翠園 (荃新天地) (Closed)

今日放假同朋友黎翠園飲早茶，叫左個早晨孖寶$49：鳳爪排骨飯+潮州粉果。鳳爪排骨飯用煲仔盛載，排骨紅未熟，剩係食得出醃料嘅味。因為未熟透嘅關係，我同朋友決定放棄排骨只食鳳爪。好耐冇食潮州粉果所以今日決定嗌。潮州粉果皮較厚，但厚得黎唔會硬。最突出嘅餡係粉葛。粉葛好爽口。

星期日去飲下午茶，要因為大概等咗咗20分鐘到左右，見到張點心紙上邊有兩樣點心幾特別，就嗌來試吓～都唔平要$48，一個叫做牛油果沙律蝦角，令一個係天鵝造型嘅芋角。芋角凍冰冰但係炸物，實在係唔好食～牛油果沙律蝦角個皮比較厚，味道冇特別..其他點心例如蝦餃燒賣就不過不失啦，不過整體來講實在偏貴另外，啲枱痴得好埋，準備於其他翠園，都坐得幾迫。

星期六去荃新天地翠園飲早茶。叫左鳳爪排骨飯、濃湯雲吞、豬腳薑和牛肉球。鳳爪排骨飯用煲盛載，豉油分開上。鍾意豉油分開上，食客可以自己按自己嘅口味決定落幾多豉油。排骨未夠熟，重紅紅地。質地太腍。飯唔夠乾，較濕潤。排骨同埋鳳爪本身嘅醬汁已經浸曬入飯裏面，剩係醬汁嘅味道已經好夠，唔使加豉油。見佢有個濃湯雲吞$48。問店員有幾多粒，佢話有8粒。一於叫個試下。雲吞大小適中，咬兩啖就食完一粒，幾鮮甜。$48係小食價錢。細細粒，同朋友或者家人每人食幾粒過下口癮都不錯。豬腳薑份量都幾多。蛋有兩粒。豬腳啖啖肉。薑醋又甜又酸。薑好大嚿而且好辣，辣得滯飲番啖薑醋可以中和番。牛肉球夠腍，食得出莞茜味，咬開見到餡料重有蔥。加埋喼汁食份外滋味。鍾意黎呢間翠園係因為鍾意佢呢度環境舒適，唔會太嘈，可以同朋友邊食邊傾，優閒咁嘆下茶～🥰

簡直玩嘢！星期六下午茶時間過嚟，未到3:00，點知叫咩食佢都話冇！想叫個脆皮燒腩仔、XO醬炒腸粉，全部都冇！跟住仲要服務員態度勁差！啲嘢又難食左勁多，好似個蘿蔔糕咁，好似煎完咗擺喺度好耐先至攞上嚟俾我哋食，極度唔新鮮，而且環境勁迫，加塊膠板就當隔開晒啲人，搞到啲枱勁迫🤯咁耐冇黎食，點知得個貴字，仲要食咗一肚氣！唔會再幫襯了！

翠園做緊堂食68折優惠，因此和朋友一行四人去聚聚。星期四的晚上，差不多坐滿了人客。待應不算多，要點菜也需時等等。我們點了三餸一湯蟹肉瑤柱羹南乳粗齋煲鮮蝦炒大良鮮奶菠蘿咕嚕肉上菜時間也算快，熱騰騰的佳餚，賣相精美，餸菜美味可口。我比較喜歡咕嚕肉大良鮮奶沒有奶味，反而覺得似蛋白多。粗齋煲很重南乳香味，菜料也十足份量！因為打折関係每人只需百多元，尚算超值翠園給市民印象良好，餸菜佳餚皆色香味俱全，下次可以和朋友再來試試

見到宣傳話主餐牌半價，仲要星期一至日都有，即刻選定一日同屋走企人試吓。對上一次嚟呢間荃新天地嘅翠園晚飯，已經好似係好多年前嘅事，今晚book 7:00到來，唔駛等就已經可以入得，枱與枱之間足夠一點五米距離，入門口亦都有量體溫同埋搓手液，呢方面做得好當然要讚。但是，當一開先問佢攞個酒水牌，侍應竟然話冇，我相信屋村酒樓都應該會有，酒水嘅價錢牌係顯示佢哋有啲乜嘢啤酒汽水同埋價錢係啲咩，呢啲嘢好基本。拎起個餐牌點菜，七點點菜都話有啲已經賣晒，跟住點左三四個餸先，轉個頭又話其中兩個又賣晒，跟住又點過，諗住叫五道菜，叫完又改。以為終於點完，隔10分鐘後又話頭先點嗰樣嘢冇，其實呢個集團想點呢，係唔夠豬肉定唔夠牛肉？試過一次我相信未來呢幾年我都唔會再去，呢啲特價做得唔好根本係搞衰自己個品牌，而我相信我亦都短期內唔會再去。

今日突然好想食點心，於是搵來方便泊車的荃灣荃新天地商場嘅翠園，由於疫情關係，服務員會幫你先探熱， 才可進場！除咗叫普通嘅蝦餃, 燒賣，鳳爪，蝦腸，當然要叫一啲特色嘅點心，就係鮑魚燒賣、芋頭角⋯外觀精美，但其中奶皇包不太熱，有點失色！其他點心都好好味😋

约左朋友星期六食晚飯但又吾想限時又要坐得舒服，食中餐最好不過。朋友想食美心集團，所以我地揀左荃新天地翠園，仲可以電話訂位。雖然翠園比一般美心貴少少，但食物質素都高啲，整體食物好味而且份量也不少。我地兩個人都叫左吾少食物。但最尾全單都不用五百元，因為朋友有張AE信用卡，有六折優惠，真係好超值。另外員工服務態度都好好，還主动幫我們拍照。最终我們由晚上7点坐刭差不多十点半，真係一個可以好好相叙的晚餐。唯獨欠缺甜品供選擇。

除夕夜，一行4人到酒樓共聚晚餐，預祝2020來臨，希望來年一切順順利利🥳🥳🥳。翻過餐牌，比較抵食的算是4位用的片皮鴨餐，4餸1湯，價錢$538-，未包茶价及加一服務費。每碟份量足，叫多個白飯，就食到飽飽啦，我最喜歡的是翡翠蝦仁炒蚌片及片皮鴨喔！侍應效率高，上菜快👍🏽，不用食吓等吓！翡翠蝦仁炒蚌片，大大隻彈牙蝦仁，蚌片鮮味，煮出好味道用麽麽皮包著青瓜及片皮鴨食，口感毫不肥膩，不錯不錯！蒜香黑豚骨，味道好的但外層略嫌乾身！生菜片鴨崧，用心裁剪後的生菜更容易盛載鴨崧。白菜仔荳腐鴨骨湯，湯夠清而味夠濃，材料多，足似多一碟餸😋

一班朋友到翠園食晚餐，呢間環境唔錯，服務都幾好，啱朋友聚會。食物味道好，材料新鮮，燒鵝燒肉都好好味！蝦球新鮮彈牙！豆腐煲嫩滑入味！開心美味的一餐，一定會再幫襯！

中秋過後。。和家人聚餐。。見HSBC有優惠。。問左可以叫。。咪叫個6人餐加D小菜食物份量尚算ok...但出菜速度都好快。。快到要我到夾埋兩件。。方便佢收碟。。冬瓜盅你想添飲畤。。你等下啦。。但到佢要收番個盅時。。佢又會吾理你佢夾硬装多碗出黎灘凍佢。。想換碟及碗。。等下啦。。好。。講番食物質素冬瓜盅味道淡如水。。啱哂老人家鮑魚算有D味。。鴛鴦雞係雪雞肉。。😔翡翠苗好草青味。。😔其他就尚算ok一句講哂。。。冇下次完

We come for lunch. Waited quite a while for the first dish to come. It is the Pan-fried rice rolls with XO sauce. The favour is extra light! You could imagine if you expect this with XO sauce but in fact you cant really feel it, then you will be disappointed. So we ask for the captain to give us some more sauce, however he said it need to order for this extra. We are so disappointed about this.

好想舒舒服服咁飲茶，雖然貴少少，都決定去翠園，因為真係想坐得舒服啲。好耐冇嚟過呢間，枱與枱之間嘅空間窄左好多。心裏面有少少失望。一入座嘅時候，就有人問我哋要飲咩茶，我哋禮貌咁答左佢。然後另一個人又走來問，於是乎我哋又好有禮貌咁答左佢。跟住有第三個人走來問，我費事佢哋重複開茶，好心同佢講，已經有人跟進緊。點知俾第三個人一句得埋嚟，話我而家問你你就答我啦。剛好，第一個人已開咗茶走返過來，跟住第三個人即刻行開咗，我就同返第一個疑似經理嘅人講，你哋都幾冇禮貌個喎。經理連連道歉，我冇再出聲。可能心情影響左食慾，覺得佢啲出品麻麻哋。叫咗一個好似叫做春卷腸粉，咬落去係硬嘅，而且一啲都唔脆。非常後悔。四式燒賣賣相都幾靚，叫做幾特別，可以一籠食到四個款。個流沙包就好失望，就咁睇相，都睇到佢充滿窿窿，唔知係咪番蒸又番蒸，個麵包皮好硬。結論，環境唔係好舒服，服務令人好失望，出品亦沒有驚喜，甚至係驚嚇。應該有段時間都唔會再嚟。

所我發覺比起鮑魚燒賣，原來我更喜歡最原始既大蝦燒賣🥰隻鮑魚有啲腥，變想連累埋下面粒燒賣。芋角算失敗，亦係成餐令到我呢個芋頭迷失望而扣大分既位！先唔講佢好似完全無芋蓉咁濟，我連入面係咩餡都食唔出，好似食緊一堆咸咸地既薯蓉咁，不了🤥真係想知香港邊到會有正芋角食。腸粉麻麻地，最大死因係皮唔夠薄，不過蝦幾新鮮而且都幾大隻。與其話係粉味，不如話佢係縮水版蝦餃x菜餃，重點係無乜味😂定係師傅特登俾我地用嚟清一清個口陣腥味？呢味野點解會夠膽死收$34🥴呢到既奶皇包同燒賣都好味既，無乜點溝肥豬肉同魚肉，但食完之後真係好口渴...🙈唔敢想像佢地放味精/鹽既分量多寡，應該沒有下一次吧哈哈！喺荃灣飲茶都係去番好彩最穩陣。

翠園眾所週知都係一間唔算平既酒樓，但估唔到原來平日既下午茶係非常抵食，一個飯加一個點心只係$49，有機會真係多d黎食。鳳爪排骨飯+春蛋滑燒賣（$49）排骨飯份量絕對唔細，起碼分到4-5碗。餸既份量亦都正常，無話特價所以得好少餸，抵讚至於春蛋燒賣，呢個懷舊美食，呢到都整得唔錯皮薄料靚粟米魚肚粥+仿翅瑤柱餃（$39）又係一個抵食孖寶，最正係粥配上油炸鬼，好少有酒樓係有咁既安排。粟米同魚肚份量超多，每啖都食到呢兩樣材料仿翅瑤柱餃，非常少既地方有得食，今日一試就愛上，會再黎食呢一個消失中的點心叉燒腸（$36）非常差，厚粉，真係仲厚過我塊面皮，以後唔會再食呢到既腸粉棉花雞（$28.8）大愛，因為棉花唔係普通魚肚，值頭似花膠，咬落去完全感受到果個骨膠原，超正，呢個滿分💯