板長壽司 (黃大仙中心北館) (Closed)

今午2024年 2 月21日中午，上完香找食。很久沒有幫襯板長，尤其是黃大仙中心，正猶疑在屋邨商場的水準，但是仍被其午市套餐吸引；決定一試。叫了一個海膽拖羅三文魚子海鮮丼定食；價錢是超值$118；輸少當贏。第一口，一定是海膽，不苦，鮮味仍可以，第二是拖羅，已經係👍🏻👍🏻，贏咗，其餘的吞拿魚、三文魚和池魚都十分之鮮，魚有魚味，玉子更有蛋味，美中不足的是三文子較為失色。但係咁既$$118 想問你要什麼？！還是獨立茶包，不是茶粉，衞生有禮貌💪本來唔會join member, 但係見集團聘請員工其中一位是白頭長者，相信其經營理念。決定加入其會員！香港人其耐心和細心觀察，定必會支持良心食肆，更應支持自己長大的地方，香港人經營的！板長壽司希望你們能夠為香港人做出驕傲😉

不是高峰期就餐，感覺這家店沒什麼人，才進來吃。食物樣式不多，味道一般，但最終消費也不低，但是沒什麼服務不說，服務態度極差。食物也一般，店裡沒什麼人才進來，沒想到服務態度特別差！再也不會吃這家壽司了。

晏晝嚟食咗一個金菇牛肉豆腐鍋定食，嚟到賣相都已經麻麻哋, 好彩係有配菜，原來只係沉晒底，有金菇，豆腐，日本魚蛋，菠菜同埋旺菜。壽喜燒湯底係唔錯的, 重點係個牛真係勁失望，又鞋又厚又老又無牛味仲要有筋，咁就百幾蚊，唯一好處係呢度唔使等位同埋坐得舒服.老公食咗個魚生飯，除咗賣相麻麻地佢話食落都係麻麻地

食壽司🍣好耐冇食過板長！咁啱聖誕節正日行過見冇咩加價就入嚟試吓！壽司🍣新鮮度唔錯👍🏻估唔到！仲食咗個烏冬👍🏻環境闊落！侍應招呼👍🏻整體感覺良好值得再嚟食過👍🏻

傻傻的無聊食評 今日因為太餓的關係就求其搵左附近的野食 食左板長壽司🤣 真係好普通 魚有魚味 飯有飯味唯一可以介紹的就係佢依家有七折(加埋加一 八折) 呢個丼加埋湯同配菜大概$110  講完。

那種吃不飽的感覺又來了家中吃過一大碗的豬柳意大利粉還有現在的季節魚吃完後黑筒模式啟動就像是當我在休眠時體能和體力被大量消耗似的吃寿司去這店的寿司是不能跟おまかせ相題並論的誰叫自己在過著遊民生活看來要提早答應工作了就算未把過往事情調理好大概也無法找出真相吧？投入工作待出糧後 就去大吃一餐好的吧而現在就好好享受這平民寿司鲬（牛尾）$13 金目$16 北寄群邊$14馬刀貝$9 帆立$17 黑松露赤蝦$12加洲卷$20蝦天婦羅芝士卷$24鯖$9 魚背$16 芝士蟹棒$11整體而言其實也可算不錯至少不會讓在下有不想吃的感覺還能繼續加點北海道牛乳布甸$28最後以點品和水果作結尾香濃的牛乳味滑滑的口感在下就是喜歡吃布甸呢或許是什麼口味在下都一樣喜歡💖奈良刀根杮$28這個可真超便宜而且有2粒杮那麼多也同是季節性食物不用自己處理 太開心爽脆鮮甜 喜歡 (*๓´╰╯`๓)♡唯一想說的就是何解放小菊呢😅

壽司定食既魚生都幾新鮮，份量都多。一份定食有沙律、茶碗蒸、麵豉湯同埋8-9件壽司。另外叫左個生蠔，係偏向爽口鮮甜的，比較合我口味😜唔好creamy生蠔既朋友可以一試，不過個生蠔好似係期間限定的🧐🧐

以前讀書的時候我和老公很喜歡品嚐板長壽司，雖然價錢比較昂貴，但是壽司的味道卻非常出色和美味，所以那時候當有多餘的零用錢便立即去品嚐一番可惜近幾年由於多了很多壽司店的關係，我們已經很久沒品嚐了，不過今天剛巧看見這間位於黃大仙的板長壽命有 Set Lunch，而且更有八折優惠，所以我和老公立即選擇來到這裡吃午餐了但是今天我們品嚐到壽司的味道，已經不再是當年的味道了，壽司的質素遠遠沒有以前那麼出色和驚艷，它真的「退步」了！No.1【壽司定食 B】$138這份定食包括了原條鰻魚、黑松露甜蝦、帶子、火灸三文魚、芝士蟹柳、玉子、青瓜反卷等等的壽司...可惜總括來說大部份壽司的味道只屬中規中矩而已，完全沒有任何驚喜的感覺可能現在價錢比較便宜的關係，導致壽司的質素有些將貨就價，三文魚的質感已經沒有以前那麼豐腴肥美，鮮美多汁，而帶子則缺乏鮮甜味，黑松露甜蝦更充滿著濃濃的腥味，至於其他壽司的味道亦相當普通，並沒有什麼特別唯一比較出色的便是蒸蛋了，蒸蛋的口感都算香順柔滑，入口即化，而且每一口都充滿著淡淡的雞蛋香氣，香飄十里，蛋香四溢，讓人口舌生香，回味無窮No.2【蒲燒鰻魚便當定食】$118由於鰻魚並不是厚

如題, 不幸的唔係哩餐飯, 而係屋企樓下間板長, 唔知咩原因, 秒速執左, 連想食多次既機會都冇唯有去另一區既板長懷緬一下新出既花之卷壽司盛合, 有晒我想食既野, 所以必點仲有點少得既大拖羅, 入口即溶既感覺, 實在係口中持續一段時間見倒餐牌有兵庫縣牡蠣, 同而家興起既即食蠔同一個縣出產, 應該都唔差得去邊啦點知, 雖然係飽滿, 如果唔係加埋個醬汁吊味, 就真係完全無味唯一失望既係哩樣, 其他都非常稱心

經過見到有新款午餐，吾知轉左幾來呢？個日式便當好靚，牛肉一般質素，炸雞有肉汁，鯖魚鮮甜又吾會太鹹，樣樣都好味仲有玉子燒似係自家製，另有沙律，真係大滿足，希望呢0的便當款式可以長有，好似去左日本甘

我好耐都冇食過壽司難得假日就帶仔仔去食板長壽司我叫一個約80元午餐，我老公叫另一同款配牛肉烏冬的再加每人一個軟殼蟹嘅紫菜手卷因為有生，又有生熟的叉燒拉麵，也非常好食的，叉燒又好大塊，好適合我兒子食，另外板長手握壽司也不錯壽司飯刺身好新鮮，特別喜歡那個燒三文魚手卷，三文魚非常肥美，而且飯好有醋味，真是不錯的選擇！我仔仔更愛那個蟹捧和玉子壽司，全部吃掉了。跟餐的蟹子粟米粒沙律也不錯，我都想跟住做沙律。

疫情之下食多左外賣，呢段時間大部份餐廳外賣自取都有折，呢間黃大仙板長壽司就岩岩相反，丼飯外賣自取冇折不但止，仲要加一，比錢個陣收銀冇提醒，我都係比完錢見咁貴先發現。唔知外賣加一係咪已經好普遍，但就我個人而言，堂食有享用侍應服務嘅，應該加一/比tips，但外賣冇享用侍應服務嘅，就冇需要加一/比tips，最多比返外賣盒錢就合理d。食物方面，味道係ok嘅，但都有可改善嘅地方，例如蟹肉碎有蟹殼，魚生薄ee，細過零食牛肉乾，有d搵笨。價格同質素相比之下，我寧願去返同一商場嘅和氣食堂，起碼個人地d魚生厚切又大大塊塊，質素又唔差。

喺附近返工，lunch走來食。 估唔到午餐定食都幾平幾抵食〜仲要唔洗等位！ 用QR code order點野食，我叫左個火炙三文魚腩井定食，定食包左有麵豉湯，蟹子栗米沙律，都只係$ 54。 分量充足，味道都好，三文魚都幾肥美。 性價比高，下次再食！

前排同男朋友去左食黃大仙個間板長，因為雖然上次太子個間評分比較差，但係因為4月實施防疫操施之後，防疫方面相對早前安全，而且我上次都好鍾意個個平靚正燒三文魚餐，所以我就再去食，再揀返燒三文魚便當。今次跟餐都一樣有麵豉湯和沙律，麵豉湯屬正常，唔算太鹹太淡，入面都有啲浸到好腍的冬瓜，都好入味，沙律呢到無上次太子個間咁好食，食落似普普通通的粟米沙律咁，燒三文魚腩就一樣好正，又唔會話好腥，但係美中不足係沙律醬唔係好夠多，未足以令我沾晒成舊魚，同埋無咩汁，送飯主要是用返沙律醬。以下評分以5⭐️為滿分⭐️⭐️⭐️

板長我真係一個禮拜食一次，不過喺第二間分店，黃大仙分店見佢新裝修，就諗住即刻試吓，所以即係第一次食。首先我喺黃大仙午餐叫壽司，叫咗兩盒三文魚腩壽司，蝦壽司同埋帶子壽司🍣其實壽司來講大約睇埋相已經知道好唔好食。質素真係好一般般。佢嗰個吞拿魚腩壽司，見到埋上佢個魚腩分開咗一截截，雖然食落去冇乜嘢，但係都真係扣左唔少分至於我嗌左尤金魚腩壽司食落去都算係不過不失。但係普通嗰啲油金魚壽司，比起我食其他分店，真係差別得遠呀。件壽司望落去好似唔係好新鮮感，不過食落去尚算可以。最主要係見魚生個份量俾我食開嘅細好多，變咗覺得唔係太抵食但係個味道尚算可以接受。至於個新鮮北寄貝就味道嘗可以。賣單食我差唔多$400 ，我扣左會員積分$70，冇預期中咁好食。