岩手膳館 (Closed)

招牌岩手拉麵，豬骨湯底只有咸味，完全無豬骨味，豬軟骨過淋，牛肉全部係碎，價錢不值服務態度差，員工無笑容，落單只限落一次，根本唔想做生意，又要客人like Facebook ，簡直係妄想

平時經過都見好多人排隊~門口好細~好有隱世美食嘅感覺~因為我唔係拉麵嘅發燒友~所以只會喺無乜人排隊時先食嘅早幾日唔知係咪新年呢~夜晚經過竟然無人排隊~咪行過去睇吓~見到佢有個和牛拉麵~突然挑起我條牛引~嗱嗱林入去叫嚟食吓先~平時見啲日本拉麵都係叉燒拉麵,豚肉拉麵,海鮮拉麵呀其實我第一次見和牛拉麵~所以就決定入去食吓佢個和牛拉麵喇~坐低之後即刻睇吓個和牛拉麵幾錢先~嘩~好貴啊~但我又為嗰個和牛而入嚟食嘅~就豪啲試吓啦~講真...我覺得個和牛拉麵比一般更一般...唔值188蚊而朋友就叫咗 芝士北海道帆立貝拉麵啲芝士同拉麵完全唔夾....用怪嚟形容啊~雖然佢好多嘢喺入面...唔好食~唔建議叫好彩都仲有樣嘢好食~呢個極上蟹膏燒扇貝~個汁幾好味~我只可以話~只有呢個好味整體嚟講呢～我覺得唔洗專登排隊食嘅~

如果用100分做滿分，好對唔住，只係得20分。1. 湯底只有味精，一飲完全口渴；2. 選料垃圾，我食蔥油差燒拉麵，成碗只有油、肥到一夾就爛既「差」燒，真係差到冇辦法形容。3. 價錢離地，碗麵配料除左所謂既叉燒外，只有粟米、海帶、蛋等，卻賣$88，同級數又同款拉麵，相信就只有金太朗，但人家價錢平一半。4. 報導失實，門口貼滿報章、雜誌等報導，以為好有料，點知扮四條，呃街客入局；5. 零服務，全單除左食物之外，會另收加一服務費，但全店店員，只有Hea、更Hea同埋勁Hea，冇服務可言，亦唔會理會客人，離哂大譜。總結，如果嫌錢多又冇地方洗，又中意食伏野既，不彷一試，多謝。

經過未食過。入去一試。第一感覺普通..港式餐廳扮日本拉麵咁。d碗碗碟碟係譚仔果d..加膠櫈..膠櫈張張都烈...女仔小心鈎到d裙😕醬油牛肉拉麵。$72湯底ok..比味精湯好少少..不過牛肉真係茶記醃既味.. 面底ok, 整體有70分九州拉麵。麻麻地..味精湯 有少少簡水味。 但叉燒好味 好甘香 滑口， 整體60分其實個味唔差 只係環境格局同食物個level同價錢唔成正比，如果$60碗就好合理，可以接受爛櫈 茶記碗 味精底。

常路過, 外面裝潢很有日本正宗拉麵店的感覺。今天沒有太多人終於入內一試。叫了芝士海老拉麵以及廣島蠔拉麵。兩碗都叫了走蔥, 侍應已經再覆問一次是否兩碗都要走蔥, 可是她還是發夢, 兩碗依然有勁多蔥! 湯底無味, 7-11 或759 買十幾蚊包返屋企煮的日本拉麵或 food court 的拉麵仲好味過佢。 另外叫了一客串燒雞亦, 普通貨色, 很失望。 只見店面吸引, 沒有先 openrice 睇評語才幫襯, 很後悔, 一餐如此貨色食了$252.

呢排生智慧齒無咩胃口，唔想食飯行過廣華街見到呢間舖有好大塊招牌係門口，無咩考慮就入左去呢間店舖面積唔係好大，只有一行L型既bar枱同兩張長方枱因為我地都算早入座，所以唔洗等位我同朋友各叫左一碗麵我叫左芝士北海道帆立貝拉麵碗麵一到就見到面頭鋪左好多芝士，岩晒中意食芝士既我我揀左味噌湯底，一d都唔會覺得太濃太咸，味道剛剛好，兩隻帆立貝都好大隻，配埋d昆布，值得一讚既係隻溫泉蛋，烹調時間岩岩好，好正呀朋友叫既係咖哩沾麵話明係沾麵，即係個咖哩湯會另上，咖哩湯比起出面既咖哩汁較稀身，不過味道一樣好香濃，帶有微辣至於麵既質地同拉麵唔同，比較硬身少少，食落幾有口感！呢個沾麵配埋燒豚肉同炸生蠔，個生蠔係非常新鮮！一咬落去，仲有d生蠔汁流出黎，真心正另外有兩片麵包，應該係比人沾d咖哩湯食總括黎講，呢間拉麵店的拉麵幾有特式，而且食物水準幾高，值得推介！

同朋友一齊收工黎左呢間岩手拉麵！收工時間10點幾～黎到吾使等！入坐～岩手老闆仲送左個小食俾我地～叫炒野菜！上面舖左木魚～提升曬野菜味道豬軟骨拉麵、非常淋又入味麵底軟硬度適中～輕食不錯既選擇

其實我地係幾鍾意食拉麵嘅，基本上見到看似有特色嘅拉麵店，我地都會搵機會一試。今晚晚飯諗唔到食咩之下，就話不如食拉麵喇，反正係樓下又冇食過。呢間拉麵店好細，位好少。一坐底，身邊人已經不停係咁講。。嘩，呢間都唔平喎、嘩，呢間睇嚟都唔多正宗。。其實我見到張紙冇得揀濃啖、走唔走蔥、麵軟硬度，已經唔太習慣。我叫左豬軟骨拉麵，豬軟骨正常，湯底非常一般，拉麵就。。似乎係最廉價個隻拉麵 (食開拉麵的話你應該明我講咩)朋友叫左芝士帆立貝拉麵，絕對係芝士控嘅佢一食就話芝士好難食，仲話得兩粒帆立貝，呢個價錢真係唔值整體而言，都唔係話需要劣評嘅，但就真係好一般了

之前去親廣華街閒逛，路過岩手都會見到排哂隊望入舖內得好少位置，所以以往選擇晚餐都skip左呢間早兩日9點幾行過，居然冇人排隊而且仲即刻有位，未食晚餐既我當然要試一試男朋友叫咗呢個龍蝦拉麵，其實真係好普通，好似普通小店食嘅拉麵咁囉以為龍蝦拉麵湯底應該有特別嘅味道啦，點知同我碗蔥油拉麵個湯係一樣整體來講不過不失，但要＄112嘅價錢來講真係唔值囉，龍蝦又唔係大隻我就叫左自家製蔥油叉燒拉麵，不得了咸到呢我食呢碗拉麵飲咗四杯水 啡色一條條嗰啲應該係炸咗嘅蔥油，可能唔啱我口味啦，就算下次唔使排隊都唔幫襯啦貴得又冇質素

之前見好多人排隊所以冇食過今次10點幾11點來到冇人Yeah即刻入唔駛等另外order 既糖心蛋就好香蛋味入口彈滑香甜海鮮拉麵 湯底唔會過濃唔太淡能帶出海鮮鮮味而唔搶味面質有咬口 有丁點鹼水味最憎發水蝦不過都明既，就算我地係日本地道鋪食 有時都有發水蝦，發水蝦可以擺耐d,又節省預備既工夫不過呢度的未免發得太大太多了...發到脆晒 唔知自己食緊咩 冇味...湯入面個蛋醋酸味好刺鼻 遮左蛋香味同甜味個凡立貝好在真係用急凍原隻冇添加的所以肉質鮮美 保持口感唔會梅/散口 仲鮮甜Tim個蠔還不錯😊 冇發到水蔥油拉麵醬油湯底炸蔥出色同特別湯底濃郁令個面唔會太清淡不過個叉燒就普通個餃子我地對沖繩餃子一般我地prefer 香口d 同皮薄d呢個唔香口同皮好厚😅

老公想食拉麵幾次黎都見到有人排隊，咁岩今日冇人排就走左去食喇我叫左個葱油拉麵老公叫左豬骨拉麵我見到我果個一黎到係咁既樣即刻同我老公換佢有好香既炸葱既香油味，但對我黎講實在係太濃烈喇，我接受唔到，好肥膩丫個感覺，而且我一直以為係新鮮既葱丫天呀，因為冇圖睇我都唔知會係咁到老公個豬骨拉麵喇，幾正常個樣，湯底都可以，我地兩個都係嚴個塊叉燒實在係太~~~~肥喇

岩手膳館名字聽來倒是頗特別，完全想不到是吃拉麵的地方，這天女伴想食拉麵，於是便找到這間岩手膳館。晚市來到竟然未滿，待店員執好枱就能進入，看畢餐牌便點了這裡的招牌菜蔥油叉燒拉麵。拉麵很快就來了，拉麵上鋪滿了黑色的蔥蒜，聞上去非常香，伴著麵來吃更是十分惹味。但叉燒卻平平無奇，令人有點失望。湯底更是只有咸味，飲下去後令人非常口乾，即使香惹再出色亦難以彌補。埋單一個拉麵索價九十多元，普通拉麵價錢，整體而言雖然有不少缺點，但其特色的惹卻值得一試。

位於油麻地炮丈街街角, 係一間日式拉麵小店, 平時行過都好難發現, 座位比較少，只可供十四, 五入座岩手海鮮拉麵 (廣島蠔，海老，北海道帆立貝)，味增湯底不清不濃剛剛好，加上海鮮鮮味，蝦爽口但有少少雪藏味, 廣島蠔新鮮，帆立貝都夠完整大隻, 咬落彈牙, 整體海鮮量份充足。

好耐之前，睇雜誌見有介紹呢間拉麵店，話好特別，一直都話想食，但係成日都唔記得，今次我地終於都可以去食喇~店仔真係好細細，我諗真係得10幾個位~自家制蔥油叉燒拉麵（醬油湯底）- 呢個湯底味道唔錯，不過如果對啲唔太鍾意濃味嘅人嚟講可能會比較鹹海鮮拉麵（味噌湯底）- 入面有廣島蠔、海老、北海道帆立貝，湯底會比蔥油嗰個淡，同埋其實我唔係好鍾意呢啲麵質，呢隻就好似平時超市20幾蚊會買到急凍日式拉麵咁，好重梘水味，同埋比較硬沖繩餃子 - 其實我地去沖繩嗰時都無特別食過餃子，所以都唔知沖繩餃子會係點，所以覺得呢個都新奇，佢係扁平嘅，味道唔錯，不過餃子皮因為太扁平就會硬咗少少~

地獄叉燒拉麵 半級辣 雖然已經係最後級數既辣度，但我都食到出囇汗🌶💦湯底唔會好味精，地獄級數既辣度令人愈食愈過癮溏心蛋 係我最欣賞既部分🍳叉燒 有少少失望，因為口感太韌，選用既豬肉 太瘦。拉麵 屬爽口彈牙口感，但本人較中意#幼拉麵 軟滑既口感，所以粗拉麵滿足不了我🙈