板長壽司 (Closed)

突然好想食壽司，便任性的叫了板長，因為他們剛剛有了外賣速遞！（Phone no:37663766）好囉！終於唔洗無選擇的只能叫元祿了！雖然佢哋最少要叫滿$150+$10 速遞費先可以送（叫滿$400 先至免收 $10，開 party 就 啱！）不過，元祿都要叫滿 $100先送嗱！只差$60 但係味道就差很遠！ 雖然板長外賣嘅壽司 D 紫菜淋了，無咗脆嘅口感，包裝嘅 wasabi 又唔夠香唔夠辣，但總括嚟講已經好好嫁嗱！因為佢哋 D 飯仲暖暖哋，又唔會硬到死！三文魚都幾新鮮又平又夠厚！仔仔就話火炙鰻魚好好味，老公就話多骨（唔知係咪因為佢放工返到嚟都凍晒呢！） 果日我大開食介，總供叫了 30件壽司（蟹棒、火炙鰻魚、蝦天婦羅、豚拖羅、三文魚同吞拿魚沙律軍艦）、1 件手卷、炸蠔、炸薯餅、芝士蛋糕、牛奶布丁及 2 罐汽水合共 $326 大元！我們ㄧ人食咗 10 件壽司，我同仔仔分別仲食咗炸蠔同炸薯餅，仔仔仲食多咗個手卷同布丁；攪到我們倆人撐住個肚連個小小的芝……士蛋糕也無法享用添！至于老公返到嚟也ㄧ樣食咗成 10 件壽司加件炸蠔，唔洗問

30-1-2010搬到西貢, 無淡好食, 行行下到馬鞍山新港城, 難得見到板長無人排 金三文魚x9 坐落先知道超平的三文魚己經無做優惠, 現在做優惠是金三文魚, 看來是比三文魚還要高一級的, 呵呵, 先上9碟, 味道不錯, 比三文魚的味道更突出, 這個還不是魚腩, 已經這樣好吃 甜蝦x2 每次必叫的甜蝦, 甜蝦的味道難以形容, 總之好新鮮 和牛x1 好貴呀, 本來想試下, 點知得一件, 仲要無咩味道, 入口積溶, 但無味道, 是什麼來的 ?? 紫菜蝦卷x1 岩岩炸完既蝦加上紫菜, 好味, 雖然係熟食, 不過也不錯 珍珠凡立貝x1 超好味, 鮮味x1000000000000000, 又好大件, 這個必食 劍魚腩刺生x1 可能我們比較鍾意食濃味的魚, 食起劍魚腩好像平平無奇, 沒有什麼驚喜 海膽x1 爽呀爽呀, 食海膽真係串呀, 我的最愛 , 兩個字 (好味) 三文魚飯x1 有埋三文魚子, 哇,, 當三文魚遇上三文魚子,, 正 炸蝦天副羅x1 隻蝦細左D 都唔錯哇,, 三個人食得好飽 , 又好味, 下次再來

雖然自已家住馬鞍山，但這裡開業快一年，但就甚少光顧，原因相當簡單，就是每趟午市晚市到來，輪候的人龍沒兩個小時都不能散去，故每趟都繞道而行。今趟適逢半天年假，回到馬鞍山已經是午飯後段，見壽司檯仍有座位，就過來要客吞拿壽司飯一試真章。壽司飯送來，吞拿魚肉、吞拿魚腩及吞拿魚碎置滿飯面上，看似大堆頭，但實際壽司飯的份量比預算還小，所以看起來甚是好看，若男仕來這碗飯，想只能裝滿半肚而矣。吞拿魚算是新鮮貨色，卻少了吞拿魚獨有的甘香味道，但配上酸度夠的壽司飯，還是可快快清掉這迷你版壽司飯；而附送的三文魚麵豉湯就油份過多，看到都沒舍胃口。價錢不平宜，連加一快接近百元，加上招呼一般，這個食評頗難給予笑臉！

一向都唔鐘意排隊等食，所以板長係馬鞍山開佐咁耐都一直無去試。星期六同朋友敍舊，難得朋友話佢負責等位，咁我就梗係唔客氣，淨係負責食。次次去板長都係食三文魚，今次都唔例外，照食大量特價三文魚。三文魚好肥美，無因為特價而變得質素參差，所以板長口碑好都係有原因。今次朋友特別介紹我食池魚，成條魚起肉上都係第一次試，唔知係咪活魚來既呢?九十幾蚊條雖然有點肉赤...但條魚真係好鮮味。行d講句就係魚真係好有魚味...哈哈哈....朋友總算無介紹錯，下次再來都會考慮再試。

這次是我們第一次到板長壽司食飯，雖然在這附近經過過無數次~但因為每次都人頭湧湧的~所以每次都放棄入去進食的打算~但今天跟妹妹去到附近發覺只有少數人在排隊~哥哥便立即衝去拿飛~不用多久便已經可以入內~入到店內哥哥妹妹坐在玄關附近的坐位~可能新開不久~店內給人清新潔淨的感覺~挺舒服的~二人一坐下便立即動手點菜~妹妹一來便點了最愛吃的~粟米沙律軍艦~栗米~沙律都是妹妹最愛的~哥哥就點了~蔥粒三文魚~但吃下的感覺在吃蔥粒軍艦~(只有蔥味)另外更點了二人都超愛吃的帆立貝~還算鮮甜~不過真係好大份~螺片爽脆但略為有少少硬的感覺~二人點得最多的便是$3一件的三文魚壽司~但可能是優惠的關係~三文魚的質數可說是...鬆散~瘦削~有的甚至破碎~而"魚立"魚跟油甘魚的味道亦屬一般~整餐而言最好的莫過於炸蝦天婦羅壽司~新鮮炸起~外脆內爽~值得一試就這次用餐來說~其實有少少失望因為不論在雜誌或電影都見過不少推薦~但~一來無預期中咁好食，二來價錢唔係太抵如果相比之下，下次都係會揀元氣～

來到, 第一件事當然係攞飛上次, 大約一個月之前, 剛開張果陣o黎, 一攞飛, 看看number, 奇怪的事就發生了...吓, 係百幾號, 但點解現在已叫緊三百幾號飛的原來, 個counter只係去到400, 之後會變返1號即要等200幾張飛?!?!嘩, 乜板長o係馬安山咁hit架?!?!上次知難而退, 今日見冇咁爆, 和豬豬女友"乘虛而入"先!壽司等都達水準, 其實turnover 咁大, 新鮮度應不成問題.魚生飯也好食.以往o黎板長食海膽, 都是心驚膽跳的; 因質素時好時壞, 但係以壞多;今日d 又很好噃.服務ok 啦, 漏兩次單啫.... 會再來的.

今天第一次去新開的板長吃lunch 其他不說, 直接...1. 蒸旦唔掂, 水汪汪, 似飲水多點, 無質感2. 唔夠 waiter, 埋單耐 / 桌面無筆點菜, 叫了人給新筆, 兩分鐘無人理3. 在吧台, 同一時間有三個廚師在內傾偈, 內容竟然係昨晚的幾場波 (球賽) 4. 唔帶口罩唔緊要, 但對住整梗的食物講野 (好明顯係同隔望個位傾偈, 但係就向住前面的食物出聲, 真係唔知有幾多口水給了客人吃5. 非常混亂, 無間斷的給了根本無點的東西, 但點了的東西無來

尋日同D老友係馬鞍山打完TENNIS,餓餓地又諗唔到食咩...終於去左近近地既板長.....而間野成日都經過見到好多人排隊...今次終於可以試到...又睇下有咩食....佢地而家搞PROMOTION三文魚3蚊件,每枱最多叫25件,之後果D要收正價,咁我同D..FRIEND五個人就叫足佢25件...一樣掃哂..仲有叫左幾款其他壽司同四份軟殼蟹手卷,仲有叫左3份龍蝦番茄湯烏冬同埋炸蝦天婦羅...而個唔錯...幾新鮮....係小左D...唔好意思...由於我D..FRIEND好快手既關係...剩係影左D三文魚俾大家過見..其他既已經入哂肚皮..不過而間都幾多人....我地成9點9去到都要排30幾個....好彩有D走左...唔係都未必會食到...因為佢地收11點....埋單560蚊....五個人嚟講都接受到既....以食物質素來講都OK既...大家有機會可以TRY下..

看了數篇其他網友的食評，都是一面倒判劣評，以個人之見，就屬「OK」，因為確是有其好處及缺點：(1)開業至今，仍然人龍不絕，怪，只能怪馬鞍山出名的日式食肆不多，我想沒有人會認為「元祿」是好東西吧？結果往往等位等到火滾！若假日等位，預起碼4.5小時！:huffy(2)食物水準我覺得其實是不錯的(可能馬鞍山沒有更高水準的食肆吧？)，當然跟其他「板前」、「板長」是沒有分別的；若非必要，我寧願外出途經時去吃算了，好像旺角「家樂商場」那間「板前」，快起上來，十分鐘就有位！(3)馬鞍山分店先天不足的地方，是本身座位不多，但由於馬鞍山居民熱情追捧，所以往往弄至經常人山人海等位的現象……其實真不明白，有時明知還有近百個位要等，為何不四處走走，要留在現場呆等呢？(4)至於服務方面，我吃過兩次，不覺得有問題。反而最奇怪的是叫飛時，當去到晚上十時左右，由於人潮已散，結果店員會以迅雷不及掩耳的方式，一口氣狂叫號碼：「111、112、113…」曾親眼目睹，確是「刻不容緩」，如果真的唔覺意走了去TOILET，會抱撼終生！怎樣也好，若真的堅持要在這分店進食，我提議有兩個方法去取位才比較無咁怒火：(1)若是住客，下午4

呢次係我第3次黎呢間馬鞍山板長食野,之前兩次都OK啦,不過不失,只是個人認為壽司不算新鮮~不過都由得佢啦,因為見佢地咁忙~但今次不是食品的問題,是服務的問題,橫觀全場有很多員工,應該服務可以更好的~氣頂事件如下:話說我地見到menu上有墨魚餅~我地向個主任落單,佢話冇.(過左大約2-3分鐘,隔離果台有新客入來)同樣都是叫墨魚餅,那另一個staff照落單.之後,我地問番個主任究竟有冇墨魚餅,佢同佢個staff講,話:下,(指住我地,好不禮貌咁講)我頭先答左佢地冇架啦bo,佢地而家又問你呀?(之後佢走左去!)我真的火都黎埋!佢咩態度呀?!我地之後同左另一個主任講番件事,佢只是草草咁話:我會教番佢架啦!同要今次我同媽咪同男朋友黎食,我覺得好不知所謂!下次不會再去,去元綠好過佢!埋單280蚊

馬鞍山一向缺少連鎖式壽司店本來只有一間元綠而家終於有間板長食過2次，壽司小食雖然好食過元綠。但員工勁差，首先門口經常有人係到比等位飛。叫左你個飛號碼，又叫你等，排後面號碼一樣人數D人都入左啦~問佢就答你，你張台D人埋左單未走。我一定要座佢張台咩，佢埋左單一個鐘都唔走我又等一個鐘咩。入左去啦，吧台，冇人比茶，叫左2次係阿A叫阿B...8號台要茶..阿B叫阿C...食野啦，正常D野食好食過元綠叫埋單冇人理，張單又錯，坐隔呢D人叫野又有D入左我地單，野食又唔見佢比埋我地。雖然馬鞍山板長好食過元綠，不過食到成肚氣不如去返元綠食。服務差真係好唔得，食物好都冇用。

昨晚同家人終於不用等太久, 可以一試叫左好多種類 :三文魚, 特上海鰻, 鰻魚卷, 火燄鰻魚, 蝦天婦, 生粟米......等等 三文魚都幾肥美新鮮, 其他食物都OK, D壽司做得比較細不過佢地SERVICE就不太好, 好似唔多想理會, 當我們一食完, 他們都沒有問我們仲需唔需要再ORDER, 只問桌上的東西仲要唔要. 就已立即收晒我們的餐具, 好似在趕客咁!!!

因為新開而且見咁多人係出面等，所以同屋企人去試下~叫左好多野蝦天婦羅壽司，同埋鰻魚卷都很好吃不過D侍應就服務麻麻，D壽司做得比較細，味道有些蠻不錯，但尤其D軍艦就麻麻啦~埋單約$90-$150