繼光香香雞 (Closed)

小妹知道旺角街頭美食是很賺錢的，所以絕對不會幫襯有些熟食小店賣廿多元一小碗的牛雜！之但係這間由台灣發展過來的炸物小店，小妹都要試一試台式口味啦！看到樓下的網友＂Tracy L " 的食評，她post的是2017年2月26日光顧，當時的蒜脆杏鮑菇售HK$25一小包，而小妹則在剛剛一年(365天)前 (2016年2月27日，因為2016年2月29日喲！光顧同樣食品，只售HK$24，只是一年物價又升了！人工呢！？一小包的蒜脆杏鮑菇，也要等15分鐘，因為是即點即做的，而且這裡還有大批街客買炸雞等食物，以銷量來說，炸雞當然是獨當一面啦，不過杏鮑菇作為配角，就不是經常吃到，小妹怕吃炸雞太肥而點了杏鮑菇去解肚餓。熱哄哄的出品，我特別叫店員少放些味粉，因為想吃原汁原味。不過，原來下點味粉是有需要有幫助的，因為我認為雖然這杏鮑菇大大粒有咬勁，內裡充滿菇類的鮮味汁液，但是因為杏鮑菇偏淡口味，還略為有少許菇類的苦味，故此，加上味粉會將這種寡味再豐富些。

今日打算去花墟買花，不過因為有少少肚餓，決定先去花園街附近食少少野先。出太子站之後行到去涼茶舖，見到有唔少人在繼光香香雞外等候和排隊，所以膽粗粗買左一份小的炸杏鮑菇 （$25）。另外買任何炸物，可以優惠價$5 加購一杯飲品。因此我還點了一杯水果茶，一共$30。因為大部分食物都係即叫即炸，所以我們等了5-10分鐘才拿到食物。等待期間，你可以看到店員如何炸食物。店員會問你要多辣，我選了中辣但是覺得辣只度是普通而已，下次會選大辣。食物炸好後，店員才加調味粉。我建議加調味粉時應該盡量轉下角度撈下d菇，依家只係加左調味粉在一面，另一面無味。不過整體d菇又真係幾好食嘅。又香口又脆卜卜，外脆內軟。如果下次經過會再買一份來食。飲品就係糖水加水，一早已整好哂放係雪櫃。味道都OK ge, 加$5 有一杯所以我都唔會要求太多。

台灣出哂名嘅炸雞到今時今日先有機會試繼光香香雞 (150g) 即點即炸 雞件炸到香酥鬆脆內𥚃仲保存住肉汁 好正配搭五香粉香氣撲鼻雖然價錢真係有d貴 份量尚可接受不過味道真係好惹味

睇住啲雞放咗喺保溫箱無人理，之後個女仔將放咗十幾分鐘、已經唔熱嘅炸雞俾另外一個客同我，我要求個女仔俾啲剛剛炸好嘅俾我，個女仔話唔得，凍就可以換俾我，大姐，你放喺保溫箱點會凍先，不過唔熱嘛，最離普個女仔仲可以大大聲話自己都係打工啫，又要收錢又要載雞，佢都無辦法！

很欣賞這裏的炸雞, 唔油膩, 吃完你會發現連紙袋也很乾爽, 讚!炸粉緊緊掛滿每件炸雞, 炸粉加調未料, 不太咸, 又不沾過量粉漿。點了大辣, 辣粉平圴分佈。 雞肉也不會太乾, 內質一絲一絲, 有質感。服務態度也好, 不錯的旺角街頭小食推介。

繼豪大大雞排後, 繼光香香雞可算係第二個過江龍雞排興起之後真係周圍都係🐔食品香香雞原於台灣, 分店有好多, 真係又平又抵食! 開喺香港始終因為租金關係價錢相對地比台灣貴.. 平日晚關係, 人流都唔算太多好快就有得攞😋 $26/$38/$50 👈🏻分店價錢如下相比起台灣, 香港分店嘅份量真係明顯少好多中size 既香香炸雞＄38價錢都幾貴, 中份既炸雞份量到紙袋既一半😭食落外脆內軟! 雖然係炸雞不過食落完全唔覺得油膩😱雞真係炸到好脆到通透😍😍😍👍🏻咬落啖啖雞肉, 肉質細嫩可口而且仲可以看到雞肉係一絲絲嫁! 另外叫左少辣, 辣粉加強左原味香香雞既口感層次, 而且食落有少粉刺激舌頭, 好過癮! 😋👍🏻

雖然旺角有咁多小食店但係繼光香香雞嘅地位確係不可動搖最鍾意食個炸雞30%辣以吾食得太辣嘅我來講岩岩好辣辣地非常之爽最重要係所有雞即叫即整 好新鮮入袋嗰時仲會有個電子榜計着幾重包保冇洩底

之前喺葵涌食過覺得好正同朋友行街見到旺角分店忍唔住口走去買返份一樣要等到天荒地老即炸嗎無計等左10分鐘多啲等到了食落口點解無肉汁架，明明之前喺葵芳食肉汁超多仲要唔有啲甩左外皮軟淋淋眼見炸果個應該係老闆（無著制服）點解品質差咁遠架...失望而回

之前係台灣食過繼光香香雞後 已經成日好想去台灣再食平時少行依條街 今日比我係香港見番繼光香香雞超級開心 就買左份大香香雞+小辣比錢時間好快 但係店員係即炸d雞等佢炸都等左10分鐘 不過唔緊要 好多食客陪我一齊等繼光香香雞終於到手 味道同係台灣食既無分別雞肉炸得透 件件啖啖肉 味粉充足好食過任何既炸雞呀

一向都唔鍾意炸野，但朋友極力推介繼光炸雞，所以決定一試。去左旺角店，離遠已經一陣炸雞香味傳黎。店前大約有5、6人排緊隊，俾錢買非再等野食。用$28蚊買左份細炸雞粒，拎上手好熱，簡直燙手，而且好大陣五香粉味，好香。袋入面有竹簽，因為雞件份量切得剛剛好，所以好易拮。食一口，哇，好香。外皮炸得金黃，但入面雞肉好嫩滑，而且醃得好入味，真係好好食。估唔到街邊野咁有水準，唔怪得之咁多捧場客。

有幾種辣度可供選擇，分別有大辣，中辣，小辣微辣和正常合共四款。是次買了小辣，但個人覺得也算辣，辣的調味粉帶小許甜味。外皮不夠脆，同一粒外皮已有些位置脆，有些位置不脆脆皮不夠脆，而且雞肉不夠嫩反而有小許霉，整包雞塊好像沒有雞腿肉，只有雞胸肉外皮不夠脆，可能是放在袋裏吸了水氣所至，但豪大大雞排同樣放在袋裏，沒有透氣孔，拿出來吃，卻整塊雞排吃到最後仍然是脆，即使沒有開吃時那麼脆，但也不會有淋的的感覺。而且豪大大雞排雞肉比較嫩。

為左慶祝考完試，要買個香香雞黎賀一賀。香香雞 🐤🐤 小份 HKD 26繼光香香雞係我每次去台灣必食的食物之一(我係香香雞之后👑☺️)，其實我覺得佢的鹽酥菇很好食啦，炸雞也不差喔。 香港當然吾及台灣正宗嫁啦。不過佢都保持到裡面雞肉嫩口，而且佢的香香雞有別岀面，就係佢冇用到大量薯粉黎炸，外面吾會好"鞋"，其他地方ge香香雞都好食，但往往會食到個舌底損哂👅，但其實食得太多都太膩啦，所以叫小份share食都足夠。不過吾食得辣就吾好要辣，因為我要左微辣都已經辣到噴火🔥

繼光繼光繼光雞嚟到香港喇！之前去台北西門町就食過一次，人龍真係不斷呢！西門町店店員會用一啲我地聽唔明嘅台話不停叫口號，雖然唔知佢地叫乜，但都係特色一種，而且都帶旺氣氛哦！反而嚟到香港之後就冇左嗰種另類又令人懷念號口號，可能香港員工唔識講台語啦。 繼光雞座落於西洋菜街一小店，旺角地鐵銀行出口上前行少少就會見到佢個標誌，對！認得的首先係佢個標誌雞～過江龍到香港反而氣勢不及台灣，但依然會有一條小人龍，唔知味道係咪同台灣食過嘅一樣呢？已經急不及待！香香炸雞分別有小$26，大$38兩個size,咁耐冇食，當然要嚟一客大size啦。 雞肉炸得啱啱好，顏色金黃得好吸引，香味更令人涶涎！而且雞肉size啱啱好，一口一件⋯⋯⋯等等，雖然size係一口一件，但千奇唔好一啖就放入口，如果唔係就大檸樂喇！因為佢係超新鮮炸出嚟，相當熱辣辣！咬開雞肉會飄出熱煙，而且雞汁保留得好好，一啲都唔乾！分有大中小辣同唔辣，我就中意加小辣，令雞肉更加惹味！雖然係小辣，但真係會愈食愈辣，好正！！ 下次出旺角會再食！繼光雞繼光雞，唔使特登去台灣先可以食到喇

蒜脆杏鮑姑 ($26) :睇個包裝好細甘, 原來分量都幾多, 有10幾粒. 而且紙袋加膠袋, 方便乾淨整潔.好香脆, 層皮好薄, 食落唔油唔膩. 揀左少辣, 唔會過辣又惹味.即叫即炸, 超級熱辣辣, 食時要小心. 杏鮑姑咬落先脆香, 後多汁杏鮑姑. 不過就食唔出有蒜香.

這間來自台灣的「繼光香香雞」，賣的食品不多，除飲品外，就只得「香香炸雞」和「蒜脆杏鮑菇」兩款。買來即叫即炸，完全不辣的小「香香炸雞」（$26）回家，約有八至十件的炸雞香氣襲人，而且口感和味道還真不錯。只下了胡椒粉，沒下辣粉的炸雞雖然已不再燙熱，微溫的炸雞仍然讓人吃得出肉質軟嫩，而且還有肉汁保存，味道也濃淡得宜，令人滿意，要是可以趁熱吃的話，一定會更加好味。