意八餐廳 (Closed)

二位你咪洗指意坐卡位，佢請願丟空幾張卡位，冇客都唔會比你坐，仲要惡過你，想落order叫極都唔理，想要杯水，叫一個仕應話等等（佢就企係盤水杯隔離），叫第二個又係等等，跟本就係唔比你，只顧自己傾計食物係ok嘅，但比錢受氣，條氣唔順囉

放工後要特地去到沙田搵老姊拎返野，山長水遠唔食個飯點對得住自己個胃？餓住返屋企嘅野我係唔會做。可惜塞一塞車，令原本已經遲，就更遲。要平得黎又可以比我快快手食完再拎野，係有啲難度，老姊揀左附近餐廳，話平得黎都好味。我餓過頭，唔係好食到野，但見隔離枱食得咁開心，又咁大份，就同老姊share食，姐夫自己食一個！姐夫叫左雞食...賣相幾吸引，食落都叫做對得住個價錢！算唔錯！我同老姊叫左呢個西冷，8成熟。原來，真係唔錯！食落真係比返8成熟你，唔係全熟上。加上，肉質較冧，配埋黑椒汁，真係好驚喜！一百蚊唔駛嘅價錢，食到呢個質素，算係性價比高啦！

今早跟同事開會，要在地盤附近找間餐廳落腳。9:30 来到这裡，餐厅比較少人，因早餐時段已過，那就找个比較寛闊6人卡位。点知待應就走个来要叫轉到四人座。我堅持不轉，他就板起脸来，感觉非常不爽！其实这𥚃的早餐做得很好，款式也多。今天点了个豬扒火腿炒蛋早餐。賣相實在有心思，可比美酒店。内容又豐富(脆肉瓜，粟米，茄汁豆），猪扒煎香又嫩滑，看得出厨師功力，配上即磨咖啡，👍。可惜這樣的服務就負了廚師的一番努力！

夜少少食晚餐, 誋住搵位無難度, 點知有檯都唔俾你, 話要準備清潔, 等一陣先俾檯.柚子芝麻烤雞翼冰鮮味仍在, 雞翼係冰鮮味, 表面係好甜的柚子醬, 味道完全分開曬, 真係上檯前先"達"D柚子醬係面.再焗一下都好呀......牛肝菌汁烤雞小鍋牛肝菌汁好咸, 雞肉就真係好多, 應該10舊都有, 仲帶有連皮加幾多脂肪的. 食了一半已經因為太咸而放棄了.洛神花玫瑰茶加$10的, 香是很香, 甜到一個點, 一啖就放棄了, 我相信加2杯水先叫適中.

It is the most disappointed restaurant of my experience in Hong Kong. The dishes were not clean and somehow broken. The waitress often made wrong order and the taste of food was bad, whatever it was not salty at all or too spicy in curry. Besides, the environment was always noisy and messy.

在沙田短住的個多月, 還未有機會一試這商場的食店, 本想去一粥麵但餐牌上的食物種類好像比大家樂更沉悶而且找位子不易, 看到這店較易空位便坐下.餐牌上的食物種類頗多.點了一整份早餐, 但先上多士, 厚多士太硬太乾, 只吃了一小邊後便完全吃不了.熱檸檬柑桔質素可以. 等了足足20多分鐘, 還是星期六九點多的非繁忙時段. 雖然煎雞扒要時間但實在離譜.雞扒有百里香調味, 雖然調味簡單但要來掩蓋雞扒的雪味是足夠有餘. 雞扒亦煎得香脆熱辣. 以這個價格還有配玉米, 翠玉瓜, 煙肉算是頗不錯. 翻食指數: 40分.  味道平平, 上餐速度慢, 扣分不少. (此指數平衡店舖交通, 味道, 環境, 價格... 等等, 個人作出的評價.)

見佢裝修都幾靚幾型，暗暗既燈光加型格既枱櫈就吸引左我去。見到隔離枱食鐵板餐，好大分好豐富咁，減緊肥嘅我都忍唔住叫咗一份。有牛扒豬扒雞扒揀，我就要雞扒配牛肝菌汁！等左15分鐘就有得食，塊雞扒超大塊同厚切，而煎得好香脆，仲有飯同薯角，撈牛肝菌汁好好味，我仲要佢加多碗汁俾我添🙈六十幾蚊食到托住個肚走，真係超值呀！唔怪得之咁多街坊食啦！

尋日(28-10-2016 Fri)晏晝,o係醫院接受完治療後,一早約好o既八姨準時出現,同我食下午茶,由佢帶路,佢話o黎呢個屋苑,今次我o地上商場食,佢帶我o黎呢間.睇完menu,我揀$28.00 o既pizza下午茶,四個餐都配一件夏威夷pizza,我揀粟米粒粒沙律,飲熱好立克.八姨要柚子芝麻烤雞翼(2隻),加$3.00要可樂.冇耐,食物同飲品到o黎,同樣我冇影八姨o個份.睇睇我o個份,粟米粒粒沙律大大堆, 夏威夷pizza細件到冇人有.我冇諗到咁細件.話咩粟米粒粒沙律, 睇到粟米粒唔多,多數都係雜果,樣樣o野都腍,同晏晝o係Mellow Brown食o既一樣,唔酸就OK啦.而夏威夷pizza一啲都唔惹味亦唔熱,失望.杯熱好立克都幾淡,又係成本問題?味道係2.5分

麵送上第一眼感覺有點油，不過豬軟骨看落好像幾好味，試一啖，煮得好夠軟，豬軟骨最重要係D骨要夠淋，呢度的都算煮得幾好。烏冬表現正正常常，反而隻蛋有驚喜，原來係流心蛋，一咬開金黃的蛋汁就流出，所以要快些放入口，等美味的蛋汁流入口。檸檬利賓納竟然和可樂一樣價錢，那當然是飲利賓納啦。整體餐廳的環境，食物性價比都不錯，可以再來

點了日本仔照燒熱狗。照燒汁太濃烈了，搶了腸仔的味道。24元，抵食。原茄烤豬扒珍珠飯（$38），真的是用了珍珠米，猪扒夠腍，鲜番茄欠奉，争小小。芝士可以拉𢇁，增加了口感。

如果想平日簡單食返餐， 呢間都係不錯的選擇簡單叫了2個main, 鐵板食物味道不錯牛腩拉麵的牛腩不夠熱....而且比較多油特色野飲半價，味道真不錯👍👍Overall, 這樣的價錢， 這樣的食物質素算不錯了。

人到中年，吃嘢贵精不贵多。自己住係小瀝源，假日要出新城市吃飯，感覺得贵及廹！原來身在福中不知福，有間集中，西，日式的餐室就係屋企附近。今日與家人試齊日式拉麵，意大利飯，天使麵，pizza,。结論精致，水準中上，绝對超值。均价$56

牛角酥勁大件 有夠酥 新鮮粟米同茄汁豆 翠玉瓜 OK件豬扒都好食 就係嗰件午餐肉 勁難食 唔係我哋平時食開嘅午餐肉應該係佢自己整嘅賣相又唔好食落又唔好食兩杯熱啡係好飲佢有個缺點就係冷氣吾夠 邊食邊出汗

再次幫襯！店舖請了新人，新人服務態度好！希望能夠佢哋能夠維持水準！舊個 d 仕應會發脾氣丢野架？！收銀不會多謝！好在舖頭食物都算唔錯！有選擇！價錢都算唔錯！坐低後，叫咗一個焗肉醬意粉～味味好夠味！濃濃的芝士肉醬，面頭焗後有小小焗燶的香味，賣相吸引！另外一個鐵板牛排加黑椒汁～肉質好腍，又厚，又大件，牛肉味香濃，配菜十足！加上黑椒撈飯！超靚又超抵食

由幾時開始食鐵板要𣺉汁係面架?有機會見到神的話，我會問佢點解要創造芝士呢種邪惡既野食，肥美得來又好食。我估神都唔知道，然後打發我，叫我去問釋迦牟尼。試問芝士搭雞扒可以難食嗎? 芝士可是深深咁溶入去雞扒到啊!，仲有你睇果個蛋炒飯隔離鋪隻蛋，親子丼之威力加強全家歡樂版嗎? 仲有薯角，簡直就係碳水化合物同碳水化合物的配搭。平時人地d配菜都係可憐既雜豆，擺明就係唔好食，博你唔食，點解仲要落? 就好似每間公司入面既冗員一樣，出現左就當做左野架啦。不過，呢間餐廳又唔係咁喎，配菜唔係雜豆，係雜菜，又瓜又藩茄咁，怕你生得太多肉，唔得平均。果個牛肝野菌汁更係畫龍點睛，一定要配呢個汁，但唔好一來到比侍應𣺉上鐵板到，喳一聲就無鬼左，如果你想享受喳一聲就無鬼左，你就去睇維港煙花，呢個汁要留返來慢慢點。最後加杯事後啫哩冰，出一出火，優一優條褲走人。