你自己拎野食~ 其實都係一般日式前菜, 沙律, 加州卷呀蟹柳卷呀. 仲有湯, 炒烏冬同日式咖哩飯~ 炒烏冬係意外地覺得好好味~ 咖哩飯都唔錯~ 麵豉湯就有d鹹~ 最好仲就係可以自己拎~::: 刺身壽司類 ::: 刺身如圖示, 真係非常新鮮~~~ 而且擺得好靚囉!! 三文魚肥美有光澤, d甜蝦一碟出面都要$3X啦~ 種類雖然唔係咁多, 不過剩食三文魚甜蝦已經值回票價~ 而且壽司又唔會一大舊飯甘無里誠意. 飯同材料比例剛剛好, 真係要讚~!!::: 自助燒肉類 :::呢個又係一讚~ 出面好少放題係可以比人玩埋日式烤肉的! 而且種類亦豐富, 有牛肉,牛肩, 牛舌, 海蝦, 帶子, 羊肉都有. 每種肉類都有唔同味, 唔同口感~ 燒到幾成熟又可以自己控制, 建議牛舌唔好燒太耐, 因為幾薄, 每面燒大慨20秒就可以了, 如果唔係會好韌~ 認真有得玩有得食~::: 炸物天婦羅類

耐唔時都會黎食下呢間野雖然係任食，但係唔會好似出面果d做到咁cheap，水準一路keep住都ok款式開始少左d.....但係我係主打食魚生，所以都好滿意果晚"一生推介"係火灸三文魚sushi & asahi beer兩樣有叫，冇咩特別