Jacomax (Closed)

正宗意大利pizza每次等巴士都經過呢間pizza店, 都會被佢裡面的牆畫和擺設吸引, 會停落黎望多幾秒, 今晚就和朋友黎試下佢d食物。就系呢1隻巨型彩色馬了, 還有其他牆畫都好靚! 還有見到好多酒樽, 呢度除左晚餐之外, 應該都系收工後happy hour嘅好地方。我同朋友都系芝士控，所以點左芝士4重奏pizza。一上台已經有好濃烈既芝士香味, 雖然配料唔多, 但已經可以滿足到我地呢d芝士狂徒。一口咬落去, 好juicy, 仲可以拉絲添!仲有系蒜蓉包, 我地叫左蕃茄醬蒜蓉包, 平時食得多淨蒜蓉，今次試下加左蕃茄醬的，另有一番味道。唔知系咪咁岩，我地呢1客既蕃茄蒜蓉包系心型的，真系相機食先。烤雞亦，炸得夠乾身, 又脆又juicy, 唔錯。煙三文魚意粉, 但我地改左配長通粉, 個汁味道有點似卡邦尼汁，跟三文魚也很夾。我地食飽了, 諗住休息一陣傾下計先走, 服務員好窩心地送上1小杯爆谷, 讓我地邊傾邊食, 服務一流!

灣仔一帶食肆林立，由日月星到大道東以至船街，一向都係高檔次美食匯聚之地。謝斐駱克以至軒尼斯，大眾平民化到不同類型的餐廳亦林廊滿目。今晚與柑太一試正宗意大利薄餅Jacomax，之前有唔少介紹話午飯時段有薄餅放題，但我們則在晚上入坐，因為覺得食放題的話太趕又要和其他打工仔逼，選擇晚上來可以好好享受食物的風味。晚上入坐時，客人不算太多，而且差不多全是外籍人士，侍應安排了我們坐較入的卡位，即時發現店舖的裝潢非常有新派藝術館的風格，無論是擺設、坐位、以及牆上的裝飾，都與眾不同，不單吸引視線，現在可以欣賞到別具一格的藝術品，實在是餐前的一件樂事。當我們在細閱餐牌時，侍應給了我們一杯爆谷，入口香脆，而且在朱古力漿點綴下，風味特別。我們之後點了忌廉蟹肉長通粉、香烤黑椒雞翼、T-REX(13")以及一杯青檸梳打，而此時侍應問我們要不要將T-REX的一半轉另一種口味，我肥柑子食左半世薄餅都係第一次聽到原來可以整叫整烤既薄餅都可以玩雙併，於是將T-REX一半改做藍芝士蘋果，這樣便可以多試一款口味而不會太單調，最後發覺這個決定絕對明智。忌廉蟹肉長通粉($140)忌廉汁蟹肉分外美味，黑芝麻粒咬開後惹味，為忌廉汁

今次好開心食到呢一間想食好耐嘅西餐廳，因為佢而家午餐做緊一個限時70分鐘任食既 promotion，所以座無虛席，基本上你冇訂位就一定無位入邊地方雖然唔係好大，但係座位之間嘅空間都係好多，我哋一行四人一坐低就已經即刻叫嘢食頭盤方面我哋基本上咩都試，佢嘅香烤黑椒雞翼好惹味，而且雖然係黑椒，但係唔會話好辣，另外德國香腸拼盤烤得好好味，外皮係香脆，裏面有肉汁！薯角方面份量都算幾多，而且唔似係一早炸定晒喺度，因為上枱嘅時候都係好熱同埋好脆沙律選擇佢有兩款，我哋選擇咗火箭菜車厘茄，材料好新鮮而且車厘茄好清甜，好開胃最後主角係薄餅同埋意粉，薄餅分量唔算話好大，四個人就啱啱好一人一件，咁就變咗可以食多幾款，薄餅好香芝士味，整體黎講以佢嘅價錢可以任食，性價比算好高

今日和太太往灣仔Jacomax食pizza自助餐, 這裡自助餐除有主角pizza外, 還有頭盤, 沙律、意大利粉和飲品一杯提供。我們頭盤點了香烤蒜蓉包, 香烤黑椒雞翼、德國香腸拼盤和意大利凍肉拼盤；意大利粉點了卡邦尼意粉；pizza我們點了意亂情迷和藍芝士蘋果pizza；最後飲品飲了雪碧和泰式梳打水。香烤蒜蓉包蒜蓉味名, 面包入口香脆, 食落美味；香烤黑椒雞翼雞翼肉質鮮嫩, 黑椒味濃, 食落惹味；德國香腸有脆皮腸和香草腸兩款, 前者食落彈牙, 後者香草味濃, 食落惹味；意大利凍肉拼盤賣相吸引, 有巴瑪火腿和沙樂美腸, 前者入口即熔, 鹹味適中,後者辣味適中, 食落惹味；卡邦尼意粉份量十足, 煙肉鹹度適中, 忌廉味道香濃, 黃醬味道十足,意粉爽滑, 配上黑椒能帶出意粉美味, 配菜沙律菜食落爽口, 整份卡邦尼意粉好足料, 口感豐富美味；主角pizza我們點了意亂情迷和藍芝士蘋果pizza, 意亂情迷pizza是9吋pizza, 材料有芝士, 蕃茄、磨菇、沙樂美腸、燈籠椒、巴瑪火腿和橄欖,pizza餅底香脆, 食落美味, 芝士味濃、蕃茄開胃、沙樂美腸和巴瑪火腿味適適中, 食完不會感到口乾、磨

口味真的會改變！前陣子很喜歡吃日本菜，每次外出非日本料理不可，要知道女孩子吃太多生冷食物不好，吸取教訓後，最近轉戰披薩。餐廳環境幽暗，裝潢走率性風格，水泥牆和水晶燈飾，還有隨意懸掛的畫作，舒服的沙發座，環境舒適，適合與朋友把酒吃披薩一整晚。原來餐廳平日中午和下午茶時間，以及假日中午推出放題，任食薄餅、意粉、沙律等，價錢不過$100多，的確很划算。可惜我來晚了，只可以吃晚餐。點餐不久便奉上一杯爆谷，使我忍不住一直吃。⭐️Mojito$78這杯雞尾酒酒味很淡，加入酒、青檸和梳打水，很易入口，有淺淺的薄荷香味。⭐️蟹肉沙律配清新菠蘿$128蟹肉配搭菠蘿，啖啖蟹肉配搭沙律菜，配搭新鮮有新意，配上黑醋，吃起來清新爽甜。⭐️ 藍芝士蘋果薄餅13’$150餅皮濕潤Q軟。且帶麵香，有著豐富的嚼勁，上層的蘋果非常香甜可口，芝士香氣四溢。嚐一口，蘋果中和了芝士的鹹香，吃起來清甜富有奶香，非常有新鮮感呢！▫️餐廳用餐環境不錯，類似酒吧，可以跟朋友一邊聊天一邊喝酒，披薩的味道也不俗，有機會再來。

周五收工同舊同事HappyHour，最緊要係咩，緊係近！有酒飲、有嘢食落肚。坐落即刻有popcorn食下先，yeah！TGIF！一過八點半就無HH價，一坐低即刻催個friend揀嘢飲，如果唔係咪好唔抵我問待應哥哥有咩易入口嘅酒推介，本來想叫白酒～但佢話佢地手工啤酒好特別，同埋有好多隻酒都無乜啤酒味，good～梅味啤酒🍻又真係無麥味喎，好重梅味，好似飲梅酒咁桃味酒我無記錯呢個唔係啤酒，係屬於Apple cider個類，當飲果汁咁飲，好味呢到pizza可以叫雙拼，可以貪心啲叫兩款又唔驚食唔哂藍芝士蘋果mix黑松露個藍芝士蘋果真係不得了，蘋果夠薄，食落唔覺食緊蘋果，但蘋果嘅甜味夾雜藍芝士嘅咸味，好好食。藍芝士個份量拿捏得好好，唔會話怕佢臭。黑松露就相對普通啲，但個餅底相當唔錯，係超薄身脆脆餅底。唔係講笑，真係即整即食。廚師哥哥好嘢。望住佢整連食慾都增加咗！可能薄批好薄，食完竟然唔夠飽最後加咗個千層面，好食啊，芝士全部都係芝士！好juicy唔會乾爭爭！最怕千層面焗到乾哂呢一餐真係超滿意，下次要再encore！試多幾款pizza再寫review

Happy Friday 當然要對自己好啲啦，中午時份一行3人去試食，我地蒙蒙下唔知啲食物幾錢就中左入去，問左waiter原來係一個fixed 價錢但就可以任叫野食，枱面有一疊紙就好似日本放題咁想食咩就係張紙上面剔，食物唔算好多但樣樣都好吸引。座位幾舒服，空間感亦闊落，環境佈置都幾chic, 食物質素唔錯，份量十足，雞翼好好味，cold cut會按人頭比返3 sets你 ， 沙律同pizza 大大份，一啲都唔hea, 包一杯飲品，以百幾蚊價錢係灣仔食到肚爆非常之化算。食物雖然種類唔算好多，但個肚仔容量有限，始終試唔哂所以食物，如果多人去就唔錯，可以試哂咁多款野食

今日公司可以收早，約咗個朋友喺灣仔食個早一點的晚餐，在修頓球場附近，軒尼詩道找到一間正宗意大利薄餅餐廳，朋友想飲番杯Happy Hour。入內環境舒適，轉個彎入到去有一個幽靜的角落，有梳化，好適合傾計。點完菜，店員會送上一杯爆谷，不錯呢!點了杯紅酒 ~Chianti organic La rondine，容易入口，香醇。這餐廳的薄餅可以選擇兩種口味合併，我們點了個13吋Quattro Stagioni春夏秋冬拼Crudo意大利風乾火腿火箭菜薄餅，春夏秋冬芝士香濃，黑欖鹹鹹地，美味，風乾火腿配火箭菜很合適呢，正宗意大利風味。另外選擇了Blue Mussel in Weiss Beer 德國麥啤煮藍青口，青口浸在香濃啤酒湯，好香酒味，青口清甜，大家吃到停不了口，最後連兩塊索滿湯的法包也吃掉。下次多些人來，可以試多些其他菜式: 沙津，雞翼，意粉及薄餅。

母親節應該要點慶祝?好多人選擇去食中餐，一家人為埋飲茶，傾吓計咁。今年嘅母親節就特別啲，呢日甘啱同屋企人行開灣仔，見到呢間小店做緊Pizza放題，仲係意大利廚師新鮮炮製的手拉薄餅，就一於入嚟食個痛快。有別於家庭風格的溫馨裝潢，這間突破傳統框框，走搞鬼藝術路線，牆上的水晶燈東歪西倒，連名畫的人像也被趣怪的動物代替，玩味十足。一坐低，急不及待立即叫了一個藍芝士蘋果薄餅。等左10幾分鐘，新鮮熱辣辣的pizza終於來到，餅底又薄又香脆，上面鋪了一層軟熟的芝士和新鮮蘋果片，熱辣辣的Pizza傳來一陣陣藍芝士的飄香，雖然藍芝士份量不多，但足以發出強烈誘人的香氣。如果有多些拉芝效果，以及煙韌的口感，相信整體效果會更好。一個Pizza點會夠，立即點了另一客意大利薄餅。不過這一款的味道比較普通，雖然餅底依然香脆，但材料沒什麼特別，都是bell pepper 辣肉腸芝士番茄片等等，見驚喜不大，最後還是叫了多一個藍芝士蘋果Pizza。除了Pizza愛，這個放題也有沙律，各款頭盤，和小食選擇。最大回本位很可能是香烤雞翼。每一隻雞翼都超級肥美，每隻都脹卜卜，雖然雞翼也要等差不多10分鐘，但新鮮烤出來外皮卜卜脆，

火鍋、日式、韓燒放題就試得多，與同事在灣仔修頓球場附近見完客發現這間all you can eat 店，$128任食！跟日式放題餐廳差不多，也是用點菜紙。主要分四大種類。任食的午餐包每人一罐汽水，但我們加$15，轉飲凍檸茶和凍咖啡。最想食的pizza，一個九寸，共有五款選擇，問了店員，pizza一個有八件、我們點了意大利火腿白菌和暴龍。餅底造得很好，連薄餅邊都好味！意粉有三種選擇，我們見份量不少，只點了一個香辣煙肉意粉。意粉的軟硬度適中，茄汁好味。作為食獸的我，點了德國香腸拼盤和香烤黑椒雞翼，腸已切件，烤得很香口，雞翼也醃得好。雖然説限時70分鐘，但午飯時間，食完就走，而且上菜速度也快，時間絕對足夠，而且所有食品的質素也高，我們食得不多但已很滿足，如果食得多的朋友會更抵！

之前同朋友講起好耐無食過pizza，佢就帶左我黎灣仔呢間意大利餐廳，呢間餐廳同普通意大利餐廳唔同，佢地主廚係意大利人，連其他食客都係外國人，配合埋個裝潢，個感覺好似去左外國咁。一開始點完菜就送個免費爆谷俾我地，見到佢地有個小小既爆谷機好得意之後叫左啲小食，有蒜蓉包同香烤黑椒雞翼，兩個都非常出色，蒜蓉味完全滲透晒整個麵包，但又非常香脆可口而雞翼就外脆內嫩，黑椒味又唔會太重喧賓奪主而我地既期待既煙三文魚pizza果然無令我地失望，唔似一般餐廳落過量芝士，芝士份量同煙三文魚既比例配合得剛剛好，而餅底亦非常酥脆。下次想食pizza既時候一定再黎呢度！

之前系上灣分店食過覺得幾好食，呢日中午就嚟左lunch, 原來宜家轉左任食形式，有幾張紙任叫任食，有小食、pasta、pizza同沙律，選擇唔太多但食落好足夠！沙律好fresh夠哂健康！香口既蒜蓉包！雞翼外層有啲脆內裏好juicy!薯角更加令人驚喜，熱辣辣新鮮炸起，非常脆口，裏面軟綿綿，加埋辣辣地既調味粉，好惹味！另外要左香辣煙肉意粉，醬汁茄味極濃，但唔夠辣，辣啲就更好！Pizza 方面要左意大利火腿白菌pizza，薄薄既pizza邊位脆脆，中心部分軟綿，上面鋪滿mozzarella 火腿同白菌，香噴噴到不得了，高水準！飲品方面較特別既有泰國梳打，邊飲梳打邊食pizza，簡直系人生一大樂事！

朋友家姐之前時喺上環食過呢間Pizza ,覺得好好食，一直推介我哋去試。咁岩喺灣仔見到呢間pizza店就試吓係咪咁好食。呢間Pizza嘅種類都多，問咗店員有咩介紹，佢就介紹左最出名兩隻薄餅。一個係T - Rex 暴龍，一個係gorgonzola&ape 藍芝士蘋果薄餅。因為我哋得兩個人叫兩個Pizza實食唔晒，我哋諗緊點算好嗰陣，店員介紹話可以一半一半，可以根據自己嘅喜好選擇組合，師傅會就即場整個Pizza。我哋最後叫咗一半T -Rex 一半藍芝士蘋果薄餅。師傅整緊嘅時候仲可以即場睇曬成個過程，都幾得意。同埋雖然即場整，但係都好快手就有得食。藍芝士蘋果超級好食，好啱女仔食，因為甜甜地，芝士味啱啱好，又有口感，大推！暴龍Pizza呢就係咸嘅，佢嘅料都幾多架，都唔錯食，不過男仔就會鍾意多啲啦。另外我哋都叫支水果酒Linesman peach ，都係店員介紹架。超級適合女仔，酒精唔高但係甜甜地又有少少酒味，同Pizza超夾。呢間Pizza真心覺得好食，而且裝修都好有格調，我哋仲發現咗原來一幅大油畫係話畫緊Star Wars。同埋佢嘅設計都好舒服好啱情侶或者朋友坐低一路食嘢同傾計，推介！ ！

好多人都會選擇係母親節食中菜，一家人為埋一齊食餐好嘅，我屋企就特別啲，屋企人鍾意食快餐，係母親節一個特別嘅日子都唔會放過任何一個食pizza嘅機會，所以今日經開灣仔，家人決定一齊去食pizza放題，吃個痛快。餐廳地點方便，近軒尼詩道大馬路，灣仔港鐵站B1出口轉左行幾步就到。餐廳室內佈置幾搞鬼，外表睇落典雅，細心D睇每一幅名畫都有啲搞笑元素，例如個人頭係隻狐狸，牆上的水晶燈也擺放得東歪西倒，玩味十足。等左十幾分鐘，終於有第一個Pizza上枱喇藍芝士蘋果薄餅濃烈的芝士香味撲鼻而來，脆卜卜的pizza餅底上鋪滿了一層金黃色的芝士，還有幾片蘋果片，中間還塗上了一層蜜糖，令表面充滿光澤，令人急不及待開動。芝士沒有太煙韌的口感，但還是有點拉絲效果，重點在於芝士香氣濃烈，主要來自藍芝士，芝士和蘋果片的配搭有意想不到的驚喜，清新得來又有意式風味。雖然這是一個Pizza放題，但意粉和頭盤也是音色的、下圖是德國香腸拼盤和香脆薯角，在這裏要特別大讚德國香腸高質素，非常juicy，味道不太鹹，絕對係係外國百貨公司買到嘅質素，是一大回本位。香烤黑椒雞翼也值得推介，每一隻都十分肥美，外皮卜卜脆，裏面爆曬汁，jui

大約兩年前食過呢間既Blue Cheese Pizza,令一直接受唔到blue cheese 既我大開眼界！發現到原來藍芝士原來都有吸引之處😂今次一於約埋好友黎食！餐廳座位不多，地方亦算寬闊；裝潢帶點歐陸風，好適合三五知己來小聚！餐前有免費爆谷，微甜，帶牛油鹹香，傾傾下計唔經唔覺都食哂，好吃到想再添😂藍芝士蘋果薄餅 13” $130薄餅皮薄得來亦富有口感，藍芝士份量不多，輕輕帶出味道，Mozzarella Cheese 入口濃郁，配上酸甜的蘋果片，清新又去膩。食過幾次都keep到👍🏻意大利媽媽肉醬千層麵$138肉醬綿滑，充滿茄香，千層麵口感軟韌。用法包沾著肉醬來吃，更加滋味。蟹肉沙律配清新菠蘿$12包蟹肉鮮甜帶海水鹹香，配上不同的沙律菜、車厘茄、菠蘿， 很有熱帶風味。餐飲點了Tequila Sunrise 酒味恰到好處，是夏日炎炎之選！