大吉居酒屋 (Closed)

其實我一直都好唔鍾意食放題，因為大部份任食都好似食既垃圾，又貴又難食；但呢間令我改觀，真金白銀回頭食過數次。刺身新鮮無怪味，最愛極大海老，蝦頭唔會黑色唔新鮮；熱食都係即叫即做熱辣辣，炸蠔，燒雞軟骨，羊扒(不過尋晚食嗰2件差左，咬唔爛...)仲有芝麻雞翼，超脆超juicy好食!!!!! Staff換碟上菜超有效率，基本上食過咁多次都無漏過單；飲品好多選擇：coke/zero/ 維他檸檬茶菊花茶/益力多/樽裝水, etc，連細個成日貪既碧泉檸檬茶蜜桃茶都有! 真心推介（雖然環境有啲迫，但食物同服務補返）

2位去食，用電話預先book了7:30pm枱，依時去到唔使等就入座。2人枱比較細小，枱ge闊度大約係1個身位多d。食物都係普普通通，不過不失，印象比較深刻係開邊蒜蓉蝦，推薦大家一試。凍飲同甜品係自取。飲品有茶類，韓國罐裝飲品，啤酒，汽水。雪糕杯有dreyer's開心果，Haagen Dazs士多啤梨，仲有阿波羅芒果。

幾個同事升級請食飯！難得唔使食圍菜！佢哋好豪咁請我哋去日式放題！去到要上樓，黑色主色，我哋十幾人比咗兩張長方枱我哋！座位比較窄，出入都唔方便！下下攪到食緊嘅朋友！食物除了點餐紙之外，間唔中店員都會攞啲廚房新出品比我哋試！好似攞咗炆牛腩比我哋！食物選擇好多！無漏單情況！魚生：擺盤正常！大堆頭！三文魚厚切肥美，牡丹蝦大隻爽口！帆立貝比較細！不過淋身鮮嫩！油甘魚比較實！有咬口！全部新鮮唔腥！壽司：都係叫了啲卷物！花之戀：三文魚比較啞色！味道正常！蟹籽卜卜脆鰻魚芝士卷：軟殻蟹卷：軟殻蟹唔腥！飯卷唔會太實！ok迷你海膽手卷：細細件，紫菜爽脆，海膽甘味唔濃，味道正常！雪榚：款式好多又任食！已經無位，所以只可以食到雪榚糯米糍！正常！食物款式多！大部分都好味！店員有禮，好爽手！

都唔係第一次黎食喇大吉放題算係所有食物都有質數比我揀 令願食大吉都唔食自助餐因為有刺身又有熟食價錢又合理仲可以儲印仔 夠8個印仔 下次食可以free一個人頭我儲到喇✌🏻️服務員又好 見你碟滿左會自己黎幫你講下我地覺得有咩好食啦 太多食物都講唔曬😂今次2個人黎食2個人叫左小小刺身 刺身都新鮮 唔腥 仲要厚切生蝦又大大隻火炙左口魚好好味飯又唔會太大舊海膽花之卷既海膽好新鮮之前有海膽手卷,而家無左喇😭迷你黑松露吞拿魚腩手卷都不錯芝士焗蠔其實唔好睇佢好似好大粒 佢mix左洋蔥同沙律醬,但都唔錯 鹽燒牛舌聽說不錯呢 老公話好好食本身係多春魚愛好者我覺得佢燒得妝好好食啊鐵板牛柳粒老公次次都叫 佢話好食 好食 好食😂脆炸金枕頭鐘意食榴槤既朋友一定要食好香 又特別飲品都算有得選擇 有可樂 忌廉 都唔錯啦其實我覺得同朋友慶祝生日都係一個不錯既選擇

星期日午市時段場內爆滿有BOOK 唔駛等，仲有卡位，唔錯雖然位與位較迫，拎野飲個位尢甚，但放題都差唔多係較地方狹窄。食物總類刺身 - 大路三文魚希靈魚蝦仔大蝦帶子都有正常，係TUNA 麻麻地壽司 - 比較推介海膽三色，ENCORE 左好幾次炙燒三文魚，炙燒鰻魚正。反而佢推介個D 牛油果好有特色個D 就興趣缺缺前菜 - 冷豆腐幾好食，仲有枝豆都唔錯 熟食 - 炒鮑魚仔都有，仲有海參添手卷 - 細細卷一個，幾好，唔會太飽飲品 - 種類多，起碼有十幾款，仲有益力多甜品 - 雪糕雪條布甸等都唔少得，仲有幾種唔同既乳酪燕窩牛奶撻!!! 雖然凍左少少，但都好食，一口一個服務方面：偶爾有甩單，但可以接受。收碟速度快，侍應生都有禮貌。食物方面唔算好高質素，但拉勻價錢同種類，性價比唔錯!食得開心人均都係BELOW 200 (加埋一) , 算抵食

Lunch time 叫左曼魚三文魚餐and刺身飯。同舊時唔同、差左好多！d曼魚明顯煮得唔好！食落好硬..好奇怪！未食過曼魚竟然會唔淋..所以一d都..唔好味刺身飯....海膽有苦味，食落感覺一d都唔新鮮，完全冇左鮮甜味，其中一片仲要溶溶地咁係其他海鮮好彩叫正常d，喜碼唔「聲」，都有刺身嘅鮮味! 最正只係有ice cream n drink 送！$13x 一位，中環黎講算係咁！

中環食lunch 不嬲出名貴, 日本野就更加貴啦! 不過竟然, 呢到既餐平均$130到...但....份量又多, 又好食 ! 每個set (基本上所有都係set) 都會包一個salad, 湯同埋haggan Daz (唔食雪糕既佢仲可以轉豆腐花/生果)而choice 係超多既 ! 一定搵到一個你岩食lunch 仲會有包紙包飲品送tim我今次叫左個A4壽司餐, 如下圖, 有一個好似hightea set 既層架, 放住10件shushi, 海膽仲要係靚野, 唔係細細塊果種, 仲有一碗細既烏冬跟呢個餐 一定夠飽 !!! shushi 魚生都好新鮮 ! 唔係比d差野你, 全部都厚切 ! 同樣既份量...我相信中環其他地方好難會係呢個價 ! 抵食, 好食如果有時間...下次試下佢d鍋物先唯一唔好既係....坐得好迫...但冇計啦, 收得你平就要做多幾枱架啦

lunch時間中環一向無乜選擇，今日就揀左食大吉嘅lunch set~上次食過便當，108有好多款食物：主食壽司沙律味噌湯同甜品都幾抵，所以今次就諗住食下啲刺身！今次揀左依個北海道刺身飯。 本身貪佢多刺身款又好似幾好食，但一上碟就見啲海膽色水好似唔太掂喎果然～一食落去係苦的，要lur返出黎 帶子都厚，但唔鮮甜。三文魚都算厚同埋肥美的，蟹肉撈埋啲蟹膏都有啲驚喜 但係個飯就係白飯黎唔係壽司飯，唔好食，仲有啲太硬添臨走有haggen dazs雪糕食，算無咁嬲啦！ 但依個價錢可以有更好嘅選擇

刺身不可不吃牡丹蝦又大隻新鮮甜老虎蝦都不錯,迷你手卷真係好迷你一口一啖但餡多過飯正,蟹肉沙律好鮮甜又唔腥,北海道焗扇具沙律醬配扇貝又甜又大粒,牛仔骨冇特別蝦燒得太乾,蝦天婦羅爽口獅子狗卷有芝士係中間好好味,左口魚壽司我的最愛食到成口油,汁燒帶子冇特別,羊扒夠冧夠騷燒得剛剛好唔會過熟,飲品好多好多種類忌廉溝新奶維他奶麥精都有勁,甜品種類又係多到試唔晒

好耐冇食放題，因為我食量唔多而且覺得冇咩驚喜。今日難得約到一行7人食晚飯，即慶去左大吉食放題。食物選擇都幾多，質素也不錯，大家都覺得可以再幫襯。我哋差不多所有刺身都有叫，個人好鍾意食個泰式生蝦，雖然冇另外嘅蝦刺身咁大隻，但係配埋個柚子鹽真係幾好食。個蟹粥夠熱，入面至少有半隻蟹，可以暖下個胃，非常唔錯。至於其他熟食都夠熱同夠新鮮。有獅子狗芝士同埋魷魚圈天婦羅，個芋頭天婦羅就一般，淨係食到啲炸粉，其他都可以。羊架、豬脾仔同牛柳粒都算淋。迷你嘅一口手圈滿足到想食手圈嘅朋友仔嘅慾望。甜品和飲品選擇都算多，有好幾款雪糕和雪條，跟住有奶凍、焦糖布丁、楊枝甘露、木糠布丁、豆腐花、乳酪等。大家都食到超級滿足。😌

係中環食午餐,都幾難搵到平野,求其一個正常少少既餐已經$100$40左右果D一定唔飽, 同埋排晒隊既見今日有少少時間,一於上黎放題餐廳食下定食,睇下會唔會有咩特別牛肉火鍋最重要的用料都很好,肥牛新鮮, 中間的窩蛋又大隻又甜,湯底甜而不搶,唔會用太多味精,刺身質素一般,但只尋過過口癮,有幾款已算不錯

平時食中意食日本野嘅我，今次黎到大吉食放題，第一件事當然就係order刺身啦。我黎過呢間咁多次，到未試過漏單，我叫20件三文魚，佢真係比足20件我，而且件件厚切，唔係薄薄一塊。三文魚啖啖肉, 脂肪比例恰到好處, 固然好食，甜蝦同鮑魚仔亦非常新鮮，而我就用最原始正宗嘅食法品嚐，就係唔落半滴鼓油，細味海鮮嘅鮮味。果然，真係鮮味十足，蝦膏亦相當多，蝦肉晶瑩, 如果啲海鮮唔新鮮都唔會有咁靚嘅賣相, 所以呢度綱對咁晒中意食刺身嘅人！刺食之外, 佢地其實仲有好多野好好食, 例如芝麻雞翼, size雖然唔係好大隻, 但係炸得金黃, 食落口又有少少喊味, 我同我朋友都叫左好多隻黎食 (不過啩住食, 唔記得影相><)

星期五，總是有個藉口吃好一點。來到大吉吃午餐，以這價位都坐滿了人，受歡迎程度甚高。太多選擇，三心兩意，最後還是點了最基本的刺身定食。先有沙律和麵豉湯，沒甚麼特別。等了一會，刺身來了，坦白說，大得有點驚訝。有心意的賣相。共有7款，每款兩件。除了吞拿魚外，其他都好吃。北寄貝和八爪魚很爽，有咬口而不韌。三文魚超厚切，很肥美。甜蝦和帆立貝則很鮮甜。最後可選甜品（豆腐花，紅豆草餅，雪糕）或是飲品。紅豆草餅比預期好吃，拿上手很軟熟，軟綿綿的口感，紅豆不是很甜，推介。午市時間太繁忙，有點混亂，店員也忙得不可開交，態度也變得麻麻。

其實同一般放題沒有分別，都是不停柯打，有叫無叫都不知 三文魚都算可以，都算新鮮，不會太多根。牛肉粒是我至愛，好好味，唔會太韌，好有口感，柯打完再柯打。其他刺生包括…北寄貝都幾好，蝦就麻麻，有啲梅梅的感覺，魷魚好爽口，好廉口，最後食多碗豬軟骨拉麵，味精湯底，但麵質ok，豬軟骨好林身，入口即溶，幾好味，可以再臨的！

依到既環境都算係幾光猛同埋舒服，朋友原來一早就訂位，不過都要等左先可以坐底，都算好多客人，大家都好快就揀好自己想食咩,順帶一提就係依到既野食賣相都真係唔錯既先黎係依個刺身拼盆，全部都算幾新鮮同埋都好味，首先佢個三文魚夠哂鲜甜，最緊要係無筋，另外個墨魚片都唔錯,唔太韌，之後就係我比較唔好既喜靈魚，不過朋友就好鍾意,話佢鹽味好夠好好味，我食落都覺得佢既質感唔錯既。之後係螺片，正正常常無咩特別,但都唔錯既。火焰壽司都非常好味，佢個燒牛肉片值得推介,食落有少少生，又幾香牛肉味，之後就叫左D燒物，羊架個肉質非常鬆軟，不過就無咩羊肉既羶味，都算好,不過我鍾意有少少,調味方味就有少少好濃既黑椒，食落真係十分惹味。