大吉居酒屋 (Closed)

放題食親都係九龍區,新界區,第一次過海食放題,而個價位都只係二百幾蚊!! 地點雖然係上樓,但唔會唔識黎, 鏞記隔離!為左穩陣,之前訂左位,黎到雖然人多但好快就安排好入座, 先講解飲品甜品自助既,我就立馬去睇寒有咩飲啦,嘩。。。。有我最鍾意既益力多呀居然!! 仲有啤酒又有解茶。。。咁岩都有晒我最愛既飲品,當然仲有其他,但我留意。。。再黎就到點食物既時候。。咁既價錢居然有帶子刺身,即刻點啦, 上到黎好surprise,因為食過好多地方有,但一係切薄晒,一係一粒切四份,咩口感都無晒,但呢到,佢雖然切左片,但都仍然厚身有咬口!!又有赤貝!!!而生蝦大過隻手指公, 啲野食又新鮮! 到熟食,真係好多款揀,但刺身我都追加到飽咁濟,所以熱食作戰得唔多,但有食既味道都好正,個燒日本燒紫薯好食到以為佢浸左糖水咁呀!! 呢間野真係對面海放題食過既又平又抵食呀!!

朋友喺中環收工 所以決定喺附近搵嘢食 大家都見好肚餓 所以決定食放題黎左呢間大吉居酒屋點餐紙好似個手袋 好特別食放題梗係食咗刺身先啦呢度嘅刺身選擇都幾多 有超過10款 最估唔到嘅竟然有加拿大鱈場蟹腳交完點餐紙 好快已經有嘢食刺身全部都好大塊 新鮮蟹腳啖啖肉 估唔到係咁高質除咗刺身 呢度仲有好多其他選擇 壽司 卷物燒物 炸物 ... 大部份嘅食物質素都好評 呢個火炙芝士蟹棒壽司推介(最左)蟹棒超厚身 加上溶燒溶左既芝士 飯有少少微温 質素很高另一個要推介既係鹽燒牛舌牛舌燒到好香 又唔韌露筍惹味燴鮑魚遠遠已經聞到香味 露筍爽口 鮑魚彈牙飲品選擇種類都好多 甜品同雪糕都係任食令我驚喜嘅係 竟然有Haagen Dazs 雪糕我同朋友都對呢餐飯表示十分滿意👍🏻👍🏻

為食既我同我朋友今日經開中環 想食放題， 本身諗住d放題實爆哂 又好彩打到去呢間大吉有位 見平日 250 蚊一位正正常常甘 希望唔好中伏 但估唔到幾有驚喜 食店既環境唔迫 而且職員service 幾好 感覺唔錯 食物唔多 但好有質素刺身 好似三文魚希靈魚 吞拿魚 赤蝦都好新鮮 估唔到連油甘魚 帶子 赤貝 北寄貝都有 . 仲要魚類係厚切淡淡肉 好正熱野既串燒 鹽燒好出色 雞軟骨好爽滑。牛肉 juicy 翠肉瓜都好甜 羊架夠哂香 芝麻雞翼夠哂香脆 , 估唔到仲有鮑魚仔食 , 真係性價比高

去到中環要想食日本菜個荷包都要袋定一千幾百蚊，仲可能未必食得飽，所以我會去"大吉"食到爆肚都講緊2百零蚊個人頭抵到爆!仲要啲嘢食係有保證!食番個前菜開一開個胃先!開動亂食裝置! 薄切豬肉捲露筍燒，燒到啲豬肉少少燶地非常之香 肉汁又比露筍吸收晒 好味~熱辣辣蟹粥 天氣涼涼地最啱食串燒真係食得過，喺街吉兩串嘢都廿幾三十蚊，宜家我任食羊架肉質好好一啲都唔韌，再加埋師傅醃得過味好好 令羊肉一啲都唔騷 唔錯唔錯~燒海中蝦 蝦肉非常新鮮一啲都唔霉~燒蠔上面有我最鍾意嘅醬汁最重要嘅嘢嚟啦刺身，真係樣樣新鮮到一個點! 講真如果去中環求其一間日本料理食 ，一份刺身都唔知止200幾蚊，我仲要食兩份咩都抵返晒!

好耐都無食過放題啦,今晚簡左間係中環放題,之後順便行下中環碼頭,拍下拖.放工都左,所以要食第2輪,830上到去都幾多人等位.今日餐廳安排得好好,安排我地座卡位都好舒服.食物都有好多種選擇 一黎到當然係點刺身同壽司,刺身同壽司種類有好多簡.我最鐘意佢地蝦,甘海老 泰式虎蝦同 極大赤蝦,大赤蝦勁大隻囉,有成隻手掌咁大隻,出面放題好小見刺身勁新鮮同好厚下.咁都試左其他燒物,炸物,焗蠔都幾好食.落單送食物上黎速度都好快,又無留單.值到推介放題

有一段時間都冇去放題，近排可能壓力比較大，突然好想大食一下，所以約咗朋友一齊食放題。之前以為放題都只會係尖沙咀或者旺角會比較多，冇諗到中環都有，所以一於就黎位於中環既大吉居酒屋試下。以前係港島讀書，會係中環轉車，宜家就比較少黎，所以開頭有D擔心好難搵。好彩大吉居酒屋距離地鐵站幾近，出咗地鐵站之後大概行5﹣10分鐘就會到，好易搵。黎到搭lift上2樓，一開lift門，就會見到大吉居酒屋既招牌，一定唔會搞錯。門口仲會有幾張椅，坐咗係到等咗一陣，朋友就到啦。一入到去，店員就好有禮貌咁招呼我地，帶我地去卡位坐。坐位一D都唔逼，坐得幾舒服。而且枱與枱之間都有充足既空間，唔會話好容易就撞到隔離枱既食客。MENU都有好多美食可以選擇！點完野食，係等待美食上枱前，當然要去睇下有咩野飲先！wow！單係飲品都有兩個櫃，有好多選擇，仲要唔係普通野。有好多韓國飲品之餘，仲有唔同款既道地飲品，連益力多都有得飲！除咗呢D凍飲之外，仲有熱飲tim，熱飲就要寫紙仔啦！此外，如果要飲酒精飲品，都可以同店員講㗎！第一次試呢隻奇異果蘆薈飲品，都幾好飲bor！牛油粟米、馬拉盞炒椰菜粒粒粟米都好夠甜，而且好香牛油味～馬拉盞炒椰

<好少有地地方唔迫既放題 😂👍🏻>中環呢間大吉居酒屋其實開左成10 幾年 記得成8, 9 年前放題興起時食過一次放題 其實冇乜印象 但我記得印象係唔錯既🤔😃 今次甘啱喺中環揾食 朋友想食放題 於是就再臨大吉👍🏻 可能因為喺中環區既關係 佢地staff既服務都幾好 又有禮 經常換碟 整體俾食客感覺唔rush! 👍🏻 地方唔係好大 但感覺幾整齊舒服 ! 🤓 坐位都有卡位等等 走郎唔會勁迫 對放題黎講真係好少有 . 食物質素唔錯 星期一至四 260 蚊就可以食到唔少食物 . 唔可以講好多 但質素真係比較高👍🏻😍1. 刺身 三文🐟 希靈 北寄貝 大赤蝦 甜蝦 🦐連松葉蟹腳 🦀帶子 赤貝 油甘魚都有 都幾有驚喜🤓 而且不是罕貨 例如赤貝爽滑鮮甜 松葉蟹夠juicy甜味適中 , 北寄貝新鮮 , 大赤蝦啖啖肉等等 👍🏻 當然普通魚 好似d三文 吞拿🐟都厚切唔差其實就仲有壽司同手卷🍣 但真係食唔哂甘多 , 所以就冇叫 希望下次可以點下！2.熟食方面天婦羅 有 蕃薯🍠 秋葵 🌿海蝦 蟹鉗 🦀 等等 除左多選擇外 佢炸得好好 茨粉唔會太多 夠哂脆 入面既材料保留應有既水份 正！👍🏻

放題又係大開食戒的時候, 但大吉真係好多好多選擇, 對於我呢D有幾多可以食幾多既人都要叫投降啊~識揀就梗係揀佢地:每次坐低必先點的刺身: 三文魚刺身件件厚切, 鮮甜肥美! 甜蝦好大隻, 甜而爽脆的! 希靈魚的確唔多人鐘意食, 但我覺得大吉的希靈魚算好食, 爽爽的口感! 鮑片好有鮑味, 甜!甜!甜!牛油炒帆立貝, 我覺得無論原材料及調味都比同級放題好食, 我食左2碟!冇雪味, 而且有鮮甜味!鹽燒海蝦, 蝦肉彈牙的!! 新鮮! 燒得十分之香口, 大愛!紫薯波波, 榴槤波波都炸得好香脆, 不得不讚讚榴槤波波的榴槤蓉是流心又香榴槤味, ENCORE 了!芝麻雞翼都俾朋友大讚好食, 炸得香口又醃得好味, 有水準!大吉有鮑魚食! 雖然細細粒, 但有淡淡的鮑魚味, 又有口感, 唔好睇小D配菜, 荀炒得好好味!!壽司成為左我喺大吉的最愛:大大件蟹棒鮮甜又JUICY, 上面鋪左超多芝士及蟹籽增加口感, 一流!!左口魚裙邊, 唔好睇佢細細件, 佢好肥美架! 油膩滿佈!入口即溶!饅魚壽司可能比出面壽司店更好食, 肉質彈牙又多汁!西京燒, 我地食左3份, 唔洗講都知好好食!! 肉質嫩、滑, 煎得香口, 味道鮮

因上次那間放題店沒有希靈魚食，於是在網上再找一間放題店要有希靈魚食的。突然發現中環有放題，沒想到中環會有放題食，還有希靈魚食。見價錢合理，便 book 了這間食放題。坐位很寬敞，光線充足，感覺很舒適及衛生。食物種類很多，更沒想到刺身種類也很多 飲品亦有很多特別的種類，居然在放題店見到有益力多!刺身！有希靈魚，還有蟹腳刺身 估唔到天婦羅都有蟹鉗！我最愛的火炙三文魚壽司，入口即溶，非常好味！燒味淋魚乾，很香口，食完想再食！每次都會點的燒菠蘿，酸酸甜甜，幫助消化！露筍豚肉串，沒想到這是最好味的食物，豚肉肉質嫩滑，再配上露筍，很夾，很好味！是日生果，哈蜜瓜，清甜！有很多不同種類的甜品，很滿足呢 ^_^食到最後想飲水，但又不想麻煩店員。想取其他飲品之際，居然發現飲品櫃有水！非常非常好，我真的很滿足了！

很久沒吃過放題，以前大學時期很常吃的大吉居酒屋位於中環，只是蘭桂坊附近很方便的位置。價錢也不貴，三百元也不用。珍味前菜:味付螺肉、櫻花魷魚、味付海蜇先點前菜邊等食物的到來，質素不錯。刺身有不少選擇，如三文魚、呑拿魚、鱈場蟹腳、海老刺身，還有泰式生蝦刺身等。刺身切得有點薄不算肥美，鱈場蟹腳體形也有點小，有點兒小失望。相對地喜歡海老刺身和泰式生蝦刺身，沾上泰式辣醬夠滋味。卷物醬燒三文魚腩卷、芝士鰻魚卷壽司火灸三文魚壽司、火炙鰻魚壽司、雙重火炙芝士蟹棒壽司他們的壽司質素不錯，壽司飯亦不算大。露筍燴鮑魚鮑魚份量多，雖然只是小小一隻。鐵板雪花牛柳粒比目魚西京燒十分推薦，比目魚夠肥美，油香滿足。白酒煮花甲花甲新鮮無沙，湯有海水香。串燒 、燒物雞軟骨串、鹽燒雞亦、牛舌露筍豚肉串牛油煎帶子帶子也是小小隻的，充滿牛油香。

某天奶油pig要約朋友食生日飯, 主角話最近加班好累想早些回家休息, 體貼的我決定搵間近佢公司的餐廳慶祝!中環區有好多餐廳, 最近胃口大開, 想食好好好野>< 放題最啱我做隻pig我食過大吉中午定食都ok, 很多人去食, 晚上原來是做放題, 應該都有水準!!我訂了6-8那段時間, 一放工就搵埋朋友等入去極速tick好晒點餐紙後, 第一件事當然去拎飲品!!竟然有益力多飲支清腸胃先~刺身新鮮, 有甜蝦, 帶子,三文魚, 帆立貝, 長腳蟹....牛柳粒燒得好嫩, 2個人share剛好呢碟帶子有5粒, 推薦!!!!!!!!!左上芝士帝王蟹棒壽司大大件, 芝士味濃, 加上蟹子好彈牙火灸三文魚&左口魚好滑蟹膏蟹肉壽司回晒本鰻魚壽司有2壽, 芝士那款食落似牛油果, 有d膩, 所以我比較喜歡只有鰻魚那款燒味淋魚乾唔係周圍都有, 越食越有味, 我平時都好鐘意食, 見到有就即點芝麻雞翼嫩一嫩~我食了2隻榴槤波波當然要同朋友一人一粒, 咬一口全是榴槤蓉, 成口香氣無論男男女女都要補下, 有花膠雞腳!! 無理由唔食掛~龍蝦粥好鮮味, 粥煮到好綿, 雖然好飽, 我仲可以食多兩碗!甜品好像也不錯,

中環大吉係一間元祖級既日式放題早係幾年前都已經食過而且會一直幫襯既餐廳因為餐廳質素一直都保持住水準包括食物質素同埋員工服務態度一流員工態度友善而且主動而食物質素竟然多年黎都保持到真心難得👍🏻環境又舒適，唔似其他放題坐到咁逼兩個人去食都俾卡位我👍🏻👍🏻👍🏻先講下食物刺身好fresh，而且選擇有好多單係蝦都已經有3種俾客人揀包括有泰式生蝦，特大牡丹蝦同甜蝦真心推介另外d天婦羅炸物真係即叫即炸😻而且款式都好獨特首推紫菜多春魚😻😻😻好正好特別另外個穌皮南瓜湯完全係誠意之作最後一定要講個清酒煮蜆一個人一煲，仲要十幾隻，粒粒大隻無沙！唔嗌走寶👍🏻👍🏻👍🏻👍🏻👍🏻👍🏻

已經好耐冇食過放題，今晚難得嚟到中環，就同朋友一齊食下放題啦。好耐之前都試過呢度嘅放題，覺得好多選擇。隔咗咁耐之後，呢度嘅質素一樣，都係食物款式好多，好似朋友咁講，本餐單成本聖經咁厚。職員服務態度都好好。上菜又快，收單又快，又唔會漏單。壽司我就最鍾意係鰻魚壽司，軟殼蟹手卷都好脆。我覺得呢度啲燒物好高水準。鹽燒雞翼好好味，燒菠蘿都好鮮甜，我總共帶左六次。另外俾我發現咗呢度個燒味淋魚乾好好食，送酒一流，我總共order左四次！另外仲要一題嘅就係呢度啲甜品，好多選擇！隨左有傳統H字頭雪糕杯之外，仲有一啲韓國嘅雪糕，自製嘅甜品和豆腐花！飲品亦都好多選擇，最surprised係有細支裝嘅解茶，超正！下次再嚟！

同中學同學聚會，人多最好食放題，選擇夠多，迎合各位既口味，哈哈。朋友介紹呢間係中環既放題, 話食過幾次唔錯，就食大吉啦益力多簡直係兒時回憶， 一坐低一人飲一支， 夠曬解渴前菜係櫻花魷魚，出面比較少有。 魷魚彈牙，芝麻八爪魚好大隻基本上每一款嘅刺身我哋都有叫到，三文魚， 吞拿魚，希靈魚應有盡有。另外，仲有鮑片，甜蝦味道鮮甜; 帶子厚切鮮甜值得一讚嘅係赤蝦好大隻， 淨係蝦肉都已經成隻手掌咁大，兩隻蝦就可以圍住隻碟。出面日本超級市場，做緊$50/3隻，呢到係任食蒜片牛柳粒，份量啱啱好，蒜片好香鐵板帶子，審左七味粉係上面，好惹味燒蝦，燒翠玉瓜，燒羊架，燒牛柳粒。唔會燒到過龍，蝦上面審左鹽， 翠玉瓜多汁， 牛柳粒同埋羊架唔會太硬，好食估唔到放題都有花膠食，而且花膠仲好大嚿， 入面仲有冬菇，小棠菜。 食咗兩樽，女人真係要補下，放題更加要食多啲，哈哈燒雞翼同埋燒菠蘿，菠蘿好甜好juicy最後食番杯咖啡味雪糕，完美嘅一餐呢間放題嘅嘢食夠特別， 部分甚至出面放題都唔會有， 而且食物質素好高，好容易回本，值得再黎