大吉居酒屋 (Closed)

唔知係咪年紀大左，總覺得已經過了食放題大吃大喝的年紀，所以好耐好耐都無食過日式放題喇。早幾日男朋友突然話掛住放題，好啦，就食一次啦見呢間都幾多好評就試下。好，同大家分享個menu先實不相瞞，我睇完呢堆menu第一感覺係：又係食呢D，不過既然黎左，就開動喇！先來既係刺身，刺身我覺得中規中距，赤海蝦好食，但其他似乎普通左D，所以食左一轉就無Encore喇熟食 好食全部都新鮮炸熱上，同件數符合點餐，非常好。冷烏冬好有咬口（不過會食飽左叫唔到其他野小心叫）去到呢度，其實我都覺得無乜特別點會估到，呢度令我驚嘆既，係壽司壽司全部都好好食強烈推介左口魚，入口即溶嫁D手卷全部都好食，海膽手卷真係如圖大大舊海膽我認我老喇，真係細食左好多，食完上面呢堆野已經飽左，之不過⋯⋯比我見到⋯⋯甜品！！！！真係好驚喜，平時日式放題最多係任食雀巢雪糕，呢度係有好多，好多選擇仲有哈根大師呀除左雪糕，仲有自制甜品，一樣有質素食左4，5樣甜品，飽到上心口我同我男朋友講，估唔到日式放題仲比到驚喜我呢埋單5XX，價錢都acceptable，大家不妨一試喔

好耐無食過放題的我 今晚來到中環大吉居酒屋試一試 果然有驚喜～本身夜收工 選左Book 830pm 果Round 唔算大多人 兩個人坐卡位夠濶 一坐低即刻望下刺身同壽司餐牌😝刺身同壽司種類有好多 每樣都點少少試下先 最欣賞係甘海老 泰式虎蝦同 極大赤蝦 超大隻超甜美😎😎 其他大致都算新鮮跟住睇埋燒物 款式都幾特別 我會推介芝士焗蠔～芝士味焗得好惹味 蠔本身都好大隻😎 另外就係燒雞軟骨同雞翼 好香口 一d都無燒焦 其他都唔錯 負責燒物的師傅水準夠高 正～炸物同天婦羅叫左好少 叫果d都炸得好 唔會淋同埋唔會淨係得d粉 而且用成個撈咁上 幾可愛😂鍋物第一Round試左牛肉鍋 主要都係牛肉 豆腐同菜 牛肉算ok 暖下胃都唔錯😉仲有飲品同甜品 呢個真係土重點推介 飲品有齊唔同種類 除左汽水啤酒連益力多都有😍 雪糕有Haagen Daz同Apollo😍😍小妹本身對放題無乜好感 今次呢間大吉居酒屋感動到我 俾個Like先👍🏻

平時都好少食放題，因為食野唔多，計番好似唔抵，不過今日朋友話想試下，所以陪佢黎中環試下，價錢都唔算貴，時間6-8:15，放工即刻跑過黎，都夠時間食。餐廳枱同枱都夠闊，以前覺得放題通常坐得好迫，但依間幾好，枱面又夠大。枱面已經有本好厚既點餐紙超多食物選擇，刺身都有甜蝦帶子油甘魚，係中價既刺身選擇，性價比好高，如果鍾意食勁叫刺身係回到本，仲要蟹腳我唔食得多生冷野，每樣試少少，蟹腳唔大隻不過都好鮮甜，帶子甜蝦好新鮮，全部都唔錯，可以encore 熟食都好好味，雞翼好入味，燒得唔乾，露筍豬肉串好正，露筍好嫩唔老，羊架燒得啱啱好,唔多肥膏，仲有鹽燒蝦，蝦肉好爽，唔會燒到乾晒。仲叫左鍋物雪花牛肉鍋有韓國粉絲吸晒湯汁，牛肉唔錯仲有豆腐同菜，我覺得必叫既其中一樣。之後都叫左唔少熟食，飽魚、帶子、天婦羅、蜆，每樣都唔錯，唔係求求其其既放題食物。最後都叫左個黑松露炒飯同烏冬，雖然已經好飽，但都不坊可以試下，飯炒得乾身，烏冬都彈牙。甜品方面亦勁多選擇，真係食極都唔完，牛奶雪條好好味，今次放題令我對放題食物大大改觀

因為與友人相約在中環吃晚餐，所以決定來這間大吉居酒屋試試。這裡有很多款式可以點，例如刺身、壽司、卷物、軍艦、手卷、沙律、燒物、和食、天婦羅、炸物、主食、火炙壽司、珍味、飲品等等。我們先點了流心奶黃球、脆炸金枕松、芝麻雞翼、吉列紫菜多春魚、吉列蠔、從業蟹鉗天富羅。流心奶皇球充滿奶黃，而且十分流心。脆炸金枕頭的榴槤味很香。芝麻雞翼也很獨特香口。 吉列蠔香脆可口。再來了一碟牛柳粒。這碟牛柳粒十分有驚喜，牛肉的肉質很鮮嫩，而且不會韌，口感很好。我們再點了火炙三文魚壽司和雙重火隻芝士特大帝王蟹棒壽司。這裏的壽司中的飯不會太大，免得我們吃飯吃得太飽，試不到其他東西就不抵了。火炙三文魚燒得很香，入口即溶。芝士蟹棒壽司也很有芝士味。一啖吃下去很滿足。我們又點了一盤刺身。刺身十分新鮮，山下刺身十分鮮甜，吞拿魚、北寄貝、帶子也十分新鮮，不用幾分鐘已經吃完了。我們又點了露荀豚肉串、牛肋肉、煎帶子。最後我們吃得十分滿足，要捧着肚子離開

中秋節人月兩團圓，「食燈籠玩月餅」，講起都覺得溫韾！咁高興的日子梗係要約一班朋友出黎大肆慶祝啦～咁食放題就最好不過，點解？因為可以任食唔嬲囉！中環大吉係朋友帶我去，評語唔錯，唔好講咁多，一食便知龍與鳳！十個有十個第一輪必叫刺身拼盤，三文魚、甜蝦、帶子、油甘魚，來吧！游進我的肚子裡～三文魚D紋分明，好靚，加上有冰冰住，感覺特別新鮮。甜蝦超肥美，所以改左佢個名叫肥蝦，一口一隻，一隻一口～帶子鮮甜無比，大家好似肥妹鬼上身，係咁食係咁食，一陣就無哂啦～壽司都係水準之作，唔單止見得人，仲食得落肚，最最最最重要係好好食，出面2舊＄30，食10舊都回本，所以食放題真係好爽！鰻魚入口即溶，三文魚燒得剛剛好，鰻魚芝士卷簡直係perfect match！！！！！！！！特別要隆重介紹炸榴槤流心球，呢個係我一定會再去中環大吉嘅原因，食完真心好幸福，痴線，點解咁好食的呢？！！！所以我一個人吃了三粒～由刺身到壽司、壽司到熟食（白酒蜆，真係粒粒皆真蜆，唔會係得個殻，又無沙，讚！）、熟食到炸物、炸物到雪糕都係水準之作，食一啖都食到美味，呢D先係大師級，真功夫，難怪全場爆滿，等到排哂長龍！ENCORE！ENCORE！

始於如一。最愛大吉中環大吉係我咁多間最愛既放題，首先以中環級數，加埋一都係$250，同出面$300-400放題差唔多，更重要呢間野同男朋友、好姊妹食過，有個情意結中環大吉地方唔大，一定爆滿，所以記得早d book定位啦大吉種類多，有刺身、壽司、熟食、冷盤、雪糕、甜品、熱飲（特別照顧到女士，好鬼貼心）最最最重要有炸榴連波，榴連控一定要食多幾粒食凍野之前，最好食熱野暖一暖個胃會比較健康，所以叫左一個龍蝦瑤柱粥，軟綿綿好鮮甜，絕對唔係hea貨！黎放題，一定要叫刺身拼盤，簡直係指定動作全部肥美新鮮啖啖肉，刺身起碼食左3 round，完全無得彈，食放題就係可以毫無保留咁食食食，咁先夠滿足！壽司同樣出色，特別鍾情呢4款壽司，真係好好食，我自己都食左10幾舊，特別係鰻魚，唔靚既鰻魚會有腥味，而呢到既鰻魚燒得香，冇腥味，好鬼死正，牛油果軟殻蟹係我每次黎都要叫既！我地食勁勁勁多，因為真係好食到停唔到，最意想不到係有軟殻蟹同鵝肝手卷！係鵝肝手卷呀！估唔到呢到有鵝肝食，過下口癮，好開心成晚晚亮點係呢個黑松露鰻魚炒飯，究竟點解大吉既鰻魚可以咁好食！黑松露超香，我覺得呢個係最好食，必點，好食過出面fine di

放工之後同朋友到中環食晚飯，選擇左大吉居酒屋，以放題黎講選擇都唔少，而且位置好舒適!先叫一啲前菜，包括有彈牙嘅櫻花魷魚、惹味嘅蜆肉、八爪魚等等，接著係款款新鮮嘅刺身，大蝦蝦膏豐富、鮑片無半點雪味，鮮味十足!想食飽肚啲，可以選擇唔同款即叫即做嘅壽司，火灸三文魚，將魚油香味發揮出黎，而三文魚經過炙燒後，魚身更嫩滑鬆化; 鰻魚卷物亦係值得推介，醬汁惹味，加入芝士，就更加豐富!呢度嘅熱食亦質素不錯，白酒煮蜆，份量唔少，用上適量嘅白酒，發揮出吸引人嘅酒香味，而蜆肉隻隻大隻無沙，絕對不容絕過!而炸物件件即叫即炸，上枱時熱辣辣，而炸香芋球同炸榴槤球更唔係間間放題都有，皮脆果肉餡濃郁，中意食炸物嘅就一定要點!值得一提嘅係，呢度飲品供應款式都幾多，而且甜品仲有唔少雪糕雪條款式，以中環嘅地段，呢間放題絕對抵食!

好耐冇食放題, 由於同放題餐廳脫節太耐, 就問下朋友邊間抵食, 最後卜左呢間同女友試下雖然已經係夜晚, 但係天時暑熱, 一坐低當然係分工合作, 我去拎野飲佢剔食物一睇就已經有驚喜除左有大量韓國罐裝飲品, 樂天既果汁/HITE 啤酒, 常見既可樂七喜之外, 仲有德國黑啤同道地解茶由於我拎起罐啤酒都係覺得唔係好夠凍, 我直接叫佢比杯冰我, 侍應都好快手就拎左黎, 幾好呢度食物選擇真係好多好多....刺身蝦都有分泰式虎蝦, 甜蝦同大蝦, 我地一開始仲諗大蝦唔通真係平時煮餸先用果D?原來真係刺身質素唔錯, 帶子唔腥, 蝦幾鮮甜, 而大蝦真係大....鍾意食蝦既可能淨係食蝦都可以回本加埋佢仲有蟹腳同其它食物, 第一印象良好最先黎既熟食係呢個牛油煎帶子, 幾大隻之餘煎得幾好, 有牛油香又唔會太油, 本身加左少少七味粉更有風味最後我地再encore左一碟~跟住係朋友推介要叫既招牌手卷, 真係好正呀三文魚籽, 海膽, 吞拿魚蓉同蔥花加埋真係冇得輸, 果然係招牌, 食到底果陣仲有一小片三文魚包住, 唔洗驚食到底得飯會寡前後叫左三個, 對我地呢d唔太鍾意叫壽司/手卷因為舊飯頂肚既人真係好難得繼續熟食, 呢

經朋友介紹黎呢間放題試下，真係冇介紹錯，食物種類繁多之餘，而且佢寫住冇味精既，岩哂我呢啲懶健康既人啦放題一開波當然就係刺身啦三文魚夠厚身，充滿油香，最令我驚喜既竟然有泰式生蝦味道真係平時食開個啲架，不過就細隻啲牛柳粒好食淋身又有根，而且好香，要encore壽司都有水準牛油帶子大大粒好正，好香，必點。牛舌就正正常常。超喜歡佢既芝士蟃魚卷同牛油果軟殼蟹卷，佢既卷物都好高水準。火炙三文魚超正，勁大塊三文魚，入口即溶，滿腔油香，應該用既係三文魚腩。當然要試埋皇牌四重奏手卷啦，同出面既手卷店水準一樣，一啲都唔馬夫，食多幾個可以回本啦值得一讚既係服務態度十分友善，十分推薦。

大吉居酒屋，之前試過尖沙咀嗰間，質素吾錯，可惜已經執咗⋯⋯今次試中環嗰間先。先講講邊啲好食，邊啲吾好食，天婦羅、蟹粥、牛舌都吾錯，刺身、芝麻雞翼、芝士焗蠔吾掂。大吉居酒屋位於威靈頓街嘅某一座大廈入邊，中環嘅某啲路真係好斜，加上本人少運動，行幾步就喘氣🙊好彩間野都唔係好難搵。場內環境較暗，如果食嗰陣眼瞓狀態唔好會變得更加眼瞓天婦羅好搞笑，真係用炸野戈啲用具裝住，吹卜卜都幾新鮮熱辣辣，呢個合格了，冇令人失望，蟹鉗都幾鮮味。 蟹粥向來係我係放題幾鍾意食嘅嘢，清甜不解釋，蟹味在口中徘徊，感覺挺好。鹽燒牛舌係幾好食，亦可以話係最好食嘅一道菜，完全係燒得啱啱好，牛舌亦實實地有咬口，正宗，同其他高汁居酒屋既牛舌有得揮刺身方面，首先，三文魚唔係好肥美，甜蝦感覺上都唔新鮮⋯⋯象拔蚌好硬，泰式生蝦反而俾人感覺幾新鮮，辣辣地咁，其他都麻麻地。炸物都系一般般，呢度有隻叫流心奶黃丸嘅有特色，奶黃嘅數量就還可以吧，芝麻雞翼太油膩，美食嗰陣已經見到啲油喺晒面sos... 芝士焗蠔真係唔知想點勁多芝士係好吸引，不過隻蠔真係細到冇朋友囉，隻蠔又唔係特別好食。

我之前嚟過幾次就算唔係越嚟越好都肯定保持水準，今次嚟食見到有新菜式柏爾馬火腿沙律及御品鮑汁燴花膠。刺身方面依然新鮮，而最高興嘅係以為無油甘魚，原來切好嘅魚無貨要再開，之後仲補返比我，其他放題好少會理你。鵝肝手捲係我心水推介，至於其他壽司都唔錯。熱食方面當然要試下御品鮑汁燴花膠，味道都ok嘅之後燒羊架都唔錯(但放題之中有間仲好) 露筍惹味燴鮑魚及瑤柱龍蝦粥都有水準(以放題嚟講)至於飲品及甜品方面就自助形式， 啤酒汽水應有盡有。差啲唔記得講三個位以上會有磯燒海鮮但要事先預訂(應該唔使加錢)而每一張枱會送一客象拔蚌刺身或者海膽二選一。我叫咗象拔蚌刺身真係好鮮甜可能星期六比較忙出菜慢咗啲，但差唔多做到零漏單而且經常主動幫你換碟值得稱讚

中環地租貴+人手貴，無論早、午、晚餐都係比其他地區貴d, 是但搵間餐廳食午餐都幾乎過百，反正都要俾百幾蚊，緊係搵間好食又抵食既！大吉的確係一個唔錯的選擇！大吉午餐有好多配搭，次次都睇到眼花撩亂，心大心細！今次叫左三文魚腩、帆立貝、海膽、蟹肉、蟹膏、牡丹蝦丼，加配三文魚壽司，份量好多，女士一定食唔晒，係男士份量！三文魚腩好肥美，蟹肉蟹膏好香甜，食左好有罪惡感！ 海膽不算新鮮，不過不失啦，但$158喺中環可以食到呢個質素，好難得！另外叫左薄燒牛肉定食，加配壽司拼盤，份量比我叫的刺身丼仲多，我試食左少少牛肉，唔錯，不過個人覺得我個海鮮丼抵食好食D!

在中環上班的你，可能也會知道這個地方，如果你想大吃一餐日本菜，這裡的午餐絕對適合你吧。大吉是一家放題專門店，我第一次來也是和朋友晚上來吃飯慶祝的，質素和食物種類都不俗。這裡的午餐大約是一百多元，這是包括了麵豉湯、沙律、主菜、包或樽裝飲品、甜品的。有同事最喜歡這裡的甜品可以點Haagendaz，而我就覺得有時候吃百福豆腐花也不錯。如果很餓的話，你可以選一個有飯又有配菜的餐點。我點的是燒三文魚饅魚飯配加州卷餐，還有包配菜的，我點了刺身。質素是可以的，燒三文魚挺香，但饅魚的骨是不好吃的那種。刺身就是一般放題店質素的。與同區其他日本餐廳比較，質素也是有距離的。但如果想百多元吃超級飽的還是可以選這裡！在大吉無論點甚麼餐，感覺真的像在吃放題，可能是因為店員和食客都比較急，而且每桌的食物也總是放得滿滿的。而比較令人卻步的，就是環境實是十分擠迫，基本上沒有太多私人空間，所以如果約會很久不見的朋友，這裡未必是最好的選擇呢。

太耐無食放題，一人5日去左食放題，9點 238加一（好抵）有海鮮燒😂😂之前唔知有得燒，賣相可以，海鮮一般 但其實朋友們對海鮮拼盤都冇興趣，所以最主要都係食壽司刺身為主我哋點咗鵝肝壽司好大舊好好味呀， 可以嘅話可以燒多一陣會好味啲煎香啲。。。必食左口魚裙邊壽司， 最鍾意食嘅原因係因為 火焰左口魚裙邊入口即溶另外點左其他壽司都ok至於 燒牛舌及 雞軟骨燒得好好味牛舌都唔錯飲品任飲， 啤酒都係任飲 適合一大班朋友聚腳嘅地方， 價錢親民員工服務都ok讚！

今天來到了同事介紹的大吉，來個日式午餐。點了一個大吉便當，包含多款刺生，有海膽、海蝦、蟹膏、三文魚等等。食材新鮮，份量也不少，便當已包括前菜、餐飲及生果或甜點，以一百多元的價錢，的確值得一試再試！