岩手膳館 (Closed)

係旺角唔算好顯眼嘅拉麵店，夜晚唯一顯眼就係啲燈籠。我見平時生意都幾好，所以今晚特意同朋友來試一試。為了省略排隊的時間，我地一行3人6點半就去到，當時入面有2個客。我地揀坐係bar枱，感覺好似有風味啲，坐bar枱嘅好處就係直接可以睇到廚房嘅情況，同埋可以同啲師傅傾下心得。因為諗住會有第2場，所以我地每人只叫1個麵冇叫小食，第一次來到就試試用自己名起的拉麵（其實都係因為想試多幾樣餸），叉燒同豬軟骨都係自家製的，聽啲師傅解釋先知唔簡單。牛肉都係有炒過唔係白烚。其它兩個麵都冇試所以不能評論。我一向覺得旺角區啲餐廳麻麻地，有陣時真係唔知諗食乜嘢好，只係為咗食飽一餐（所以有時行完都去其他區食飯）。經過今晚之後我對這區的餐廳有番D信心，也令我想多試試同區其它餐廳。用咁嘅價錢唔單止滿足到我想食飽嘅意欲，也滿足到我想吃好野食嘅期望。順帶一提，師傅話遲啲可能會做埋正宗日式串燒，對我呢啲唔係日日食飯麵嘅人係一大喜訊。

英國返來真係好想食碗拉麵～ 見到MK有間新開拉麵店望落去幾OK就同朋友去試下～ 雖然店面唔係好大不過座得幾舒服， 我order左個蔥油叉燒拉麵，真係有好多料！ 叉燒好大份，隻蛋好好食～我最中意～ 湯底都好好味，夠濃～ 拉麵硬度啱啱好～ 我個friend就order左個岩手拉麵～ 一樣勁多料～真係一分錢一分貨～下次一定再來過～ 

Stumpled arcoss this shop in Mong Kok when I was at the market thinking what to cook for dinner tonight with my family. The lanterns in the ally caught my attention and cooking at home was immediately called off.There was a short queue at the shop but we were quickly greeted by staff offering us the menu while we're waiting. It was quite hot but luckily we didn't wait long before seats were available.As it's our first visit to this shop we were looking for some recommendations, and the following

星期日同朋友到MK搵食，經過呢間舖面雖小，但都坐得舒服既拉麵店食！雖然餐牌上款式唔多，但聞到好香既豬骨湯味！好吸引！因為第一次食！我都有問下侍應哥哥有乜推介,佢都好用心介紹比我！當時我比較想食小食,所以和朋友share 左個岩手拉麵再另外叫小食。等不夠5分鍾就有得食, 有夠快!我試食一啖，湯底好濃厚！有漿口嘅感覺!和風牛肉不錯,叉燒淋身唔嚡！順帶一提，他們的叉燒原來係在大家麵前自家製出來的，不是那種預先包裝的切片豬肉。 講真他們的叉燒超厚切!! 溏心蛋軟綿綿，不過不失；豬肉塊份量十足~ 真係超足料! 味道夠入味！係一碗好味傳統式豬骨湯拉麵！再來係心型的日本明太子魚餅,他們話係用「心」去做的!好搞笑 XDDD 但是真係好好食!!!好值得推介!豚肉軟骨和蛋味道好夾！好好味加個南瓜沙律,夏天食好唔錯!最後再個他們話使必食的自家製沖繩餃子, 即叫即整~賣相好吸引!!! 好jeng!!一碗麵加四個必食小食,兩個女仔食好夠了!食完真係超飽肚！原來侍應哥哥話他們好多野食都係自家製的，不是那種預先包裝的。認真唔錯~這裡的氣氛、食物、招呼都很不錯，值得再幫襯。

放工之後，去接女朋友一齊食晚餐。由於女朋友要係旺角買野，於是就係旺角揾野食喇。放工時間，旺角好多人，唯有行去平時少行既巷。見到呢間野好有日本feel，就決定去試下！去到見到呢間野已經有人排緊隊，但是店員好細心地俾個餐牌我哋睇。無幾耐就可以入去食啦。我同女朋友叫咗岩手拉麵，仲有d小食。拉麵湯底好香好濃，但唔油，牛肉係炒過先放入去，豬軟骨入口即溶，最特別係塊叉燒，原來係自家製。😋😋食過好多間有名氣既拉麵店，呢間小店絶對係有驚喜！推介：沖繩餃子又香又脆，未試過係出邊食到！😍心形既明太子魚餅，氹到女朋友好開心！！👍👍P.s: 係旺角黎講呢間野可能唔算好平，不過真係值回票價！

上個月的偶然下，去了他們的大角咀岩手，今次去開旺角汽槍街陪細佬買野，行下行下見到上次岩手個老闆，比佢認得我，(心諗:咁好記性?係唔拿係呀...#@?)一出聲，佢堅認出我，寒宣幾句，原來尼位老闆的另一間分店就在前門。所以就決定帶細佬去食一次。入到去，旺角地方都係不算大，但有日本feel，有bar台，有4-6人台，幾骨緻.!我和細佬點左個地獄和招牌岩手拉面，我要加加加辣。老闆笑住回答: mei wan tee.....拉面到，我們開始試飲一口熱熱的湯底，(夠香,味夠濃，不是只得重辣，而是很適中，合我和弟弟口味)我不想在這裡太 hard sell，以上內容只是我們的小小經驗，你們可親自感受。我會再去…希望老闆加油！

睇完戲返屋企，經過哩間麫館，平時見好多人等，見今日唔使排隊，入咗去試下。叫咗個自家制醬油叉燒拉麫同汁煮豬軟骨。個拉麫嘅湯底一般，叉燒ok，但係D麪質冇囗感。個豬軟骨好軟，但係唔會入囗即溶。質地好。