Italian Tomato Café (Moved) New Location

我係食自助餐既..果日我d朋友去左果度食,我咁岩撞到佢地就諗住順便一齊食,果陣7:35,佢同我講話,你一定要同佢地一齊走(即係8點走),我心諗:點食呀?!一d人情味都冇,比多一兩個字都好啦...半個鐘都冇!但係d朋友係好耐冇見果d,咁我就比左錢食啦,講真,比百幾蚊食一個dinner都唔係叫好平果d,點解d服務態度咁差?完全唔覺得自己係客人!食左2個字,佢走埋黎同我講話last order,咁我梗係叫多少少野食啦,佢就話唔可以食淨咁多野食...,我食左2個字野,點會食唔到多少少野呀?!食到8點,個waitress(好似係話得事果d)走埋黎同我講話要走!果陣我個口仲食緊意粉,我覺得好唔尊重!!唔知大家有冇試過食緊d野,,d野食係個口度果陣有人走埋黎叫你走???跟住我同佢講叫佢比多一個字我食埋個意粉,佢好似皇帝咁話:『好!咁我比你食埋先!之後一定要走!』而家好似我做錯事要求情咁樣!食野食到咁都係第一次1個字之後個waitress走黎好大聲,用一d好唔尊重既語氣走埋黎同我地講:『夠鐘喇!你地要離開呢度!!!!多謝』我心諗:我食多一個字...就要比人趕!!大佬都要諗下我得幾個字食野,比多一個字都

睇了各位的意見,都覺得apm tomato的service唔好。而我其實是常客,它的意粉味道不錯,最好吃的是蜆虾意粉和腸仔肉醬意粉。cake set方面,chololate mousses就最值得推介。至於服務態度，反而無大家說到咁差，上菜的速度很快，食物也新鮮，iced mocha 很好味^^可能由於枱面太小,因此侍應會一見你吃完就會過來收碟。我並不感到他們有趕客之意喎~~

今日見有些餅特價就買黎試下,買左綠茶紅豆餅,折左23.4.個餅認真唔掂,除左個cream比較好,綠茶味又唔多夠,個餅又鞋口,下次都係試第二款服務完全唔得,買一件就用唔多好的態度,好像歧視人般,雖然一件餅咋,唔係幫襯呀!仲要23.4都唔算平,去美x都買到三件貴餅啦!

起初都覺得o個到的Service都已經唔係好好,落order就越落越黑面，試問我成班同事都係D唔計較的人,個個都知道個Service唔好,都冇講出口,每次落order都唔該前唔該後,都唔係要求佢o地俾咩特別service俾我o地.大家都知道食自助餐一定會食剩o野的,當然我o地都唔例外,特別係食剩o左其中一款Pizza2/3碟,係因為第一,我o地真係食得好飽了,因為我o地已經盡量清晒面Do野了,再加上碟Pizza真係好鬼咸我,緊加食唔落去,當o地諗住起身走的時候,有一個年紀應該係全餐廳最大的一位女侍應，佢突然好大聲咁問我o地(絕對唔係酒店或其他餐廳侍應好有禮貌及善意o地了解食物質數的態度)"我想問o下你o地,碟Pizza係唔係有D咩問題,點解會食咁少"咁之後我其中一位同事就話:碟Pizza好咸,跟住o個個女待應就話:"咁你o地下一次就唔好叫啦!呢D口味唔係個個中國人都o岩o架"跟住冷笑了一o下咁講o左句"多謝",我真係沒有誇張到個情況,因為我都係會周圍食o野的人,去過唔同餐廳或食館食飯,都冇乜特別看不過眼的地方,但今次真係要在此發表一下,當一個地方食物質數都唔好,再加上有這個服務態度,都

上星期因為個friend想食呢度o既cake, 又未試過Apm branch就入左黎。叫左兩個dinner set，味道ok。spaghetti 比銅鑼灣o既有咬口，texture 軟硬適中。呢間同其他branch 唔同,係有人幫你take order, 唔洗自己出去買ticket。問題係:店中大部份o既waitresses 態度惡劣, 當日已經係係平日、又唔多人，佢地都好似想趕人走咁。想慢慢食傾下偈，碟野都未食曬，佢地就分批咁車輪轉咁問你仲要唔要。如果食到咁大stress，寧願上上面foodcourt 好過。態度最nice係一位大肚o既姐姐同一位類似manager o既男士。下次唔會再黎呢間。

其實你食個個意粉係"忌廉煙肉雞蛋意粉",即係"carbonara",佢d蛋汁係mix落個忌廉汁度整gar,所以係冇蛋碎~同埋佢係個比較冇咩汁ge意粉黎gar~係杰dge汁黎gar~你可以去第2 d意大利餐廳試下~

星期六同班舊同學去食飯，每人叫左一個自選pasta+湯+drinks+cake既set。湯得一款Minestrone，不過佢一D都唔似Minestrone，稀到好似水都不特止，仲要裡面咩料都冇，得D又薄又淋好似生菜片既野。你收我咁平我當然唔會要求高，不過做唔到好心就唔好叫Minestrone啦！就咁叫西式菜湯咪好囉。pasta係白汁煙肉雞蛋意粉，D意粉好乾，乾到我連吞都覺得有困難。又話雞蛋意粉既？我真係唔知D雞蛋去晒邊囉，想搵粒蛋碎睇下都冇，sauce又冇蛋香，更何況D意粉？！同埋個意粉似白汁齋意粉多D喎...我都唔係幾覺有煙肉既，D煙肉真係"多"到我唔識形容，又要"大"粒喎，搵D青豆黎比都大粒過佢囉。蛋糕要左一件好似士多啤梨Napoleon既野。D士多啤梨唔係幾香甜喎，不過都ok，只係未係最好je，忌廉亦都唔漏，不過D酥皮就好鬼淋，所以我淨係食左士多啤梨同少少cake就放棄左lu。呢間野D食物...真係可以畀足十個差佢！！好彩service都ok，只係有一個菲籍既waitress差D。但係我就一定唔會再去第二次囉。

早一日訂左呢度既朱古力慕思蛋糕。星期日，一訓醒就黎呢度拎蛋糕入大埔同個fd 慶祝生日。Italian tomato 既蛋糕我差唔多款款都試過晒。有幾款我都好鍾意chocolate mousse cake、blueberry cheese tart、tiramisu、strawberry cheese cake、mango tart、new york cheese cake。而今日個朱古力慕思蛋糕- 同平時一樣咁rich。全個蛋糕都係朱古力蛋糕，中間有層朱古力cream，成個蛋糕既外圍同上層都係朱古力面頭有好多朱古力粉。成個感覺好rich，不過食唔到太大件，因為感覺heavy。

之前o係觀塘o既italian tomato食過水準好高o既gelato, 今日到觀塘行街時翻兜, 要左tiramisu味同開心果味, 雪糕好細球, 同bacio同價, 唔抵食, 但係諗住要quality唔係quantity, 點知...tiramisu -- 唔甜又無咖啡味, texture好實, 好似食緊cream cheese spread咁! 開心果-- 除左開心果外, 仲有陣香草味, 而且唔甜, 好怪.雖然話係標榜低糖低脂啫, 上次食都唔係咁o既味嫁, 攪乜鬼呀? 早知食bacio好過!

服務水評一般啦,待應好多時掛住傾計,無理d客,淨係入門時招呼下你,水都算識幫你添,見你就你飲晒唔洗出聲都識做.至於食物, 大路cafe的食品, 但係這間店係出名蛋糕嘛, 在下午茶當中蛋糕套餐要$38,只係得飲品+一件cake. 一件cake只不過係賣件$20-$22,扣除了要$18一杯飲品,好貴呀>_<食物質素算好,味道ok.

今日行開食番個tea(日式意粉),$35一個雖然唔係太貴,但係個份量真係太少,味道都係一般,唔多值得~~~~~可能因為少人關係,服務都幾快,但係侍應就有點目口目面~~~~

今次食左tiramisu同檸檬味. 檸檬味係sorbet, 酸酸地又有蛋香味, 唔錯. tiramisu依舊係very good, 强烈推介.

我叫左個salmon salad, 黎到係全部菜上面都有大量salad 醬. 而且全部都酸到入唔到口. 我要求換, 點知佢地原碟拎入去用水沖再拎返出黎, 成陣生水味, d salmon 都用水洗, 一pad pad 咁. 完全不能接受!!!!!!!!!!!!!!!!!!!!!

o個次行過見到咪試o下lor, 不過個女sales 又係木口木面o甘, 又係一副唔想你試o個d 樣子!!!!!!都唔明點解而家d 人做o野d 態度可以差o甘遠, 有d 地方service 就好到暈, 有d 就擬得你唔好o黎幫襯阻住哂o甘!!食過綠茶同黑車里子味, 先講綠茶:一般啦, 又係唔夠綠茶味lor, 都係通病一個, 唔多講喇, 但係d 雪糕質地又ok wor, 好香滑, 而且唔膩!黑車里子:呢個味其實我好like ga, 不過有d 人可能會feel 似藥水味, 但呢度都做得唔錯, 唔太有藥水味, 仲有d d 果肉tim!但係呢, 就真係甜o左d 喇, 淡番dd 就仲好!!p.s. 其實我都想俾^_^ ga, 不過又係service 問題, 俾ok 啦!