丼瀛 (Closed)

喺佐敦朝街同朋友買完嘢！又喺搵食嘅時候啦！本來諗住是但求其去食小炒算！但見丼瀛個店員喺門口落力介紹底下，不其然就入左去！店面位置不多！可能時間尚早，客人不算太多...刺身拼盤 HK$298 呢個時令刺身拼盤每樣食材都好新鮮！特別喜歡活赤貝，超甜超爽口，每隻HK$68,掛住食都忘記左單獨幫佢影返張獨照tim, 哈哈！其次喜歡的就是海膽，份量十足又夠鮮甜！一陣就比我哋食晒lu...牛舌 HK$38雞軟骨 HK$20呢度d串燒都唔錯！牛舌爽口彈牙！雞軟骨香脆可口！兩樣都燒得剛剛好...松葉蟹肉甲羅燒蟹膏爆丼 HK$148呢個丼飯嘅用料超落本！特別喺蟹膏！撈埋一齊食簡值超正啊！食落鮮甜得來帶鹹香，食完喺有好想再食嘅感覺！安格斯牛肉壽喜鍋 HK$118呢個鍋嘅牛肉份量都唔少！好似有成十片之多！配似不同菜類！清清地味道也不錯！總括黎講！丼瀛真喺大件夾抵食呀！

廟街內嘅食肆， 多如繁星。 在機緣巧合， 進入了這一家小店。 正正就是呢一份緣份 就可以上到美味嘅日本海鮮丼， 和一份人情味。原本進店是為了那個龍蝦爆丼， 可惜老闆說龍蝦已沽清， 唯有轉戰北海道三色丼 加蕎麥麵。 當個丼送上來時，賣相十分出眾 ，上層海鮮丼 ，下層蕎麥麵加少量新鮮蔬菜， 份量夠兩個人享用。 海鮮份量雖然沒有爆丼那麼誇張， 但是那一雙牡丹蝦 ，又粗又大又甜 ，還有爆爆的三文魚子和肥美的吞拿魚腩蓉。 吃得十分滋味。還有活赤貝刺身， 十分鮮甜， 就是份量少了一點。還要一提的就那個自選的串燒拼盤。 小雲選了芝士翠玉瓜、 燒牛舌 、明太子雞翼 和豚肉車厘茄。 四款各有特色都很好味 。其中要題的是明太子雞翼， 外面塗了甜甜的蜜糖， 裏面明太子少少辣 ，味道十分豐富。除了食物外 ，這裏雖然是一間小店 ，但他們不但沒有趕客人走， 趕交枱。 還殷勤地為客人添茶； 當相機影相時 ，又主動幫客人打燈； 隔離枱的食客， 正在慶祝生日， 他們又主動送上小禮物 。雖然不是什麼貴重的東西 ，但已十分窩心。 這樣的服務， 高級食肆也未必做不到 。這絶對是一間有質素的人情味餐廳。

辛苦工作當然要食餐好，想不到廟街當中竟然有一間靚靚哋的日本餐廳。麻雀雖小，五臟俱全。小小的店面，食物選擇非常豐富。主打當然是壽司刺身！我地點左築地壽司杯，賣相好犀利！滿滿的刺身鋪滿壽司表面，再分佈在小型階梯上。每一款都有不同的鮮味，而且份量十足，可以兩個人share。一次過滿足晒咁多個願望，可以品嚐到甜蝦、海膽、三文魚、三文魚子、吞拿魚茸等等⋯⋯其他食物同樣出色。忌廉蟹餅炸得香脆，而且內裏質感好滑好Rich。蟹子沙律冰涼清爽，好refreshing。天婦羅係意外的驚喜，炸漿薄薄的，而且係用新鮮油炸，好美味。

呢度啲丼真係好誇張🤭❤️雙層架上層係魚生飯 下層係海膽沾麵不得不說 麵係蒟蒻製 口感真係唔同啲海膽汁幾creamy 仲有粒粒魚籽.串燒 小食 宵夜時間仲有半價賣相味道都很不錯 加杯酒就完美(生日仲有蛋糕🍰提供不同顏色自行寫字)

係圓方行咗陣發現冇咩野想食 搵下附近既日本野佢就suggest咗依間🙈見唔係太遠 就直接行咗個黎食～ 慢慢行都幾舒服既☺️我嗌咗個北海道海膽三文魚丼 另外加咗$10要埋個蕎麥麵 見到個陣都嘩咗一聲 個海膽真係好靚😍成個份量都唔算多 好彩加埋個蕎麥麵 唔係男仔會唔夠飽🤣個飯真係好正 夠新鮮 比例都幾啱 啖啖都可以三文魚加海膽～ 但係個蕎麥麵就淡咗啲 應該係佢地個汁出問題😂女朋友成日都掛住食沙律 咁啱依到又有刺身沙律 啱哂佢🤣刺身有勁多款 雖然每樣少少 不過都夠哂肥☺️依間仲有其他小食都好吸引 下次要試下！

好食既日本菜大把，但因為係媽媽自己揀，唯有一試。點知一試就知係賴哂野。 第一，一坐底店就推介咩飛機魚剌身，可能我唔識野啦。要$398 一份，冇相又冇真張，已經感覺係伏，當然唔會叫。第二，去日本餐廳食竟然冇連熱茶都冇，只冇熱水。 仲要熱水上面有一層類似油既浮物。已經對佢既食物冇咩信心，已經唔敢叫壽司刺身。唯有叫d 定身食飽就算。點知叫左個《店長推介》既炸軟殼蟹既蟹皇丼定食。 個定食沙律冇沙律醬，沙律菜又變黃。心裡已經連食慾都冇哂。 跟住個主菜就冇軟殼蟹，只有天付羅蟹柳丼飯。結果係要當面對質換餐。第三，上菜速度慢到嘔。如果大家唔信，就自己試下。

原本諗住過黎食煲仔飯，不過未食到就煲仔飯真係餓，經過呢到收到傳單，所以就入黎食。一坐底見到menu就已經流哂口水。 呢個北海道海膽三重爆丼真係好爆，海膽份量好多，唔單止多片，而且每片都好厚肉。而且魚籽亦好多，用紫菜夾埋食好似食緊壽司咁。 而安格斯牛肉壽喜鍋既味道好特別，同平時食既唔同，反而好似牛乳鍋咁好清甜，幾特別。鍋既配菜好多，同埋都好新鮮，而牛肉亦都幾高質，食落腍得黎又有咬口。 店裏面既侍應特別推介活赤貝刺身，話係呢度好出名既。一放上嚟，外型已經加哂分，用貝殼再加檸檬夾住赤貝刺身，好似一隻真既赤貝咁，好得意。食落赤貝都幾爽口，加埋少少既檸檬味好夾。 呢間餐廳既服務好好，睇得出侍應係真心中意呢間餐廳，唔單止好落力派傳單，仲好好服務，隨時留意住我地既茶水份量，收野都收得好快，仲會特別介紹好食既野。

今晚黎到佐敦廟街, 唔知食咩好, 見到有日本野~反正好耐冇食, 所以一於試下!!我地先叫左2個軍艦, 芥辣八爪魚、蔥粒吞拿魚~ 佢地都好新鮮, 份量都唔少, 鋪滿成舊飯!之後再黎個海膽手卷, 超鮮呀, 入口又唔腥, 正~另外叫左個溫泉蛋安格斯牛肉壽喜燒, 入面牛肉份量好多, 食落鮮嫩, 底下仲有豆腐、菜、粉絲，粉絲吸收哂湯既精華~清酒煮蜆既蜆肉鮮甜好味, 仲有叫左幾串串燒, 有雞軟骨、雞翼、雞腎, OVERALL 燒得幾入味, 唔錯!!最後叫左個三文魚飯, 好香, 粒粒分明, YUMMY!

平時去廟街都係食下煲仔飯今次試下廟街入面既居酒屋 🏮每次去居酒屋必定要嗌既燒河豚🐡乾另外嗌左幾串串燒 本身以為份量吾多 所以有d叫左兩串 特別講下金菇肥牛卷 一串三舊大大舊 而且味道適中 吾會太咸或太淡😋另外每人叫左幾份壽司 🍣鰻魚 象拔蚌 北寄貝等等 都好新鮮卷物方面叫左牛油果🥑軟殻蟹卷其實我平時吾食牛油果 不過加左上壽司又吾同口感 推介大家要試試最後 十勝豚肉壽喜鍋壽喜燒湯底夠濃🤤豚肉好入味 而且配菜份量都多👍🏻

好耐冇食日本野了，所以今晚同朋友仔出街就講明話想食日本餐廳，行開佐敦呢邊就上open rice搵下，又近呢間就揀左黎呢到，一入鋪頭餐廳唔算大間，但staff真係超級好人友善，又好笑容，我地想食蒜蓉燒茄子，佢就特登叫師傅幫我地整，三文魚炒飯就味道okay la唔突出，黎到超推介食爆丼，我地叫左火灸三文魚丼，非常足料唔會話飯太多，食材比例很好，灸燒沙律醬好正，仲有灸燒比目魚背，即係左口魚，一啖放落口個種質感真係好正，魚既油脂味充滿嘴巴，大力推薦！壽喜燒同埋吞拿魚卷都好好味！埋單每人133！大家不妨都可以帶朋友一齊黎食，食物選擇好多，staff好好人呢樣好加分！

放假約左朋友飯，揀左位於佐敦的丼瀛。鋪面唔算大，裝修幾和風。入坐後我地點左佢的人氣推介丼瀛龍蝦沙律刺身雙層爆丼 同幾道小食。刺身沙律 - 份量十足，有三文魚、吞拿魚、帆立貝，味道鮮甜。伴碟的沙律菜夠新鮮，配埋黑醋，夠曬開胃。丼瀛龍蝦沙律刺身雙層爆丼  -  丼飯賣相好吸引，上層有原隻龍蝦、刺身同丼飯，剌身包括三文魚、吞拿魚、劍魚、帆立貝、油甘魚、𩶘魚，非常豐富，全部好厚切又新鮮。三文魚好肥美、帆立貝大大粒好鮮甜。龍蝦刺身混合左三文魚籽同蝦膏，彈牙爽口。丼飯用上日本小津米，飯粒飽滿。下層有蕎麥冷麵口感滑嫩。安格斯牛壽喜燒 -  牛肉肉質唔錯，唔嚡口，厚度適中好有肉香。芝士年糕 - 外皮煙煙韌韌，內裡係滿滿的芝士，放入口有種斷絲連既感覺。

「丼瀛」佐敦店 - 店鋪雖不大，但有種置身在日本的感覺。餐牌種類繁多. 十多種丼飯、刺身、海鮮、沙律及多種佐酒小食選擇，很適合一班朋友來聚餐築地壽司杯 $168與朋友二人選了築地壽司杯，共有七款(黑松露海膽、三文魚三文魚子、飛魚子墨魚、吞拿魚腩蓉、甜蝦、四件加州卷及一隻磯煮鮑魚）米飯質感與酸香度都很合我的口味。個人最喜愛松露海膽，傳統壽司加添小小心思，配上黑松露令鮮味倍增三文魚子味道鮮香，令人停不了口磯煮鮑魚原已有醬汁及海苔味道，口感非常有彈性芝士年糕 $38每次到日本餐廳都會必點的小食。外層炸至香脆，內裡滿滿芝士，這裡的芝士味道較濃郁，實在無法抗拒忌廉蟹肉薯餅 $28時間拿捏得好好，外層同上是脆脆的，而且沒有油膩感，喜歡炸物的朋友亦可以一試。「丼瀛」必能讓大家滿載而歸！

天氣稍熱，想吃一些涼爽的食物，走入這間日式餐廳是以日式居酒屋設計，有小家庭的感覺。主要吃丼飯、刺身、串燒為主，款式種類也繁多。我們點了個是日精選刺身，有四款不同刺身，甜蝦、吞拿魚、帆立貝和海膽，外表肥美有光澤，口感新鮮，海膽很鮮甜、軟滑。黑松露海膽炒飯，飯面上的原條海膽和黑松露很震撼視覺，吃起來富有滿足感，而且炒飯乾爽，拌有海膽、黑松露，香而不膩。玉子蛋串燒，橫切面非常厚，表面燒得一點焦黃，有一點點香脆，咬一口軟滑香甜。這個燒雞翼，燒得外皮酥脆，但內裡仍保留很多肉汁，軟滑雞肉令人著迷的。

難得今日同男朋友一齊放假我哋 終於唔係困喺屋企 我哋今日選擇咗喺佐敦行廟街 行到咁上下好肚餓囉 一於喺廟街入面兩旁搵嘢食我哋千挑細選之後揀咗呢間丼瀛 係食日本嘢㗎 我同男朋友都超鍾意食日本嘢上openrice睇過原來佢中環同埋觀塘都有分店晚飯時間好鬼爆場呀 由於冇book枱嘅關係 喺門口等咗陣 職員好快就安排咗我哋入座餐牌嘅嘢食夠曬多 選擇多羅羅 有刺身，壽司，前菜，燒物，鍋物…… 總之你諗到嘅都應該有 而且價錢仲一啲都唔貴㖭 非常合理安格斯牛肉壽喜鍋$118足夠兩人份量 上枱嘅時候熱辣辣 重出曬煙㗎鍋中仲有隻生雞蛋 正安格斯牛肉厚度適中又有咬口 半肥瘦 唔嚡口 點買啲蛋汁食正到爆仲有我最鍾意嘅芋絲喺入面㗎 吸曬啲甜甜地嘅湯汁 好入味串燒就叫咗燒牛舌$38同埋燒羊架$68牛舌夠彈牙 入口有種回彈嘅感覺羊架十分推薦 好香嘅香草味道 脂肪油份十足 好多肉汁龍蝦刺身爆丼$218 基本上見到每一台都食緊呢個龍蝦飯 賣相超吸引 入面嘅材料做好豐富 有原隻大龍蝦有 一隻溏心蛋 起碼有四種唔同刺身 同埋一大堆三文魚子說說龍蝦吧 龍蝦肉夠彈牙 餐廳已經起埋肉超細心龍蝦頭嘅膏超鮮甜 甘香無比 食到我舐舐

睇相握 like Ok，食物質素差，價錢根本唔值，冇下次海膽唔新鮮冇味、龍蝦🦞雪到（啲肉好梅），用檸檬汁癖龍蝦嘅腥味，食是重有好多雪水，刺身都係唔新鮮，重需過放題。