板長壽司 (黃大仙中心北館) (Closed)

以前很喜歡去板長壽司，貪佢款式多，價錢平民，但最近一次光顧卻有感質素下降不少，令小弟有點失望⋯⋯午餐有set lunch提供，點了一個海鮮丼魚生得幾塊，新鮮度一般，賣相不太吸引，而且很薄切，食得不夠痛快！唯一較可取的是魚子較新鮮爽口⋯⋯😔😔可能午市套餐質素不好吧，再另外單點壽司！三文魚醬油漬，灸燒芝士三文魚，三文魚腩，三文魚等幾款都有，是一個小型的三文魚聚會😆😆個人覺得壽司比海鮮丼新鮮，但魚腩感覺比以前細塊了，滋味點不夠！芝士三文魚個人幾喜歡，連芝士輕烤，入口充滿魚香！三文魚醬油漬亦做緊特價，尚算抵吃！

一家4口突然間好想食壽司，但又唔想去咁遠嘅社區，就落咗去屋企附近呢間連鎖店之前當然有食過，不過黃大仙呢間就無，況且全家平時都係慳友，記得都唔平，不過就腳所以入去價錢無因為地區而有減，但佢啲壽司依舊喺有水準，壽司飯唔係一夾就散，吃過劍魚腩、三文魚、油甘魚、帶子等新鮮材料壽司，味道都OK火灸三文魚同魚背都可以，燒完出嚟定唔差另外亦有叫到牛肉湯烏冬，不過如果個湯底多番少少味會好啲，比較淡，但牛肉味又cover唔到湯味，令到個麵食落好清淡唯一係叫手卷，三文魚同軟殼蟹手卷嚟到時，個紫菜已經開始「冧」，令到個手卷無咁好食，但整體上嚟講都可以嘅，壽司上菜得好快

好多年前，板前板長壽司曾經瘋魔一時，曾幾何時去銅鑼灣嘅板長壽司係有日本師傅坐鎮，壽司質素當時係唔錯分店越開越多，終於成為左其中一間港九新界遍布分店嘅壽司店。因為趕時間， 經過板長壽司見到人唔多， 反正價錢唔算貴就入去快食午餐。而家嘅板長壽司係用平板電腦落單，每張枱都有一部，全部款式都有相片參考。午市套餐前菜有菜沙律同麵鼓湯，你兩樣係正常無特別。另外叫咗一件特價黑松露油甘魚壽司，只須$7。＄7一件壽司係平，但係師傅切嘅魚生片薄到穿左窿....而且呢件油甘魚冇乜鮮味，唔係好得。角切什錦魚生飯，蟹子新鮮，整體份量都幾多， 但係細心一睇，你會發現其他魚生嘅顏色唔係好正常。雜錦魚生飯嘅配料有三文魚、北寄貝、蟹子、青瓜、蛋、劍魚飯嘅醋味偏少但仍可接受，但係魚生嘅新鮮程度真係令人懷疑，雖然佢未去到壞嘅程度， 食落質地係比較淋同埋唔鮮味，結果我只係食咗一半就唔食啦。蟹子手卷，係呢餐飯一邊比較滿意嘅食物。雖然價錢係平，份量係幾多， 但係講到食生野新鮮真係好緊要，希望板長留意吓改善下前線員工做食物嘅準則。

唔知點解今日好想食壽司，放工即刻來了呢間我家附近的板長，常常經過都見唔太多人幫襯，但我食過幾次都幾好食的，唔知點解呢。第一次在板長食冷麵，唔知係咪在下食得麵少，我真係覺得好好味^^ 麵條好幼身好掛湯，個湯的味又調得濃淡剛好，又蔥花同紫菜伴着，份外精彩，蔥帶出少少清新，紫菜伴着令本來清淡的麵多分滋味。當然都有叫壽司，整體都幾好的。油甘魚超扺食，點咗有黑松露油同原味，原味當然正，夠新鮮，又肥美，另一款加了黑松露油的又幾特別，一入口，黑松露獨有的味道配上油甘魚的鮮味互相輝映，值得一試！

曾經因為尖沙咀某分店難食到極點既食物影響心情，之後更因為想俾既實話實說惡劣評語過唔到OpenRice審批而傷感。從來食板長都只會食池魚、海膽同鰻魚，今次第一次試左大吞拿魚腩。色：淺粉紅色加埋脂肪嘅紋理的確好吸引，目測已經覺得佢應該會好好食。（習慣用口食所以無影相）香：無諗過索魚生。味：超級超級超級好食！！！魚油同肉既分佈令舊肉食落口好滑，魚油唔係左口魚裙邊嗰種油淋淋嘅感覺。食完成個人好開心，令到已經飽既我即刻著左後備緊急quota，想隊多2件！$26/件果然係好野，成功過左池魚王喺我心目中既排位！整體唔錯，新開始終比較好。唯一不足係d飯好實，實到似栥飯，感覺好百佳，飯入面欠肉鬆。