意八餐廳 (Closed)

在附近上堂，中午放飯，同學仔介紹到此一試~點了牛肉炒天使麵~ 不論天使麵或牛肉、菇菌、彩椒等配料都份量十足，牛肉沒有梳打粉味，但也夠鬆軟，只是差點兒鮮肉味，天使麵幼滑，整個意粉味道調得剛好，微辣開胃，不過油份可以略減~餐飲加錢要了特式飲品之一 - 玄米綠茶啫哩冰冰~ 玄米茶味清淡，啫哩有點像是荔枝味，甜得很，要待杯中冰略為融化，將飲品沖淡才較易入口~ 個人還是喜歡淡味一些的飲品~可能因為中午較多人來用餐吧，環境比較嘈吵，很多時候都聽不清楚同學仔說些什麼，要多番重覆

每逢有新餐廳開張, 都唔駛指意咁易有位食, 我又唔鍾意等位, 唯有等D人三分鐘熱度完先去試~唔試唔知, 原來呢間同意樂係一樣的, 响禾輋食過, 感覺一般, 一坐低見到個menu, 就覺得兩間係一樣, 只係menu個design同餐廳裝修有少許分別, 呢度好似暗d同懷舊feel d, 但食物係一樣, 但差在d卡位非常窄, 同埋冇八達通~睇咗個menu成個字, 都諗唔到食乜好, 因為冇乜特別想食或者特別好食, 諗唔到唯有叫兩份扒, 印象中只記得牛扒唔好食, 一陣羶味, 咁唯有選另外兩款, 由於唔想熱氣同埋要熟蛋, 所以轉碟上~  芝士烤雞扒配牛肝菌汁唔係好多覺有芝士, 雞扒又夠肥, 唔太口胃口, 最差係個飯, 太林, 爛飯仔咁~由於唔係鐵板上, 所以個汁冇淋上去, 係用個兜仔裝住比你點, 個汁味道都OK~除咗主角, 仲有半舊蕃茄同幾片茄子, 等你有D菜中和下~成碟最正就係個脆薯角, 熱辣辣又脆卜卜~  脆卜卜炸魚柳配牛肝菌汁魚柳非常厚粉, 個粉皮差不多同舊魚係一樣咁厚, 開頭第一啖食還OK接受到, 食到咁上下, 由於太油, 最終係要起(粉)皮先食得完舊魚  熱洋甘菊生薑茶&熱檸檬利賓

今次同一班同學，一行十一人放學後去學校附近商場裡的意八餐廳食晚飯。因為我地人數較多，而且正值晚飯高峰時間，所以無甘多個人既位比我地，所以我地等左都有半個鐘先入去坐。入到去後，我覺得個環境比較暗，而且比較嘈吵。今次order 左芝士烤豬扒，牛肝野箘汁配牛乳抹茶紅豆冰冰。 配野飲，個人覺得抹茶味唔夠濃，令到整個飲料像紅豆冰，不過還過得去！而正餐就份量好足料，食完超飽！😌（胃口正常的女生來說）芝士夠！👍豬扒夠大夠厚！👍配搭既汁都唔會太鹹，剛剛好！👍當個個都食完之後，正要滿足地結賬離開餐廳，個收銀員服務態度超差，因為我地係aa 制度，可以散紙會比較多，我地有d 唔清晰，想比錢收銀幫我地計，點知個收銀員黑口黑面同負責結賬既同學好大力甘數錢和“不小心”將錢整跌落地下，還是我同學幫距執起！ 後來結算完，差2蚊，距竟然用超不耐煩既語氣同我地講“差2蚊呀！”個時真係超氣憤！ 原本對食物餐廳環境方面都還算滿意，但最後既差劣既服務態度，完全破壞了美好既心情，比左個壞ending 我地！！

黎到意八，真係花多眼亂，除左意式既菜式，仲提供火煱，選擇就認真多，但意八係主打意式所以都想試番意大利菜。睇左餐牌一輪後，揀左個聽落好新鮮既wasabi煙肉菌皇意大利飯。果然係不負眾望，先係賣相同味道已經好吸引，wasabi為依道菜帶黎刺激既口感，令依道菜比一般意大利飯更出眾，而份量亦適中，唔會太過份飽肚。下次黎希望可以試埋其他菜式！

呢間好多時都係我一個人食飯會去嘅地方，因為易搵位！！但今日實在失望，叫左個烤雞茄子焗飯，等左差唔多20分鐘都未黎，催第一次，話幫我跟，但之後無回覆俾我！再隔左幾分鐘，催第二次，嗰位侍應愛理不理咁，當然我仍然唔知個飯點啦！之後等左就黎半個鐘，我催第三次，我同個侍應講，我等左半個鐘，催左三次，你一係幫我轉其他野啦！佢check完講，個飯黎緊，再等左陣，終於黎！！講真，我知道晚市時間忙，焗飯係耐，張單有時間，我都等到20分鐘都未有飯食我先開始追，你係漏單定整緊都話聲我知，我可能轉其他野呢？！其他人啲鐵板餐，拉麵就係咁上，你早啲話我知，我食其他啦，我由唔趕時間等到趕時間，完全影響心情，呢個接受唔到囉！我張單係18:29落，但個飯19:00先到，一個焗飯洗唔洗焗半個鐘呢？晚市時間我都唔想霸住你張枱，如果真係做唔切，不如考慮下cut咁啲野啦！！

呢間餐廳係我學校附近既一個商場，應該係新開既(因為以前無聽人講過)。個日行經過，見都幾多人等緊，就一心諗住試下啦。係出面望，入面燈光暗暗地，幾有情調！裝修好有舊年代既感覺，懷舊風味十足！等左一陣就有位，同朋友仔叫左個忌廉煙肉菌皇意大利飯同埋一個叉燒拉麵。黎個飯之前，有配栗米忌廉湯，幾正架，感覺唔似係罐頭湯！之後講下個飯，個人認為份量都頗細，女仔黎講都勉強夠飽，男仔既話，可能要叫多幾款小食喇！但味道唔錯，下次去都會再叫！至於個拉麵，不得了呀！湯底味道濃郁，拉麵唔會太軟身，叉燒入味又唔會太咸，絕對唔會輸其他專門既日式拉麵店！一路食既時候，覺得間餐廳好有情調。燈光暗暗地，牆上面掛住唔同年代既舊相，好有懷舊風格，食野既時候好舒適。重點係價錢絕對唔貴！學生哥都可以負擔到，價廉物美！絕對會再幫襯🙌🙌🙌

夜晚經過就去咗食。6點幾左右都已經八成滿，都幾多人。要了鹿兒島豬軟骨蕃茄湯拉麵，跟凍鴛鴦。好快就有得食嘞！賣相好吸引，紅bok bok嘅湯底湯底味道好濃呀！茄味十足！而且唔會好油膩！拉麵不會過淋，有口感，真係唔錯喎！。整體組合好夾，最正都係個湯底。

今日出差到沙田，經過一間意大利餐廳，見好多人，看看午餐set,嘩!好低食，便入去試下，心想都係快餐式，入到去，餐具都好齊我點了百里香烤雞意大利餐，同牛奶粟米忌廉湯，但原來要湯就無飲品 ，所以加10元追加左牛乳果凍，餐湯好多粟米，好似糊仔，幾好味，但牛奶味不突出意大利飯好有忌廉味，百里香味雖有但不濃列，有些香菇，雞，但烤得不夠香，飯硬度合格果凍的器皿好別緻，頂頭有士多啤梨，入面有藍莓醬，牛乳果凍，果凍不夠滑，幸好牛奶味重，藍莓醬都夠甜，但食到底，有點麻煩，太窄，樽邊的會食唔到…以61元食到一個意大利set,好難得，如果包埋飲品更好，服務老實說，ok,但太熱鬧，似茶記feel,但冇快餐feel

那天 bird 病病地，本來只是想走去一粥麵，但見到此新店又心思思想試⋯ 結果，bird 走了進去叫了個外賣，鮮奶滑蛋三文治加檸水。回家看看，包裝不錯，三文治有盒裝著，而且還熱騰騰的。三文治可以說大份(蛋的size)，外賣包裝有心思，喜歡那紙杯的圖畫設計，做廣告宣傳又美觀。至於味道，bird 覺得個蛋治有待改進，奶味太濃烈，蛋味似無⋯有些失望⋯ 整體上，如果以這個價錢，bird會去樓下街市買⋯