意八餐廳 (Closed)

係附近返工，因為今日時間鬆動，可以行遠d。見到餐牌上選擇都幾多，我就揀左黑椒醬吉列豬排飯配玄米綠茶啫哩冰。黑椒入面有d雜菇，幾香，幾野味，小辣。有d菜做伴碟，都幾好味窩，菜唔算油膩。主菜，吉列豬排，都有成隻手掌咁大，食得出係新鮮炸，仲乾脆口，邊邊唔會炸到硬曬，味道適中，剛剛好！

通常係快餐店或餐廳都係食美國式熱狗！佢哋通常係用沙律醬或茄汁、芥茉，加一條腸仔。估不到今次有另類熱狗出現？名為日本仔照燒熱狗～係乜東東呢？原來熱狗內用了照燒汁加洋葱，加蕃茄，加很多紫菜！味道超濃味！我平時都已經係重口味！但係我都覺得比較鹹！如果淡番些會好些！腸仔外面幾脆係雞肉味！唔錯！醬汁係有些煙分味，幾得意架

星期六下班後，經過愉翠苑商場的意八餐廳，發現正值優惠的下午茶時段。店裡選擇的種類蠻多的，女皇及我分別點了燒雞翼 + 脆薯皇和奶醬粗粒花生醬多士，還跟餐飲皇奶茶和凍檸茶。燒雞翼 + 脆薯皇 ($26)燒雞翼外面撒了一些芝麻，吃的時候有很香的袖子及芝麻味。雞翼外面的皮有點脆脆的，但是裡面的肉很嫩。脆薯皇炸的好脆，但是不會很乾。檸檬茶叫了小甜，但感覺像加了雙倍糖一樣奶醬粗粒花生醬多士($22)粗粒花生醬的味道真的很香，吃到粒粒花生的感覺，麵包烤得也是正好，沒有很焦，花生醬配麵包那味道真的很棒。一人一份剛剛好，這樣吃的不會很膩。熱奶茶，味道都正常，可能係唔洗佢落糖吧。收據

有黎開呢到食lunch menu,印象都唔錯，今日下午茶黎呢到食，叫左個卡邦尼長通粉，賣相都幾靚，食落d菇幾好味，通粉無乜味，唔覺得係食緊芝士…食飯中間部分，發現芝士仲未溶曬，一粒粒咁，似係微波爐叮返熱嗰d感覺，即刻扣曬分…

夜宵嚟一個咖喱牛坑腩飯，嘩！嘩！嘩！味道濃濃的，有不同種類既咖喱香料！加上牛坑腩軟腍適中！又很多汁！加上白飯撈埋一齊食，真係絕配！！加上一個日式奶凍面上有士多啤梨同藍苺，甜得嚟不太甜，奶味濃郁，不會有蘇味！服務方面有所改善！但係仍繼續改進！

這天上班的組合很愉快，工作量也尚可，下班後即興一起外出晚餐，就一致決定到附近的老地方鋸扒去。換過上班服後到老地方集合，餐廳內鋸扒的鐵板餐不算太多，但算是屋村內的經濟選擇。 除了扒餐外，還有很多港式西餐的選擇，近期晚市還見到有人在享用日式涮涮鍋。 西冷牛扒，每個扒餐都配上珍珠飯，不過份量偏少，男同事有時候或許會吃不飽。還有太陽蛋和一些簡單的蔬菜配菜。店員逐份餐捧來，都會問你要不要代淋汁，甫一下汁到鐵板上，「咋咋 」的沸騰聲不斷，香氣一秒濃罩我們的座位。 可式西冷牛扒不夠腍，少少過熟，但在這種屋村餐廳你也不可期盼會幫你煎成五分熟吧。芝士雞扒，一樣配上珍珠飯、太陽蛋和簡單蔬菜配料，汁一樣可選黑椒或牛肝菌汁。 雞扒大大塊，肉質滑溜，配上芝士醬汁，有點偏咸，不過愛重口味的們會很喜歡。這裡扒餐雖然不算特別豐富，但就是工作地方最就近可以鋸扒的地方，也是我們一眾同事吹水吃飯的老地方。

突然有個癮想打邊爐，雖然天氣唔係好凍呢間質素都唔錯既，食過幾次，要讚一讚既就係終於換左部分臭串伙記，唔洗再食到一肚氣。今次叫左牛乳濃湯，佢咁多款湯我最中意都係呢款，因為一黎奶味重，但又唔係好重口味，佢咁多款湯底黎講，算係比較清個款，而且亦帶點清甜。可惜既係，佢d份量少左，而牛肉質素都差左，薄到紙咁得黎又碎又細塊，如果唔追加的話，應該會唔夠食。其他就同以往一樣，一般水平，不過不失，就係份量少左，例如菇、魚蛋、丸得一舊，以前有兩舊架。希望日後可以upgrade返d火鍋仔既食材質素。

After half a day of bicycle ride, it was time to replenish myself. ItaMoMo is a good spot for budget price western food. If you are keen on fusion food, this might be for you. The categories include salad, sandwich, pasta, rice and pizza among other things. There is even mini hotpot - perfect on a cold night. For those with a big appetite, the hotplate is certainly worth the try. It consists of: one kind of meat (chicken, fish or sirloin), sauce (mushroom or black pepper), vegetables, fries, ric

今晚在意八餐廳食，我叫了地獄叉燒拉面隻鹵水蛋味道啱啱好，質感軟硬適中，好入味！但係面質差咗！硬咗，無之前咁有彈性，粗糙咗，唔知係咪煮既時過 了火。回想第一次食既時候兩碼子是！！剛剛開的。我記得鐵板牛扒大大塊，肉質好軟熟！咬落去味道恰道好處！價錢好底架 ，宜家味道不錯，但係已經細塊咗！ 適今晚食肉醬焗茄子，味道唔錯！有入口即溶的感覺！忌廉蜆肉唔差！有酒味！北海道牛乳奶凍唔錯。唯一，服務水準真差！整體而言，食物方面不錯。

晨早一個人唔知道食乜好，我想起美味既蛋沙律牛角飽，價錢不算貴，飽內裝得滿載著好多蛋，同蕃茄及生菜絲，實在太吸引啦。雖然，飽內很多碎蛋，可能好高蛋固醇！！但係，我每次想起美味的蛋沙律牛角飽，就敵不住誘惑！另外，還有蕃茄湯既通粉，蕃茄味道不錯，令人垂涎三尺！

這個早上工作得比較晏，放lunch 時已經兩點了，常聽同事說意八的茶餐好抵食，便一條友來食個輕鬆下午茶！這裡的下午茶選擇頗多，湯面、炒野、三文治、小食等等都有，娜娜想要飽肚一點便揀了個原茄烤豬扒焗珍珠飯。雖然這裡的侍應們都不太nice，但落單時都有提示一下焗飯製作需時。焗飯來到時熱辣辣香噴噴，賣相很好！蕃茄味濃，除了豬扒另有些蔬菜（茄子、翠肉瓜）在內，令人驚喜！豬扒juicy又不會硬，和飯的份量也是十分足夠！相比午餐的價錢，下午茶更抵食，亦能飽肚，不過打工仔就不常能享受這個時段的優惠嚕！

今晚返夜班，不想待薄自己但dinner time 又有限，便近近地跟同事去了意八吃個豐富的晚餐！平日比較多時候是來吃午飯，但常聽同事說這裡扒餐不錯，便點了個大切吉列豬扒試試！食物來的時候賣相好好看，吉列豬扒對比價錢是合理的size；另有蛋、蕃茄、一堆蔬菜及少許炒飯墊底，十分足料而且味道亦不錯！醬汁方面娜娜選了菌汁，簡直一吃便愛上！菌味甚濃又夠特別，推介大家一試喔扒餐不配餐飲，另叫飲品可享半價，娜娜便以$10 要了杯凍奶茶，奶茶味道OK但太甜了。整體來說除了吃得飽食物又是有質素的！全日免收加一，一個扒餐加飲品七十元有找，環境又舒適，娜娜覺得算是抵食啊！

食物一般，呢間野既服務同管理有好大既問題首先，起服務方面，我同友人各叫一個LUNCH SET，並加兩道小菜，但我地覺得坐二人台太狹窄，所以就同服務員講轉位，但我地叫左十幾分鐘都無人應機囉⋯⋯果時又五係人多⋯⋯過左陣先有人黎，我地就講話張台太逼想轉四人台，佢竟然同我講無台，又煩忙時間。之後佢好快閃走左。頂，係我撞鬼定你撞鬼呀，我周邊附近四人台都吉既，你話無位⋯⋯之後，呢個蜆好多沙，同個服務員講又係無人理，真心咩態度呀，咁既服務態度。真心呢間野好五抵，首先服務上得五到被服務感覺，而且好不被尊重，我有錢比嫁，我係客人黎。之後野食既品質同價錢都係好五岩，比28蚊食沙？說好的香草忌廉味又變成清酒味？炸雞錯配？呢間野五好再試!如果你想比人不尊重就去啦!兩個人食左約＄170

尋晚同媽媽係第一城愉翠苑商埸食晚飯，見間鋪裝修幾靚又有氣氛，有人氣，食日式西餐嘅，心諗應該冇伏啦！點知成晚就食左一肚氣！ 環境的確係唔錯，啲燈係靚，復古味好重，個人都幾中意。。但入到去個門口接代已經黑黑地面，求奇叫你坐一邊又唔講清楚，咁見到有張四人枱卡位咪坐囉，點知個接代態度好差咁話我地坐錯，叫我地入去坐張超細嘅二人枱仔，好算啦，我當你多人，唔浪費你啲“靚位”。坐低叫嘢食，價錢係合理嘅，平就一定唔係，話貴又唔算嘅，環境靚仔，畢竟第一城啲嘢貴係常識黎。叫餐就叫左個一人鍋，追加肥牛同沙律，一set價錢 68蚊，湯底揀左蕃茄湯。等左5～10分鐘，終於有野食，鍋就自己撻架喇，都唔預會有人幫你搞，見樓面啲人都做到踢哂腳。點知一撻。。冇gas嘅喂？！諗住叫人換gas, 舉左成分鐘先有個理你，啲waiter係唔會望人架 到追架個肥牛，都係要等好耐先會有人show 你。。。晚市人手好不足，同埋反應真係唔合格…食物方便，其實質素係OK, 價錢都正常，不過啲肥牛係耐啲先熟，可以未解好凍，但蕃茄湯係好食濃味的，呢個值得讚。但份量就少左啲啲，感覺吉野家份量係多少少。。。烏冬有彈性，真係用讚歧烏冬沙律可

兩個人假日去食午餐，唔駛等位，點左百里香烤雞忌廉意大利飯和脆脆炸魚柳伴鮮菌蒜蓉汁珍珠飯。 價錢倘可接受。等左陣就黎左杯奶茶，但少咁一截，問過員工，佢同我換過一杯都係一樣，但我見隔離枱個杯係滿。杯奶茶普普通通，奶味比較重，唔算好飲又唔難飲。脆脆魚柳飯到左， 條炸魚都幾脆， 個蒜蓉汁都ok，賣相唔錯， 50蚊黎講都算成正比。個意大利飯比我地想像既唔同，以為會有塊烤雞係上邊，原來佢係撈埋一碟。佢碟飯唔係係用意大利米，係珍珠米，同埋好咸，真係扣晒分。總結，間餐廳普普通通啦，唔會推介比朋友，未來應該有機會再食。